كان نفسى أكون هى مع (............... ) !!

[واثقه فيك يارب]

ارحمينا و النبى

ابوس ايدك .. ردى على الاسئلة الاول و بعدين انشالله تلعبى كورة شراب على باب المنتدى

جاوبى بقا :act23::act23::act23::act23:

حاضر حاضر

الحمد لله بعتت تعلقيين والنور مقطعش
دي معجزة يابنتي:smile01

 

[واثقه فيك يارب]

[FONT=&quot]وزى ما توقعنا لحضراتكم " سندريللا " أتخادت تَحرى 48 ساعة​

​

[FONT=&quot]وهى رايحة تدخل لـ " سى شارل " فى الحجز ربع كيلو كفتة وعلبة دخان ​

​

[FONT=&quot]أووم أية الباشا ظابط المباحث عفقها من قافاها وعمل لها محضر ووداها النيابة
​

ايه عفقها دي:smile01
[FONT=&quot]
[/FONT]​

[FONT=&quot]س [/FONT][FONT=&quot]/ السؤال اللى فات با " بييهة " أجبارى وبلاش حلاقة للى جابونى[/FONT]​

[FONT=&quot]جاوبى[/FONT]
[FONT=&quot]تصدق نسيت السؤال اللي فات
وخايفه ارجع بالصفحات لورا
النور يقطع
ابقي لا لحقت عنب البلح ولا يمن الشام:smile01
[/FONT]​

[FONT=&quot]س [/FONT][FONT=&quot]/ لو لم يكن المدعو " شارل " بقال غنى ..برضه كنتى هتتجوزيه ؟[/FONT]​

[FONT=&quot]
[/FONT]اكيد طبعا لان انا اخر حاجه ممكن افكر فيها المديات
وممكن مفكرش فيها اصلا
الادب والاخلاق والرجوله الحقيقيه تهمني اكتر
[FONT=&quot]س [/FONT][FONT=&quot]/ قلتى ان وجه الشبه بينك وبين المدعوة " سندريللا " الصبر[/FONT]​

[FONT=&quot]من قائل هذا البيت ( سأصبر حتى يعجز الصبر عن صبرى ) ؟[/FONT]​

[FONT=&quot]مش عارف يكونش شعبان عبد الرحيم او ابو الليف:smile01
لا بامانه مش عارفه ومستحرمة اغش من جوجل
واعمل نفسي فصيحة:smile01
بس اكيد هو نبي من الانبياء صح ؟!
[/FONT]
[FONT=&quot]س [/FONT][FONT=&quot]/ قلتى فى أقوالك ان فيه حاجات ماينفعش يتصبر عليها ...زى اية ؟[/FONT]​

[FONT=&quot]
[/FONT]ايام صعبه جداا مرت في حياتي صبرت عليها
زي وفاه بابا واخويا الله يرحمهم
حاولت اتماسك وصبرت علشان خاطر ماما
خطوبتي اللي انا فركشتها بعد حب 10 سنين
انكسرت جامد جداا
ولكن صبرت لحد مارجعت اقوي من الاول بفضل ربنا

[FONT=&quot]س [/FONT][FONT=&quot]/ قلتى انك متفائلة ...اية سر تفاؤلك مع ان حياتك سودة ومهببة على حد علمنا[/FONT]​

[FONT=&quot]سر تفاؤلي ثقتي في ربنا اللي مستحيل تتهز مهما حصلي
في حياتي من ظلم وسواد وهباب
واثقه ان ربنا هيفرحني جدااا بحجم كل المعاناه اللي عانيتها في حياتي .
[/FONT]
[FONT=&quot]س [/FONT][FONT=&quot]/ هل كانت لك علاقات غرامية أو سبق إن فيه حد أتطس فى نظره وخطبك قبل شارل ؟[/FONT]​

[FONT=&quot]للاسف اه
وكانت سنين طويله زي ماذكرت فوق
وللاسف انتهت بفشل
بس اكيد شارل هيعوضني:smile01
[/FONT]
[FONT=&quot]س [/FONT][FONT=&quot]/ وما وجه الشبه بينه وبين شارل ؟[/FONT]​

[FONT=&quot]
[/FONT]الطول والعرض:smile01

[FONT=&quot]س [/FONT][FONT=&quot]/ ماهى الصفات التى ترينها فى "خادم البتول" تشبه أو تقترب من صفات فى "شارل" ؟[/FONT]​

[FONT=&quot]الامير\ انا بشوف ان خادم امير
وبامانه بجد مش مجرد كلام

[/FONT]
[FONT=&quot]س [/FONT][FONT=&quot]/ أنتى مُتهمة بتبويظ التوبيك لكل من المدعو "عبود" والمدعو "خادم البتول" فما هى أقوالك ؟[/FONT]​

[/FONT][/FONT]

بررررئ يابيه والله مانا دي اختي مني:t23:

لا اكيد حضرتك اتلخبطت بين المتهميين
دي المُتهمة حبو هي السبب:smile01
[/FONT]

 

[هيفاء الهاشمي]

واثقه .. ماشاء الله راعية قلب ابيض .. عسىى الله يعوض عليج الاحزان افراح

 

[واثقه فيك يارب]

عارفه ياواثقة انك موتينى من الضحك ؟, :t33: ومش قادرة اصدق الصورة اللى فى توقيعك جبتيه من اى مستشفى مجانين ده يا بنتى ؟ :smile02
وعايزة شارل يتجوزك بعد التوقيع الفضيحة ده ؟ :smile02

تعيشي وتضحكي ياروزتي:t23:
اخص عليكي كده تتريقي علي طفلي المستقبلي:smile01
اصلا اصلا انا وشارل معجبين بيه جدا ومسمينة حموكشة:smile01

فعلا انا عايزة اقولهم ماما بتسلم عليكو وبتقولكو , واحدة واحدة :smile01:smile01
مركبين قطر فى لسانهم ؟؟؟؟؟؟؟؟:smile01:smile01 انا مش ملاحقة اقرا , بالراحة :act23:

سلميلنا عليها:new8:

يابنتي اصلا كله عايز يرد قبل النور مايقطع:bud:
يعني عندك انا مثلا برد عليكم ومشغله المكواه بكوي هدوم اخويا
وبسشور شعري وبضرب طماطم في الخلاط وبشحن تليفوني
كله في نفس ذات الوقت لانه خلاص مافيش وقت:smile01

 

[Desert Rose]

تعيشي وتضحكي ياروزتي:t23:
اخص عليكي كده تتريقي علي طفلي المستقبلي:smile01
اصلا اصلا انا وشارل معجبين بيه جدا ومسمينة حموكشة:smile01

ههههههه ده طفلك المستقبلى ؟ وحموكشة ؟ وبتقوليها وفرحانة
طيب خبيه يابنتى علشان الحسد :t33::t33:لما الطفل شكله كده امال شارل عامل ازاى ؟ وشارل ازاى ويخلف حموكشة :t33::t33: سحر ازاى وتخلف عبد العال ؟ :t33::t33:

سلميلنا عليها:new8:

يابنتي اصلا كله عايز يرد قبل النور مايقطع:bud:
يعني عندك انا مثلا برد عليكم ومشغله المكواه بكوي هدوم اخويا
وبسشور شعري وبضرب طماطم في الخلاط وبشحن تليفوني
كله في نفس ذات الوقت لانه خلاص مافيش وقت:smile01

ده كل ده والنور بيقطع ,طيب لو مكانش بيقطع , كنتو خلصتو صفحات المنتدى ودخلتو على منتديات الجيران ؟ :t33::t33:
المشكلة انكو خليتو الشباب يتهمونا ظلما وبهتانا اننا رغايين , واحنا مش كده خالص احنا مش وش ذلك , احنا ذلك وشه :t33::t33::t33:
عاجبكو الظلم ده ؟

 

[واثقه فيك يارب]

ههههههه ده طفلك المستقبلى ؟ وحموكشة ؟ وبتقوليها وفرحانة
طيب خبيه يابنتى علشان الحسد :t33::t33:لما الطفل شكله كده امال شارل عامل ازاى ؟ وشارل ازاى ويخلف حموكشة :t33::t33: سحر ازاى وتخلف عبد العال ؟ :t33::t33:
ههههههههههههههههههههههه بامانه ضحكتيني جداا:smil12:
عادي جدا انتي مسمعتيش عن قدره قادر قبل كده
دي حتي طلعوا منها اكله جديده اه وربنا:t33:
ده كل ده والنور بيقطع ,طيب لو مكانش بيقطع , كنتو خلصتو صفحات المنتدى ودخلتو على منتديات الجيران ؟ :t33::t33:
المشكلة انكو خليتو الشباب يتهمونا ظلما وبهتانا اننا رغايين , واحنا مش كده خالص احنا مش وش ذلك , احنا ذلك وشه :t33::t33::t33:
عاجبكو الظلم ده ؟

هههههههه علي طول احنا البنات مظلوميين:smil13:
ودايما احنا ذالك وشه
بمناسبة "ذالك" بقي تصدقي
اموت وااعرف الشخص اللي صمم الكيبورد
ليه حدف حرف ال"ذ" في اخر الكيبورد كده:new2:
وليه حطه فوق جنب الارقام ليه مش حطه جنب اخواته الحروف؟
وليه كل شوية اقعد ادور علي الحرف ده لحد ماتطلع عيني علشان الاقيه:smil13:

طب بذمتك احنا راغيين:smil12::smil12:

 

[+إيرينى+]

حب 10 سنين ؟؟؟؟
ليه إنتى عمرك كام سنة ؟

 

[واثقه فيك يارب]

حب 10 سنين ؟؟؟؟
ليه إنتى عمرك كام سنة ؟

اوبا وليه الاسئله الممنوعه دي:smile01:smile01

انتي مدخلتيش بروفايلي قبل كده والقيتي نظرة علي سني او حتي ضرسي:smile01

انا26 سنة يعني رجل جوه ورجل بره يعني بودع الدنيا:smile01

وحبيت وانا عندي 16 سنة وفضلت اكبر وحبي يكبر
انا اكبر وهو يكبر:smile01
لحد من فتره كده الحب من كتر ياعيني ماكبر جاله تضخم وانفجرررررر

 

[عبود عبده عبود]

[FONT=&quot]أنا وقفت أمام مشاركتك وقعدت أقرا ...بتأمل​

​

[FONT=&quot]كنت معتقداً أن أختياراك للشخصية ماهى الا أستكمالاً لرحلة مرحك بيننا ​

​

[FONT=&quot]ومشاركاتك ومواضيعك الخفيفة الممتعة رائعة التعبير والمفردات [/FONT]​

[FONT=&quot]مع سرعة البديهة والقفشات اللذيذة الشيقة [/FONT]​

[FONT=&quot]
وسألت نفسى ..أزاى دى تختار " سندريللا " ؟[/FONT]​

[FONT=&quot]الشخصية الحالمة ...بدلاً من الناقمة ؟[/FONT]​

[FONT=&quot]الشخصية الأسطورية ...عِوضاً عن الواقعية ؟[/FONT]​

[FONT=&quot]وجدت ان كلتا الشخصيتين قد عانيتا فى صمت وصبر وإيمان[/FONT]​

[FONT=&quot]الإيمان بالتعويض القادم و "الثقة" فى المُعَوِضْ [/FONT]​

[FONT=&quot]
كنت قد مازحتك قائلاً بأختيارك لأسم يصلح للشحاتة على باب المنتدى[/FONT]​

[FONT=&quot]فإذا بك تتخطين تلميحى الساخر بمنتهى الذكاء [/FONT]​

[FONT=&quot]وإذا بك تردين علىِّ " عملياً " بمعنى الأسم [/FONT]​

[FONT=&quot]" واثقة فيك يا رب "[/FONT]​

[FONT=&quot]
أترك لصديقى " خادم البتول " يستكمل معك الحوار حول الشخصية[/FONT]​

[FONT=&quot]" سندريللا " أنا سعدت بيكى جداً ....ليس هذا فقط[/FONT]​

[FONT=&quot]بل أنا فخور لأختيارك ضيفة معنا [/FONT]​

[FONT=&quot]وأتباهى بوجودك فى أحد مواضيعى [/FONT]​

[/FONT][/FONT]

 

[خادم البتول]

شــكرا أستاذ عبــود
بس مش عارف يا أخي جيت ع الآخر وجبت الحنيّـة دي منين؟!
بقول لنفسي يمكن قاصد، عشان أطلع أنا بعده في هيئة حقنة! :smile01

طيب لعلمك أنا بالفعل عندي نقد قوي لشخصية سندريلا..
ولذلك عمليا مضطر أقسم أسئلتي لقسمين:
الأول قسم جاد جدا، واقعي، يغوص بالفعل في أعماق الشخصية
ويحتاج بالطبع إجابات جادة وصادقة من السندريلا..
والثاني قسم خفيف تخيّـلي نلتقي معه بعد ذلك.

كل قسم في حدود 4 أو 5 أسئلة فقط على الأكثر..
ونلتقي بالقسم الأول إن شاء الله خلال ساعات قليلة.


* * *


​

 

[خادم البتول]

القسـم الأول
​

سأكتفي في هذا االقسم بـ 3 أسئلة فقط، بشرط أن تجيب سندريلا بالتفصيل الممل!
مرة أخرى هذا القسم وهذه الأسئلة جادة جدا، تنتظر أيضا إجابة جادة جدا.
​

1- في البداية لما أشارت ضيفتنا الجميلة لـ"الولية" اللي مع توم وجيري، وبعدين اختارت شخصية سندريلا، السؤال طرح نفسه: إيه المشترك بين الاتنين؟ الحقيقة إن المشترك هو "الشقا" بالمعنى العامي للكلمة. الاتنين شخصيات "شقيانة" وتعبانة. ومش بس كده: الاتنين "شقاهم" بيتأكد وبتزيد حمولته بسبب اللي حواليهم، سواء توم وجيري مع الشخصية الأولى، أو زوجة الأب وبناتها مع سندريلا. بالتالي مش بس فيه إحساس بـ"الشقا"، إنما فيه كمان إحساس ولو خافت بـ"الظلم". والسؤال: هل ضيفتنا بالفعل تشعر إنها "شقيانة" وحتى أحيانا "مظلومة"؟ وهل الشقا ده فعلا بيساهم فيه اللي حواليها، سواء بقصد منهم أو بدون قصد؟
​

2- سندريلا نفسها عندها مشكلة كبيرة: سندريلا مش طيبة وحنونة وحلوة. ده اللي بيضحكوا بيه الكبار على البنات عشان يبرمجوا عقولهم ويصنعوا ارتباط شرطي جواهم إن "البنت الحلوة" هي "البنت المُطيعة". لكن الحقيقة إن سندريلا شخصية ضعيفة وسلبية وخاضعة وخانعة ومستسلمة وساذجة، ولأنها كل ده قبلت إنها تكون خدامة حتى في بيتها وبدون أي اعتراض! قبلت الظلم رغم وضوحه.. قبلته من أول لحظة، وبالتالي تدريجيا أصبح بعد كده ده هو الواقع وهو العادي والطبيعي في حياتها! يا ترى إيه تعليق سندريلا نفسها؟ ليه تفتكري إنها "طيابة" ومايكونش ده مجرد تبرير لنفسك بتداري بيه ضعفك وعجزك وسلبيتك؟ فين الخط الفاصل بين "الطيابة" و"السذاجة"؟ بين "الرضا" من ناحية، وبين السلبية والخضوع والاستسلام من ناحية تانية؟
​

3- فوق كل اللي فات سندريلا شخصية حالمة، وده نفسه بيأكد سلبيتها. سندريلا بتهرب من الواقع في أحلامها، وبتهرب من المواجهة في خيالاتها، وبعدين مرة تانية ترجع تخدع نفسها وتقول "إيمان" و"ثقة"! بالتالي مرة تانية فين الخط الفاصل بين الحلم كـ"هروب" والحلم كـ"طموح"؟ إيه الدليل إنه "إيمان"، مش مجرد "انسحاب" و"تقوقع" داخل الذات؟ ليه مايكونش مجرد "وهم" مش "حلم"؟ وهل الأحلام بتتحقق واحنا قاعدين في بيتنا مستنيين "الساحرة" تيجي تغيّر لنا كل شيء، وللا سندريلا بتاخد بالفعل خطوات عشان تحقق أحلامها؟
​

أعود في القسم الثاني بالأسئلة الخفيفة والتخيلية بعد الإجابة على أسئلة هذا الجزء. :16_4_10:

* * *
​

​

 

[واثقه فيك يارب]

[FONT=&quot]أنا وقفت أمام مشاركتك وقعدت أقرا ...بتأمل​

​

[FONT=&quot]كنت معتقداً أن أختياراك للشخصية ماهى الا أستكمالاً لرحلة مرحك بيننا ​

​

[FONT=&quot]ومشاركاتك ومواضيعك الخفيفة الممتعة رائعة التعبير والمفردات ​

​

[FONT=&quot]مع سرعة البديهة والقفشات اللذيذة الشيقة [/FONT]​

[FONT=&quot]
وسألت نفسى ..أزاى دى تختار " سندريللا " ؟[/FONT]​

[FONT=&quot]الشخصية الحالمة ...بدلاً من الناقمة ؟[/FONT]​

[FONT=&quot]الشخصية الأسطورية ...عِوضاً عن الواقعية ؟[/FONT]​

[FONT=&quot]وجدت ان كلتا الشخصيتين قد عانيتا فى صمت وصبر وإيمان[/FONT]​

[FONT=&quot]الإيمان بالتعويض القادم و "الثقة" فى المُعَوِضْ [/FONT]​

[FONT=&quot]
كنت قد مازحتك قائلاً بأختيارك لأسم يصلح للشحاتة على باب المنتدى[/FONT]​

[FONT=&quot]فإذا بك تتخطين تلميحى الساخر بمنتهى الذكاء [/FONT]​

[FONT=&quot]وإذا بك تردين علىِّ " عملياً " بمعنى الأسم [/FONT]​

[FONT=&quot]" واثقة فيك يا رب "[/FONT]​

[FONT=&quot]
أترك لصديقى " خادم البتول " يستكمل معك الحوار حول الشخصية[/FONT]​

[FONT=&quot]" سندريللا " أنا سعدت بيكى جداً ....ليس هذا فقط[/FONT]​

[FONT=&quot]بل أنا فخور لأختيارك ضيفة معنا [/FONT]​

[FONT=&quot]وأتباهى بوجودك فى أحد مواضيعى [/FONT]​

[/FONT][/FONT]

التعليق الرائع ده محتاج اني اتكلم شوية جد بقي
بامانه استاذ عبود ان كان حد سعيد وفخور فعلا فهو انا
سعيده اني اتكلمت وهزرت وضحكت مع ناس زيكم
طيبيين صادقيين قلبهم ابيض وبيحبوا الخير لبعض
انا فعلا استاذي عبود واستاذي خادم بكنلكم كل حب وتقدير واحترام .. وبشكركم جداا انكم اتحتولي الفرصه اني اشارك
معاكم في الموضوع الرائع ده واني احس بمحبتكم الحقيقيه .

بس بقي كفايه كده عشان انا شايفه تحت تعليقك الاستاذ خادم
ومعاه لستة اسئله معرفش جابها منين:t9:
[/FONT]

 

[Marina coptic]

مش بس تسجيل اعجاب لكنه ايضا انبهار بالاسئله دى اللى تنفع تتوجه لكتيييييييييييييير اوى مننا و انا اولهم مع ان عمر ما كانت سندريللا فى بالى اصلا
بس اسئله اجابتها صعبه اوى و اشكر ربنا انها مش ليا
ربنا معاكى اختى واثقه خدى وقتك و جاوبى بلا اى حرج و خليكى عارفه ان كتير مننا الاسئله دى كشفته قصاد نفسه
تقبل تحياتى اخى خادم البتول

 

[واثقه فيك يارب]

شــكرا أستاذ عبــود
بس مش عارف يا أخي جيت ع الآخر وجبت الحنيّـة دي منين؟!
بقول لنفسي يمكن قاصد، عشان أطلع أنا بعده في هيئة حقنة! :smile01
ياسيدي واحد يشد وواحد يرخي
مش هتبقوا انتوا الاتنين عليا:smile01
طيب لعلمك أنا بالفعل عندي نقد قوي لشخصية سندريلا..
ولذلك عمليا مضطر أقسم أسئلتي لقسمين:
الأول قسم جاد جدا، واقعي، يغوص بالفعل في أعماق الشخصية
ويحتاج بالطبع إجابات جادة وصادقة من السندريلا..
والثاني قسم خفيف تخيّـلي نلتقي معه بعد ذلك.

كل قسم في حدود 4 أو 5 أسئلة فقط على الأكثر..
ونلتقي بالقسم الأول إن شاء الله خلال ساعات قليلة.


* * *


​

ياساتر يارب مش عارفه قلبي اتوغوش كده ليه:smile01

يارب الحق الرد علي الاسئله قبل النور مايقطع وافطس في الحر:heat:

 

[R.O.R.O]

ياهااااااااار اسوووووح ايه الاسئلة دى يا بتوليا
جاوبى يا سندريلا مشتاقة اسمع اجاباتك
وخلى بالك بقى مش هرضى غير بمجموع يدخلك طب هاااا
يلا يا ماما ربنا معاكى
​

 

[Desert Rose]

بجد ياواثقة انتى شخصية عسولة وجميلة اوى :Love_Letter_Open::Love_Letter_Open:
عايزة اسمع اجاباتك بقا ياسندريلا , اوعى تقولى النور قطع :w00t:

 

[واثقه فيك يارب]

القسـم الأول
​

سأكتفي في هذا االقسم بـ 3 أسئلة فقط، بشرط أن تجيب سندريلا بالتفصيل الممل!
مرة أخرى هذا القسم وهذه الأسئلة جادة جدا، تنتظر أيضا إجابة جادة جدا.
​

1- في البداية لما أشارت ضيفتنا الجميلة لـ"الولية" اللي مع توم وجيري، وبعدين اختارت شخصية سندريلا، السؤال طرح نفسه: إيه المشترك بين الاتنين؟ الحقيقة إن المشترك هو "الشقا" بالمعنى العامي للكلمة. الاتنين شخصيات "شقيانة" وتعبانة. ومش بس كده: الاتنين "شقاهم" بيتأكد وبتزيد حمولته بسبب اللي حواليهم، سواء توم وجيري مع الشخصية الأولى، أو زوجة الأب وبناتها مع سندريلا. بالتالي مش بس فيه إحساس بـ"الشقا"، إنما فيه كمان إحساس ولو خافت بـ"الظلم". والسؤال: هل ضيفتنا بالفعل تشعر إنها "شقيانة" وحتى أحيانا "مظلومة"؟ وهل الشقا ده فعلا بيساهم فيه اللي حواليها، سواء بقصد منهم أو بدون قصد؟
​

اولا اسمحلي اشكرك جدااعلي ذكائك وتلميحك
لاني بالفعل علي قد ما كان قصدي من شخصيه الست اللي في توم وجيري اننا نضحك شوية علي قد ماكان هدفي منها اقولكم نبذه عن الشقاء والتعب اللي عانته شخصيتي الاساسية السسندريلا ..

شوف من ناحيه الشقاء فانا نشكر ربنا مش شقيانه ولا بتعب في حاجه ..
انما الظلم انا الحمد لله اتظلمت وبقول الحمد لله لان اتظلم احسن من اظلم.. وللاسف الظلم ده ساهم فيه اقرب الناس ليا
ولكن الصـــــــــبر والثقه في ربنا هما منفذي الوحيد عشان اقدر اعيش ..

2- سندريلا نفسها عندها مشكلة كبيرة: سندريلا مش طيبة وحنونة وحلوة. ده اللي بيضحكوا بيه الكبار على البنات عشان يبرمجوا عقولهم ويصنعوا ارتباط شرطي جواهم إن "البنت الحلوة" هي "البنت المُطيعة". لكن الحقيقة إن سندريلا شخصية ضعيفة وسلبية وخاضعة وخانعة ومستسلمة وساذجة، ولأنها كل ده قبلت إنها تكون خدامة حتى في بيتها وبدون أي اعتراض! قبلت الظلم رغم وضوحه.. قبلته من أول لحظة، وبالتالي تدريجيا أصبح بعد كده ده هو الواقع وهو العادي والطبيعي في حياتها! يا ترى إيه تعليق سندريلا نفسها؟ ليه تفتكري إنها "طيابة" ومايكونش ده مجرد تبرير لنفسك بتداري بيه ضعفك وعجزك وسلبيتك؟ فين الخط الفاصل بين "الطيابة" و"السذاجة"؟ بين "الرضا" من ناحية، وبين السلبية والخضوع والاستسلام من ناحية تانية؟
​

من وجهه نظري الطيبة عمرها مكانت ضعف وخصوصا في شخصية السندريلا .. لانها من صفاتها الجميله كانت الصبر والثقه والتفائل واللي بيهم قدرت توصل لحلم عمرهاوتقدر تحققه
الفرق مابين الطيبة والسذاجه
الطيبه هي نقاء النية والتلقائية
الطيبه هي التسامح من القلب والصبر لابعد الحدود
والتفائل بالقادم

السذاجه تعني الغباء وعدم المعرفه بالاشياء حتي ولو كانت بعض الاشياء واضحه وضوح الشمس !

3- فوق كل اللي فات سندريلا شخصية حالمة، وده نفسه بيأكد سلبيتها. سندريلا بتهرب من الواقع في أحلامها، وبتهرب من المواجهة في خيالاتها، وبعدين مرة تانية ترجع تخدع نفسها وتقول "إيمان" و"ثقة"! بالتالي مرة تانية فين الخط الفاصل بين الحلم كـ"هروب" والحلم كـ"طموح"؟ إيه الدليل إنه "إيمان"، مش مجرد "انسحاب" و"تقوقع" داخل الذات؟ ليه مايكونش مجرد "وهم" مش "حلم"؟ وهل الأحلام بتتحقق واحنا قاعدين في بيتنا مستنيين "الساحرة" تيجي تغيّر لنا كل شيء، وللا سندريلا بتاخد بالفعل خطوات عشان تحقق أحلامها؟
​

الايمان والثقه فعلا طموح
لانها مستحيل تكون انسحاب
الاكتئاب هو الانسحاب والتقوقع الحقيقي داخل الذات
"هو يعني ايه تقوقع اصلا":t9:

الثقه والايمان اللي نابعيين من القلب عمرهم مايكونوا وهم
وهو ده اللي حصل في اخر حكايه السندريلا والنهايه السعيده اللي تمت .
اكيد احلامنا ماينفعش نحققها واحنا قاعدين في البيت
لان ربنا قالك اسعي ياعبد وانا اسعي معاك
يعني لازم اسعي واعمل اللي عليا علشان اقدر احقق ولو جزء من احلامي .. وان متحققتش يبقي ربنا مش قسمهالي بس اكون ريحت ضميري وعملت اللي عليا .
أعود في القسم الثاني بالأسئلة الخفيفة والتخيلية بعد الإجابة على أسئلة هذا الجزء. :16_4_10:

* * *
​

​

اييييوه بقي اديني في الخفيف والتخيلي براحتك:08:


بشكرك جداااااعلي الاسئله الجميله والممتعه والذكية اللي طرحتها عليا
وفي انتظار القسم التاني .

 

[خادم البتول]

القســم الثــاني

التحديـــــــــــات
نبدأ ولا بالتحديات، وهي "تناقضات" في قصة سندريلا نفسها..
عايز أعرف إزاي سندريلا ح تقدر تحل التناقضات دي:
​

1- لما سندريلا قابلت الأمير شارل ورقصوا في الحفلة: منين سندريلا اتعلمت رقص الأمراء والملوك إذا كان من طفولتها وطول عمرها عايشة كمجرد خادمة في البيت؟

2- إذا كانت التعويذة بينتهي أثرها في منتصف الليل: إزاي الحذاء بالذات يفضل حذاء ولم يتحول إلى شبشب مثلا أو حتى صندل؟

3- إذا كان كل البنات اللي في البلد بيقيسوا الحذاء، والحذاء مقاسه مثلا 38، هل من المعقول إن مفيش بنت تانية في البلد كلها مقاس رجلها 38 غير سندريلا؟
​

الأســــــــــئلة
​

1- كانت الساعة لسه 11 مساء والساحرة مروّحة ع البيت، لكن خبطها موتسيكل، وطبعا عضمة كبيرة راحت فيها، وهكذا في لحظة كل أسحارها وتعاويذها انتهى أثرهم! على الناحية الأخرى الساعة 11 كانت سندريلا آخر انسجام في رقصتها مع الأمير، لكن فجأة السواريه الجميل تحول لبلوزة مقطـّعة وجينز مرقع وشبشب حقير، وبدل الشينيون الرائع لقى الأمير بين إيديه جوز ضفاير منعكشين يادوب ماسكين بأستك، وبدل القلادة اللولي عقد خرز رخيص، وبدل الحلق الألماظ فتلة! شهق الأمير ورماها من إيده وهو بيصرخ: انتي ميييين؟ الموسيقى وقفت وكل الموجودين: اللي صرخ واللي شهق واللي أغمن عليها...

سندريلا: ح تعملي إيه في الموقف ده؟


2- فعلا الحذاء لما قاسوه طلع في البلد 3 بنات أقدامهم بالظبط نفس المقاس: سندريلا ومحاسن وفكيهة! جابوا التلاتة أمام الأمير شارل يختار بنفسه، لكن كان فات أسبوع والأمير طبعا ناسي شكل البنت، وخصوصا إن محاسن كمان أجمل بكتير من سندريلا. الأمير شك فعلا إنها سندريلا، لكن كمان عينه زاغت على محاسن. صحيح سندريلا تلقائية ولذيذة، لكن كمان محاسن خبرة في الرجالة وبتلعب بالعين والحاجب وبالفعل خلال ساعة كان الأمير تقريبا اختار محاسن!

سندريلا: تعملي إيه عشان تكسبي قلب شارل تاني وتعرّفيه إنك انتي حبه الحقيقي اللي كان بيرقص معاها؟


3- للأسف الأمير اختار بالفعل محاسن وقرر يتجوزها، جواب نهائي! لكن سندريلا خلال مدة وجودها في القصر لفتت نظر "ظاظا" أخو الأمير! صحيح ظاظا مش زي شارل، لكنه أهو في النهاية من العيلة المالكة.. صحيح ظاظا أقصر شوية.. أتخن شوية.. أعبط شوية.. لكن أهو أحسن من مرات أبوكي مهما كان!

سندريلا: بعد ضياع شارل وتخريب قصتك الأصلية :smile01: هل تقبلين ظاظا زوجا لك؟


4- نفترض إن سندريلا في النهاية اتجوزت فعلا الأمير شارل.. ماشي. لكن بعد 10 سنين جواز كلهم حب وسعادة ظاهرية اكتشفت سندريلا اكتشاف خطير: كانت ماشية في القصر بالليل سمعت بالصدفه صوته.. اتسحّبت ودخلت الجناح بتاعه لقيته قاعد قدام الحذاء السحري بتاعها.. أو الجزمة السحرية.. كان بيتكلم مع الجزمة بيقولها: "إنتي السبب في كل ده! انتي السبب! إنتي يا جزمة السبب!" وبعدين بيمسك الجزمة يضرب نفسه بيها وهو بيقول: "لا إنتي مش جزمة ده أنا اللي جزمة، أنا اللي جزمة واستاهل ضرب الجزمة"!

سندريلا: صفي لنا شعورك في هذه اللحظة.. وماذا ستفعلين؟


​

* * *
​

أكتفي بهذا القدر . سأعلق مرة واحدة على كل الإجابات غــدا إن شاء الله، مع كلمتي الختامية، ثم أعيد الميكروفون للأستاذ عبود ليضع لمساته النهائية على هذا الأسبوع الغريب، والذي كنا رغم كل شيء نتمنى بالطبع أن يطول في صحبتك الجميلة.

أشكرك يا "بـتـــول" على كل كلماتك الرقيقة. :16_4_10:


أيضا أشكر مارينا على متابعتها وتقديرها الكبير، وبالطبع أشكر روز ورورو وشقاوة وإيريني وهيفاء وكل الأحباء المتابعين معنا ولو في صمت. أنتم النجوم دائما في ليلنا أيها الأحباء وأنتم زهور العطر في هذا البستان. سلام ونعمة.

* * *

​

 

[+إيرينى+]

أيضا أشكر مارينا على متابعتها وتقديرها الكبير، وبالطبع أشكر روز ورورو وشقاوة وإيريني وهيفاء وكل الأحباء المتابعين معنا ولو في صمت. أنتم النجوم دائما في ليلنا أيها الأحباء وأنتم زهور العطر في هذا البستان. سلام ونعمة.

* * *

​

​

​

​

​

​

​

​

​

​

العفو العفو

إيه الاسئلة ديه كلها ؟؟؟؟:w00t:

ld:​

 

[عبود عبده عبود]

شــكرا أستاذ عبــود
بس مش عارف يا أخي جيت ع الآخر وجبت الحنيّـة دي منين؟!
بقول لنفسي يمكن قاصد، عشان أطلع أنا بعده في هيئة حقنة! :smile01
​

حنية ؟!
هو المفرو أنى كنت أديها بكعب المفك فى حاجبها الشمال ؟

وبعدين ياباشا ماتخفش ع الحُقن لأنك طلعت فعلا
هيئة الأمصال واللُقاح كلها
:closedeye:closedeye:closedeye



​