كل واحد يدخل يقولنا اية اكتر المواقف الخطيرة الى عاشها او المرعبة او الحزينة ؟

jesus.my.life

عضو مبارك
عضو مبارك
إنضم
5 يناير 2008
المشاركات
1,638
مستوى التفاعل
15
النقاط
38
بما انى لقيتك الاستاذه الفاضله روزى عاملة موضوع عن اكتر المواقف المضحكة
حبيت برضة اننا نعمل موضوع عن اكتر المواقف الحزينة او الصعبة او الخطيرة الى عشناها واتمنى ان الكل يدخل يحكى لانى بحس اننا هنا كاسرة فعايزين نفضفض لبعض ونحكى
وياريت الموضوع يتثبت مش موضوع روزى بس الى يكون مثبت ومش عايز تفرقه فاهمين :ranting: ( سامحينا يا استاذه روزى دى حبه روشنة على الصبح كدة :spor22: )



انا عن نفسى هبدا باول موقف
فاكر وانا صغير انا واخويا فادى ( الى مايعرفناش احنا توئم وكنا توئم مافيش زيه فى الشقاوة )
كنا فى ابتدائى مسافرين انا واخويا واختى وماما اسيوط وبابا كان معايا بس سابنا ورجع
جينا بقى واحنا راجعين احنا الاربعه رجعنا لوحدينا وفى محطة القطر نزلنا فى ملوى انا واخويا وضربت فى مخنا اننا ننزل زى الناس وننط لما القطر يجى يطلع ( شوفه بقى اتنين ماكملوش 10 سنين بيفكره فى اية :a82: )
نزلنا من القطر ونشكر ربنا نشكر ربنا القطر بيمشى خفنا ننط ففضلنا وطبعا امى واختى فى القطر ومايعرفوش وانا من بنى سويف وكنا مروحين
نعمل اية نعمل اية
فضلنا نعيط انا واخويا بصوت عالى لحد ما حد جالنا وقلناله راحه مبلغين المباحث الى فى القطر وقعده يدوره على ماما كنا قالنالهم هما فى عربيه كام
بس فى نفس الوقت الى هما بيدوره كانت ماما واختى قامه يدوره علينا فى القطر كله
واتمرمطنا اخر مرمطة فى اليوم دة
من قطر لقطر ركبنا حوالى 3 او 4 قطورات مش فاكر المميز والبضاعه والى والبضاعه كنا راكبين فى عربيه السواق وانا الى ضربت الفرامل :spor22: حته اكشن كدا وفى اخر قطر اخويا جاله قلب ونام مع انى فضلت صاحى لاننا طبعا المسافه تتاخد فى 3 ساعات مثلا اخدناها فى 5 واخويا راح فى النوم وانا فضلت صاحى الظريف بقى فى الموضوع ان رئيس القطار كان مهتم بينا وجبلنا سندوتشات بس ساعتها كانت جبنة رومى وانا مش باكل الجبنة الرومى قلتله لا انا عايز بيبسى :((
قالى ولله يا ابنى مش معايا فلوس
وكان ابن اللذينه ماسك يجى كام الف فى ايده وانا ماكنتش فاهم انها فلوس السكة الحديد قلتله ما انت معاك اهو كتير يا راجل يا بخيل ضحك وقالى ربنا يسامحك
المهم وصلنا بنى سويف فى المحطة لقينا استقبال شعبى بمعنى الكلمة اول اتنين بقى يتوه من بنى سويف فى القطر والبلد كلها فى المحافظة وعيلتى كلها واقفة وكانت العيلة بقى مخليه كل راجل قدام عربيه بحيث ما نضعش تانى واول ما عمى الصغير شافنا جرى علينا واخدنا فى حضنه وعيط ( اللئيم بقى راح قال اننا الى جرينا عليه وطبعا انا واخويا فضحناه فى العيلة :new4: ) ابويا بقى ربنا يرحمه ويكون فى ملكوته من النوعية الى يبان الى تشوفه تقوم صلب وهو فعلا كان صلب
اول ما شفنا ضربنا كل واحد قلم وسابنا ومشى وما اخدناش فى حضنه بس وانا ماشى مع عمامى لمحته وهو على جمب بيمسح دموعه
( كان نفسى فى الوقت دة ياخدنى فى حضنه ويطبطب عليا عشان احس بالامان :( )

ولحد دلوقتى هما فاهمين اننا نزلنا من القطر عشان جزمتى اتخلعت ووقعت واختى قفشتى وانا بكتب وقالتلى يعنى بتضحكة علينا :new2:

الكدب مالهوش رجلين حته لو بعد مليون سنة

دى يمكن الى فاكرها دلوقتى وكل ما هفتكر هدخل اقول
يلا كل واحد يقولنا اية اكتر موقف محزن او خطير بالنسبالة:yaka:
 

dark girl _n

عضو نشيط
عضو نشيط
إنضم
3 يوليو 2010
المشاركات
1,810
مستوى التفاعل
16
النقاط
0
الإقامة
مصر
فكره جميله جدا يا .........اخو فادى ابقي قولنا اسمك علشان نعرف نندهك
هبقي احاول افتكر حاجه واجى اشارك في الموضوع
علشان انا ذاكرتى بطاطا
 

jesus.my.life

عضو مبارك
عضو مبارك
إنضم
5 يناير 2008
المشاركات
1,638
مستوى التفاعل
15
النقاط
38
انا اسمى شادى سهل اهو شيلى ال ف وحطى ال ش
وممكن تقوليلى يا شانكو يلا نشيل الالقاب
نورتى التوبيك يا دارك واتمنى اشوف مواقفك
 

raffy

عضو نشيط
عضو نشيط
إنضم
18 أغسطس 2009
المشاركات
1,367
مستوى التفاعل
32
النقاط
0
الإقامة
قلب يسوع
ههههههههههههههههه موقف مضحك جدا الظاهر ان انت واخوك كنتوا شقاى جداااااا
انا هاحكى موقف حصل معانا انا واخويا التوأم برضة
كنا واحنا صغيرين بنحب نقلد كل حاجة نشوفها فى التليفزيون اذا كان باللعب بتاعتنا او نعملها بنفسنا
وفى مرة سمعنا فيلم من الافلام القديمة ان فية واحدة ربطت الملايات فى بعض وربطتهم فى البلاكونة بتاعة البيت بتاعها ونزلت بيهم علشان هى كانت محبوسة (تقريبا كدة على ما اتذكر ان والدها كان حابسها )
وماما زمان كانت متعودة لما تيجى تخرج برة تعملنا الاكل وتشغلنا التليفزيون وتقولنا خلوا بالكم من بعض وكانت بتقفل علينا الباب بالمفتاح من برة
فأنا واخويا زهقنا واحنا قاعدين فقلنا ما نيجى نربط الملايات فى بعض وننزل نلعب فى الشارع زى ما شفنا فى التليفزيون
وفعلا رحنا وطلعنا كل الملايات وربطناهم بحيث انهم يوصلوا من الدور السادس لغاية الارض فى الشارع
ورحنا ربطناهم فى البلاكونة وكتبنا لماما جواب ان احنا رحنا نلعب فى الشارع وحطيناة على السفرة
ودار ما بينا الحوار دة
انا : يلا ابدأ انت
اخويا : لا طبعا لازم تبدئى انتى مش انتى صاحبة الفكرة ؟!
انا : لا يا خويا انت اللى المفروض تبدأ لان انت شجاع كدة وتعرف تعمل اى حاجة (طبعا بضحك علية علشان هو اللى يبدأ)
اخويا : خلاص ماشى يا جبانة انا هبدأ
و لسة هيركب فوق البلاكونة وشفنا ماما وهى جاية تحت
رحنا حشنا الملايات بسرعة من البلاكونة وحطيناهم فى الدولاب وهم مربوطين
وماما بتفتح الباب لقيتنا زى العصافير هاديين خاااااالص ولا كأننا عملنا حاجة
ونسينا حكاية الملايات المربوطة دى
وتانى يوم ماما بتفتح الدولاب لقيت الملايات مربوطة فى بعض وبتسالنا رحنا قلنالها دة احنا كنا بنلعب بالملايات وقلنالها حالا نفكهم بسرعة ومجبنالهاش حكاية البلاكونة وطبعا قطعنا الجواب
وتقريبا من تلات سنين كنا قاعدين نحكى مع ماما وقلنالها على الحكاية دى وطبعا قعدت تشتم فينا
وانا واخويا قعدنا نضحك عليها معندناش دم طبعا
دة تقريبا اكتر موقف كان خطير بالنسبالنا وكل ما نفتكرة نقعد نضحك
وفية مواقف كتير تانى بس هاحكيها فى وقت لاحق
فكرة الموضوع دة حلوة جداااااااا لانها بتفكرنى بالمواقف اللى كنت بعملها انا واخويا زمااان
شكراااااااا ليك جدااا على الموضوع

 

raffy

عضو نشيط
عضو نشيط
إنضم
18 أغسطس 2009
المشاركات
1,367
مستوى التفاعل
32
النقاط
0
الإقامة
قلب يسوع
على فكرة انا توأمى اسمة شادى برضة وانا ودارك اخوات وكنا متاكدين ان اسمك شادى
تشرفنا كتييير يا استاذ شادى
 

jesus.my.life

عضو مبارك
عضو مبارك
إنضم
5 يناير 2008
المشاركات
1,638
مستوى التفاعل
15
النقاط
38
هههههههههههههههههه
هما شكل التوئم الى فيهم شادى دايما اشقيه
ومن صيغه كلامك انثى فاحلى حاجة بجد ان يكون توئم ولد وبنت

بس شادى عن شادى يفرق
عمره ما هيكون زى :d
وربنا يخليكم لبعض انتى وشادى ودارك بجد انا بقضى وقت جميل هنا فى المنتدى معاكم
 

jesus.my.life

عضو مبارك
عضو مبارك
إنضم
5 يناير 2008
المشاركات
1,638
مستوى التفاعل
15
النقاط
38
فى اية بس يا جماعه هو الفكرة وحشة ولا اية :mad:
 

kalimooo

عضو مبارك
عضو مبارك
إنضم
23 يونيو 2008
المشاركات
143,884
مستوى التفاعل
1,788
النقاط
113
الإقامة
LEBANON
لا بس هاتكلم ايه وايه
في كتير وكلها محزنة مرت علينا حرب اهلية
اسلامية مسيحية ومجازر ذبح اهلنا ونحن صغار امام اعيننا
لذلك اكتفي بهذا القدر لانه محزن جدااااااااا...
 

روزي86

كتكوتة المنتدي
عضو مبارك
إنضم
3 أكتوبر 2009
المشاركات
45,853
مستوى التفاعل
1,167
النقاط
0
الإقامة
cairo
ههههههههههه

الفكره حلوه بس مفيش عندي مواقف خطيره

لكن لو افتكرت حاجه هاجي

ارخم هههههههههه
 

jesus.my.life

عضو مبارك
عضو مبارك
إنضم
5 يناير 2008
المشاركات
1,638
مستوى التفاعل
15
النقاط
38
مافيش حد مش عنده مواقف خطرا دة احنا فى مصر
فى مغامرة كنت عشتها هبقى احكهالك بليل
 

MIKEL MIK

لتكن مشيئتك ...
عضو مبارك
إنضم
16 أغسطس 2008
المشاركات
41,589
مستوى التفاعل
1,035
النقاط
113
الإقامة
حضن العدرا ام النور
فكره حلوه قوي يا شادي
وموقفك بتاع القطر فكرني بموقف خطير حصل لي
ع فكره انا برضه عندي اخ واحد واحنا تؤام بس مش شبه بعض
في يوم بقي واحنا رايحين الكليه طلبت معانا نركب القطر اليوم ده
رغم اننا بنكره القطر اصلا ومش بنحب نركبه
بس طلبت معانا في اليوم ده وعلي حظنا القطر كان بدأ يتحرك
ومشي شويه كمان بره المحطه وانا عشان دماغي صعبه قوي
قلت لازم اركب وجريت جنبه وحولت اركب لكن معرفتش في النهايه
ولو كنت وقعت اي وقعه كنت قلت الله يرحمك يا مايكل
بس الحمد لله عدت ع خير اليوم ده ومعرفش ايه اللي خلاني اعمل كده يوميها
وطبعا مش حكيت حاجه عندي هنا والا كنا شوفنا يوم كل غوامق
لو افتكرت حاجه تانيه هاجي اقول طبعا
اصل المواقف الحزينه والصعبه مفيش اكتر منها
 

احلى ديانة

نفسى ارحع لحضنة
عضو مبارك
إنضم
4 يناير 2008
المشاركات
4,704
مستوى التفاعل
87
النقاط
0
الإقامة
اى مكان وسط حبايبى
فكره جميله جدا يا .........اخو فادى ابقي قولنا اسمك علشان نعرف نندهك
هبقي احاول افتكر حاجه واجى اشارك في الموضوع
علشان انا ذاكرتى بطاطا

الله يخرب بيتك يا ابنى فضحتنا

من اولها اهو الجماهير طلبت تعرف اسمى


يا جماعة مش انا اخوة :a82:
 

jesus.my.life

عضو مبارك
عضو مبارك
إنضم
5 يناير 2008
المشاركات
1,638
مستوى التفاعل
15
النقاط
38
لله يخرب بيتك يا ابنى فضحتنا

من اولها اهو الجماهير طلبت تعرف اسمى


يا جماعة مش انا اخوة

انت هتتمحك ياض بيقوله عايزين يعرفه اسمى انا :mad:
اجرى عن هنا يلا
 

HappyButterfly

محتاجة لك
عضو مبارك
إنضم
27 سبتمبر 2008
المشاركات
12,139
مستوى التفاعل
106
النقاط
0
ههههههههههههه
فكرة حلوة اوى
شكلك انت واخوك اشقية جدا
وموقف القطر ده صعب اوى
مفيش حاجة فى دماغى ناو
حبقى افتكر واجى اقولك
 

jesus.my.life

عضو مبارك
عضو مبارك
إنضم
5 يناير 2008
المشاركات
1,638
مستوى التفاعل
15
النقاط
38
لا لا كل واحد يدخل يقولنا متابع كدا مش هنخلص

من اكتر المواقف الى عشتها فى حياتى اثارة وخطيرة شوية
كانت حريق مجمعات الاهرام فى المعادى الى كانت من 3 سنين ونص لو كلكم فاكرينها
وانا اصلا كنت واخد شقه انا واخويا هناك وكنا سهرانين فى اليوم برا ورجعنا كلمنا السهرة فى البيت على مسرحية فى قناة موجه كوميدى اضحك من قلبك :d
وكان الشارع فيه فرحين
اولا عشان بس تعرفه الشقه فى منطقة عرب المعادى خلف المجمع وورا المجمع دة فيه فى عرب المعادى اكتر من 5000 شقه والشارع الى انا كنت ساكن فيه ورا المجمع على طول ولو بيت واحد مسكت فيه النار هتمسك فى كل المنطقة لان كل البيوت جمب بعض ومنطقة شعبيه بمعنى الكلمة والى بيقف فى البلكونة بيكون فى صالة الى قدامه فى الشارع بتاعنا
المهم واحنا قاعدين نتفرج على المسرحية فادى قام نام وفضلت انا ومينا صاحبنا نتفرج ومعلين بقى التى فى على الاخر وشوية وبدل ما الاغانى شغاله سامع زيطة جامدة فى الشارع وطيت التليفزيون على الاخر وسمعنا قلت بس خناقه يا معلم والليلة هتحلو والواحد هيتفرج ههههههههههههههههههه
بطلع من البلكونة وببص نحية الصوت وبسم لله ما شاء لله ابص الاقيكى اية يا سيدى نار طالعه فى السما والليلة بتنور اية عنب اخر حاجة
دخلت بسرعة اصحى اخويا واقوله قوم اصحى وهو فى البلالا لحد ما بيقولى فى اية قلتله قوم يا فقرى المنطقة بتولع نزلنا بسرعة جرى وبنبص لقينا المجمع كله مولع حوالى 800 متر مولعه كلها نار ومبانى ومحلات وكافيهات ومطاعم ومطعم استهلاكى كبير كان موال
المهم طلعت بسرعة فى البيت وصحيت كل الناس جيرانى وكان فى جمبى ست كبيرة عايشه لوحديها طلعت فضلت اخبط لحد ما فتحت بقولها انزلى بسرعة يا حجة بتقولى فى اية يا ابنى بقولها نعم المنطقة بتولع قالتلى حاضر ونزلت وقفلنا الانابيب ونزلنا بسرعة
وضربت فى مخى اصور
طبعا ماينفعش اجى من ورا عشان اكيد هتحرق فكان لازم الف لفه كبيرة اوى واحنا بنجرى عشان اصور كن بتصل بالنجدة
اتصلنا اكتر من مليون مرة وفى كل مرة حاضر جايين لحد ما شتمتهم
والحكومة مافيش اى حاجة
لحد ما وصلنا قدام المجمع من نحية مكتبة المعادى ودخلنا جوه وبنصور والنار فى وشنا وكان فى المجمع محل مخزن انابيب لمطعم كان فيه 40 انبوبة كبار الحمد لله كانه لحقه طلعه الانبيب
بس كان كام انبوبة فى المجمع وفرقعه فى وشى
وحسيت ان جسمى كله فى النار والحيطة وقعت وكانت هتقع عليها والجامعه الحيطة بتاعته اتحرقت
كان موال كبير ومليان اثارة وتشوفه الناس المنطقة كلها فى الشارع وطبعا الى مالحقتش يغير لبس والكلام دة
لا واية الحرقه شغاله 3 ساعات كاملين ماكنش فيه الا عربيه مطافى واحدة فى الاول
دة خلانى اكره الحكومة اكتر واكتر


يلا انا حبيت بس اقول الموقف دة
عقبال الباقى لما يقول
 

mero_engel

بنت المسيح
مشرف سابق
إنضم
18 سبتمبر 2007
المشاركات
13,193
مستوى التفاعل
262
النقاط
0
الإقامة
في حضن يسوع
بجد شكلك مصيبه انت واخوك منتظره المزيد
انا يمكن عشان هاديه فماليش مواقف خطر
بس في موقف في دماغي
هرجع احكي

متابعه معاكم
 

jesus.my.life

عضو مبارك
عضو مبارك
إنضم
5 يناير 2008
المشاركات
1,638
مستوى التفاعل
15
النقاط
38
احنا غلابه خالص ولله :(
بجد غلبانين اوى
منتظر مشاركاتكم بقى
كل واحد يدخل يقولى متابع وبعدين
السنة الجاية يعنى انا بس الى بحكى :(
 

jesus.my.life

عضو مبارك
عضو مبارك
إنضم
5 يناير 2008
المشاركات
1,638
مستوى التفاعل
15
النقاط
38
فى موقف كدا افتكرته وانا صغير
كنا بنلعب كورا ورا الكنيسة واحنا فى ابتدائى تقريبا وكنت انا واخويا وواحد صحبى مع بعض
وبنلعب والكورة وقعت فى بلكونة فى الدور الاول
نعمل اية فضلنا ننادى ماحدش بيرد قلنا خلاص بما انها فى الدور الاول واحد فينا ينط يجيب الكورة وخلاص
تفكير طفل بقى :d
المهم مش فاكر مين بالظبط نط وجاب الكورة ولحظنا الاسود صاحب الشقه جه وفكرنا حرامية
وفضلت يقول حرامية وطلع جرى ورانا واحنا يا فكيك نجرى وهو ورانا وفضلنا نجرى
وننلف حولين العمارات وهو برضة ورانا مش سايبنا لحد ما دخلنا كل واحد فينا فى عمارة وطلعنا فى اخر دور وفضلنا قاعدين يجى ربع ساعة لحد ما هو مشى ونزلنا واتقابلنا وحلفنا من ساعتها ما ننطش فى بلكونات وكانت اول واخر مرة
 

mero_engel

بنت المسيح
مشرف سابق
إنضم
18 سبتمبر 2007
المشاركات
13,193
مستوى التفاعل
262
النقاط
0
الإقامة
في حضن يسوع
يعني عشان الكوره تودي نفسكهم في داهيه
حقيقي اطفال ملايكه

انا بقي وانا صغيره في تانيه ابتدائي تقريبا
بنروح البحر دايما كل صيف
وكنت اول ما اوصل البيتش مستناش لما نقعد علي طول لازم انزل الميه
المهم ربنا هداني لحد ما قعدنا وعلي طول اخدت بعضي ونزلت الميه مع نفسي من غير ما استني حد وفضلت بقي امشي يالعرض جوا الميه يعني مش جوا لا بعرض الناس
ولما جيت اطلع لقيت الناس غير الناس ومش لاقيه عيلتي
فضلت ابكي وكل واحد يشوفني يواسيني شويه
وانا قعدت ادور في الوقت اللي هما كمان بيدوروا عليا
لحد ما ربنا وفقني ورجعتلهم وطبعا كانوا هيفرقوا مني من اللي حصل
بس خضتهم عليا خلتهم ينسوا غضبهم
دي من المواقف اللي منسهاش في حياتي
وليا عوده تاني
 
أعلى