لمن يجرؤ

[ميرنا]

من الفتاه التى لفتت نظرك بشخصيتها ؟(الكليه_ النت _ العمل)

من الشاب الذى لفت نظرك بشخصيته ؟(الكليه_ النت _ العمل)


ما هى موصفات فتتاه احلامك وهل لقيتها فى شخصيه تعرفت عليها؟

ما هى موصفات فتى احلامك وهل لقيتيه تعرفتى عليه ؟

هل تعجب بشخصيات لقيتها فى النت ؟

كم امراءه رايتها مختلفه فى نظرك؟

كم رجل لقيتيه مختلف فى نظرك ؟

اذا كنت صدمت فى حبيبك يوما ورايت من ياخذك الى عالم الحب مره اخرى هل تذهب معه ام تصده وتمانع ؟

من الشخصيه التتى تتمنى ان تكون القريبه دائما اليك ؟

اذا لقيت فتاه احلامك هل تحدثها ام تتركها تشعر بها؟

اذا لقيتى شاب احلامك هل تقولين له ام تتركينه يشعر بها؟

هل انتى مما يتركون غنى والمال لاجل فتى احلامك ؟


هل تحب وتخاف ان تبوح لها بمشاعرك ولماذا تخاف ومن اى شىء؟


كيف تكتشف انها تحبك ؟

كيف تكتشفى انه يحبك ؟



اخيرا ردو بزمه

 

[Yes_Or_No]

ممكن اجاوب يا ميرنا ؟؟

 

[Yes_Or_No]

انا هجاوب حتي يومي هذاه لاني بصراحه مدخلتش لا كليه ولا اشتغلت

من الفتاه التى لفتت نظرك بشخصيتها ؟(الكليه_ النت _ العمل)

النت - بنات في نفس سني و دارستي
+++++++++++++++++++

من الشاب الذى لفت نظرك بشخصيته ؟(الكليه_ النت _ العمل)

مش هقدر اقول النت لان النت كتير فيه الناس ما بتكدب و بتقول حاجات غير صحيحة زي كدا بالظبت فانا بشجع في الحته دي الكليه و العمل بس

+++++++++++++++++

ما هى موصفات فتتاه احلامك وهل لقيتها فى شخصيه تعرفت عليها؟

اول حاجه تكون جميله قوي مفيش زيها في الموضه قبل اي حاجه تكون طيبه قوي
مش بتسأل كتير تكون حنونه و حاسه بيا صادقه دايما في اي حاجه كدا يعني اما لقيتها دي يعني لقيتها في بنات كتير بس مش في دماغي ان الشخص ده اللي لقيته اقدر اكمل معاه ...

++++++++++++++++++++

هل تعجب بشخصيات لقيتها فى النت ؟

زمان كنت بعجب و بالذات في بنات انا عرفتها علي النت بس في الاخر كنت بلاقيهم اخوات اكتر

حكايه الحب دي حاجه بقت علي النت حاجه مش صادقه او مش بتبقي صادقه في كل الاوقات مش اكتر بس ........

++++++++++++++++++

كم امراءه رايتها مختلفه فى نظرك؟

في نظري كله واحده لحد ما الاقي الانسانه اللي هقدر اعيش معاها طول حياتي

+++++++++++++++++++

اذا كنت صدمت فى حبيبك يوما ورايت من ياخذك الى عالم الحب مره اخرى هل تذهب معه ام تصده وتمانع ؟

لماذا امانع ؟؟؟ لدي حياه اعيشها و كذالك حبيبي اللذي تركني له حياه ... المهم اني افكر صح
واقدر اقتنع ان عمر ما الدنيا هتقف علي انسانه سابتني او لو انا فتاه عمر ما الحياه هتقف لو حد سابها او حبيبها سابها لاي ظرف ........
+++++++++++++++++

من الشخصيه التتى تتمنى ان تكون القريبه دائما اليك ؟

امي ثم اختي ثم صديقتي ان كان لي صديقه

+++++++++++++++++++++++++

اذا لقيت فتاه احلامك هل تحدثها ام تتركها تشعر بها؟

سوال محرج جدا ولكني لن اجاوب لاني لما القي حبيبتي حتي الان

++++++++++++++++++++++

 

[Coptic Man]

من الفتاه التى لفتت نظرك بشخصيتها ؟(الكليه_ النت _ العمل)

النت لاني بحتك بالعديد من الشخصيات وبطريقة اقرب واهدئ من مجال الدراسة او العمل

ما هى موصفات فتتاه احلامك وهل لقيتها فى شخصيه تعرفت عليها؟

1- تكون بنت بابا يسوع وبتحبه جدااا وبتحب تخدمه بكل الطرق

2- تكون ذكية و يفضل علي اعلي درجة من الثقافة علشان بحب الحديث العلمي يعني بحب اتناقش واحكي في الامور السياسية والاجتماعية من وجهة نظر علمية سليمة

3- تكون مرحة ودمها خفيف وتقدر تكون علاقات اجتماعية بسهولة ( لاني فاشل في النقطة دي )

4 - تمتاز بالموضوعية وعدم السطحية ومش بتؤمن بالخرافات والكلام الفاضي ولا الكلام اللي مش ليه معني ولا لزوم

5 - تكون بتحبني وده اهم حاجة اكتر مما انا بحبها

6- تكون بتفهمني وبتشعر بيا بدون ما اتكلم كتير

- وجدته في بعض شخصية او شخصيتان علي الاكثر في النت

هل تعجب بشخصيات لقيتها فى النت ؟

بالطبع ما الذي يمنع النت وسيلة ليس الا

ممكن اتعرف بيها علي حد وبعدين انا ازود المعرفة دي

كم امراءه رايتها مختلفه فى نظرك؟

3 انواع

1- الجميلة التي تمتاز بالغرور وليس يوجد في عقلها ثقافة مستقلة مجرد راس جميلة فارغة ( ولو ناجحة في دراستها )

2- التي تمتاز بالعقلية الثقافية الكبيرة ولكنها غير مهتمه بنفسها وبتبقي مهلهلة الثياب زي ما بيقولوا وبيتملكها الغرور برضه للثقافته او مكانتها العلمية ( الدراسية )

3 - الجميلة التي تمتلك الثقافة المتوسطة وبتمتاز بالبساطة ودي من افضل الشخصيات اللي عرفتها

اذا كنت صدمت فى حبيبك يوما ورايت من ياخذك الى عالم الحب مره اخرى هل تذهب معه ام تصده وتمانع ؟

- بالطبع هيكون مش بالسهولة اننا اذهب معه لعالم الحب مرة اخري لاني كل مفاهيمي ونظرياتي اتغيرت الي حد ما ولابد من دفعة شديدة ليا او يكون بيحبني جدااا لدرجة يلغي مقاومتي ان وجدت

من الشخصيه التتى تتمنى ان تكون القريبه دائما اليك ؟

- الشخصية اللي بتحبني ودايما بتهتم بيا وباحوالي كافة

اذا لقيت فتاه احلامك هل تحدثها ام تتركها تشعر بها؟

- اتركها تشعر بذلك لاني من الشخصيات الخجولة في الموضيع دي :wub:

هل انتي ممن يتركون غني ومال من اجل حبيبك ؟

- حبيت ارد علي السؤال ده بالذات واقول ماهما قولتوا انك مستعدين بتيجي فترات يا اما بتندموا لو رفضتوا بالفعل يا اما مش بترفضوا لما تيجي فرصة مناسبة ودي رؤيتي عن طريق خبرات عديدة مريت بيها

هل تحب وتخاف ان تبوح لها بمشاعرك ولماذا تخاف ومن اى شىء؟

الي حد ما ويرجع ذلك الي عدت بنود

1- ان ترفضني او تكون لاتفكر في الامر

2- ان يكون شخص في حياتها

3- ان اخسر صداقتها

4- اني لا اقدر ارتبط بيها

كيف تكتشف انها تحبك ؟

1- الاهتمام الكبير بيا سواء دراستي او معيشتي او صحتي او عالمي باكلمه

2- التحدث مع الاخرين عني الاصدقاء مثلا

3- اشتياقها انها تتكلم معايا دائما

4- الاهتمام با اسرتي

5- عدم الملل من التحدث معي

6- انها تشعر بيا بدون التكلم

اخيرا ردو بزمه

اتمني اكون رديت بزمة يا بطة :smil12:

 

[†gomana†]

موضوع جميل اوى يا ميرنا وردود الشباب حلوة اوى
وبالذات موننا تفكيرك حلو اوى وعن تجارب بتتعلم منها
ربنا يبارككم

 

[ميرنا]

لا يا جيجى اللى يدخل هنا يرد مش يقول حلو ولا لاء ردى بقا

 

[†gomana†]

بكرة ارد عشان مش مركزة ياعسل

واولا الموضوع ده ولادى مش بناتى
ههههههههههه

 

[ميرنا]

لا يختى بناتى وولادى محل مشترك مول يعنى

 

[†gomana†]

انت اتعلمتى من البت دودو ازاى تزنقنى الناس
طيب ياختى هاردلك بكرة

 

[ميرنا]

ماشى يا جيجى انا هسكت لحد متردى بس

 

[†gomana†]

انا هاقلب الاسئلة بناتى عشان الاخت اللمضة ميرنا

من الفتى التى لفت نظرك بشخصيته ؟(الكليه_ النت _ العمل)

​

ايام الكلية مفيش وفى الشغل مفيش .. انما النت مفيش غير واحد او اتنين


ما هى موصفات فتى احلامك وهل لقيتيه فى شخصيه تعرفت عليها؟

الحقيقة عايزة الشخص الطيوب اللى يفهمنى ويحسنى من غير مااتكلم وربنا يكون اول واحد فى حياته .. ولاقيتها فى اخوات اتعرفت عليهم بس مش كله برده تلاقى فيه كل المواصفات


هل تعجب بشخصيات لقيتها فى النت ؟

اكيد

كم رجل لقيتيه مختلف فى نظرك ؟

​

كتير وساعات بيبقوا دماغهم بايظة يعنى معقدين وكدة

اذا كنت صدمت فى حبيبك يوما ورايت من ياخذك الى عالم الحب مره اخرى هل تذهب معه ام تصده وتمانع ؟​

​

اصده وامانع طبعا هو بيلعب بيا ولا ايه ... لبانة انا ولا ايه.. اديله على دماغه

من الشخصيه التتى تتمنى ان تكون القريبه دائما اليك ؟

​

امى طبعا لانها فاهمانى جدا وبتحس بيا جدا وصديقتى جدا


اذا لقيتى شاب احلامك هل تقولين له ام تتركينه يشعر بها؟

​

اتكلم معاه واشوف دماغه ماشية ازاى

هل انتى مما يتركون غنى والمال لاجل فتى احلامك ؟

يعنى ايه السؤال ده مش فاهماه .. ممكن تفهمينى ده

هل تحب وتخاف ان تبوح لها بمشاعرك ولماذا تخاف ومن اى شىء؟

الحقيقة انا مجنونة جدا ومتهورة فى مشاعرى ممكن اقوله لو حسيت انه بيحس بيا
وممكن مش اقوله على حسب بس يهمنى انى اشوفه دايما مبسوط مش مهم انا اقوله او لاءة
اخاف انى ممكن اخسر طيبة الفلب ديه فى الشخص ده

كيف تكتشفى انه يحبك ؟

​

لما احس انه بيهتم بيا دايما فى سؤالاته عنى وعن اسرتى
احس انه بيحس بيا جدا وبيفهمنى


اخيرا ردو بزمه

ادينى رديت بزمة اهو ياختى
لما نشوف ردودك بقى ياعسل
​

 

[ميريت]

​

الموضوع لذيذ يا ميرنا
انا اترددت كتير قبل ما ارد
بس قلت مبدهاش اشمعني هما

من الفتى التى لفت نظرك بشخصيته ؟(الكليه_ النت _ العمل)​

الكليه مش ليا تعمل مع ولاد لاني بتكسف من دبان وشي
النت الاحتكاك فيه اكبر بس بحس انه معظمهم مخهم صغير
وبيقفلو عي حجات هيفه زيهم بس ممكن يكون النت
لان حتي زمايلي الي بكلمهم ع النت بشوفهم بصوره تانيه غير الجامعه عشان طبعا حاجز الكسوف بيتشال
العمل انا مش بشتغل ومليش احتكاك بالناس اوي​

الرد النت

ما هى موصفات فتى احلامك وهل لقيتيه فى شخصيه تعرفت عليها؟​

مواصفات فتي احلامي انه يكون
1- طيب جدا جدا جدا
2- يكون مدردح ويعرف يتعامل مع الناس كوس عشان انا خيبه
3- مش مهم يكون قمور بس المهم شخصيته تكون جزابه
4- انه يكون بيحرم البيت والاسره ويكون قد المسؤليه
5- انه يعرف يعاملني كويس بحيث انه يبقا مخليني زي العجينه ف ايده يشكلها زي ماهو عاوز بحيث انه يرتاح ويريحني ب
س الي يقدر بقا يعمل كدا
6- يكون ابن ربنا اوي مش بالمظاهر لا بقلبه

اما نقطه لقيته ولا لاء دي نو كومنت​

هل تعجب بشخصيات لقيتها فى النت ؟ ​

اكيد

كم رجل لقيتيه مختلف فى نظرك ؟​

بصراحه مش كتير
لاني بشوف تفكير الولاد كتير بيبقا سطحي ومش بلاقي كتير ولاد بتفكر بمطقيه
والمشكله انهم حسين انه البنات هي الي مخها فاضي

اذا كنت صدمت فى حبيبك يوما ورايت من ياخذك الى عالم الحب مره اخرى هل تذهب معه ام تصده وتمانع ؟​

بصراحه مش عارفه
بس اعتقد اني لو اتصدمت مش هحب تاني بسهوله
لانه المشاعر دي لما بتطلع مش بسهوله انها ترجع تاني
الي يخرج بيرجع قسوه وخوف من اي انسان يقرب
​

من الشخصيه التتى تتمنى ان تكون القريبه دائما اليك ؟​

الشخصيه الي اتمني انها تكون قريبه مني هي فعلا قريبه مني وانا بسوطه بصداقتها جدا جدا لانها بتخاف عليا اكتر من اي حد هي ميرا صحبتي الانتيم​

اذا لقيتى شاب احلامك هل تقولين له ام تتركينه يشعر بها؟​

بصراحه مش هقله
هسيبه حس حس محسش هيبقا من اعجاب من طرف واحد
لكن عمري ما هقوله ولا حتي هديله اي تصرف يعبر اني معجبه بيه​

هل انتى مما يتركون غنى والمال لاجل فتى احلامك ؟​

هههههههههههههههه مهما جاوبت محدش هيدصق
قلت لاء هيقولو دي بتتريق
قلت اه هيقولو دي بترد الرد المثالي الي المفورض الكل يقوله​

هل تحب وتخاف ان تبوح لها بمشاعرك ولماذا تخاف ومن اى شىء؟​

لاء بصراحه مش اقوله
ولا حتي احسسه اني بحبه او حتي هو علي بالي
​

كيف تكتشفى انه يحبك ؟​

بصراحه انا انا مبحاولش اخمن
لان كل الي بيتعامل معايا بيتعامل معايا علي اني عيله
يعني بيدادو فيا وممكن دا يتفهم غلط
فمش بحاول اخمن
انا بيتقالي ف وشي علطول
ينزل عليا سهم الله ووشي يحمر ومعرفش ارد​

اخيرا ردو بزمه ​

انا رديت اهو يا ميرنا فين ردك انتي بقا​

 

[ميرنا]

عشمانين انى ارد منك ليها متعشموش بس فى كام سؤال يا جيجى مفهمتيهوش

اذا كنت صدمت فى حبيبك يوما ورايت من ياخذك الى عالم الحب مره اخرى هل تذهب معه ام تصده وتمانع ؟


اصده وامانع طبعا هو بيلعب بيا ولا ايه ... لبانة انا ولا ايه.. اديله على دماغه


هل انتى مما يتركون غنى والمال لاجل فتى احلامك ؟

يعنى ايه السؤال ده مش فاهماه .. ممكن تفهمينى ده

السؤال الاول مش الحبيب هوا هوا لا واحد تانى خدك لعالم الحب هارضى

انا التانى فمعانه انك ممكن تكونى بتحبى واحد وجايلك واحد مستواه المادى كويس جدا وتسيبه علشان حبيبك

 

[الرائحة الذكية]

من الشاب الذى لفت نظرك بشخصيته ؟(الكليه_ النت _ العمل)

من خلال الكلية اكيد لان النت ده تسالى ومعارف لا تدوم إلا نادرا ..وإذا دامت تكون صداقات فقط.


ما هى موصفات فتى احلامك وهل لقيتيه تعرفتى عليه ؟

فتى احلامى ..شخص محترم ومؤدب ..شخص لا يدخن ..شخص ذو شخصية قوية وجذابة(ليس بالضرورة جمال الشكل)..ذكى وفطن....شخص لبق وذو مركز علمى محترم ومثقف..رجل بكل معنى الكلمة...
ولكنى لم أعثر عليه حتى الآن ..بس هايروح منى فيييييييين ؟!! مسيرى اشنكله ..:t31:

هل تعجب بشخصيات لقيتها فى النت ؟

نعم قد اعجب ببعض منها ولكنى لا احكم عليها حتى اراها على ارض الواقع ..

كم رجل لقيتيه مختلف فى نظرك ؟

بصراحة لم اجد حتى الآن ..

اذا كنت صدمت فى حبيبك يوما ورايت من ياخذك الى عالم الحب مره اخرى هل تذهب معه ام تصده وتمانع ؟

اذهب معه طبعا ..

من الشخصيه التتى تتمنى ان تكون القريبه دائما اليك ؟

أصدقائى وعائلتى..


اذا لقيتى شاب احلامك هل تقولين له ام تتركينه يشعر بها؟

اتركه حتى يشعر بنفسه ولكن ان لم ينتبه لن اعترف له .. سوف اتركه يذهب مع الريح لانه اذا لم يشعر بى من تلقاء نفسه يبقى مش هايشعر بى ابدا..

هل انتى مما يتركون غنى والمال لاجل فتى احلامك ؟

لا اعتقد .. ولكنى قد اضحى بالمال من اجل شخص يحبنى حقا..


كيف تكتشفى انه يحبك ؟

عن طريق المعاملة والأفعال..



اخيرا ردو بزمه

شكرا ليكى يا ميرنا

 

[†gomana†]

اه
السؤال الاولانى مشعارفة ايه اللى هايحصل ساعتها

انما التانى

هاخد اللى بحبه لانى الحقيقة مش بيفرق معايا واحد معاه فلوس او غيره اللى يهمنى واحد مرتبط بربنا وبقلبه وبيحبنى وبحبه

اصل لو واحدة هاتاخد واحد غنى هاتعمل بيه ايه بعد كدة اصل الفلوس والشقة الكبيرة والعربية دى تفاهات مش كل حاجة

شكرا ع الموضوع وعايزين ردك على الاسئلة يا حلوة

 

[ميرنا]

ميرسى يا ناردين وميريت على ردودكم الجميله دى

لسه شويه يا جيجى عبال مرد

 

[ramyghobrial]

من الفتاه التى لفتت نظرك بشخصيتها ؟(الكليه_ النت _ العمل)

الحقيقة انا اعجبت بواحدة في الجامعه وواحدة مش موجودة هنا في الاختيارات الاجبارية دي:spor22:

ما هى موصفات فتتاه احلامك وهل لقيتها فى شخصيه تعرفت عليها؟

مواصفات فتاه احلامي ودي اكتر حاجة نفسي فيها انها تكون بسيطة في كل حياتها في لبسها في فكرها في طريقة حلها للمشاكل في كل حياتها بسيطة
وتكون بتحب ربنا ودي حاجة اساسية
واكيد تكون بتفهمني وبتحس بيا وبمشاعري

هل تعجب بشخصيات لقيتها فى النت ؟

اكيد طبعا

كم امراءه رايتها مختلفه فى نظرك؟

اكيد اللي حبتها

اذا كنت صدمت فى حبيبك يوما ورايت من ياخذك الى عالم الحب مره اخرى هل تذهب معه ام تصده وتمانع ؟

كلمة صدمة مش حاجة هينة معنى ان حد اتصدم من حد يعني خلاص انتهت بالنسباله فمعتقدش اني ممكن اعيش تجربة معاها تاني

من الشخصيه التتى تتمنى ان تكون القريبه دائما اليك ؟

اكيد صاحبي وانتيمي وبعدين حبيبتي تيجي تحتل مكانة

اذا لقيت فتاه احلامك هل تحدثها ام تتركها تشعر بها؟

الاتنين هاحاول اكلمها واحسسها بيا بس هاتبقى حاجة صاعبة بالنسبالي

هل تحب وتخاف ان تبوح لها بمشاعرك ولماذا تخاف ومن اى شىء؟

ممكن لو مكنتش بتحبني اخسر صداقتها ودي اسواء شيء ليا في الدنيا اني اخسر صديق حتى لو كان صديق بعيد بس هاتضايق جدا لو خسرتها كصديقة فمش هاقدر ابوح بمشاعري الا لما اكون متاكد مية مية بالمية انها هاتتقبلني

كيف تكتشف انها تحبك ؟

معتقدش اني اذاي اكتشف موضوع انها بتحبني دة يتكتب ويتحدد بقوانين واساسيات يتبع عليها لا ملوش محددات ابدا

 

[Coptic Man]

عجبتني ردود ميريت احييكي الصراحة

بس برضه عاوز اعرف رائيك ها تتنازلي عن مال لاجل الانسان اللي بتحبيه في المستقبل ان اضطرتك الظروف بكل امانة ؟؟

 

[artamisss]

ها هاها عملنا عليكو كمااااااااااااااااااااااشه يا شباب النيل انا وميرنا م ش هانعتقكو من الاسئله :boxing:
اديله ادى اديله ادى :smil15:

 

[ramyghobrial]

واية يعني الاسئلة هي عيب ولا حرام يعني
ومين دول اللي يتنزقو الولاد
ياعيني عليكم دة انتم غلابة والله يابنات:boxing:
...............
شكلنا هانضرب:t19: ​