ليه بتبكي دلوقتي ؟

[TADO2010]

ليه بتبكي دلوقتي ؟

عشان واحد بتحبه مات ؟؟​

ما تخافش و امسح الدموع دى يالا ...​

ده اللي انت بتحبه موجود دلوقتي في مكان ما فيهوش الم ​

في مكان ما فيهوش دموع و لا احزان ​

وفيه ايدين ما فيش احن منها بترعاه​

و زى العريس كل الملايكه ملفوفه حواليه و فرحانه بيه فرحه ما تتوصفش​

و....​

ضرورى حايزعل لو عرف انك بتبكي.. في يوم فرحه​

ليه بتبكي يا اختى ؟؟​

عشان واحد بتحبيه مريض مرض خطير و ممكن يموت ؟؟​

لا ..كده ما يصحش ..​

لان جسده اللي بيتالم موش بتاعه و لا بتاعك​

و ضروري فيه نهايه لالم الجسد ده ​

لان المسيح حنين و بيصعب عليه يشوفنا بنتالم ​

اهم حاجه طمنيني ..​

..يا ترى روحه اللي هي اهم من الجسد عامله ايه ؟؟ ​

وازاى صحتها ؟؟؟ ​

موش كويسه و الحمد لله و الدكتور يسوع لما شاف التحاليل قال ان الروح سليمه و مش مريضه بحاجه و انها كويسه و ممكن تروح السما ؟؟؟​

يبقي الحمد لله...ما فيش خوف..و من فضلك ماتبكيش بقه تانى​

بتبكي ليه انت كمان ؟؟​

سقط في الامتحان ؟؟​

اترفدت ؟؟​

موش لاقي شغل ؟؟​

ايه الكلام ده ؟؟.....​

انت ما تعرفشي ان لكل شئ في حياتك جدول زمني معمول من قبل انت ماتتولد​

و لازم كل حاجه تتم في الميعاد المحدد ​

لكن استني..عندى لك فكره..​

انت ممكن تروح الكنيسه ...​

والكنيسه مش هي بس المبني اللي جنب بيتكم اللي عليه صليب ​

حتلاقي هناك واحد شكله راجل طيب قوى ​

اسمه يسوع المسيح ​

لكن لازم يكون نظرك كويس عشان تشوفه​

لان عميان كتير بيروحوا هناك و موش بيشوفوه ​

و برضه بيرجعوا حزاني و يقولوا فين هو ؟؟؟؟؟؟؟؟؟؟؟​

ما شوفناهوش هناك​

اصل الخطيه عمت عينيهم و خلت نظرهم ضعيف​

مع انه بيبقي قاعد قدامهم و في وسطهم طول الوقت​

لكن بس اللي نظرهم قوى هم اللي بيقدروا يشوفوه ​

فلو قدرت تشوفه هناك ..تبقي المشكله اتحلت​

بمنتهى البساطه...​

قول له ....​

انت عارف كل احتياجاتي.. من قبل ما اتكلم​

و عارف اني باتالم ​

اكيد حايعيد النظر في جدول حياتك الزمني​

و يغير لك المواعيد​

اصل كل حاجه في ايده لانه الكل في الكل​

لكن اوعي تنسي تشكره لما يقضيلك حاجتك ​

و تقدم له حياتك هديه بسيطه متواضعه​

وده اقل من الواجب​

و اذا كان نظرك لسه ضعيف​

فيه دوا حلو خالص لتقوية النظر ​

و بيتوزع مجانا​

و موجود في كل بيت مسيحي ​

اسمه ​

الكتاب المقدس ​

 

[+Nevena+]

موضوع وكلمات معزيه جداااااااااا
واسلوبك بسيط ولذيذ
فعلا كنت محتاجله قوووووووووي

تسلم ايديك يا تادروس
يسوع يعوض تعب محبتك خير
​

 

[TULiP TO JESUS]

ياااااااااااااااة يا تادو
كلام معزي وجميل جداااااا

الرب يبارك حياتك

موضوع يستحق التقيم​

 

[TADO2010]

موضوع وكلمات معزيه جداااااااااا

واسلوبك بسيط ولذيذ
فعلا كنت محتاجله قوووووووووي​

تسلم ايديك يا تادروس
يسوع يعوض تعب محبتك خير​

مــــــــــــــــــــــيـــــــــــــرسى جدااااا ليكى يا نوفا

على كلامك الرائع دا

انا المهم عندى ان الموضوع عجبك

ربنا يبارك حياتك,ويعوض تعب محبتك

 

[قمر النهار]

كلمات رقيقة واسلوب رقيق فعلا

بس ليا تعليق بسيط خالص حاسة ان الكلام مش مترابط مش فيه انسجام


هو الكلام حلو خالص والفكرة رائعة بس ناقص النغم اللى بين الكلام الموسيقى


حاول تانى وهنتظر منك المزيد والمزيد ربنا يوفقك​

 

[النهيسى]

كلمات فى منتهى الروووعه

وتدعوا للسعاده

شكرا​