لعبة الشعور..ادخل عشان نعرف شعورك

[bent_yaso3]

اكيد دى حاجه تكسر القلب بس لازم ابدأ حياتى من جديد
لانى عندى رجاء
طب ايه شعورك لو دخلت مكان وفجأه لقيت قدامك
انسان انت عارف ان نفسه يقتلك؟

 

[†السريانيه†]

بصراحة شعور مايتوصف بس ححاول اتكلم بااسم المحبة
ومااعتقد حيحصل هيج شي ان شاء الله ماكو حد يقتلني
ههههههههههههههه
ماشعورك اذ انجبرت تعيش في غربة يعني بلاد بعيدة؟؟؟

 

[bent_yaso3]

مش عارفه
بس انا بخاف من الغربه
طب ايه شعورك
لو يوم العيد وخارج مع اصحابك
والخروجه جامده طحن
بس انت لابس جذمه ضيقه ومش قادر تمشى؟

 

[mrmr120]

اة دة موقف وحش وحصل معايا
لدرجة انى كنت هعيط وفعلا عيط
طيب اية شعورك
لو حد عزيز عليك قالك كلمة ضيقتك​

 

[tina_tina]

لو عزيز عليا اوى
بروح وعاتبة
بس لو معرفوش كتير بفوت شوية
هى الكلمة هتلزق
طيب ايه شعورك وانت قاعدة على النت؟​

 

[bent_yaso3]

بكون فاتحه مليون صفحه
ومحتاسه بينهم
وعاوزه اخلص حاجات كتير فى اقل وقت ممكن

 

[bent_yaso3]

سورى
طب ايه شعورك لو عرفت
انك كسبت رحله مجانيه لمده شهر فى امريكا؟

 

[girl_in_jesus]

واااااااااااااااااااووووووو هتبسطت جدا لانى هشوف اخويا

ايه احساسك لو ارتبطت بأنسانه بتحبها جدا؟؟؟؟؟؟؟؟

 

[bent_yaso3]

قصدك انسان بقى
اكيد هبقى مبسوطه قوى
لان الحب بقى نادر قوى
طب ايه شعورك
لو اكتشفت ان صديق عمرك خانك واخد منك فرصه شغل كانت معروضه عليك؟

 

[rivo_vovo]

انا طبعا بتمنى لاى صاحب او صديق ليا انو يكون احسن منى بس لازم يكون بارادتى لكن صديقى يكون يعرفنى عشان مصلحه وانا واثقه فيه دى تبقى جامده قوى
للى بعدى بقى
ايه رايك فى المنتدى؟؟

 

[bent_yaso3]

بحس وانا قاعده فى المنتدى انى فى بيتى وسط اخواتى صدقينى ده حقيقى
بس المشكله ان الاقسام كتير ومش عارفه اشارك فيها كلها ودايما تفوتنى حاجات مهمه
طب ايه شعورك لو عرفت انسان او انسانه وحسيت ان التانى ده جواه مشاعر خاصه ليك
وجيت قابلته فى يوم لقيته متغير وبيتجاهل وجودك او حديثك؟

 

[tina_tina]

هسلم عليه وامشى
طيب ايه شعورك لو برضوا مرديش يسلم عليك؟

 

[حسام سوما]

هعرف هو زعلان لية

طب اية شعورك لما تمشى فى الشارع وطفل يشتمك؟

 

[bent_yaso3]

حاجه محرجه
بس مفيش حاجه هقدر اعملها غير انى اضحك
طب يكون ايه شعورك
لو صحيت الصبح وانت تعبان جدا وعندك دور برد شديد وانت مخطط فى اليوم ده لرحله؟

 

[حسام سوما]

مدام هخرج مع اصدقائى يبقى لازم اروح علشان ما حدش يزعل منى


طب اية شعورك لو يوم عيد ميلادك ما حدش حس بيك؟

 

[totty]

رد على: لعبة الشعور..ادخل عشان نعرف شعورك

ياااااااااااااااااااااااااااااااه صعبه اوى
بجد هعد اعيطواصلى لربنا واكيد هو هيكون فاكرنى
طب ايه شعورك لما تعملى حاجه لواحده كبيره فى الشارع وتعد تدعيلك

 

[jesus_son]

رد على: لعبة الشعور..ادخل عشان نعرف شعورك

هحس ان امى اللى بتدعيلى و طبعا دعوة الأم دى حاجة جميلة خالص و دى من الحاجات اللى المسيح بيستجيب ليها بسرعة

اللى بعدى

ايه شعورك لو شفت واحد فى الشارع فقير بيطلب منك المساعدة و انت صرفت كل اللى فى جيبك و نفسك تساعده ؟؟​

 

[mazzikanoo]

رد على: لعبة الشعور..ادخل عشان نعرف شعورك

شعور ما باليد حيلة ...
طب ايه شعورك لما تعمل حفلة ادام الناس كلها و تبووووظ منك ؟؟؟ ( عن حقيقة واقعية ) ​

 

[candy shop]

رد على: لعبة الشعور..ادخل عشان نعرف شعورك

طبعا هزعل اوى وهعتذر للمدعوين وبعد ما يمشوا هقعد اعيط

اللى بعدى

طيب ايه رأيك لو انت لابس اللى على الحبل كله وعندك ميعاد مهم اوى وبعد ما قربت ناس رموا عليك ميه مش نضيفه​

 

[jesus_son]

رد على: لعبة الشعور..ادخل عشان نعرف شعورك

يا خبر ابيض
ايه الكسفة دى
لو الميعاد مهم اوى بجد و غير محتمل للتأجيل يبقى اخلى اخويا ينزل يشريلى هدوم جديدة
لو الميعاد ممكن يتأجل يبقى خلاص اتحلت

طب انت تخيل انك بتحب واحدة و انت محتار تقولها ولا لا , و فجأة عرفت من صاحبتها انها هيا كمان بتحبك زى مانتا بتحبها , و جيت و قولتلها انك بتحبها و هيا قالتلك خلينا اخوات
ساعتها ايه هايكون شعورك ؟؟ ( السؤال ده بصيغة لولد او بنت )​