لاتندم على حب عشته ....

[artamisss]

بالطريقه دى الحياة هاتبقى كلها ندم فى ندم
لا انا مش معاكوا انا بعتبر اى حاجه فى حياه الانسان تجربه واى موقف بيمر بيه تجربه ولازم ي تعلم منها سواء خسر او كسب فيها
فالحب تجربه بس مؤذيه للمشاعر احيانا لكن ممتعه والواحد لازم يستفيد منها :36_3_18:

 

[answer me muslims]

لا بس التجربه دى لو كانت تجربه ناجحه اكيد هتفرح بيها وعمرك مهتندم عليها ابدا
لكن لو كانت تجربه فاشله وهذه التجربه هددت اشياء فى حيات اكيد لازم تندم انك دخلت هذه التجربه
مثلا لو واحد شاف ان فى مشروع كويس جدا ومربح وبعد مادخل المشروع راح خسر الوراه والقدامه مش اكيد هذا الرجل هيندم على انه فكر بس انه يدخل هذا المشروع؟

 

[artamisss]

ايوة ماختلافناش ده مشروع راسماله فلوس وضيع املاك بس لازم يتعلم من التجربه دى علشان هو اللى بيعمل الفلوس مش الفلوس اللى بتعمل الانسان فاعلشان يتخطى ازمته يبقى لازم يتعلم مناللى فات مش يقعد يندم ويندب خظه ويارتنى ماعملت ويارتنى ماسمعت كلام فلان وياريت وياريت
الحب تجربه اسمى من انها تتساوى بمشروع راسماله فلوس لان المشاعر اغلى كتييييييير واتمن من الفلوس:t14:

 

[answer me muslims]

انا مقولتش انا الواحد يقعد يلطم كل يوم ويندب انه حب الحب الفاشل لا كل القولته انه لازم يندم على الحب ده وشيوف ايه هى الاسباب الجعلت هذا الحب فاشل ويتعلم منها حتى لا يقع فيها مرة اخرى يندم حتى يتعلم ولكن اذا لم يندم واخد الموضوع بكل بساطه وكانها شى عادى هيقع نفس الوقعه السوده تانى ولكن اذا ندم وراجع نفسه اكيد مش هيقعها تانى ولكن مش الندم الانتى فهماه انه يقعد يندم طول حياتى اكيد لا هى بتبقا فترة صغيرة كده وبتروح ربنا مدينا نعمه النسيان:36_1_50:

 

[artamisss]

ههه اوك يا انسر مش هانختلف كتير لكن انا قصدى ايه ان كتير مننا بيخرجوا من التجربه مدمرين وغالبا بيفضلوا مدة طويله يعانوا او يحلو الموضوع بطريقه غلط زى اللى تكون خارجه لسه من ازمه عاطفيه او خارج من ازمه اول واحدة شكلها حلو يقابلها يحبها وهكذا نفس النظام مع البنت ودة غالبا لانهم بيبقوا ندمانين على حياتهم السابقه وفاكرين انهم هايعوضها بحاجه افضل اتمنى تكون فهمت قصدى يا انسر وميرسى على توضيحك بس بلاش وحياتك الكلام الصعب بتاعك دة بتاع الحب اللى يوديك فى داههيه لاحسن الناس اتعقدوا وانا شكلى كد ة ها شيل زنبهم هههههه

 

[answer me muslims]

'طيب كويس ان انا قولت يودى فى داهيه بس ومقولتش الباقى هههههه:t33:

 

[artamisss]

هههه هو فى كمان اكتر من انه يودى فى داهيه
طب زدنا من خبراتك بجد ومش بهزر وارنا مافى جعبتك من حكايات واشعار :t33:

 

[answer me muslims]

لالالالالا بلاش جعوبتى انا بالذات لحسن اجيب لكل المنتدى حاله نفسيه

 

[artamisss]

لالالا ولا يهمك هات وقول هو المنتدى كله بقى عقد على ايديا انا وجومانه

 

[answer me muslims]

هجبلك من الاخر ياستنا الريسه
اى واحد هيدخل فى حاله حب مع اى بنت مهما كان هتكون فى الاخر فاشله وهيتدم اشد الندم فى الاخر
لماذا؟
لعده اسباب تخص الطرف الاخر وارجو انك لا تقولى لى ماهى هذه الاسباب مش عيزين نولع المنتدى حريقه30:

 

[artamisss]

يا مصبر الوحش ياابنى انجز انت هاتنشف ريقنا علشان تقول انا صرحت لك وقلت لساعتك اتفضل اتكلم هات ما فى جعبتك واتكل على الله
وانا بقى اؤيد الحريقه يلا :36_22_25:

 

[answer me muslims]

طيب انا هقول ومليش دعوة بقا محدش يزعل منى الصراحه راحه
بصى ياستى
(البنت)(كامخلوق)(لايعرف ماهو الحب )
البنت ممكن تحب الولد وتبينله ذالك بالمعمله والمظاهر والمشاعر مش عايز اقول الكاذبه هى البنت ممكن تحب وتحب جدا وتقدر تحسس الولد بذالك بسهوله كبيرة ولكنننننننننننننننن(الاهم عند البنت هو)(المصلحه العامه)(البنت ممكن تبيع الولدفى(جزءمن الثانيه)بسبب مصلحتها البنت تقدر تتخلص من حبها ومشعرها اتجاه اى شخص بسهوله جدا ربنا مزود عندها نعمه النسيان بطريقه عجيبه بجد البنت لا تعلم ياعنى ايه حب البنت تستطيع ان ترمى مشعرها مهما كانت قى قاع البحار
وانا لالله وان اليه راجعون

 

[artamisss]

انت عارف يا انسر انك بكدة بتشكك فى خليقه ربنا
بص يا انسر البنت بنى ادم والولد بنى ادم ده ليه مشاعر ودة ليه مشاعر ده عنده مخ ودة عنده مخ
الاتنين فصيله واحدة لكن مختلفين من ناحيه جنسهم ده ذكر ودى انثى
ولعلمك بقى االانثى لو مكنش ربنا ادها المشاعر الفياضه اكتر من الولد مكنش هايديها نعمه الحمل والولادة ومسؤليه التربيه فيما بعد
البنت والولد مش بطبيعتهم عارفين كل حاجه لكن بطبيعتهم عارفين ان فى حب من وهما صغيرين لكن لما بيكبروا المجتمع من حواليهم بيترجموا لهم الحب ده فى صور غلط ميعرفوش يعنى ايه حيبيب يضحى لاجل نصه التانى وان التضحيه والبذل اساس الحب كل اللى بيبشوفه ان الظروف الاقتصاديه من حوالينا بتسوء
ومفيش شغل مفيش فلوس مفيش مفيش مفيش
ولان مجتعمنا مابيدورش ينمى قدراتتا ازاى فالبنت بتبقى تفكيرها منغلق وعارفه اخرها بيت وجوز واولاد وبس
فابتحرص انها تلحق نفسها علشان كدة ممكن تخلى عن حبيبها فى اى لحظه
بس فى ولاد بقى بعد مايظبطوا العمليه وخلاص البنت تستنى وتدافع عن حبها وتقف فى وش اهلها
يجى فى الاخر وانا اسف جدا انا مشهاقدر اكمل معااااااااااااااكى
صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ramyghobrial]

طيب افرضي ياديانا هو كان مقتدر وهي لعبت بية
يبقى اية التفسير بكدة مش برضة هايتعقد من كل البنات
على فكرة الموضوع كلة حلقة متصلة في بعضيها لعدة اسباب واهم سبب المجتمع اللي احنا عايشييين فية

 

[answer me muslims]

عارف يا انسر انك بكدة بتشكك فى خليقه ربنا
بص يا انسر البنت بنى ادم والولد بنى ادم ده ليه مشاعر ودة ليه مشاعر ده عنده مخ ودة عنده مخ
الاتنين فصيله واحدة لكن مختلفين من ناحيه جنسهم ده ذكر ودى انثى
ولعلمك بقى االانثى لو مكنش ربنا ادها المشاعر الفياضه اكتر من الولد مكنش هايديها نعمه الحمل والولادة ومسؤليه التربيه فيما بعد
البنت والولد مش بطبيعتهم عارفين كل حاجه لكن بطبيعتهم عارفين ان فى حب من وهما صغيرين لكن لما بيكبروا المجتمع من حواليهم بيترجموا لهم الحب ده فى صور غلط ميعرفوش يعنى ايه حيبيب يضحى لاجل نصه التانى وان التضحيه والبذل اساس الحب كل اللى بيبشوفه ان الظروف الاقتصاديه من حوالينا بتسوء
ومفيش شغل مفيش فلوس مفيش مفيش مفيش
ولان مجتعمنا مابيدورش ينمى قدراتتا ازاى فالبنت بتبقى تفكيرها منغلق وعارفه اخرها بيت وجوز واولاد وبس
فابتحرص انها تلحق نفسها علشان كدة ممكن تخلى عن حبيبها فى اى لحظه
بس فى ولاد بقى بعد مايظبطوا العمليه وخلاص البنت تستنى وتدافع عن حبها وتقف فى وش اهلها
يجى فى الاخر وانا اسف جدا انا مشهاقدر اكمل معااااااااااااااكى
صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ __________________
برة بيتى وحضن ابويا كنت محسوب من العبيد
كنت ابن وصار نصيبى عبد ليا الف سيد:sad_smile:

بصى انا مش بشكك فى خليقه الله ولا حاجه الام مدرسه وكل حاجه وفعلا الواحد مش بيحس بقيمه البنت او البنت مش بيبقا ليها اى قيمه غير قيمه الامومه ليس اكثر ولكن البنت فى سن الحب والكلام ده مشاعرها متقلبه بطريقه غبر عديه ومش بتبقا عرفه عيزة ايه ولا ماشيه ازاى ولا بتحب ولا لا تحس كده انها مشوشه وممكن تبيع فى سنه صدقنى ده عن تجارب بجد البنت تقدر تبيع فى ثوانى وفى اى وقت اذا احتاجت الى ذالك
لكن الام ياعينى على الام وجمال الام لا خال ولا عم بيشلو الهم مقولتش حاجه ياريت البنت توولد ام علطول مكنش حال الدنيا بقا كده

 

[artamisss]

اولا من الواضح انك يا اما مريت بتتجربه قاسيه او سمعت عن تجربه صعبه
واى ان كان هذا او ذاك عاوزة اقولك مفيش حاجه اسمها سن الحب والكلام دة ... يعنى ايه سن الحب هو الحب ليه سن محدد ؟؟؟؟؟؟؟؟؟؟؟؟؟ لا طبعا الحب فى كل وقت وفى كل عمر
ولو مفيش مشاعر عند الست او المرءة من وهى صغيرة زيها زى الرجل مكنتش هاتكبر المشاعر دى جواها بعد كدة علشان تقدر تحتوى اسرة باكملها
انا ليا تعقيب هنا عليك يا انسر مفيش اى حاجه بتتولد كبيرة ومفيش اى كائن حى بيتولد كبير
سن النضوج بتيجى قبله فترات تأسيس ورعايه علشان يبقى بالصورة الحلوة بتاعته دى الى احنا شايفنها عليه

وبعدين انا ليا عتاب عليك يا انسر ازاى تقول ان البنت مالهاش قيمه غير انها تكون ام؟؟؟؟؟؟
هل انت بتنكر قيمه اختك . قيمه جدتك . قيمه والدتك.
طب افرض ان البنت او الست دى عاقر مابتخلفش يبقى مالهاش قيمه لا طبعا مفيش اى حاجه من خليقه ربنا مالهاش قيمه دة ادم وحوا خلقهم ربنا على صورته ومثاله يبقى ازاى مالهمش قيمه مش غلطتنا كا بنى ادمين مسيحين عايشين فى مجتمع متخلف بيحكم تصرفتنا انا غلطتنا صحيح لو اتطبعنا بطبع المجتمع ده
:dntknw:

 

[candy shop]

لا تندم على حب عشته.....حتى ولو صارت ذكرى تؤلمك

إذا كانت الزهور قد جفت وضاع عبيرها ولم يبقى منها غير الأشواك

لا تنسى إنها منحتك عطراً جميلاً أسعدك


لا تكسر أبدا كل الجسور مع من تحب...فربما شاءت الأقدار لكما يوماً
لقاء آخر يعيد ما مضى ..ويصل ما أنقطع

فإذا كان العمر الجميل قد رحل
فمن يدري ربما جاء عمر أجمل

وإذا قررت يوما أن تترك حبيباً فلا تترك له جرحاً

فمن أعطانا قلباً لا يستحق أن نغرس فيه سهماً
أو نترك له لحظه الم تشقيه
وما أجمل أن تبقى بيننا لحظات الزمن الجميل
وإذا فرقت الأيام بينكما...



فلا تتذكر لمن كنت تحب غير كل إحساس صادق
.ولا تتحدث عنه إلا بكل ما هو رائع
فقد أعطاك قلبهً...و أعطيته قلبك

وليس هناك أغلى من قلب العاشق


و إذا جلست يوماً وحيداً تحاول أن تجمع حولك ظلال أيام جميلة عشتها مع من تحب،
اترك بعيداً كل مشاعر الألم والوحشة التي فرقت بينكما



حاول أن تجمع في دفاتر ك كل الكلمات الجميلة التي سمعتها ممن تحب.
وكل الكلمات الصادقة التي قلتها لمن تحب...لشخص سكن قلبك يوما ..ملامحه
..بريق عيناه الحزينتين


وابتسامته في لحظة صفاء...ووحشته في لحظه ضيق...و الأمل الذي كبر بينكما

يوماً...وترعرع حتى وإن كان قد ذبل ومات


إذا سألوك يوماً عن إنسان أحببته فلا تقل سراً كان بينكما...
ولا تحاول تشويه الصورة الجميلة لمن أحببته اجعل من قلبك مخبأ سرياً لكل أسراره وحكاياته


فالحب أخلاق قبل أن يكون مشاعر...


وإذا شاءت الأقدار واجتمع الشمل يوماً فلا تبدأ بالعتاب والهجاء

وحاول أن تتذكر آخر لحظه حب بينكما لكي تصل الماضي بالحاضر

ولا تفتش عن أشياء مضت لان الذي ضاع ...ضاع

والحاضر أهم كثيراً من الماضي

ولحظة اللقاء أجمل بكثير من ذكريات وداع موحش

وإذا اجتمع الشمل مرة أخرى...حاول أن تتجنب أخطاء الأمس التي فرقت بينكما
لأن الإنسان لابد أن يستفيد من تجاربه

ولا تحاول أبدا تصفي حسابات أو تثأر من إنسان أعطيته قلبك

لأن تصفية الحسابات عملة رخيصة في سوق المعاملات العاطفية ،
والثأر ليس من أخلاق العشاق


ومن الخطأ أن تعرض مشاعرك في الأسواق وأن تكون فارساً بلا أخلاق


وإذا كان ولا بد من الفراق فلا تترك للصلح باباً إلا مضيت فيه

إذا اكتشفت أن كل الأبواب مغلقة...وأن الرجاء لا أمل فيه
وأن من أحببت يوماً أغلق مفاتيح قلبه
و ألقاها في سراديب النسيان​

هنا فقط أقولك :​

إن كرامتك أهم كثيراً من قلبك الجريح

حتى وإن غطت دماؤه سماء هذا الكون الفسيح...فلن يفيدك أن تنادي حبيباً لا يسمعك
وأن تسكن بيتاً لم يعد يعرفك أحد فيه

وأن تعيش على ذكرى إنسان فرط فيك​

في الحب لا تفرط فيمن يشتريك...ولا تشتري من باعك ...ولا تحزن عليه​

 

[Romantic Guy]

رد على: لا تندم على حب عشته.....حتى ولو صارت ذكرى تؤلمك

فلن يفيدك أن تنادي حبيباً لا يسمعك
وأن تسكن بيتاً لم يعد يعرفك أحد فيه

كلام جميل اوى و حقيقى , ميرسى اوى يا كاندى على الموضوع الحلو

 

[candy shop]

رد على: لا تندم على حب عشته.....حتى ولو صارت ذكرى تؤلمك

ميرسى او يا Romantic Guy

على الرد الجميل​

 

[Dona Nabil]

رد على: لا تندم على حب عشته.....حتى ولو صارت ذكرى تؤلمك

ياااااااااااااااااااااااااا يا كاندى هذا هو الحب فى أروع معانيه حتى لو انتهى بالفراق فهو فراق بدون كراهيه ........أين وجدتى هذه الكلمات ؟؟؟؟؟؟؟؟؟ لو كل الناس حبت كده كانت كل المشاكل انتهت ........ ميرسى ليك يا أميرة الحب .