قوم يا وُلد - مشهد من حياة طفل مات في حادثة قطار أسيوط -

[Twin]

قوم يا وُلد النور شَق ... قوم يا وُلد وكفاك نوم
قوم استحم ولريقك شُق ... عندك رحلة لأخر اليوم
قوم يا وُلد​

الفطور ع الطبلية جاهز ... شوية بيض بالسمن ... وحبة فول
وكوباية الشاي باللبن ... ولو عايز حبة فايش ... يا حبيبي قول​

قميصك مغسول ومكوي ... وأمك كوت البنطلون كمان
والجزمة مراية ... والشنطة فيها كل حاجة ​

صباح الخير يا امي ... صباح الخير يا بوي
انا بسرعة هستحم ... وهلبس ... وع الفطور جي ​

طب بسرعة يا وُلد ... الوكل هيبرد​

حاضر يا بوي ​

جاهز ... ايوة أنا جاهز
روح انبسط ... وانا هاجي أخدك بالليل
ليه يا بوي ... هرجع انا مع اصحابي
لا يا وُلد ... بالليل الدنيا مش امان
هاجي انا هخدك أنت وأصحابك
يالا روح بقي ... هتعوأ كدة ​

حاضر يا بوي​

يا وُلد ... نعم يا أماي
مش هتديني بوسة
ولا هتخدني حضن ​

يا أماي أنا أتخرت
اه يعيل وحش
ده أنا امك برده​

ماشي​

محمد ايه يا محمد... علي مهلك ... لسه بدري
يا أشرف هم شوية ... هنتأخر كدة
لا لا متخافش​

جبت وكلك معاه ... اه
جبت الكورة ... لا مع مصطفي هو ال هيجيب
طب ايه معاك تاني
معايا ... كراسة رسم ... وقلم رصاص وشوية الوان خشب
ليه كدة ... انت ناوي ترسم
ايوة يا أشرف ... ناوي
وجبت كمان كتاب التاريخ ... عايز أعرف جدي احمس عمل ايه
يا محمد احنا ريحين رحلة مش ريحين ع المدرسة
اسكت بقي ... وهم شوية ... أتأخرنا​

كله هنا ... ايوة يا أبلة
حد ناقص ... لا يا أستاذ
طب يالا بينا ... يالا يا أسطي​

وواحد ... اتنين تلاتة ... هنروح وهنرجع بالسلامة
وواحد ... اتنين تلاتة ... وسالمة يا سلامة​

علي مهلك شوية يا اسطي ... ما انا علي مهلي اه
يعني انا بقولك بس ... معانا عيال
ماشي يا أستاذ​

اه ... بوووووي ... امي ... ​

الحق الحق يا عرب ... في صوت حادثة ع شريط السكة
هم هم ... بسرعة ... نشوف ايه حصل ... خير الله ما اجعله خير​

يا نهار اسود ... القطر دهس الاتوبيس ​

ايه ده ... دول عيال ... اتصل بالأسعاف ... اتصل بلبوليس
ينهار اسود ... دول عيال ​

مين دول ... ولاد مين ​

ينهار اسود ده كله قاطع النفس
كله بالدم غرقان
يا الله ... ده في عيال مفرومة ... رسها مش فيها ​

يا الله ... شد حيلكم يا جدعان
ارفع معايا هنا ... شد من هنا
الله يرحمكم يا وُلد​

اشرف ... انت فين يا وُلد
يا أشرف ... انت فين ​

انت ده ... لا مش أنت
ده محمد صحبك
مات وهو بيرسم
الكراسة بالدم شكلها اتغير​

انت ده ... لا مش أنت
ده مصطفي ... لابس فنلة الأهلي
كان ناوي يشوف بالليل الماتش عندنا معاك يا أشرف​

أنت اكيد ده ... لا برده مش أنت
ده ابانوب ... ابن المقدس جرجس
مات وملوش اخوات كان​

ينهار اسود مين دول ... دول ولاد الحاج محمود
بناته التلاتة هنا ... وفي دمهم غرقنين​

اه يا ولدي ... أنت فين يا وُلد​

انا هنا يا ابوي
اشرف ... الحمد لله انك له حي
فين محمد يا بوي ... هنا
ومصطفي ... برده هنا
وفين ابانوب ... هنا مع ابوه
امال مين ال مرمين وبالدم غرقنين يا بوي
لا يا ضنايا دول ناس تانية
طيب يا بوي
المهم يا أشرف أنك لسه كويس وعايش
ايوة يا بوي
كنت مستنيك علشان بالحضن تاخدني وتبوسني
سلام يا بوي​

أشرف ... متموتش يا وُلد ... متموتش يا وُلد ​

قوم يا وُلد​

​

 

[+بنت الكنيسة+]

ياااااااااااااااااااااااااه
علي الكلمات
تسلم ايديك
ربنا يباركك
​

 

[R.O.R.O]

يااااااااااااااه بجد كلمات تمس القلب
اووووووى تسلم ايدك

​

 

[حبيب يسوع]

كلام صعب جدا ومؤلم للغاية ربنا يصبر اهلهم

 

[تعيسة]

كلام مؤلم
الله يرحمهم

 

[Twin]

ياااااااااااااااااااااااااه ​

علي الكلمات
تسلم ايديك
ربنا يباركك​

هذا ما نشعر به ونتألم من أجله
الملائكة تموت​

​

​