+++لقاء مع فراشة مسيحية +++

[ارووجة]

سلام ونعمة

هاي ياغاليين
ازيكم؟ ان شاءالله تكونو بخير

ومنرجع بعد غياب مع شخصية جديدة

هي مشرفة فعالة ومتميزة بمشاركتها
وباسلوبها الجميل
المشرفة

"فراشة مسيحية"

اهلا وسهلا بيكي حبيبتي معانا على كرسي الاعتراف

وهنبدا بالاسئلة التمهيدية

اسمك الاول

عمرك

بلدك

دراستك\ مهنتك

وضعك الاجتماعي

هواياتك

طموحك

مقولة متمسكة بيها

بتمنى من الجميع يشاركنا في طرح الاسئلة
ونرجع جو الجميل وكده
وبتئدري يافراشة ماتجاوبي على الاسئلة اللي متحبيش تحكي عنها
وربنا معاكي ياقمر ^_^

 

[meraaa]

رد على: +++لقاء مع فراشة مسيحية +++

فراشه منورة الكرسى بجد ياقممممر
انابقه اسالتى سهله خالص ومش كتييييييييييير يلا نبدا
بتدرسى ولا متخرجه؟وايه هى دراستك؟
ايه اكلتك المفضله؟
+ايه اكتر صفه بتحبيها فى الانسان؟واكتر صفه بتكرهيها؟
+مين مثلك الاعلى؟
+اهلاويه ولا زملكاويه ؟
+ايه مواصفات شريك حياتك؟(ومتهيالى انك لاقتيهمش كده؟):smil12:
+ايه اكتر مصيبه عملتيها فى حياتك؟ هههههه
+ايه اكتر موقف مش قادرة تنسيه فى حياتك؟
+امتى بتشوفى الدنيا سودا ؟وامتى بتشوفيها بامبى مدى على احمر شويه ههههه
+اكتر حد بتحبى تتابعى موضوعاته هنا فى المنتدى ؟
يلا نكتفى بهذا القدر الان واذا افتكرت حاجه هاجى تانى اسالك
يارب ماكنش طولت عليكى ..بس انا عارفه انى طولت غلاسه بقه:beee:
يلا ربنا معاكى ياقم ويحافظ عليكى ويباركك​

 

[Ramzi]

رد على: +++لقاء مع فراشة مسيحية +++


صحيح اني جديد بالمنتدى
بس أول وحدة انتبهت لوجودها كانت فراشة مسيحية لانها اول وحدة رحبت بوجودي معكم
اسمك عن جد كتييييييييييييييييييييييييييييييييييير حلو بس بتمنى أعرف اسمك الحقيقي؟؟؟؟

ويا ريت تكوني أهلاوية عشان لا تزعلي مني لاي بشجع الفيصلي الي غلب الزمالك30:

ما بعرف كيف ممكن اني اتكلم معك على أي ماسنجر ؟؟؟؟
وهذه دعوة موجه لك يا أحلى فراشة مسيحية
††††††††††††††††††

اسأل يسوع الكلي الرحمة
ان لا يرد لك دعوة
ولا يحرمك فضله
وان يغدق عليك رزقه
وينزل في كل امر لك بركته
وان يبلغك درجات الكمال الروحي
ويجعل لك كل ما تتمناه
آميــــــــــــــــــــن
†††††††††††††††††

 

[mrmr120]

رد على: +++لقاء مع فراشة مسيحية +++

اهلا اهلا بالجميلة فراشة
الاسئلة
مين اكتر واحد بتحبية فى حياتك ؟
مين مثلك الاعلى ؟
لما حد بينصحك بتسمعى لة ولا بتبقى مخنوقة وتسمى من هنا وتفوتى من هنا ؟
انتى عصبية ؟
بتحبى الملابس الكلاسيك ولا الكاجوال ؟
اية نوع برفانك ؟
مين شفيعك ؟
مين هى فراشة مسيحية ؟
اية الحاجة الحلوة الى انتى بتحبيها فى حياتك واية برضو الحاجة الوحشة ؟​

 

[فراشة مسيحية]

رد على: +++لقاء مع فراشة مسيحية +++

((أروووجة ))​

سلام ونعمة

سلام و محبة

هي مشرفة فعالة ومتميزة بمشاركتها
وباسلوبها الجميل
المشرفة

"فراشة مسيحية"

ميرسى حبيبة قلبى على الكلام الجميل دا

اهلا وسهلا بيكي حبيبتي معانا على كرسي الاعتراف

وهنبدا بالاسئلة التمهيدية

اهلآ بيكى ربنا يستر و أقدر اجاوب على كل الأسئلة

اسمك الاول

مريم

عمرك

25 سنة

بلدك

مصر

دراستك\ مهنتك

بكارليوس حاسب آلى و تكنولوجيا إدارة الأعمال
مهنتى بقى مش بشتغل بس بساعد بابا فى شغلة زى سكرتيرة لية
علشان بساعدة فى شغلة حاسة انة مش شغل كدا زى الناس

وضعك الاجتماعي

انا مخطوبة

هواياتك

النت و السباحة و ركوب الدراجات و القراءة احيانآ

طموحك

انجح فى حياتى و بيتى و شغلى و ابقى محبوبة من الجميع

مقولة متمسكة بيها

كلمة حكمة قالها البابا شنودة :

علمتنا الحياة ألا ننظر إلى المشكلة
إنما ننظر إلى الله الذى يحل المشكلة

و ميييييييييييييييييييرسى حبيبتى اروجة على اسئلتك الجميلة و الخفيفة دى​

 

[Coptic Man]

رد على: +++لقاء مع فراشة مسيحية +++

اهلا يا مرمر

مش تقولي انك علي الكرسي :giveup:

ابدا اسئلتي بقي علي السريع

1- امنية نفسك تحقيقها ؟

2- امنية اتحققت في حياتك ؟

3- احكيلنا موقف مضحك حصل معاكي وكل ما تفتكريه تفطسي علي روحك من الضحك ؟

4- بتقعدي قدام الكمبيوتر كام ساعة كل يوم ؟

5- لما تلاقي عندك وقت فاضي و يكون الكمبيوتر بتاعك بايظ ( طبعا تلاقيكي بتقولي فال الله ولا فالك ههههههه ) بتعملي ايه ؟

6- وجهي رسالة ل 5 اعضاء في المنتدي ؟

7- اكتر 5 اعضاء مقربين ليكي ؟

8- اكتر عضو بتكرهيه ؟

9- واخيرا تحبي تقولي ايه لاونكل كوبتك :t23:

 

[فراشة مسيحية]

رد على: +++لقاء مع فراشة مسيحية +++

((( meraaa )))

فراشه منورة الكرسى بجد ياقممممر

ميرسى يا ميرا يا عسل

انابقه اسالتى سهله خالص ومش كتييييييييييير يلا نبدا

نبدأ .. بسم الصليب

بتدرسى ولا متخرجه؟وايه هى دراستك؟

متخرجة و دراستى كمبيوتر و إدارة أعمال

ايه اكلتك المفضله؟

بيتزاااااااااااا بأنواع الأجبان

+ايه اكتر صفه بتحبيها فى الانسان؟

المحبة و الأخلاص

واكتر صفه بتكرهيها؟

الخيانة و الغدر و الكرة

+مين مثلك الاعلى؟

ماى روك
بتعجبنى افكارة و إدارتة فى المنتدى و حكمتة و كلامة و علمة و ثقافتة و زكائة
و خدمتة و محبتة للجميع و إمانة الكبير بالرب يسوع و طيبة قلبة
نفسى ابقى زية فى يوم من الايام ناجحة فى كل اعمالى

+اهلاويه ولا زملكاويه ؟

اهلاوية متعصبة جدآ جدآ و ورثاها ابآ عن جد هههههههههه

+ايه مواصفات شريك حياتك؟(ومتهيالى انك لاقتيهمش كده؟)

يكون دمة خفيف و زكى و مثقف و متفائل و يحبنى لشخصى

ايه اكتر مصيبه عملتيها فى حياتك؟ هههههه

مصايب كتيرة كنت شقية جدآ و انا صغيرة بس كبرت و عقلت

+ايه اكتر موقف مش قادرة تنسيه فى حياتك؟

اتظلمت و كرامتى اتهانت من واحد كنت اعتبرة صديق ليا

+امتى بتشوفى الدنيا سودا ؟

فية حاجة مستقبلية لو تمت هتبقا سودة طول العمر

؟وامتى بتشوفيها بامبى مدى على احمر شويه ههههه

لما اخواتى بييجوا و نتجمع كلنا

+اكتر حد بتحبى تتابعى موضوعاته هنا فى المنتدى ؟

كتير اكتر من حد
بس اكتر اتنين بتابع ردودهم هم روك و مينا .. بتعلم منهم ههههههههههههه

يلا نكتفى بهذا القدر الان واذا افتكرت حاجه هاجى تانى اسالك

لا ماتفتكريش كفاية كدا خالص انا استويت

يارب ماكنش طولت عليكى ..بس انا عارفه انى طولت غلاسه بقه

ههههههههههههههههه ولا يهمك يا سكر
عندى تعليق على الصورة اللى تحت اسمك عسل قوى قوى قوى قوى قوى قوى ...................................

يلا ربنا معاكى ياقمر ويحافظ عليكى ويباركك

و معاكى حبيبتى​

 

[فراشة مسيحية]

رد على: +++لقاء مع فراشة مسيحية +++

((( Ramzi Sawaged )))

صحيح اني جديد بالمنتدى
بس أول وحدة انتبهت لوجودها كانت فراشة مسيحية لانها اول وحدة رحبت بوجودي معكم
اسمك عن جد كتييييييييييييييييييييييييييييييييييير حلو بس بتمنى أعرف اسمك الحقيقي؟؟؟؟

أهلآ بيك يا رامز فى الموضوع
و ميرسى على زوقك
أنا أسمى الحقيقى مريم

ويا ريت تكوني أهلاوية عشان لا تزعلي مني لاي بشجع الفيصلي الي غلب الزمالك

أنا أهلاوية من وانا بيبى بحبة و بشجعة ههههههههههه

ما بعرف كيف ممكن اني اتكلم معك على أي ماسنجر ؟؟؟؟
وهذه دعوة موجه لك يا أحلى فراشة مسيحية

احنا نتواجد معآ فى المنتدي
ونتلاقي علي صفحاته
فية أجمل من كدا

††††††††††††††††††

اسأل يسوع الكلي الرحمة
ان لا يرد لك دعوة
ولا يحرمك فضله
وان يغدق عليك رزقه
وينزل في كل امر لك بركته
وان يبلغك درجات الكمال الروحي
ويجعل لك كل ما تتمناه
آميــــــــــــــــــــن
†††††††††††††††††

آميــــــــــــــــــــــــــــــــــن

الله الله الله الله الله

صلاة راااااااااااااائعة عجبتنى قوى قوى

ميرسى ليك و ربنا يباركك و يعوضك​

 

[Tabitha]

رد على: +++لقاء مع فراشة مسيحية +++

إزيك يا فراشة مسيحية


أنا داخلة هنا عشان اقولك إنك فعلاً أنتي اول واحدة لافاتتي نظري هنا
ولافاتتني ردودك الجميلة
وإنك أول واحد بترحبي بالناس الجديدة هنا بالمنتدى
ربنا معاكي ويبارك خدمتك

وكويس يا مريم أنك طلعتي اهلاوية :spor2: ههههههههههه

انا كان لي سؤالين كده على الماشي في السريع .. بس مش لازم تجاوبيني لو حاتعدى خصوصيتك !

إنتي من محافظة إيه ؟

ويا ترى ليكي خدمة تانية غير الخدمة هنا بالمنتدى ؟

ربنا معاكي

 

[فراشة مسيحية]

رد على: +++لقاء مع فراشة مسيحية +++

((( mrmr120 )))

اهلا اهلا بالجميلة فراشة

أهلآ أهلآ بالقطة الشقية

الاسئلة

آن آن آن آآآآآآآآآآآآآآآآآآن
هههههههههههه

مين اكتر واحد بتحبية فى حياتك ؟

ربى و إلهى يسوع المسيح

مين مثلك الاعلى ؟

ماى روك الأسباب أنظرى للأعلى حبة هههههههههههه

لما حد بينصحك بتسمعى لة ولا بتبقى مخنوقة وتسمى من هنا وتفوتى من هنا ؟

على حسب الحد دا بيحصل
يعنى لو شايفة اللى بينصحنى دا شايفاة انة مثقف و فاهم و ناجح فى حياتة
و عارف فى الدنيا وكدا انا بسمع للنصائح دى
لو حد تانى مش ناجح او متكبر او حاسة انة نصيحتة دى ماتوفقنيش
مش هعمل بيها هسمع من هنا و اطلع من هنا
بس انا عامة بحب النصح و ممكن جدآ اعمل بية

انتى عصبية ؟

يعنى شوية

بتحبى الملابس الكلاسيك ولا الكاجوال ؟

الكاجوال اكيد و دى مجننة ماما منى هههههههههههه

اية نوع برفانك ؟

VERY IRRESISTIBLE ( GIVENCHY )
نقلتلك اسمها ههههههههههههه

مين شفيعك ؟

البابا كيرلس

مين هى فراشة مسيحية ؟

هى أنا هههههههههههه
بنت عادية جدآ جدآ بتحب الكل و بتتمنى الخير و السعادة و النجاح للكل

اية الحاجة الحلوة الى انتى بتحبيها فى حياتك واية برضو الحاجة الوحشة ؟

الحاجة الحلوة اللى بحبها فى حياتى ان قلبى بيحب الخير للكل
الحاجة الوحشة انى ظالمة نفسى و هظلمها أكتر الأيام الجاية​

 

[Ramzi]

رد على: +++لقاء مع فراشة مسيحية +++

يا فراشتنا مريومة
انا اسمي رمزي .... مش رامز :a82:

وكلك زووووووووووووووق بردووودك الجميلة

 

[فراشة مسيحية]

رد على: +++لقاء مع فراشة مسيحية +++

يا فراشتنا مريومة
انا اسمي رمزي .... مش رامز :a82:

وكلك زووووووووووووووق بردووودك الجميلة

رمزى رمزى رمزى معلش اسفة على الخطأ الغير مقصود

:flowers:​

 

[فراشة مسيحية]

رد على: +++لقاء مع فراشة مسيحية +++

((( Coptic Man )))

اهلا يا مرمر

أهلآ بيك يا مون مون

مش تقولي انك علي الكرسي

:dance:

ابدا اسئلتي بقي علي السريع

يالهوى ربنا يستتتتتتتتتتتتتتتتتتتتتتتتتر

1- امنية نفسك تحقيقها ؟

صعب انى اقلها هنا

2- امنية اتحققت في حياتك ؟

انى خلصت دراستى .. اصلى محبش المذاكرة ابدآ بموت فى اللعب :yahoo:

3- احكيلنا موقف مضحك حصل معاكي وكل ما تفتكريه تفطسي علي روحك من الضحك ؟

اممممممممممممم لية الأحراج دا بس ؟
انا هقلك واحدة افتكرتها دلوقتى
كنا فى محاضرة و الدكتور صعب جدآ فى محاضرتة محدش ينطق
المهم احنا اتفقنا اننا نتكلم مع بعض بالكتابة
لاننا ماينفعش نعد ساكتين يعنى ازاى نبقا ساكتين ساعتين :a82:
المهم يا سيدى انا كنت بضحك وشافنى الدكتور قومنى
بتضحكى لية انا واقفة بضحك و مش برد علية يسأنى اعد اضحك قالى طاب اطلعى برة
المشكلة بقا انا مش عارفة كنت بضحك لية و مش عارفة ارد علية اقلة اية و عمالة اضحك
بس طلعت كملت ضحكى برة و كل ما افتكرها افضل اضحك
دى المرة الوحيدة اللى اطردت فيها

4- بتقعدي قدام الكمبيوتر كام ساعة كل يوم ؟

هو مش بالساعة
عادى لما اصحا بفتحة لحد منام و بقوم طبعآ كتير فى النص
و لو نازلة بقفلة و سعات بسيبة بس

5- لما تلاقي عندك وقت فاضي و يكون الكمبيوتر بتاعك بايظ ( طبعا تلاقيكي بتقولي فال الله ولا فالك ههههههه ) بتعملي ايه ؟

بسم الصليب بسم الصليب بسم الصليب بسم الصليب بسم الصليب بعد الشررررررررررررر
انا الكمبيوتر عندى اهم من الأكل بس مش اهم من الشرب هههههههههه
لو بايظ بعد الشر بعد الشر يعنى بروح اتفرج على التليفزيون شوية و العب رياضة شوية اغلس على مامتى شوية ممكن اروح اعد على كمبيوتر اخويا برضة مفيش مشاكل ممكن اقرا الانجيل ممكن اقرا كتاب دينى ممكن اقرا مجلة او اجيب ميكى بمووووووووووووت فيها يعنى عارف بيبقا كوكتيل اليوم المفتوح هههههههههه

6- وجهي رسالة ل 5 اعضاء في المنتدي ؟

1 ـ ماى روك .. ربنا يقويك و يديلك اللى تتمناة .
2ـ كوبتك مان .. يا رب تنجح السنة دى و تسافر .
3 ـ قلم حر .. يا رب تتجوز .
4 ـ ميرنا .. يا رب أشوفك عروسة .
5 ـ أروجة .. ربنا معاكم و يقويكم .
6 ـ مرمر .. ربنا معاكى و يحللك مشاكلك حبيبتى .

7- اكتر 5 اعضاء مقربين ليكي ؟

1 ـ انت .
2 ـ فادى .
3 ـ روك .
4 ـ ميرنا .
5 ـ مرمر .
6 ـ اروجة .
7 ـ فادية .

8- اكتر عضو بتكرهيه ؟

محدش بكرهة بس فية اللى بينرفزنى .

9- واخيرا تحبي تقولي ايه لاونكل كوبتك

أونكل كوبتك حرام عليك
أصعب اسئلة جاتنى ​

 

[فراشة مسيحية]

رد على: +++لقاء مع فراشة مسيحية +++

((( Anestas!a )))

إزيك يا فراشة مسيحية

كويسة نشكر ربنا أزيك انتى حبيبتى

أنا داخلة هنا عشان اقولك إنك فعلاً أنتي اول واحدة لافاتتي نظري هنا
ولافاتتني ردودك الجميلة
وإنك أول واحد بترحبي بالناس الجديدة هنا بالمنتدى
ربنا معاكي ويبارك خدمتك

ميرسى حبيبتى على كلامك الجميل دا كتير فرحنى كلامك انتى و رمزى
ميرسى على زوقكم

وكويس يا مريم أنك طلعتي اهلاوية ههههههههههه

أى خدمة هههههههههههههههههه

انا كان لي سؤالين كده على الماشي في السريع .. بس مش لازم تجاوبيني لو حاتعدى خصوصيتك !

أسئلى ولا يهمك حبيبتى

إنتي من محافظة إيه ؟

أنا عايشة فى أسكندرية

ويا ترى ليكي خدمة تانية غير الخدمة هنا بالمنتدى ؟

بخدم فى منتدى طريق الحق و منتدى يسوع الناصرى بالأضافة إلى هنا منتدى الكنيسة
و خادمة شبات و مغتربات فى الكنيسة
و بعمل مجلة الكنيسة الأسبوعية

ربنا معاكي

و معاكى حبيبتى​

 

[القيصر]

رد على: +++لقاء مع فراشة مسيحية +++

سلام ونعمه
يمكن يا فراشه انتي ما تعرفنيش بس اسمحيلي بشويه اسئله

لنبدأ الاسئله
1/عضو بخليكي تضحكي على طول
2/كم كان تقديرك بالجامعه
3/كأهلاويه ماذا تعني لك مباراه الزماك والفيصلي
4/لحظه فشل بحياتك
5/لحظه نجاح بحياتك كانت صعبه وتغلبتي عليها
6/لحظه ندم مررتي بيها
7/ لحظه غضب بس لم تندمي عليها
8/حاجه نفسك تعمليها بس خايفه من نتائجها
9/اذكري خمسه من نقاط ضعفك
10/ اذكري خمسه من نقاط قوتك
تعرفي ان اغلب الاسئله دي انسألت بيها لما كنت عامل مقابله بالبنك عشان الشغل
ههههههههه

 

[فراشة مسيحية]

رد على: +++لقاء مع فراشة مسيحية +++

((( القيصر )))​

سلام ونعمه

سلام و محبة

يمكن يا فراشه انتي ما تعرفنيش بس اسمحيلي بشويه اسئله

أتفضل طبعآ شىء يسعدنى

لنبدأ الاسئله

بسم الصليب

1/عضو بخليكي تضحكي على طول

كوبتك هيروووو

2/كم كان تقديرك بالجامعه

لييييييييييييييييييييييييية الفضايح دى

مكنتش شاطرة

أول سنة طلعت بمدتين

تانى سنة جيد

تالت سنة مقبول

رابع سنة جيد

بس التقدير العام كان مقبول

و انا اتظلمت فى التقدير العام دة

3/كأهلاويه ماذا تعني لك مباراه الزماك والفيصلي

محضرتهاش

4/لحظه فشل بحياتك

فشلت فى مساعدة و علاج( كوكى ) الكلبة بتاعتى

5/لحظه نجاح بحياتك كانت صعبه وتغلبتي عليها

الجامعة

6/لحظه ندم مررتي بيها

صلاة صليتها فى موضوع من كل قلبى و بدموعى و الصلاة اتحققت

و دلوقتى ندمت انى صليتها و هندم طول حياتى عليها

7/ لحظه غضب بس لم تندمي عليها

مفيش كل ما اغضب برجع بعد كدا اندم

8/حاجه نفسك تعمليها بس خايفه من نتائجها

حاجة نفسى اعملها بأمانة مش هاقدر اقولها

9/اذكري خمسه من نقاط ضعفك

1 ـ الأنترنت أو المنتديات .

2 ـ الموبايل .

3 ـ الأفلام .

4 ـ البيتزا .

5 ـ الشيبسى

10/ اذكري خمسه من نقاط قوتك

قناعتى

تعرفي ان اغلب الاسئله دي انسألت بيها لما كنت عامل مقابله بالبنك عشان الشغل
ههههههههه

هههههههههههههههههههههه

طاب و عملت اية جاوبت و اشتغلت ولا اية ؟

ميرسى جدآ على اسئلتك الجميلة و الصعبة برضة

و نورتنى فى الموضوع

الرب يباركك

سلام و نعمة​

 

[فراشة مسيحية]

رد على: +++لقاء مع فراشة مسيحية +++

أروووجة كدا الأسبوع خلص صح ؟​

 

[remorb]

رد على: +++لقاء مع فراشة مسيحية +++

فراشة مسيحية
مريم
أول من استقبلي في هذه الكنيسة الجميلة
وجدت فيك خادمة أحببت أن أراها وجهاً لوجه لأتعلم منها أكثر وأكثر بالرغم من صغر سنك..
إلا أنني شعرت بأنك إنسانة عظيمة جداً.. خدمك ناجحة..
وأردت لقائك وجها لوجه لكي أعرفك أكثر مع أخوتي الخدام الذين يخدمون معي لكي يروا نموذج جميل في الخدمة وهي فراشة مسيحية.. ولكني أعلم أنني لن أراك إلا على صفحات المنتدي.. فأملي أن أتعلم وأنقل ما أتعلمه منك لأخوتي الخدام معي..
إلي الآن لم أعرف إن كنت تخدمين في كنيسة أم لا....
ولم تذكري المحافظة التي تخدمين فيها والتي سألك عنها أخونا الحبيب.
لكن أريد أن أعرف اسم القديس التي تسمت عليها الكنيسة التي تخدمين فيها فقط..
كما أرجو أن تخبريني عن المرحلة التي تخدمين فيها... مرحلة ابتدائي اعدادي .... شباب..
أصلي لأجلك وأطلب منك الصلاة من أجلي.. بشفاعة كل مصاف القديسين .. آمين..​

 

[Basilius]

رد على: +++لقاء مع فراشة مسيحية +++

سلام المسيح
انا مليش في الاسئلة ولا الاجتماعيات انا يادوبك محاور غلبان على قد حالي
بس انا جيت احييكي يا فراشة
في شخصيات بتلفت نظر الانسان من طريقة كتابتها و اسلوبها
والشخصيات دي كتير جدا في المنتدي .... ربنا يزيد
وانتي واحدة منهم
ربنا يباركك و يسعدك ويضع يدة دائما قبل يدك في كل شىء

 

[tina_tina]

رد على: +++لقاء مع فراشة مسيحية +++

اذيك يا فراشة
الكرسى منور بيكى
بس كفاية عليكى اسئلتهم مش ناوية اسئلك تانى