مينا بجد انا اتفاجأت لما عرفت انك عندك 20 سنه الى يقرأ كلامك يفتكر انك اكبر من كده
- ميرسي يا بنت يسوع كلامك شهادة اعتز بيها.
انا لسه عضوه جديده ومش عارفه الناس كويس اسمح لى اشترك واسالك كام سؤال
- اتفضلي طبعا ده شرف ليا .
1 _ اسم كوبتك مان يدل على اعتزازك بمصريتك وانت قلت كده قبل كده ايه رأيك فى اعاده احياء اللغه القبطيه ؟
- فعلا انا بعشق كل ذرة رمل في ارض مصر .
- علي رائ قداسة البابا " مصر وطن يعيش فينا " .
- وطبعا اعادة احياء اللغة القبطية دي امنية حياتي كفاية اني اللغة القبطية لغة اجدادي الشهداء بتتدرس في اميركا وبريطانيا واسرائيل ولا تدرس فيكي يا مصر حيث وطنها و منبتها ( حاجة تحرق الدم :new2: )
2_ هل اعاده احياءها هايكون ليه تأثير ايجابى على هويه الاقباط المفقوده؟
- اكيد مفيش وطن من غير لغة ام , واحنا مصريين مش عرب واجدادنا ضحوا بكل غالي ونفيس علشان هويتنا القبطية اللي مع الاسف ضاعت بفعل الزمن والجحود من قبل بعد ابناءها سواء بالاكراه او بعد الوعي و مرارة الاحتلال العربي البغيض الهمجي وان كره الاخرين ولن نتنازل عن جنسيتنا ولساننا القبطي الاصيل ومن رائي كمان اني اللي مش يعرف قبطي او حتي مش بيدرس وبيحاول يتقنه يبقي بالنسبة ليه الهوية المصرية لاء شئ .
3_ ايه فى رأيك الخطوات اللازم اتباعها لاحياء لغتنا القبطيه؟
1- ان اللغة بتاعتنا تدرس في الكنيسة علي نطاق اوسع مما هو عليه .
2- القداس يصبح كله باللغة القبطية , او تكون هناك قداسات خاصة بالقبطية لمن يريد .
3 - تكون هناك اجتماعات في الكنيسة باللغة القبطية وانشطة.
4- نحاول علي قدر المستطاع التحدث باللغة القبطية مع المقربين لينا يعني مثلا انا بحب استعمل كلمة ماران اثا مع اصحابي المقربين ودي كلمة كان بيستخدمها الرسل والاقباط القدامي بيفرحوا بيها بعضهم يقولوا ماران اثا تذكير اني المسيح جاي ( اقتراب مجيئته ) .
5- هناك روم علي البالتوك قبطية وتعلم اللغة القبطية وبعض المنتديات تاخذ علي عاقتها افتتاح قسم خاص باللغة القبطية وهناك برامج كثير لذلك ولكن لمن اراد ولمن يحب.
اسئله شخصيه بقى
دي اصعب مافي الموضوع :t33: .
1- شايف نفسك ازاى بعد 10 سنين؟
- شايف نفسي راجع من الشغل والقميص طالع من البنطلون من الكرش اللي ربتهولي ام العيال باكلها الدسم وشايل علي قلبي بطيخة وبجري وراء المكيروباصات والعيال مين ها يشلهم بقي ههههه .
- نتكلم جد : اكيد ها اكون كبرت في الخدمة اللي انا فيها وافدت الاخرين اكثر و معلوماتي زادت وخدمت المسيح كويس ده اللي اقدر اتصوره .
- انما الباقي ربنا هو اللي يدبره وانا مليش سيطرة او تحكم فيه انا ها اخضع لمشيئته مهما كانت .
2_ تعمل ايه لو امر مهم جدا فى حياتك تمنيت تحقيقه ولم يريد الله ذلك؟
- كتير بطلب من ربنا تحقيق شئ وبكون ها اموت عليه واطلبه بلجاجة في كل صلوة بس عرفت اني ده غباء مني اني اعمل كده , بكل صراحة السيد المسيح قال " اطلبوا اولا ملكوت الله وبره وهذه كلها تزاد لكم " السيد المسيح هو ابونا وعارف احتياجتنا عارف كويس ايه اللي بنفكر فيه وايه اللي عاوزينه وايه اللي بنتمناه يبقي لازم نسيبه الدفة وهو يقودنا هو الربان هو القائد هو الجدير بالقيادة لحياتنا وعن ثقة اللي بيديله الدفه عمره ما بيغرق او يتوه او يرسي علي ميناء تتسرق فيها مركبه وانما دايما هيكون في امان وسلام ده معاه اله السلام هو اللي بيقوده .
اوعى اوعى اكون تقلت عليك
ابدا يا فندم انا تحت امرك .
اتشرفت بمرورك واسئلتك .
التعديل الأخير: