كنت هنا من 3 او 4 سنين ..

+KiMO+

عضو مبارك
عضو مبارك
إنضم
17 يوليو 2013
المشاركات
9,056
مستوى التفاعل
783
النقاط
0
سلام المسيح

انا اسمي كريم .. كنت هنا في المنتدي من اكتر من 3 سنين تقريباً
سيبته و رجعت النهاردة لما احتاجته

انا سني 20 سنة .. مصغرتش لأ انا كنت بكذب لما قلت اني 24 من كام سنة معرفش ليه ..

انا رجعت لاني عندي كمية اسئلة و شكوك كتير في مواضيع كتير محتاج حد يرشدني لاني ملقتش ده فالكنيسة

انا للأسف كلمة مسيحي بكتبها في خانة الديانة فقط
لكني محتاج ابقي مسيحي بجد و عمري مهبقي كدة غير لما اقتنع
و مش هقتنع غير لما اسأل ..


انا لما شوفت مواضيعي القديمة عرفت اد ايه انا كنت تافه
بس معلش .. ملحوقة

رجاء لو حد يعرفني من الاعضاء القدام يسامحني لو كنت ضايقته
و ياريت ننسي اي حاجة عني كاني واحد جديد
و استحملوني لو سألت اسئلة كتير ..


:new5::new5::new5:


 

كلدانية

مشرف
مشرف
إنضم
1 نوفمبر 2010
المشاركات
61,062
مستوى التفاعل
4,191
النقاط
113
اهلا بيك كيمو منور المنتدئ
سعداء برجوعك سيبك من العمر
اهم شئ فكرت وتسال حتئ توصل لطريق الرب
اسال وافتح قلبك واكيد حي يساعدوك عندنا اساتذة هنا في المنتدئ
تستفاد منهم كثيرااا يارب نور المسيح ينور طريقك ويريح بالك
 

II Theodore II

عضو مبارك
عضو مبارك
إنضم
16 أكتوبر 2016
المشاركات
222
مستوى التفاعل
12
النقاط
0
اهلا بيك يا كيمو . بص هو انا هنا لسه جديد يعنى . فمعرفش حاجه قديمه ومحبش اعرف لانى مش من النوع اللي يحب يفتش ورا الاشخاص عموما . ومش هتفرق 20 ولا 50 ولا 100 المهم انك علي قيد الحياه فكريا . الشكوك شيء طبيعي من حقك تشك في كل شيء من حقك تشك في الشك ذاته . واهم شيء انك عاوز تفهم ويكون عندك قناعه شخصيه مش مهم الناس تقتنع باللي انت مقتنع بيه ولا لا المهم يكون عندك اسباب لقناعاتك . اسآل زى ما انت عاوز المنتدي اكيد من ضمن اهم اهدافه توصيل مفاهيم ايمانيه صحيحه للجميع . ربنا معاك ويقويك
 

حبو اعدائكم

حبو...
عضو مبارك
إنضم
9 أكتوبر 2011
المشاركات
14,162
مستوى التفاعل
4,721
النقاط
113
الإقامة
مصر
اهلا كيمو منورنا-- مش مهم السن و لا تفرق
المهم انك دلوقتى حابب تعرف حابب تفهم :)
كلنا كنا مسيحيين فى البطاقه بس و وصلنا للمرحله و بدئت رحله البحث... الى بتطول او بتبقى قصيره -- بتفرق من كل واحد للتانى-- بس فى الاخر الواحد فعلا بيتولد من جديد و يعرف يعنى ايه يبقى ابن لربنا و يعنى ايه تبقى فيه علاقه حيه....
ربنا معاك و الكل هنا اكيد هيساعدك
:)
 

انت مهم

عضو نشيط
عضو نشيط
إنضم
22 يناير 2015
المشاركات
765
مستوى التفاعل
149
النقاط
0
اهلا فيك كيمو منور من جديد....ربنا يباركك
 

aymonded

مشرف سابق
مشرف سابق
إنضم
6 أكتوبر 2009
المشاركات
16,054
مستوى التفاعل
5,342
النقاط
0
يا غالي هو ممكن حد ينساك أصلاً، انا عن نفسي انت عارف معزتك عندي ومستحيل انساك ابداً، وبعدين لازم تعرف أن كل سن وله حكمه، وكل وقت وله المرحلة اللي الإنسان بيبقى فيها وله تفكيره وتصرفاته وسلوكه، وكلنا واحنا صغار كان لينا أشياء كتيرة بنسخر منها ونضحك عليها لما كبرنا، فده شيء لا يعب الإنسان أبداً، المهم انه يواصل حياته ويكمل مشواره بفهم ووعي وإدراك، وكل ما يتقدم بالعمر سيفهم اكتر ويتسع ذهنه وتتفتح مداركه، فلا ملامة بالطبع على ما سبق وكان، لأنه طبيعي جداً ومش فيه اي عيب أو مشكلة خالص، فاجعل كل ما فات مجرد ذكرى، خد منها كل ما هو نافع ويبني ما هو آتٍ لأن كل خبرة بنعبر عليها بيكون لنا فيها أساس بنبني عليه ما سيأتي، ولو وجدناها غير نافعه، فأنها كانت نافعه في وقتها، فكل شيء تحت السماء له وقت، وكل وقت وله حاله وميزاته وعيوبه، والإنسان الواعي يعرف كيف يستفاد من كل شيء ويبني حياته بنيان صحيح واعي ليكون أكثر انتباه واستمرارية في طريقه.
 
أعلى