كاميرا مراقبه

[+ماريا+]

كان فيه اب كل يوم يجيله شكاوي من المدرسين بسبب ابنه انه مبيزاكرش
راح الاب قرر قرار انه يشتري كاميرا مراقبه ويحطها في اوضة ابنه علشان يقدر يراقبه ويشوفه بيذاكر ولا لا
وقال لأبنه انا مش هفضل قاعد معاك في الاوضة 24 ساعه بس الكاميرا دي هتسجل ليا انت يومك كان ماشي ازاي وانا كل لما اجي من الشغل هتابع الشريط بسرعه واشوف
المهم الابن اضطر يذاكر بجديه لان الموضوع دلوقتي مبقاش زي الأول
وبدأ المدرسين يحسوا بتفوقه الملحوظ عن الأول
عدت سنة في سنة في سنة والأبن خلص مرحلة الثانوية ودخل كلية من كليات القمة
وفي الوقت ده قاله الأب انا مضطر اقولك علي سر خطير كنت مخبيه عليك طول السنين اللي فاتت
وراح وراله الكاميرا اللي في الاوضه وقاله دي مجرد كاميرا ملزوقه علي الحيط ومش بتسجل اي حاجه
مجرد وجودها قدامك كان مخليك بتذاكر بجديه علشان ترضيني ..
والرضا ده في الاخر عاد عليك انت بفرح ومستوي تعليمي تفتخر بيه دايما

----
احنا كده بردو في حياتنا ... لو خلينا عندنا ايمان ان ابونا السماوي
شايفنا طول الوقت وشايف احنا بنعمل ايه اعتقد هنعمل كل اللي يرضيه .. لكن
احنا للأسف سبب خطايانا اللي بنعملها اننا بننسى انه شايفنا .. بنتكسف
نعمل الغلط قدام الناس .. لكن بينا وبين نفسينا عادي
ناسيين ان ابونا السماوي في كل مكان
ارضي ابوك السماوي تنول الفرح السماوي

 

[واثقه فيك يارب]

قصة جميلة ااووي

وكلامك صح ياماريا صدقيني
بنتكسف نعمل الغلط قدام الناس
ومانتكسفش نعمله قدام ربنا !

تسلم ايديكي ماريا
دايما بتمتعينا بأحلي قصص
وتعلمينا احلي عبر
ربنا يباركك
​

 

[soul & life]

قصة جميلة جدا يا ماريا
وبالفعل انتى معاكى حق دايما بنلاقى انضباط والتزام طول مافى شعور بانه انت مراقب وفى من يتتبع خطواتك ويقيمها
لفتى نظرى لخطايانا وتصرفاتنا لو افتكرنا دايما بأ اعين الله علينا دايا بعتقد هنخجل اوى من اخطاءنا وهنعيد التفكير الف مرة قبل التصرف

لكن جه فى بالى لو تلاحظى انه البشرية كلها كده محتاجة مراقب عليها او يمكن فى بلادنا بس تعاالى شوفى اشارة المرور لو مكنش شرطى المرور واقف هيصة ههههه
انما لو كان واقف مجرد بس بيلاحظ ويمد ايده ويشاور عدى لده واقف انت الدنيا بتتظبط مع انه كل واحد عارف امتا يمشى وامتا يقف لكن احنا كإنسان دايما بنحتاج الرقيب
لكن الاجمل انه الانسان يكون رقيب نفسه قبل ميكون اى شخص تانى رقيب عليه
وده طبعا فى تعاملاتنا وتصرفتنا اليومية .

 

[+ماريا+]

قصة جميلة ااووي

وكلامك صح ياماريا صدقيني
بنتكسف نعمل الغلط قدام الناس
ومانتكسفش نعمله قدام ربنا !

تسلم ايديكي ماريا
دايما بتمتعينا بأحلي قصص
وتعلمينا احلي عبر
ربنا يباركك
​

ميرسى حبيبتى لمرورك الغالى والتقييم
وكلامك الاجمل

 

[+ماريا+]

قصة جميلة جدا يا ماريا
وبالفعل انتى معاكى حق دايما بنلاقى انضباط والتزام طول مافى شعور بانه انت مراقب وفى من يتتبع خطواتك ويقيمها
لفتى نظرى لخطايانا وتصرفاتنا لو افتكرنا دايما بأ اعين الله علينا دايا بعتقد هنخجل اوى من اخطاءنا وهنعيد التفكير الف مرة قبل التصرف

لكن جه فى بالى لو تلاحظى انه البشرية كلها كده محتاجة مراقب عليها او يمكن فى بلادنا بس تعاالى شوفى اشارة المرور لو مكنش شرطى المرور واقف هيصة ههههه
انما لو كان واقف مجرد بس بيلاحظ ويمد ايده ويشاور عدى لده واقف انت الدنيا بتتظبط مع انه كل واحد عارف امتا يمشى وامتا يقف لكن احنا كإنسان دايما بنحتاج الرقيب
لكن الاجمل انه الانسان يكون رقيب نفسه قبل ميكون اى شخص تانى رقيب عليه
وده طبعا فى تعاملاتنا وتصرفتنا اليومية .

طبعا الاجمل نكون احنا الرقيب على نفسنا
ساعتها هيكون مالى قلبنا محبة ربنا او خوف من اننا نزعله بتصرفاتنا
ميرسى سول لكلامك الجميل دايما
نورتينى حبيبتى