كل عضو يطرح على إللى بعدهـ .. [ ســــؤآل ]

[soul & life]

يعنىلازم احبهم لانه مبقدرش افتح عيونى فى الشمس
ومش مهم الماركة اد ما مهم تكون لايقة على وشى


ايه الخبر اللى تتمنى تسمعه اليوم ؟

 

[+ماريا+]

جوزى يقبض الارباح السنويه بتاعته
والاحلى ننزل انا والولاد نفرتكها
احنا هنكون السبب فى دخوله السما
هههههههههه



س
هل طلبت مره من ربنا يزود دخلك
او احتجت فلوس وطلبت منه يوفرهالك

 

[soul & life]

بصى بقا يا ماريا انتى يا حبيبتى جيتى على الجرح ههههههههه
افتحلنا موضوع كامل بقا ههههه
بصراحة محدش مش بيمر بالضيقات المالية كلنا معرضين لكده خصوصا الفترة اللى فاتت البلد حالها كان مشقلب وكله واقف لكن انا متعودتش اطلب طلبات مادية انا بقوله انت عارف كل حاجة يارب دبرها انت بقا ويمكن من غير مبقولها كمان ربنا بيدبرها

مستعدين لصيام الميلاد المجيد؟

 

[+ماريا+]

طبعا انا عن نفسى مستعده صنية روئاء (روقاق) وملوخيه وبط
وكيك وايس كريم وبكره نكمل بقى هههههههههههههه

بجد مستعدين طبعا وجاهزه لسهرات كيهك وهوفى لحن معصلج
معايا بس بعون الله هخلى جوزى يحفظهونى السنه دى
هو اسمه تنين على فكره

س
بتروح السهرات الكيهيكيه ولا بتتكفى
بمتابعتها فى القنوات المسيحيه

 

[soul & life]

هههه يميميم اعزمينى على الغدا النهاردة
لا بصراحة مش بقدر اروح
بس السنة دى بفكر اروح شوية وامشى قبل باب الكنيسة ميتقفل

احلى حاجة فى الدنيا ايه ؟

 

[+ماريا+]

اجمل حاجه اننا كأسره تكون لنا علاقه حيه مع ربنا

س

هل تدافع عن رأيك وتجادل مع الاخرين لاقناعهم بوجهة نظرك

 

[soul & life]

اها لكن مش كل الوقت بحاول و لما بفقد الامل بلتزم الصمت

الجو عندكم عامل ايه؟

 

[+ماريا+]

الجو ربيع
حلو اوى ياريت يفضل كده على طول
عموما الشتا عندنا اجمل من الصيف بكتيييييييير

س
اى فصل بتحبه اكتر من فصول السنه

 

[soul & life]

الشتا
بحبه اوى اكتر من الصيف بكتيرر

اجمل الشخصيات بالنسبة ليك صفاتها ايه؟؟

 

[+ماريا+]

يكون قريب من ربنا بأمان له بسرعه
ومتأكده ان القريب من ربنا مش ممكن تخافى منه ابدااااااا
ده فى الحيقيه بس علشا بتتعرفى عليه داخل الكنيسه
وبيكون سهل تميزى التدين الظاهرى والحقيقى لكن فى النت صعب اوى

س
هل فى مره خدعك حد عن طريق النت صديق او صديقه
واتعلمتى منه ايه

 

[soul & life]

اه انخدعت فعلا عن طريق النت العالم الافتراضى ده عجيب وممكن تنخدعى بسهولة ومن نفس الشخص اكتر من مرة لانك مع الاسف بتتعامل بمجرد انك بتقرى حروف عبر اسلاك
مفيش احساس ملموس او نظرة عين تكشفلك الصدق من الكدب

اتعلمت حاجات كتير اهمها انه الطيبة والسذاجة احيانا كتير بتكون عبء على اكتاف صاحبها
وانها مبتنجيش فى عالم افتراضى متوحش و ان الثقة لا تمنح هباء

اصعب موقف اتعرضتله فى النت ومش ممكن تنساه

 

[+ماريا+]

لا الحمدلله عمرى ما اتعرضت لحالة خداع من حد يمكن علشان
انا بخاف جبانه جدا علشان كده مش بسمح بعلاقة صداقه من النت


س
هل قدمتى فى مسابقة التلاتين الف معلم
لو جاتلك ممكن تشتغلى وتقدرى تنظمى وقتك
بعد الفتره الطويله دى فى البيت

 

[soul & life]

تصدقى فكرت خصوصا انى بحب مهنة التدريس وبشوف انى ناجحة فيها
لكن لقيت انى بكده هظلم الولاد وهاخد من وقت اهتمامى وتركيزى معاهم فأجلتها الاثنين شهادات ومحتاجين وقت كبير وتركيز اكبر
يمكن بعد متعدى السنة دى اعيد التفكير محدش عارف

لو جاتلك فرصة العمل فى مكان كويس هتشتغلى؟ او تغير مجال عملك ؟؟؟

 

[+ماريا+]

للاسف جوزى مش موافق على الشغل
والغريبه ان مامته بتشتغل سبحان الله

س

هل نفسك تسكن فى محافظه تانى غير محافظتك

 

[soul & life]

لالالالالا بحب محافظتى جداااا

لو شخص اساء لك وظلمك وقابلته تقوله ايه وتتعامل معاه ازاى

 

[ابن يسوعنا]

مش هبص علية اصلا

 

[soul & life]

فين السؤال يا عم يا صعيدى

 

[ابن يسوعنا]

فين السؤال يا عم يا صعيدى

هههههههههههه
اصل انا خارج التغطية دلوقت هههههههههه

 

[soul & life]

ههههه يعنى هى التغطية دى تجاوب بس ولا ايه ههههه

 

[+ماريا+]

بما انه مفيش سؤال هفترض نفسه لو ظلمنى فى حاجه
يعنى عادى هقابله عادى وهو طالما ظلمنى
اكيد انا مش حاجه عنده واكيد مش قريب منى
فمش هزعل منه
س
هل بتؤمن بالمعجزات وتصدقها طيب هل حصلت لك معجزه مره