يا هلا يا هلا ...
نيفين رمزي على الكرسي... يا مرحبا يا مرحبا
اهلا اهلا ومرحبا يا محامينا العزيز
اه انا علي الكرسي اتفضل معايا
نبتدي ...
وماله نبيتدي احنا بنخاف ولا بنخاف يعني
اتفضل يا باشا
السؤال الاول: ينقسم الى خمسة اسئله..
بس ومالك جاي علي نفسك كدا ليه
هههههههههه
1-اتعرفتي ازاي على المنتدى و امتى بالتحديد؟؟
اتعرفت عليه لما كنت بدور علي ترنيمه ولاقيته فيه
قولت لما اشوف المنتدي بس حظي الجميل دخلني قسم الكتابات
ولاقيت خواطر لمشرف المرشد الروحي طارق
عجابتني قووووووووووي ومن وقتها قررت اسجل واشترك فيه
نفس يوم تسجيلي بالظبط
2-كلمينا عن ايجابيات وسلبيات المنتدى من وجهة نظرك؟؟
الايجابيات : طبعا الكل ملاحظ التطور المستمر اللي ماي روك عمله في المنتدي
وبجد ربنا معاه ومع كل القائمين عليه
بس اهم حاجه لاحظتها بجد ويارب تفضل بينا هي المحبه
اللي بين الاعضاء والمشرفين والادمن
بجد انا مش شايفه سلبيات
وربنا يحافظ علي المنتدي
3- أمنياتك للمنتدى؟؟
انه يكون اكبر منتدي تبشيري مسيحي علي مستوي العالم
ينشر الدين المسيحي الحقيقي
4- أكتر قسم قريب الى قلبك؟؟
قسم الكتابات
5-أكتر شخصيه حبتيها وأكتر شخصيه كرهتيها في المنتدى؟؟
بصراحه مفيش ولا شخصيه هنا ما تتحبش
لا مش بكره حد
السؤال الثاني: ينقسم الى عشرة أسئله:-
عشرة بجد
ياراجل ابقي زود شويه انت بخيل ولا ايه
هههههههههههههه
1- ايه رأيك في الحب؟؟ وايه رأيك في حب الانترنت؟؟
الحب : بالنسبه لي كل الحياة ومقدرش اعيش من غيره
حب النت : موجود طبعا بس للناس اللي بتعرف قيمة الحب وتقدره
والاهم انه بيكون انسان صادق مع نفسه قبل ما يكون صادق مع الطرف التاني لان الصدق دا بيكون اساس العلاقه الصح
وطبعا بعد كدا لازم الحب يأخد المجري الطبيعي ليه
مش يفضل حب نت للابد وخلاص
2- بتحبي في قصة حب ولا لسه؟؟
اه طبعا
3- مواصفات شريك حياتك؟؟
اهم صفه احبها فيه اني اكون كل حياته
يعني الاهتمام ثم الاهتمام ثم الاهتمام
ويكون واثق منه نفسه ومحترم
ويعتمد علي نفسه
4- اجمل صفه في شخصيتك واسوا صفه في شخصيتك..طبعا من وجهة نظرك؟؟
اجمل صفه مش عارفه بس الكل بيقولوا علي : ان قلبي طيب قووووووووووي
واسوا صفه : العصبيه بجد نفسي اتغلب عليها
5- ايه اول حاجه بتلفت نظرك في الشاب؟؟
ثقته بنفسه
6- الكلمات ديه بتمثل لك ايه ؟
- الكذب :شيطان في صوره انسان
-النفاق : انسان بلا ضمير
-الخيانه : موت
-الاخلاص : اساس الحب
-الوفاء : اجمل ما في الوجود
-الغدر : دمار
-الحب : الحياة
7-تحبي تختاري شريك حياتك بقلبك ولا بعقلك ولا الاتنين؟ ليه؟
للاسف انا بختار بقلبي قبل عقلي
والسبب / اني رومانسيه جدا
8-شايفه المستقبل ازاي؟
طبعا هو بايد ربنا
بس انا شايفه اني هيكون اجمل من اللي فات
9- اسعد لحظه في حياتك واحكيلنا عنها؟؟
اللحظات اللي بعشها دلوقتي
احكي ايه
دي عايزه سنين
10- اسوأ لحظه في حياتك واحكيلنا عنها؟؟
لحظه وفاة ابويا
السؤال الثالث:ينقسم الى ثلاثة اسئله:-
اتفضل يا باشا هو في حد يقدر يقولك حاجه
1-اكتبي 10 رسائل الى 10 اعضاء .. وهتكتبي فيها ايه؟
هما مش عشره بجد دول كتير
1- طبعا حزب الغلاسه : زعيمنا وليم تل : وتوامي الجميله نيفين ثروت : بجد مش عارفه اقولكم ايه انتم اغلي اخوات عرفتهم في حياتي رينا ما يحرمني منك ابدا وبحبكم قوووووووووووووووووووي
2- البت العسل الشقيه اللي غايبه عنا بسبب الدراسه : يارا : ربنا معاكي يا جميل وعايزين مجموع عالي كدا
3- شعله المنتدي بقي بنوته عسل بجد : جيلان : اهدي يا بت شويه
4- العضو سيزار : بجد انت انسان رائع ربنا يوفقك
5- العضوة الجميله واللذيذه : انجي : بقولها انتي انسانه رقيقه قوي وربنا هيكون معاكي يا قمر متخافيش
6- البنوته الشقيه برضه والجميله توتي : يابنتي ابعدي عن جيلان
7- العضوة فونتا لولو : ياقمر الكل بيحبك هنا بس منتظرين مواضيعك الجميله وتواجدك اكتر وسطنا
8- العضو كوكومان : وجوجو : ربنا معاكم بجد ويسامحك يا كيرو روح بس تعالي بسرعه
9- لكل اعضاء المنتدي : ربنا معاكم ويبارك حياتكم ومنتظرين مشاركتكم دايما علشان المنتدي يكبر بيكم
10 : العضو المحامي بتاعنا مينا : منك للي كلت دراع جوزها
2-اكتبي 3 رسايل الى 3 مشرفين .. وهتكتبي فيها ايه؟؟
3 بس دا فيه مشرفين كتير
وعلشان مفيش حد يزعل
انا بقولهم كلهم بحيكم علي مجهودكم الملحوظ في الاقسام
وربنا يبارك خدمتك
1- مشرف المرشد الروحي طارق : انت انسان جميل جدا ومحب للكل وبجد لولا وقوفك معايا ماكنتش بقيت هنا دلوقتي
2- دونا نبيل : بجد انتي شخصيه جميله وكتابات رائعه منتظرين المزيد والمزيد منها ويبارك يبارك حياتك
3- كاندي : بجد انا بموت فيها رغم اني معرفهاش اللي عن طريق مواضيعها بجد ربنا يحميها وتفضلي تمتعينا بمواضيعك الجميله والهادفه
3-اكتر شخص بتحبيه واكتر شخص بتكرهيه في المنتدى؟؟
متكرر في السؤال الاول رقم 5
فقره اعلانيه... ونرجع لبعض تاني :d