قصيدة قصة الصلب اروع ماتشاهده عن صلب المسيح و قيامته

[tamav maria]

لية بتبكي دي دمعة من عينك تساوي الف دانيا من البشر
لية بتبكي وشايف الدمعة الحزينة ودم سايل كالمطر
يهوذا جاي علشان يسلم قلب ضمة وعضدة وحماه ورفعة من الخطر
خلاص نسيت الذكريات
روح وقول للمعجرات
تجي وتحكي علي اللي فات
اموات تقوم
وايدين تبدد في الهموم
اسال الريح في السفينة
اسال الناس والمدينة
اسال النازفة الحزينة
كلة راح ينطق بصوت
واحدة دة الالة
خلاص نسيت

قلوبنا قالت وايا بطرس
مستحيل اني احنا نبعد عن طريقك
لو قامت الدانيا بجبالها ما راح نسيبك
ونسينا يوم ما قالوا اني انتوا منهم
قولنا لا منعرفوش
ومرة تانية منعرفوش
في التالتة قولنا ما شفنهوش
ياخسارة
ياخسارة يامايكل وجرجس
ياخسارة يامارينا ونرجس

بعتوا اللي باع عمرة عشنك
خنتوا اللي شال حزن اثامك
خساره ميت خسارة

بلاطس المصنوع بايديك جاي يدينك
والشعب كلة بينطق كلمة واحدة اصلوبه
اطلقوا اللص بارباس واجلدوة
بلاطس رغم انك كنت تعرف انة بار
وبكلمة منك تقدر تطلقة وتاخد القرار
بس خفت علي التاج والكراسي والضلال
والقصة تاني بتتحكي بس بقناع
مليون بلاطس يتولد والحق ضاع
والحكم واحد اصلبوه

الطريق الجلجثة
والقلوب متغمسة
بدم البرئ
ويسوع كشاه بدبح
بينتف علية وينطرح
وينضرب وينجرح
ويشيل الصليب
يلا داويت كل القلوب
المجدلية
السامرية
الاعمي مين خلاه يتوب
مين اقام ميت ناين
مين اللي داوي المجروحين
مين غير غفر الذنوب
انت الالة فوق الصليب
انت الالة وازاي رضيت
نتطعن تتصلب يتحط فوق جبينك شوك
انت الالة وازي رضيت
تتهان تتخان وانت ملك الملوك
ازاي يندق في ايدك مسمار
ازاي رضيت تشرب خل والمرار
ازاي رضيت وانت صانع الكون البحار
ازاي رضيت كلة دة علشاني انا

ياشمس يلا ضلمي
وابكي بعيونك واحضني
صورت الغروب
دة اللي بايدك لونك
هو الالة وكونك
جابك وحطك علمك
تنوري كل الدورب
وانتي ياارض اتزلزي وشق الحجاب
وأسالي العهد القديم
وأسالي موسي الكليم
وأسالي اسحق وابراهيم
في قلبهم هتلاقي الجواب
كان لازم يموت علشان اعيش
كان لازم يموت علشان تراب مايساويش
وادي العذار بيكفنو
وبيدفنوه
وبيتذكروا ايام مكان وياهم
بيمشي
بيتكلم
بينام
بيقوم
بيعلم
بيثبت خطاهم
بس خلاص تنزل الستارة علي الحكاية
باسواء واسود نهاية
وينطفي نور المناره
ومات المسيح

وفجئة تنفتح الستارة
ويقوم المسيح
ويشقيق نور المنار
وييفضل جمبة الجريح
ومفتوح ليك وليا
اعظم هدية
وهبنا الخلاص
ويشق الفجر الظلام
ويدوس المسيح الشيطان
ويعلي صوت الايمان
وهبنا الخلاص ببلاش​

 

[besm alslib]

بصراحه كلمة حلووو او رااااااائع او يجنن كتيررررررر قليله

بجد مش لاقيه وصف ولا تعليق اعلق عليها

كلام من اروع ما قرات لليوم وبجد يستاهل احلى تقييم

تسلم ايديكي على القصيده الرااااائعه

(( ع فكره ردي مش مجرد شكر تادية واجب بس بجد مش لاقيه كلام اعلق فيه عليها ))

وكل سنه وانتي سالمه يااا رب
​

 

[!! Coptic Lion !!]

بكي عني المسيح
وعشاني صار جريح
ومات واتدفن جوه ضريح
وقام عشاني انا ومعايا شعب المسيح

قصيده روعه جدا جدا
ربنا يفرح قلبك يا رب
تستهل احلي تقيم ​

 

[النهيسى]

شكرا للكلمات
الرائعه والمعبره جدا
الرب يباركك​

 

[tamav maria]

بصراحه كلمة حلووو او رااااااائع او يجنن كتيررررررر قليله ​

بجد مش لاقيه وصف ولا تعليق اعلق عليها ​

كلام من اروع ما قرات لليوم وبجد يستاهل احلى تقييم ​

تسلم ايديكي على القصيده الرااااائعه ​

(( ع فكره ردي مش مجرد شكر تادية واجب بس بجد مش لاقيه كلام اعلق فيه عليها ))​

وكل سنه وانتي سالمه يااا رب​

ربنا يخليكي يارافعه معنوياتي
ميرسي ياقمره لتعليقك الاكثر من رائع
ربنا يباركك حبيبتي وتشجعيني علي طول

 

[tamav maria]

بكي عني المسيح ​

وعشاني صار جريح
ومات واتدفن جوه ضريح
وقام عشاني انا ومعايا شعب المسيح ​

قصيده روعه جدا جدا
ربنا يفرح قلبك يا رب

تستهل احلي تقيم ​

اشكرك كتير قوي
اخي عياد
للمشاركه والتشجيع
ربنا يخليك

 

[kalimooo]

شكراااااا على القصيدة الرائعة

ربنا يبارك حياتك