كل ما تريد معرفته عن الستائر :موديلات,التكلفه,حسابات موديلات

[marcelino]

طب بص جاوب على كل سؤال لوحده

- لو متر اجيب 5 متر
- وكده مش كتير عليها ولا ايه

مش فاهم حاجه

- ومتر الفوال بكام
- ومتر الشيفون بكام

الفوال هو الشيفون بيبتدى من 9 جنيه للمتر

- زايه رائيك فى الستارة دى اساسا تنفع لفين
السفرة ولا الصاله ولا الاوضه
انا مقترحالها السفرة
وياريت تجبلى كام حاجه تنفع للصاله تحديدا

بصراحه الخفيف دة عايز اوضه اطفال او اوضه نوم وبيتعمل فى الصالون او فى السفرة لو فرشهم اصلا سيمبل

يعنى متبقيش جايبه انتريه معمول بقطيفه او شانيليه وتعملى ستارة خفيفه زى دى

لو السفرة نفسها سيمبل كموديل يعنى ممكن يمشى معاها خفيف

شويه صور اهى من عندى على الجهاز للصاله او الريسبشن او الانتريه او الصالون

بس الموديلات دى عايزة مساحه حلوة تتعمل عليها يعنى مش اقل من 3 متر وممكن 2.5 شغال بس مش فى كله

دى انا اللى مصممها وفكرتى وانا مختار الالوان و موزعها

اضغطى هنـــــــــــــا علشان تشوفيها لان حجمها كبير

فى صور كتير طبعا بس شوفى كدة وقوليلى اللى فى دماغك

دى موديلات الصالون والانتريه .. الخ

لو الدنيا هتبقى عندك سيمبل قوليلى واجبلك موديلات خفيف

 

[twety]

اكيييد هتكون سيمبل خالص
بس المساحات عندى صغيرة مش واسعه

فى السؤال اللى مفهمتهوش منى
اقصد يعنى لو المساحه متر برضه اجيب 5 متر للبرقع ده
ولا هيكون كتييييييير الخمسه متر

 

[marcelino]

اكيييد هتكون سيمبل خالص
بس المساحات عندى صغيرة مش واسعه


امممممم ماشى بس افتكرى اللى قولتهولك
هجبلك صور موديلات خفيف

فى السؤال اللى مفهمتهوش منى
اقصد يعنى لو المساحه متر برضه اجيب 5 متر للبرقع ده
ولا هيكون كتييييييير الخمسه متر

اة يعنى هشرح حتة حته كدة :act23:


بصى يابنتى

الاول اللون الزيتى دة امشى معايا كدة من اليمين من الناحيه الطويله اللى نازله لحد الارض جايه من الارض لحد الماسورة
كدة 2.5 (دة الارتفاع العادى ده ممكن يكون عندك اكتر او اقل بس مش فرق كبير يعنى خلينا فىالعادى دلوقتى)

يبقى من الارض لحد الماسورة 2.5 والحته المتر اللى هى الماسورة اللى فيها الكسرات دى هتاخد 1.5 علشان تبقى ساقطه وحلوة كدة يبقى كدة كام 2.5+ 1.5
نكمل بعد الماسورة نازل قيمه 1.5 (اسمه منديل) يبقى كدة كام
2.5+1.5+1.5= 5 م :smile01

دة اللون الزيتى . اللون السكرى نفس الحسبه بس متركب عكس الزيتي بحيث يبقى جنب زيتى يمين عليه منديل سكرى وجنب سكرى شمال عليه منديل زيتي

كل دة طبعا البرقع بس غير اللى تحت

وووووصلت كدة ؟؟؟؟؟؟

شرحت سر المهنه اهو كويس ان القسم مخفى :act31:

 

[twety]

ههههههههههه
كده ياقادر بقوا خمسه ونص
بس كويس جت فى قماس مش غالى تومام

وسر مهنه ايه بس ده انا كنت لسه هقولك
ازاى تتعمل الكشكشه دى
بتتخيط خياطه بسيطه مكان الكشكشه دى عشان متفكش
ولا بصنعه اللى بيعملها بس بتتعمل
ولا ليها تطبيقه معينه يعنى بعد الغسيل مينفعش نعملها لوحدنا
لازم سموك تيجى تعملها

 

[lovely dove]

ههههههههههه معلش بقي يامارو هنتعبك جيه بقي دوري عشان اسال
بص هي الستارة اللي جابتها توتي دي الزيتي في بيج
تنفع في الصاله لو هنعمل ركنة مش انتريه اللي هي حرف u دي ولا لا
علما بان المساحه عندي برضو صغيرة الصاله
ولو فيها تعب كنت عاوزة كام شكل كده لستاير تنفع علي الركنة بس تكون سيمبل
يعني شبه خامات الزيتي دي مش بحب الحاجات الضخمه
ولو الستارة تنفع تتعمل علي ماسورة مش هتبقي الماسورة باينه وكده
ولا بتداري مش بحب منظرها يبقي باين
وميرسي هتعبك معايا​

 

[marcelino]

ههههههههههه
كده ياقادر بقوا خمسه ونص
بس كويس جت فى قماس مش غالى تومام

وسر مهنه ايه بس ده انا كنت لسه هقولك
ازاى تتعمل الكشكشه دى
بتتخيط خياطه بسيطه مكان الكشكشه دى عشان متفكش
ولا بصنعه اللى بيعملها بس بتتعمل
ولا ليها تطبيقه معينه يعنى بعد الغسيل مينفعش نعملها لوحدنا
لازم سموك تيجى تعملها

لا ممكن تتعمل بالايد وتتربط بفيونكه من الناحيتين وممكن تتعمل
بشريط مكشكش من الناحيتين فى الحالتين مش هتعرفى تعمليهم :t30:

طريقه الشريط دى سهله فى الغسيل بعد كدة لكن الفيونكه دى لازم اللى ركبها يعملها تانى
​

 

[marcelino]

ههههههههههه معلش بقي يامارو هنتعبك جيه بقي دوري عشان اسال
بص هي الستارة اللي جابتها توتي دي الزيتي في بيج
تنفع في الصاله لو هنعمل ركنة مش انتريه اللي هي حرف u دي ولا لا
علما بان المساحه عندي برضو صغيرة الصاله
ولو فيها تعب كنت عاوزة كام شكل كده لستاير تنفع علي الركنة بس تكون سيمبل
يعني شبه خامات الزيتي دي مش بحب الحاجات الضخمه
ولو الستارة تنفع تتعمل علي ماسورة مش هتبقي الماسورة باينه وكده
ولا بتداري مش بحب منظرها يبقي باين
وميرسي هتعبك معايا​

حاضر هجبلك صور

بس عادى لو الماسورة فى موديلات مواسير معموله علشان تبان
وتدى شكل حلو هى غاليه شويه بس شيك جدا
​

 

[twety]

مشوفتش انا الفيونكه دى
هاتلى صورة يا مارسلينو بحد ليها
يمكن تعجبن محدش عارف

وبرضه مريحتنيش فى الكشكشه
ازاى التطبيقه يعنى اعمل ايه بعد ما تتغسل
ما مش كل مرة هجيب اللى عملها يحطهالى تانى
قولى ومش هنفتن عليك

 

[marcelino]

مشوفتش انا الفيونكه دى
هاتلى صورة يا مارسلينو بحد ليها
يمكن تعجبن محدش عارف


معنديش صورة للاسف

وبرضه مريحتنيش فى الكشكشه
ازاى التطبيقه يعنى اعمل ايه بعد ما تتغسل
ما مش كل مرة هجيب اللى عملها يحطهالى تانى
قولى ومش هنفتن عليك

ماهو الشريط المكشكش مش هايتعبك فى الغسيل بيتفرد ولما تغسلى يتكشكش تانى بسهوله

مش عارف اشرحلك كتابه
​

 

[twety]

طيب اتصرف وهات صور بقى
افهم ازاى انا كده
وايه الشريط المكشكش ده
ويتجاب منين ولو هنزل اجيب قماش من كايرو
اجيب منين للستاير

 

[marcelino]

طيب اتصرف وهات صور بقى
افهم ازاى انا كده
وايه الشريط المكشكش ده
ويتجاب منين ولو هنزل اجيب قماش من كايرو
اجيب منين للستاير

اجبلك صورة من فين يابت هدورلك طيب

الشريط موجود عند الراجل اللى هتفصلى عنده

وقماش الستاير فى كل مكان دلوقتى محلات

بس المكان الاصلى واللى فيه كل حاجه هو وكاله البلح

اللى قبل ميدان التحرير بكام محطه على الكورنيش
لما تبقى رايحه هوصفلك المكان بالظبط انا كدة كدة هناك

وفى مكان تانى بردو يعتبر اللى بعد الوكاله هو الازهر بردو سوق عقادة وستاير كبير زى الوكاله بس الوكاله الاصل
​

 

[twety]

ماااااشى الكلام ياباشا
يدوووووم
مقولتليش الستارة التانيه الموف الفاتح دى
نظامها ايييييه
ويتجابلها قماش قد ايه

والستارة الموف والزيتى
يتجابلهم كام ماسورة ؟
يعنى تتعمل بماسورة ولا بماسورتين

 

[marcelino]

​

لو على عرض متر :

3 متر موف
3 متر خلفيه اللى هى الستارة اللى تحت

المواسير هتبقى زوجى سواء دى او الزيتي

و زوجى يعنى اتنين جنب بعض واحدة للموديل والتانيه للستارة نفسها
​

 

[marcelino]

الاول شوفى الصورة دى لموديل ملفح معموله بشريط مكشكش

طبعا انتى مش عارفه الشريط فين

هنا اهو انا معلم عليه بالاحمر بس مش باين اوى

صورة تانى للتوضيح

بس دة واضحه شويه وقريبه

شايفه مكان الشريط وشكله ؟

التانيه بقى بدل الشريط المكشكش دة بتتربط بشريطه عاديه ولما تتعلق على الماسورة بندبش الفيونكه على الشريط
اللى ربطنا بيه

ملقتش صورة موديل فيونكه خالص مش كل اللى شغالين بيعملوه
بس عملتلك فيونكه انا من أى قماش لقيته قدامى علشان تاخدى فكره بس

​

 

[twety]

ميرسى يا مارسلينو تعبتك بامانه خالص

شكرا وربنا يفرحك

 

[engy_love_jesus]

انا بقى جه دورى فى الاسئلة

1) اوضة النوم عندى ابطالى هل ينفع اعملها الستارة الموف الى جابتها تويتى دى ولا مش ينفع مع اختلاف الالوان ولو عملتها هتتكلف كام وكام سعر المتر علشان انا اكتر واحدة بيضحك عليا فى الفصال هناك

دى حاجة تانى حاجة الانترية معمول بالخامة زى كدة


ده يمشى معاها نوع ستاير شكله ايه انا حابه الاورجنزا والشيفونات ولا مش هينفع معاها

معلش هتعبك معايا بس الفرح قرب ومحتاسة فى موضوع الستاير ده ​

 

[marcelino]

انا بقى جه دورى فى الاسئلة

1) اوضة النوم عندى ابطالى هل ينفع اعملها الستارة الموف الى جابتها تويتى دى ولا مش ينفع مع اختلاف الالوان ولو عملتها هتتكلف كام وكام سعر المتر علشان انا اكتر واحدة بيضحك عليا فى الفصال هناك


أنهى موف ؟ والمساحه عندك أد ايه تقريبا ؟؟

دى حاجة تانى حاجة الانترية معمول بالخامة زى كدة


ده يمشى معاها نوع ستاير شكله ايه انا حابه الاورجنزا والشيفونات ولا مش هينفع معاها

معلش هتعبك معايا بس الفرح قرب ومحتاسة فى موضوع الستاير ده ​

الانتريه ينفع معاه كل حاجه هو يستحسن القماش التقيل هو اللى يعمل معاه ماتشنج احلى ..

لكن لو مصممه على الاورجنزات والشيفونات عادى شغال بردو نقربها بالالوان والموديل .. بس موديلات القماش الخفيف محدودة نوعا ما .. غير التقيل
​

 

[marcelino]

Curtain Gallery 2011​

 

[engy_love_jesus]

هنا الستارة الى لونها ابيض الى على الشمال

طيب لو الستاير دى لمساحة مثلا متر ونص تتكلف كام وانواع القماش ايه والقيه فين بسهولة ومعلش اخر سؤال انهى واحدة تناسب مع الانترية الى ورتهولك

معلش تعباك معايا انا على الاخر
​

 

[marcelino]

هنا الستارة الى لونها ابيض الى على الشمال

طيب لو الستاير دى لمساحة مثلا متر ونص تتكلف كام وانواع القماش ايه والقيه فين بسهولة ومعلش اخر سؤال انهى واحدة تناسب مع الانترية الى ورتهولك

معلش تعباك معايا انا على الاخر
​

عايزك تاخدى راحتك خالص احنا اخوات :t19:

المهم

اولا : الستاره البيضه

ده قماش فوال (voual) او كما هو شائع بيقولوا عليه شيفون

ده سعره بيبتدى من 10 جنيه للمتر ( عرض عرضين) موجود منه جميع الالوان اللى فى الدنيا .. مش سايبين لون الا ما عملوه ..

الموديل هياخد 6 متر على مساحه 1.5


ممكن تعملى للانتريه دى

او دى

الكبيره طبعا
​