- إنضم
- 24 ديسمبر 2008
- المشاركات
- 21,377
- مستوى التفاعل
- 3,541
- النقاط
- 113
كل ما كتبت من خواطر و شخابيط
منها السعيد والحزين
والعتاب و الشكر
والنصائح و الصلاه
اليكم !! Coptic Lion !! في سطور
+++++++++
وطني دا بيتي وحضني الحنون
حبه في قلبي بقاله قرون
ولكنه ظالم بيفصل كتير
يفرقني دايماً لاجل الصليب
امانه عليك يا وطني الحبيب
لتحكم بعدل ما بين الشعوب
الي حبيتي المجهوله
احبك حب الثوره للميدان
حب المجلس للاخوان
حبي ليكي مليان حراره
بشهاده بنات كليه تجاره
مصر زي العروسه الارمله
دموع فرحتها وقهرتها علي الطرحه منتوره
قاعده في الكوشه لابسه الاسود
بتودع الفرحه
وايدين كتير حواليها
منهم ايد تبارك وايد تانيه تعزي
و احضان تواسي
وفي الزحمه في ايد في ركبتها بتقرصها
وشيوخ بتخطب وعالمرحوم بتترحم
وشيوخ واقفين في صف
عمله بتهني
والنس دماغها لفت واحتارات
دا فرح ولا ميتم
ولا ده عنبر المجانين
انا عن نفسي مبقتش فاهم
لقيت عيله تايهه
وده وصفها
شوفتها حوليها خلق وزحام
ماسك ايدها كتير بيشدوا في ميدان
والكل ماسك حته ال عايزينها انقسام
وجه اخونا الجته وجاب عياله السته
وكل عيل فيهم عنده دقن لو تتغزل تفصل جاكيته
جعر بصوته العالي
دي بتاعتي انا وعيالي
لو مد حد ايده
يبقي بيطلب وفاته
ابوها يا عيني واقف
مش عارف يعمل ايه
مصدر مسئول
الفتنه الطائفيه في مصرما هي الا اختبارات اداء
لدراسه مقومات كل طرف
شبكه اخبار ام احمد
مراسلكم كوبتك ليون
لماذا ابحث عن فتاه واحده اهبها كل ما املك من حب
وانا استطيع ان احب الحب نفسه
دون تدخل البشر
وهنا تتساوي كفتي الميزان ؟
ليه يا دنيا كل ما تفرحيني
يدوب افرح يومين وعلي عيني تديني
ليه طعم الحلوه ثواني ويدوب
اما المر في حلقي بيدوم
مهما كتبت من روائع الكلمات
ستكون في النهايه مجرد كلمات
لن تصف ذره من مقدار حبي لكي
حتي كلمه الحب نفسها
ارها وصف متواضع لشعوري نحوك
حين تجعل من قلمك صديقا لك
وقتها يزرف دمعاً في حزنك بدلاً منك
لتوفر الدمع للوقت الذي لا تستطيع حمله
ويشاركك ابتسامتك في وقت فرحك
لانه سينسي الدمع حينها
افرح عندما اقابل المخادع
لانه يعلمني معني الاخلاص
ابتهج حين يكرهوني
لاني افتقده وقتها الحب
استمتع بغباء الاخرين
لاني اشعر بذكائي
مبقتش فاهم ولا عارف
زي ماكون اعمي ومش شايف
دمي ده اللي عالارض سايل
وحمايتي قاعده مش فالحه غير في رسايل
وامي من الحسره تنزف بدل دموعها دم
والشعب قلبه اتحرق وبان عليه الهم
امتي هتفهم بقي بقيت بالنسبلنا غم
I can not smile without you
But has become adept at crying
coptic lion words