كلام رجالى : أيه رأيك فى شغلك ؟

[Strident]

هو ينفع انا ارد فى موضوع الرجالة ده ؟
طبعا انا مش بستأذن لانى خلاص رديت
بس لفتت نظرى الكلمة ديه
عارف انت محتاج ايه ؟
محتاج تعرف حاجة اسمها ال sweet spot بتاعتك
اللى هى النقطة او الشغل او افضل وضع بالنسبالك يحققلك السعادة
سمعت عن قصة واحد طبيب جراح كبير فى امريكا عمل اختبار ال sweet spot ده واكتشف ان احسن وضع ليه انه يبقا فكهانى راح ساب الطب التعيس وراح فتح محل فاكهه وخضار وبقا من اكبر المحلات

قصدى يعنى مش كل الناس بتكره شغلها انا اعرف ناس تموت لو يوم مراحتش الشغل حتى لو كانت عيانه
وكلمة مستحيل انك تحب شغلك ديه مش دقيقة اوى
بالنسبالهم الشغل فيه ألم بس فيه انواع من الالم بتبقا لذيذة
ممكن متكونش ديه صورة الحياة المثالية اللى فى بالك بس هو ده الواقع وهى طبيعتنا البشرية

اعتقد القصة دي خيالية شوية...

فيه قلة محظوظة بتحب اللي بتعمله...

بس الاغلبية العظمى في شغلها، بتعمل حاجة عشان هي اللي السوق طالبها...اياً كانت هي ايه..مش عشان هو بيحبها...

للاسف العلم مش هيقدر يخفف الشغل المطلوب من البني ادم في المستقبل القريب...مش في حياتي ع الاقل

 

[Strident]

"ووجهت قلبي للسؤال والتفتيش بالحكمة عن كل ما عمل تحت الشمس.
هو عناء رديء جعلها الله لبني البشر ليعنوا فيه"

سفر الجامعة 1 : 13






"لأنه ماذا للإنسان من كل تعبه، ومن اجتهاد قلبه الذي تعب فيه تحت الشمس
لأن كل أيامه أحزان ، وعمله غم. أيضا بالليل لا يستريح قلبه. هذا أيضا باطل هو.
ليس للإنسان خير من أن يأكل ويشرب ويري نفسه خيرا في تعبه. رأيت هذا أيضا أنه من يد الله"

سفر الجامعة 2: 22 - 24

 

[Desert Rose]

جونى القصة مش خيالية القصة حقيقية
وفيه ناس فعلا اعرفهم بتحب شغلها جدا وفيه ناس بتكره شغلها جدا
بس انا ساعات بشوف ان حاجات كتيرة فى الحياة بتكون على حسب ال attitude بتاعنا اتجاهها يعنى لو روحت الشغل كل يوم وانا بقول انا بكرهه بكرهه بكرهه , هتكون النتيجة انى اكرهه اكتر واكتر وده حصلى قبا كده
ممكن مكونش بحبه اوى او مستمتع بيه او حاسس نفسى فيه لكن مش كل شوية هعقد اقول لنفسى الكلمتين دول انى بكرهه بكرهه بكرهه لان كده مش هساعد نفسى ده انا هعقد الامور زيادة واكتئب

بالنسبة لسفر الجامعة لازم تعرف الروح اللى اتكتبت بيها سفر الجامعة
السفر كتبه سليمان وكان فيه تعبيرات كتيرة بيعبر فيها سليمان عن اكتئابه وحزنه وزهقه من الحياة وده كان نتيجة انه بعد عن الرب وعبد الهه اخرى
وعلشان كده جه فى اخر السفر وقال " فلنسمع ختام الأمر كله: اتق الله واحفظ وصاياه، لأن هذا هو الإنسان كله"
ديه كانت النتيجة النهائية اللى وصل ليها سليمان بعد اكتئابه من الحياة كلها

 

[+sano+]

فى الاول كنت متحمس جدااا ونفسى اوصل لدرجات كبيره فى شغلى وشائت الاقدار انى اوصل لمرتبه كبيره فى عملى بعد حوالى 5 شهور من العمل فقط فتملكنى الملل والروتين روتين الحياه العمليه ولا يوجد جديد وحاولت كتير اكسر المللل بكورسات وكده لكن بدون فائده ........... من الاخر ولا اللى بشتغل مبسوط ولا الى مش لاقى شغل مبسوط وده حال الانسان متزمر دائمااااااااااااااااااااااا​