- إنضم
- 15 أغسطس 2006
- المشاركات
- 11,131
- مستوى التفاعل
- 984
- النقاط
- 113
سلام ونعمة للكل
ــــــــــــــــــــــــــــــــــــــــــــــ
كل يوم أنا بوعدك ... أني خلاص أكيد هتوب
وأترجي تاني محبتك ... وبرحمة تغفرلي الذنوب
وأقول خلاص زمن التهاون والكسل ... ده كان زمان
ومن النهاردة هيكون العمل ... ثمر التواضع والإيمان
ويمر اليوم من غير نتيجة ... وأقول خسااارة
وأصرخ وأعاتب نفسي الحقيرة ... وأبكي بمرارة
وأنهض وأقوم وأقول بكرة ! ... نحاول تاني
وأكيد هقدر أتغير وأرجع ... تاني لمكاني
ويفوت ويعدي بكرة من غير ما يسلم ... حتي السلام
وأبص لنفسي وأنا نفسي أتكلم ... بس فين القي الكلام
وأبكي تاني زبدل الدموع دم ... علي ضعفي وعجزي وعمري ال أتهدم
وأحس بأن خلاص ما في أمل .. ما أنا مستهلش
وهكمل وحدي مكسور مذلول ... ما أنا مبتعلمش
بس أكيد يارب أنت عارف ... أشتياقي
وحاسس بنبض قلبي وشايف ... أحتياجتي
وأنت الوحيد ال تقدر تردني
ما أنت أبويا ال بتحبني ... وسنين أستحملتني
وأنا أبنك ال بدمك أخترتني ... وبأسمي عرفتني
وأنت الوحيد ال تقدر تردني
ومن دلوقتي أنا مش هوعد ... ولا هتكلم
أنا هنسي حياتي كلها ... وليك هسلم
جدد فيا أهدم وأبني .. غير شكلي وبيك جددني
وبعطفك وحنانك ... عود وأسترني
فأنا ومن الأن لك ... كلي لك
ــــــــــــــــــــــــــــــــــــــــ
خاطرة عابرة ... باللغة العامية ... هي فقط نبضات قلبي بدون تجميل
ـ
