كل عضو يطرح على إللى بعدهـ .. [ ســــؤآل ]

[soul & life]

لاهو انا ممكن ابكى مع نفسى كتير بتحصل لما بوصل لخنقة معينة كده ممكن موقف يجرحنى
مبينش لحد بس بينى وبين نفسى وارد جدا ابكى .. بتحصل كتير لما بكون مضغوطة

نفسه طير بقا ومتجاوبش ههههه

 

[+Sameh+]

سطرين بتكتبي في الاجابة وبردو مقولتيش سبب الخنقة ..ايه الدبلوماسية دي هههه

اخر مرة بكيت مش فاكر وللأمانة حتى السبب مش فاكرة لكن غالبا بيكون بسبب احساسي ببعدي عن ربنا

اكتر صفة بتكرها فيك ؟؟
​

 

[soul & life]

هههههههه بلغوووش متعرفش تتلغوش
يوووه صفات كتير متعدش العصبية ... كتومة بيتوتية غير اجتماعية كسلانة فى حاجات حاجات ...........

نفسه

 

[+Sameh+]

كتوم جدا وشبة انطوائي

بتتمنى لحبيبك ايه ؟
​

 

[soul & life]

السلامة و راحة البال

نفسه

 

[SECRET ANGEL]

انه يبقى احسن حد ف الدنيا دي كلها ..
وانه يحافظ ع علاقته بربنا اللي هتخليه يحافظ عليا ..
وانه يكون طموح .. وانه يكون قوي ومافيش حاجة تكسره ابدا ..
يكون عنده رجاء دايما .. يكون عنده سلام داخلي ..

بس دول حبة صغننين ...

ايه اللي نفسك يكون ف شريك حياتك ؟

 

[joeseph.jesus]

الحب
نفسه

 

[+Sameh+]

يهمني في شريكة حياتي
علاقتها بربنا
المستوى التعليمي
الشكل يكون مقبول بالنسبالي


اخر مناسبة اجتماعية حضرتها ؟؟
​

 

[SECRET ANGEL]

عيد ميلاد بنوتة اب اعترافي ..

ايه اللي بيلمسك وبيأثر فيك ف انواع الفنون ؟

 

[+Sameh+]

التمثيل - كتابة شعر


هل تمتلك انسان يستاهل الثقة العمياء ؟؟

​

 

[SECRET ANGEL]

كانت عندي بس راحت السما ..
حاليا لا .. ربنا وبس

ايه بيخليك تثق ف اللي قدامك ؟

 

[joeseph.jesus]

لا .
ماهو تعريفك للجنون ؟

 

[+Sameh+]

مافيش حاجة بتخليني اثق في اللي قدامي
غير لو حد عارف عنه او معروف عنه انه بيحبني وتهمة مصلحتي، دة كافي لكوني اثق فيه

لو غمضت عنيك وسرحت دلوقتي هتتخيل ايه ؟؟
​

 

[+Sameh+]

.
ماهو تعريفك للجنون ؟

الجنون نوعين ..
جنون عقلي نتيجة لفقد بعض خلايا المخ
جنون رومانسي نتيجة لحبه الكبيــــر لشريكة حياته

سؤالي فوق

 

[SECRET ANGEL]

ممممممم حاجات كتيرة اوووووي ..
بس
ممكن كورنيش وحمص شام (حلابيسا) ههههههههه ولوحدي عشان مش عايزة دوشة انا ...

ممكن جنينة كبييييييييرة اووووووي وفيها كدة مكان كبير مزروع ورد ابيض (عشق لا ينتهي )
وانا قاعدة فيها بقى مع كتاب بحبه .. ومعاها كوباية سحلب عشان البرد ...

ممكن برده اكبر مكتبة وادخل اعيش فيها بقى .. الكتب (قصة حب لن تنتهي )

سؤالي

نفس السؤال .. عشان عجبني ؟

 

["خْرْيْسْتْوْفُوْرُوْسْ"]

علبة ورنيش سبرآي.!:vava:!.

س ـ من آنت.؟

 

[+Sameh+]

سامح الشهير بـ مينا هههه، 22 سنة، من الجيزة، خريج كلية هندسة قسم اتصالات، سنة التخرج 2014
أعمل حالياً في شركة Etisalat قريباً في شركة TE Data-xceed-، دايماً بقول في نفسي هكون أحسن في المستقبل، ملتزم، أحب النظام والهدوء، جاد في شغلي، مطيع، خدوم احياناً، نشيط
بحب اتابع تصرفات الآخرين واتعلم من ايجابية تصرفهم واستفاد من اخطائهم، مبحبش أجرح مشاعر حد لاني ياما اتجرحت وعارف ان الطعم مُـــــر


أحلى ذكرى في طفولتك ؟؟
​

 

[SECRET ANGEL]

كتييييييير اوووووووي
بس وانا ف الكورال زمان كان عندنا عرض ف الكاتدرائية
وكنت برنم ترنيمة .. كان في عنقوود عنب ..
البابا شنودة حضر العرض ده ..
واحنا نازلين وزع علينا شوكولاتة .. ومسك اديا وباسها ..
يمكن دي من احلى الذكريااااات .. لاني كنت بعشقه .. ومازلت بعشقه اوووووووي

سؤالي
الحياة العملية .. بالنسبالك ايه ؟

 

[تيمو]

كانت إدمان، كنت بشتغل فوق العشر ساعات يومياً ،، بس أدركت إنو الحياة لازم توازن على كل الأصعدة،،، ومن بعد ما بلّشت أعمل التوازن ده نلت الترقية والحياة صارت زي الفُل
الحكمة: الشركات بعمرها ما بتشبع ، لو اشتغلت ٢٤ ساعة راح يحكولوك: هل من مزيد؟ لذلك لا تخسر حياتك الاجتماعية عشان الشغل لأنو بالآخر الترقية مرتبطة بالعلاقات مش بالإنجازات أو ساعات العمل الزيادة يالي بتعملهم ،،،

إيه هي الأغنية أو الترنيمة يالي ليها فترة معلقة ببالك؟

 

[soul & life]

كتير اغانى فيروز كلها كنت بذاكر على صوت فيروز
والراديو برنامج اعترافات ليلية لبثينة كامل كان بيذاع بعد منتصف الليل فى اغنية لفيروز اسمها صار لازم ودعكم
كانت بتذاع فىنهاية البرنامج كل مرة بيذاع فيها

نفسه