*&*& لقاء مع KokoMan &*&*

[ارووجة]

لقاء مع KokoMan

سلام ونعمة
مرحبااا ياغاليين


اليوم هنتبدى لقاء جديد مع شخصية ظريفة
من الاعضاء النشيطين... ربنا يباركه

العضـــو المبـــارك​

KokoMan​

اهلا وسهلا بيك اخي نورت الموضووووووووع

وهنتبدى بالاسئلة التمهيدية​

اسمك الاول

عمرك

بلدك

مهنتك\دراستك

هواياتك

طموحك​

بتقدر ماتجاوب عالاسئلة الشخصية
بتمنى من الجميع التفاعل بطرح الاسئلة
ربنا معاك اخي ^_^

 

[M a r i a m]

لولولولولولولى
كوكو مان باشا بحاله هنا؟
نورت ياكوكو بجد
ويارب الكرسي يكون على قدك
طبعا انا داخلة بس اشمت و اطمنك انى هنا واخيراااااااااا هاخد حقي
هيييييييييييييييييييييييه
يلا انا جيت اسلم بس والاسئلة فى السكة​

 

[engy_love_jesus]

اهلا اهلا اهلا

نورت يباشا الكرسى اوعى بس تتكهرب وانت قاعد

انا جاية اشمت بس لحد ما احضرلك شوية اساله كدة

وارجعلك ياجميل

 

[KOKOMAN]

سلام ونعمه يا احبائى
اولا احب اشكركم على ثقتكم الغاليه وانكم اخترتونى ان اكون موجود معكم اليوم على الكرسى
وابتدى بحل الاسئله علشان الحق اخلص دول قبل الالى جاى
هههههههههههههههههه

اسمك الاول
كيرلس

عمرك
18سنه و9شهور

بلدك
مصر (الاسكندريه )

مهنتك\دراستك
طالب بأكادميه العلوم قسم حاسب آلى

هواياتك
القرأه والاعمال التجاريه


طموحك
نفسى ابقى رجل اعمال
واقدر افيد كل الناس

مرسىىىىىى ياباشا على الاسئله الجميله دى
فى انتظار اى سؤال اخر وانا مستعد للاجابه ​

 

[KOKOMAN]

لولولولولولولى

كوكو مان باشا بحاله هنا؟
نورت ياكوكو بجد
ويارب الكرسي يكون على قدك
طبعا انا داخلة بس اشمت و اطمنك انى هنا واخيراااااااااا هاخد حقي
هيييييييييييييييييييييييه

يلا انا جيت اسلم بس والاسئلة فى السكة​

ههههههههههههههه
اهلا يا يارا
منوره الموضوع
ماتقلقيش الكرسى على قدى
هههههههههه
اهلا بيكى ويارب تكونى ديما هنا وبخير
وبالنسبه لحقك فادى فرصتك
وربنا يستر عليا واطلع من هنا بخير
نورتى ياباشا ​

 

[KOKOMAN]

اهلا اهلا اهلا

نورت يباشا الكرسى اوعى بس تتكهرب وانت قاعد

انا جاية اشمت بس لحد ما احضرلك شوية اساله كدة

وارجعلك ياجميل

اهلا بيكى يا انجى
ماتقلقيش الكرسى مافيهوش كهربه
بس صليلى اطلع من هنا وانا بخير
هههههههههههه
حضرى اسئله براحتك
نورتى الموضوع ​

 

[dodoz]

يا هلا يا هلا
نورت الكرسى ياكوكومان
انا هسألك شوية اسئلة بسيطة خاااااااااااالص
يلا جهز نفسك

1_ايه اكتر ايه بتحبها؟
2_ايه اكتر مقولة او مثل بتحبه؟
3_ايه اكتر حاجة بتفرحك؟ وايع اكتر حاجة بتضايق؟
4_مين شفيعك ؟
5_مين اكتر انسان قريب ليك؟
6_هل تكرهت او اتخانئت من حد فى يوم من الايام؟
7_ايه شعورك دلوقتى و انتا على الكرسى؟
8_ايه اكتر حاجة بتتمنها دلوقتى؟
9_ايه رأيك فى الاسئلة ديه؟

يلا بسرعة جاوب
فاصل و نعود
​

 

[KOKOMAN]

يا هلا يا هلا
اهلا بيكى ​

نورت الكرسى ياكوكومان
مرسىىى جدا
انا هسألك شوية اسئلة بسيطة خاااااااااااالص
ان شاء المسيح تكون بسيطه
يلا جهز نفسك
انا جاهز

1_ايه اكتر ايه بتحبها؟
استطيع كل شىء فى المسيح الذى يقوينى
2_ايه اكتر مقولة او مثل بتحبه؟
هيه للبابا كيرلس
كن مطمئننا جدا جدا ولا تفكر فى الامر كثيرا بل دع الامر لمن بيده الامر
3_ايه اكتر حاجة بتفرحك؟
لما اشوف كل الناس الالى حوليا فرحانين
واشوفهم ديما مبسوطين
وايع اكتر حاجة بتضايق؟
لما بحس انى ضعيت حاجات كتير كانت فى ايدى
وضاعت منى
4_مين شفيعك ؟
البابا كيرلس
5_مين اكتر انسان قريب ليك؟
صديق عزيز عليا جدا
6_هل تكرهت او اتخانئت من حد فى يوم من الايام؟
مابحبش انى اكره حدا
بس اضايقت من شخص
خلانى اغير حاجات كتير فى حياتى
واقوله ربنا يسامحك
7_ايه شعورك دلوقتى و انتا على الكرسى؟
شعور عادى

8_ايه اكتر حاجة بتتمنها دلوقتى؟
انى اقوم من على الكرسى ده بخير
هههههههههههههههه

9_ايه رأيك فى الاسئلة ديه؟

عايزه الصراحه
تمام
يلا بسرعة جاوب
خلاص انا جاوبت
فاصل و نعود
تنورى

​

مرسىىىىىى جدا على الاسئله يا دودوز
نورتى الكرسى ​

 

[KOKOMAN]

ايوه خليكوا شطار كده وماحدش يسأل ​

 

[mero_engel]

اهلا بيك يا كوكو
منور الكرسي صدقني
انا اسالتي بسيطه خالص
1- ايه اكتر حاجه بتحبها في حياتك ؟
2- اكتر حاجه بتكرها في نفسك؟ واكتر حاجه بتكرها في الشخص اللي قدامك؟
3- اكتر حاجه بتحب تعملها ؟
4- بتعمل ايه وانت مبسوط ؟
5- وجه خمس رسايل لخمس اعضاء؟
6- وجه خمس رسايل لخمس مشرفين؟

وانشاءلله تنزل من علي الكرسي بخير​

 

[KOKOMAN]

اهلا بيك يا كوكو

اهلا يا ميرو منوره ​

منور الكرسي صدقني
مرسى ياباشا ده نورك ​

انا اسالتي بسيطه خالص
يامسهل
1- ايه اكتر حاجه بتحبها في حياتك ؟​

امل لبكره
2- اكتر حاجه بتكرها في نفسك؟
انى نفسى احقق حاجات كتير ولغايه دلوقتى لسه ماحققتهاش ​

واكتر حاجه بتكرها في الشخص اللي قدامك؟
الكدب والخداع
3- اكتر حاجه بتحب تعملها ؟
انى اسعد كل الناس
4- بتعمل ايه وانت مبسوط ؟
مشاركاتى فى المنتدى ببقى مبسوط جدا لما اقدر اعمل حاجه تسعد كل الناس
5- وجه خمس رسايل لخمس اعضاء؟​

.تونى.تون. : اشكره جدا على انه عرفنى على المنتدى الجميل ده
واقوله مش هقدر ارد جميلك ده ابدا لانى المنتدى بقى بيتى التانى الالى مقدرش استغنى عنه
y_a_r_a : جميل جدا نشاطك فى المنتدى ومواضيعك كلها رائعه وهادفه ​

بنت الملك 22: بجد بحيكى على نشاطك الجميل فى الجروب وفى المنتدى كله ​

كليم متى :مواضيعك كلها مميزه وهادفه احييك عليها
come with me: اتمنى تكون رجعت من رحلتك بخير وترجع تانى بنشاطك معانا ​

faris sd4l: بحييه على نشاطه الجميل وابداعاته فى التصميمات الالى بيعملها ربنا يبارك موهبته ​

ماريان بنت البابا كيرلس : هيه مش موجوده معانا باستمرار
بس بجد مواضعها كلها فى غايه الروعه وكل لما ادخل اى منتدى وانا بعمل بحث بلاقيها منزله مواضيع جميله وثابته وجدها فى اى منتدى ربنا يباركك ويعوض تعب محبتك ​

nonogirl89: رودورااااااائعه جدا ومواضيعك كلها جميله جدا وخاصته فى قسم الملتقى الثقافى والعلمى
ربنا يبارك عملك ​

اسف جدا لاعضاء كتير لم اذكر اسمائهم ولاكنى اشجع جميع الاعضاء واواد ان اوجه كلمه شكر لكل عضو شارك معانا بعمل رائع وبخدمه بدون مقابل ​

معلش يا ميرو دول اكتر من خمسه ​

6- وجه خمس رسايل لخمس مشرفين؟​

فراشه مسيحيه : احب اقولها نشاطك فى المنتدى رااااااااااائع جدا
ومواضيعك فى قمه الروعه ربنا يبارك عملك ويحافظ عليكى وديما معانا فى المنتدى ​

ارووجه :كل تصميم بتعمليه بيبقى فى غاييييييييييييه الروعه
ومواضيعك ايضا هامه وهادفه
ربنا يبارك كل اعمالك ويحافظ عليكى وديما معانا فى المنتدى ​

mero_engel: هوه انا متغاظ منها شويه على السؤال ده بالذات الالى هيزعل ناس كتير منى بس هما متأكدين انى بحبهم كلهم
واحب احيكى جدا على نشاطك فى المنتدى وكل موضوع بتختاريه وتنزليه فى المنتدى بيكون بعد عنايه كبيره جدا
ربنا يبارك كل اعمالك ويحافظ عليكى وديما معانا فى المنتدى ​

بصى يا ميرو فى 3رسايل لمشرفين عامين اكيد بنفع هيكون فى واحده زياده بس اكيد مافيش مانع ​

‏dona nabil: نشاطك فى غايه الروعه فى المنتدى وخدمتك مالهاش مثيل فعلا لو عملوا جايزه للمشرف المثالى انتى اول واحده هرشحها للمشرف المثالى الالى يستحق التقدير
ربنا يبارك كل اعمالك ويحافظ عليكى وديما معانا فى المنتدى ​

ميرنا : هوه انا ملاحظ انها مش موجوده معانا كتير
بس لما بتيجى وتنزل موضوع بيكون موضوع رااااااائع وهام جدا
ربنا يبارك كل اعمالك ويحافظ عليكى وديما معانا فى المنتدى ​

استذنا الكبير استفانوس : بجد مهما قولت فى كلام على خدمتك الرائعه مش هقدر اوفيك حقك
ربنا يبارك كل اعمالك ويحافظ عليك وديما معانا فى المنتدى ​

كمان رساله بقى بلاش بخل ​

الى الاداره اخونا الكبير : ماى روك
بجد بجد بجد بشكرك جدا جدا على نشاطك الرائع فى المنتدى واحيك على هذا المنتدى الذى لم ارى منتدى فى نشاطه ونجاحه الرائع فى حياتى كلها احيييييييك جدا عليه
وربنا يحافظ عليك ويحميك من عدو الخير ويبارك كل اعمالك
وانشاءلله تنزل من علي الكرسي بخير
ان شاء الله ​

مرسىىىىىىى يا ميرو على اسئلتك
نورتى الكرسى ​

 

[M a r i a m]

أنا جيييييييييييييييت :smil16:


نورت البيت طبعا :smile02

ازيك ياكوكو دلوقتى :t30:
​

يلا أنا هسيبلك كام سؤال كدة تتسلي فيهم على ماباقي التحقيقات توصل
يفتح المحضر فى ساعته وتاريخه:smil15:


1- إيه طموحك ؟ :36_22_25:
2- ايه رأيك فى المنتدى؟
3- ايه أكتر موقف احرجك؟:blush2:
4- ايه رأيك فى شباب اليومين دول بصراحة ؟ واعتبرني مش منهم وخد راحتك
ههههههههههههه
5- كلمنا عن الحب بالنسبة لك ومواصفات فتاة أحلامك:11_9_10[1]:
6- ياتري بتحب فى قصة حب ولا لسه؟:smile01
7- لو معاك مليون جنية هتعمل بيهم ايه ؟(متنسانيش):t9:
8- مين مثلك الأعلى؟
9- مين أول حد لفت نظرك فى المنتدى بمواضيعه؟ غيري طبعا
هههههههههههههه
:budo:
10 - تقول ايه لطنط يارا؟:t30:​

ولنا عودة
طاخ طوخ طيراااااااااااااخ
:t30::t30::t30:​

 

[بنت الملك22]

انا جيتتتتتتتتتت
ازيك يا كوكو عامل ايه
انا عندى كام سؤال كدة مش كتير
اولهم
امتى اخر مرة اعترفت فيها ؟
امتى اخر مرة اتناولت فيها؟
امتى اخر مرة زعلت فيها مامتك واحكيلنا الموقف؟
امتى اخر مرة قلت لباباك كلمة حلوة ؟
ايه اللي خلاها تطلع في دماغك وتعمل جروب للمنتدى؟
ايه اول موضوع زرته اول ما دخلت المنتدى اول مرة ؟
ممكن تقول رايك في مواضيعي بصراحة وانا مش هزعل؟
ايه اكتر سفر في الكتاب المقدس بتحبه؟
واخيرا اوصفلنا كوكو في كلمتين تلاتة
احب اشكرك جدا على كلام لى
ميرسي وبجد انت اخ عزيز علينا واحنا كلنا بنحب مواضيعك ​

فاصل ونعود​

 

[engy_love_jesus]

ايوه خليكوا شطار كده وماحدش يسأل ​

ملكش دعوة احنا بلدة وهنسال

ال متسالوش ال

هيه بتحلم​

 

[engy_love_jesus]

طبعا ياكوكو انت عارف انا بحبك وبعزك قد ايه

علشان كدة مينفعش مكرمكش

وانت عارف كرم الصعايدة

وانا هسالك تلات اسلئة

طبعا فرحان وبتزقطط





















































بعينك التلات اسئله

اول سوال مكون من عشر اجزاء

1) مين هو كوكو واكتب برحتك انشاءالله عشرتاشر سطر برحتك

2)كوكو لما بيزعل

3)كوكو لما بيحب

4)كوكو لما بيغضب

5) افظع حلم حلمت بيه

6) اخر رساله خاصة وصلتك ايه

7) كوكو لما دخل ولقى اسمه مفصول من المنتدى

8)شعورك اما دخلت ولقيت مشركتى فى كرسى الاعتراف

9)شعورك لما اتهكر المنتدى

10)نفسك فى ايه وبتحلم بايه

السوال الثانى
هقولك كلمات وترد بكلمة واحدة

منتدى الكنيسة

الكنيسة

اصدقائك

اصحابك

تونى تون

احم احم انا

الغدر

الخيانة

الحب

المستقبل

السوال الثالث والاخير

1) لو طلب منك ان ترسل عشر رسايل قصيرة لعشر اشخاص هما مين وهتقولهم ايه

2)اكتر قصة بتاثر فيك فى الكتاب المقدس

3) فى ايه لما بتقراها بتتخض او بتخاف

4)متحكيلنا معجزة حصلت من ابوك حبيبك ( البابا كيرليس)

5) اقرب انسان بتحسة جنبك وبيفهمك

6) اقرب حضن بتترمى فيه لما بتعيط

7) ايه الموقف الى خلى كوكو يبكى

8)هل شعرت بالياس والاحباط وامتى

9) ساعات بحس ان فيه نظرة ياس وحزن فى عيونك هل ده صحيح ولا انا بيتهايلى والجنونة اشتغلت عندى

10) ايه السوال الى كان نفسك اسالهولك ومسالتهوش اساله لنفسك ورد عليه

طبعا انا مطولتش اهوة العب بدول لحد ما ارجعلك تانى ​

 

[KOKOMAN]

أنا جيييييييييييييييت :smil16:​

اهلا اهلا ​

نورت البيت طبعا :smile02
البيت منور بصحابه :t30:​

ازيك ياكوكو دلوقتى
كويس نشكر ربنا ​

يلا أنا هسيبلك كام سؤال كدة تتسلي فيهم على ماباقي التحقيقات توصل
تحقيقات :smil8: ماشى ​

يفتح المحضر فى ساعته وتاريخه:smil15:
كمان محضر
اشوف فيكى يوم يا يارا ​

1- إيه طموحك ؟ :36_22_25:
طموحى انى اكون رجل ناجح واسافر بره مصر
2- ايه رأيك فى المنتدى؟
فى غاييييييييييييييييييه الروعه
ولغايه دلوقتى مالقتش منتدى زيه ابدا
ولا هلاقى ​

3- ايه أكتر موقف احرجك؟:blush2:
فى حياتى : كنت بكلم واحد فى التليفون وقولتله انا فى المنطقه الفلانيه وهوه كان ورايا :11azy:
4- ايه رأيك فى شباب اليومين دول بصراحة ؟ واعتبرني مش منهم وخد راحتك
ههههههههههههه
شباب اليومين دول فيهم الكويس وفيهم الوحش
5- كلمنا عن الحب بالنسبة لك
كان فى حب زمان من حوالى سنه ونص بس
لاكن حاليا بدور على حب جديد
والحب بالنسبالى احساس جميل بيخلى الانسان يطير فى الدنيا
اكنه ملك العالم مع الانسانه الالى بيحبها
ربنا مايحرمكوا من الحب
ههههههههههههههه
ومواصفات فتاة أحلامك:11_9_10[1]:
جبتى الصوره دى منين انا بكتب زيه كده
ماعلينا المهم
مواصفات فتاة احلامى
1-انها تكون بتحب ديما انها تروح الكنيسه وتسمع كلام ربنا
2- تكون متوافقه مع حالتى اذا كانت الشخصيه او الماديه
3- مش هتفرق معايا الشهاده الالى واخداها بس اقل حاج تكون دبلوم
4- تكون بتحبى طبعا ده شىء اساسى هيكون مبنى عليه حاجات كتير
5- تكون جميله مش فى الشكل فى النفس (جمال الروح )
كفايه كده ​

6- ياتري بتحب فى قصة حب ولا لسه؟:smile01
حاليا لاء ​

7- لو معاك مليون جنية هتعمل بيهم ايه ؟(متنسانيش)
ياريت المبلغ ده معايا
ليه
اول حاجه كنت هعملها هودى نصهم للكنيسه
والنص التانى هشترى بيه شقه وعربيه واحط الباقى فى مشروع لو اتبقى حاجه
وهدى 2.5جنيه ليارا :t30:​

8- مين مثلك الأعلى؟
نجيب ساويروس ​

9- مين أول حد لفت نظرك فى المنتدى بمواضيعه؟
كتيييييييييير
او حد كان دونا نبيل
مواضعها كلها روووووووووعه ​

غيري طبعا
هههههههههههههه
:budo:
لا مواضيعك لاتقارن
كلها فظيعه شنيعه
ههههههههههههه ​

10 - تقول ايه لطنط يارا؟:t30:
اقول لطنط يارا
مرسىىىىىىى على الاسئله ومانشوفكيش فى حاجه وحشه
وهشىىىىى من هنا
ولنا عودة
تانى
طيب
طاخ طوخ طيراااااااااااااخ​

:t30::t30:
مين دول ​

مرسىىىىىى على مرووووورك ياباشا
نورتى الكرسى ​

 

[KOKOMAN]

انا جيتتتتتتتتتت
اهلا اهلا ​

ازيك يا كوكو عامل ايه
تمام نشكر ربنا
انا عندى كام سؤال كدة مش كتير
طيب كويس انهم مش كتير
ههههههههههههههه
اولهم
هيا فيها اولهم
ربنا يستر
امتى اخر مرة اعترفت فيها ؟
وليه الاحراج ده
اخر مره كانت من حوالى 3اسابيع
امتى اخر مرة اتناولت فيها؟
من شهر :11azy:
امتى اخر مرة زعلت فيها مامتك واحكيلنا الموقف؟
امبارح كانت عايزانى اقوم من على الكمبيوتر وانا قولتلها لاء
وقعدت تدعى عليا :smil16:
امتى اخر مرة قلت لباباك كلمة حلوة ؟
مش فاكر
بس كل لما بيقولى حاجه بقوله حاضر
ايه اللي خلاها تطلع في دماغك وتعمل جروب للمنتدى؟
الالى خلها تطلع فى دماغى انى اعمل جروب
عضوه معانا فى المنتدى اكيد كلنا نعرفها نيفين
كنا فى موضوع اختار واحد يقعد على كرسى الاعتراف
وقعدت تتكلم على حزب الغلاسه الالى هيه عضوه فيه
ونرفزتنى
تانى يوم كلمت جوجو وقعدنا نتكلم على الفكره والقوانين وتم عمل الجروب ونشكر ربنا

ايه اول موضوع زرته اول ما دخلت المنتدى اول مرة ؟
مش فاكر
بس كان فى قسم الالعاب
ممكن تقول رايك في مواضيعي بصراحة وانا مش هزعل؟
ادام مافيش زعل يبقى نقول الحقيقه
مواضيعك فى غاييييييييييييييه الروعه
بس بالنسبه لمواضيع اللينكات لازم ترجعى اللينكات الاول علشان ماحدش يقدر يعلق على لينك مش شغال ولا حاجه
وده هيخلى كتير من الاعضاء مايدخلوش مواضيعك الالى فيها اللينكان
اوعى تكونى زعلاتى :smi411:

ايه اكتر سفر في الكتاب المقدس بتحبه؟
سفر الرسل

واخيرا اوصفلنا كوكو في كلمتين تلاتة
كوكو حاليا انسان عايش حياه مافيهاش تغير
كل يوم زى التانى فا الموضوع ده مضايقنى جدا ونفسى انى اعمل حاجه جديده
بس اهه الدراسه جايه وهيبقى فى تغير وهتشوفوا كوكو تانى غير الالى تعرفوه

احب اشكرك جدا على كلام لى
العفوا ياباشا ده اقل واجب
ميرسي وبجد انت اخ عزيز علينا واحنا كلنا بنحب مواضيعك
ده كلام اعتز بيه جدا ويارب ديما اكون عند حسن ظنكم ​

فاصل ونعود
تانى
طيب
تنورى
هههههههههههههههه​

مرسىىىىىىىى على مرووورك ياباشا
نورتى الكرسى ​

 

[KOKOMAN]

ملكش دعوة احنا بلدة وهنسال ​

ال متسالوش ال ​

هيه بتحلم ​

ياحول الله يارب
ماتسبيش رحمه ربنا تنزل
طبعا هخلص حقى بس لما تقعدى على الكرسى :t30:​

 

[KOKOMAN]

طبعا ياكوكو انت عارف انا بحبك وبعزك قد ايه

​

اه طبعا عارف

علشان كدة مينفعش مكرمكش
لاء ازاى دى المنيا معروفه بالكرم كله

وانت عارف كرم الصعايدة

انتى هتقوليلى
وانا هسالك تلات اسلئة
3اسئله من نوع تانى ماشفنهمش قبل كده
ما انا عارف اسئلتك
طبعا فرحان وبتزقطط

مين الالى فرحان ده
انا نزلت شوفت الاسئله قبل ما اجاوب :t30:​

بعينك التلات اسئله
اهلا بالاسئله
اول سوال مكون من عشر اجزاء
واااااااااااااااااااااااو ​

1) مين هو كوكو واكتب برحتك انشاءالله عشرتاشر سطر برحتك

كوكو يا ستى انسان عادى زى اى انسان بس ماخدش فرصته فى حاجات كتير
يعنى فى الثانوى كان نفسى ادخل ثانوى عام بس مااقدرش علشان مجموع اعدادى كان صغير ومايجبش ثانوى عام
دخلت ثانوى تجارى وقولت ربنا شايف الالى فيه الخير
واعتمدت على ربنا ودخلت ثانوى تجارى
وقعدت 3سنين فى قسم واحد مع نفس الطلبه الالى كانوا معايا من اول سنه دخلت فيها التجاره
المهم
حبيبت بنت ده كان اول حب ليا كان حب بجد
بس حب ماينفعلوش اخر غير الالى انا اخترتها وهيه اختارتها
انا لغايه دلوقتى زعلان بس ماينفعش
لانى انا مسيحى وهيه غير مسيحيه
وده الالى خلانى بعدت عنها خالص
بس التفكير شغال ومش قادر انساها
بس فى الاخر لازم التفكير ده ينتهى بأسرى وقت ممكن
المهم بعد ماطلعت من الثانوى التجارى
دخلت التنسيق ولاقيت فى كليات تقبلنى
قولت نشكر ربنا على كل حال وقدمت التنسيق وكل شىء
وجه جواب التنسيق بعد فتره طبعا
وجالى فى محافظه السويس
وزى ما انتوا عارفين انى من اسكندريه
فرق 5ساعات رايح و5ساعات جاى
يعنى لازم اخد سكن هناك
وبالفعل اخدت سكن هناك وقعدت الترم الاول
والنتيجه هيه الالى حددت مصيرى
كان ينفع اكمل الترم التانى
بس انا ما اقدرتش تعبت
رايح جاى كل 3ايام بين اسكندريه والسويس
وماقدرتش اعيش هناك
والدى قالى شوف الالى يريحك
وطلبت منه انى احول اى جامعه فى اسكندريه
بس مالقتش جامعه تقبلى
غير اكادميه العلوم
قولت نشكر ربنا على كل حال
وقدمت فى الاكادميه قسم حاسب آلى
بس كده دى قصه حياتى بالمختصر المفييييييييييييييييد
ينهار تصدقى انى ما اخدتش بالى انى كتبت كل ده
​

2)كوكو لما بيزعل

مش بحب اكلم حد وانا زعلان علشان ممكن يقول كلمه تنرفزى ويكون ده سبب انى اخسر الانسان ده
3)كوكو لما بيحب

بحب انى اسعد الانسان الالى قدامى وماحبش ابدا انى اشوفه زعلان
4)كوكو لما بيغضب
ببقى عايز اكسر الدنيا
وادخل حجرتى وقعد مع نفسى ويبتدى التفكير ​

5) افظع حلم حلمت بيه
الحلم ده كان من حوالى شهرين بالظبط
وكان انى نازل البحر عادى بس بجرى من حاجه ايه هيه مش عارف وفجأه لاقيت نفسى بغرق وشريط حياتى بيعدى من قدامى
صحيت تانى يوم فضلت حوالى 10ايام مخنوق وعمال افكر فى الحلم ​

6) اخر رساله خاصة وصلتك ايه

كانت من استاذ استفانوس
7) كوكو لما دخل ولقى اسمه مفصول من المنتدى
كنت هجن ودخلت بسرعه بعضويه اخوايا وكتبت الموضوع فى ركن الشكاوى وبعت رساله لماى روك والنت يوميها كان اخر عكننه واتضايقت جدا ​

8)شعورك اما دخلت ولقيت مشركتى فى كرسى الاعتراف
طبعا عارف مشاركه انجى
مايجيش من وراها إلا الفضايح
ده انا كتبت قصه حياتى
ههههههههههه​

9)شعورك لما اتهكر المنتدى
شعور فظيع خلانى اتغظت جدا وحسيت انى حاجات كتير ضاعت منها واولها بيتى ومابقاش ليه مكان تانى
10)نفسك فى ايه وبتحلم بايه
نفسى انى اخلص دراستى بتقدير امتياز
واتجوز الانسانه الالى بحبها واسافر بره مصر
​

السوال الثانى
يلاهووووووووووووى انا تعبت
ماشى
نكمل
هقولك كلمات وترد بكلمة واحدة
حاضر ​

منتدى الكنيسة :حياتى
الكنيسة : بيت ربنا الالى مافيش حد فينا يقدر يستغنه عنه ​

اصدقائك :بحكلهم على كل حاجه وماقدرش استغنى عنهم ​

اصحابك ؛ اصحابى !!! دراسه وعدت ​

تونى تون : كان لازم يعنى العضو ده
هههههههههههههه طيب ماشى
اعز اصدقائى ​

احم احم انا : اختى الالى كنت بتمنى انى يكون ليا اخت زيها فى الحقيقه ​

الغدر :اكتر حاجه بكرها فى الدنيا
الخيانة :افظع حاجه فى الدنيا ​

الحب :كل حياتى الالى بتمناها ​

المستقبل : معالم مالهاش وجود
السوال الثالث والاخير
خلاص قريبا
طيب الحمد لله
اكمل وقت تانى علشان رايح مشوار دلوقتى
سلام ​

1) لو طلب منك ان ترسل عشر رسايل قصيرة لعشر اشخاص هما مين وهتقولهم ايه
​

2)اكتر قصة بتاثر فيك فى الكتاب المقدس​

3) فى ايه لما بتقراها بتتخض او بتخاف ​

4)متحكيلنا معجزة حصلت من ابوك حبيبك ( البابا كيرليس)​

5) اقرب انسان بتحسة جنبك وبيفهمك ​

6) اقرب حضن بتترمى فيه لما بتعيط​

7) ايه الموقف الى خلى كوكو يبكى ​

8)هل شعرت بالياس والاحباط وامتى ​

9) ساعات بحس ان فيه نظرة ياس وحزن فى عيونك هل ده صحيح ولا انا بيتهايلى والجنونة اشتغلت عندى​

10) ايه السوال الى كان نفسك اسالهولك ومسالتهوش اساله لنفسك ورد عليه ​

طبعا انا مطولتش اهوة العب بدول لحد ما ارجعلك تانى ​

ماتخافيش راجع تانى اكمل باقى الاسئله ​

 

[engy_love_jesus]

ياحول الله يارب
ماتسبيش رحمه ربنا تنزل
طبعا هخلص حقى بس لما تقعدى على الكرسى :t30:​

هههههههههههههههههههههههههههههههههههههههههههههههههههههههههه قعدت وقمت بس كنت لابسة طقية الاخفى

العب غيرها علشان كدة بانتقم برحتى :t30::t30:​