قصه حياة كوكو

grges monir

عضو مبارك
عضو مبارك
إنضم
9 نوفمبر 2008
المشاركات
15,606
مستوى التفاعل
2,135
النقاط
113
الإقامة
فى قلب يسوع
روحت زورت كوكو تانى يوم ساعتها----
لان كان فيه شىء غريب -- قبلها جتلى حمامه و فضلت واقفه على الارض على الاسفلت قدام شاليهى-- مفيهاش حاجه -- بس وقفالى بس لمده يومين -- حسيتها عايزا تقول لى شىء و حسيت جوايه انى لازم ازور كوكو
ساعتها بعثت الرساله الى فوق دى و قولت احتمال اروحله--
و انا لسى بفكر اروح و لا مرحش لانه بعيد اوى فى مزرعه من مزارع سقاره-- و كنت شبه خلاص بدئت اقتنع انى مرحش لان الولاد مكسلين يجوا معايا---
بس فى لحظها لقيت الموبايل عماله تيجى رسايل عليه على الواتساب
افتح الاقى صورمن صابىر باعث لى صور لكوكو !!!
قولت فى بالى معقول يعنى ! معقول -- يبقى لازم اشوفه و لازم اروحله -- هو عاوزنى ازوره و هو بعث لى الحمامه علشان توصل لى الرساله-- و لما بدئت اكسل بعث لى صابر بالصور ---
و روحت له و كانت زياره جميله جدا و افتكرنى و اول ما شلته حط دماغه على كتفى كائنه بيحضنى :)---
و مرت الشهور بعد اخر زياره
و كنت بطمن عليه من صابر فى التليفون ---
و قولت له الزياره الجايه هتبقى يوم 28 ديسمبر-- قولت استنى المرتب ينزل علشان اخد له و لصابر حاجه و انا رايحه.....
لكن ملحقتش....
بس عجيب بردوا الى حصل ....
يكمل ..........
ازيك يا حبوا
ليكى وحشة بجد
شوفى بقى حسب ضميرى
انا شايف ان القصة دى واقعية وحصلت معاكى
هتقولى غير كدة
ضميرى وحش مش هاصدقك
:t30:
 

حبو اعدائكم

حبو...
عضو مبارك
إنضم
9 أكتوبر 2011
المشاركات
14,167
مستوى التفاعل
4,733
النقاط
113
الإقامة
مصر
المهم من استعجابى للحمامه صورتها --
لانها كانت بتقعد على الرصيف الاسفلت طول اليوم و ببقى بصى عليها و بكلمها--
احط لها مايه و احط لها اكل--
كل شويه احاول اقرب لتكون عايزه مساعده-- لكن مكنتش عايزا حاجه --
كنت مستغربه ليه مش قاعده فوق فى حتى عاليه علشان تبعد من حر الاسفلت و من خطر القطط-- و العمال الى حاولوا فعلا يمسكوها!
ليه واقفه لوحدها كدا اليوم كله مع ان عندها اماكن تانيه فيها شجر و مايه !
تيجى الصبح بدرى و تفضل كدا طووول اليوم وقفالى و قعدالى - و تختفى بليل -- و تانى يوم الصبح نفس الشىء جت قعدت اليوم كله و اختفت بليل--
تالت يوم كنا مسفرين فضلت واقفه لحد ما مشينا بالعربيه مجرد اخذنا اخر الممر افتكرت نسيت شبشبى-- خلتهكم يرجعوا تانى و ببص لقيتها اختفت-- رغم انى سايبه لها مايه و اكل برا-- و المفروض عادتها اخر يومين انها متتحركش -- بتتمشى بس و تروح من الرصيف دا للتانى و خلاص--
ساعتها اتاكدت اكثر انها جايه برساله و حسيت جوايه انها مرسال من كوكو عايزنى اشوفه

و دى صورتين للحمامه و هى واقفالى و كمان و هى قاعده مئنتخه على الرصيف !
8798574619.jpg

2217162824.jpg
 
التعديل الأخير:

حبو اعدائكم

حبو...
عضو مبارك
إنضم
9 أكتوبر 2011
المشاركات
14,167
مستوى التفاعل
4,733
النقاط
113
الإقامة
مصر

ازيك يا حبوا
ليكى وحشة بجد
شوفى بقى حسب ضميرى
انا شايف ان القصة دى واقعية وحصلت معاكى
هتقولى غير كدة
ضميرى وحش مش هاصدقك
:t30:

هههههههه ليه وحش بس-- لا ضميرك حلو و عنده نظر هههههههه
انت كمان بجد ليك وحشه كبيره
 

paul iraqe

عضو مبارك
عضو مبارك
إنضم
3 يناير 2014
المشاركات
15,193
مستوى التفاعل
1,238
النقاط
113
الإقامة
IRAQ-BAGHDAD
ايه ده يا حبو
ده انتِ روائية بجد
عندك اسلوب جداً رائع في سرد الاحداث والتفاصيل
ساظل متابع معاكم
استمري يا حبو - انا بشجعك كتير اوي
شكرا جزيلا لانك شاركتينا معاكي احداث القصة
ربي يوفقكم ويسعد كل ايامكم
 

كلدانية

مشرف
مشرف
إنضم
1 نوفمبر 2010
المشاركات
61,118
مستوى التفاعل
4,205
النقاط
113
أسلوبك في سرد الاحداث جميل اوحيكي عليه استمري
متشوقة اسمع الباقي ربنا يوفقك حبيبتي حبوا:)


 

حبو اعدائكم

حبو...
عضو مبارك
إنضم
9 أكتوبر 2011
المشاركات
14,167
مستوى التفاعل
4,733
النقاط
113
الإقامة
مصر
زى ما قولت ---
بعد موضوع الحمامه قولت اكيد دا كوكو باعث لى مرسال يقول لى انى وحشته
وزى ما حكيتلكم الى حصل قبلها بيوم لما بداء يجيلى فكر يخلينى اكسل اروح لحد سقاره
فى لحظتها و لاول مره لقيت صور كوكو نازله ورا بعض و كانت اول مره يبعث لى صابر على الواتس اب ----
فقولت ساعتها اكثر من كدا هعوز ايه ---
هروحله يعنى هروحله و روحتله--
و الجميل انى لما دخلت المزرعه كان قاعد فى البرجوله بتاعت عمال المزرعه ---و هما بيفطروا
قعدوا يحكولى قد ايه هو مميز -- بينام بس فى العشه مع الفراخ و تانى يوم من الصبح --صابر يفتح له و يطلع يمشى ورا صابر وسط الحصنه و الكلاب و يقدى معاه هو و العمال اليوم كله و ياكل معاهم و بليل يرجعه العشه بتاعت الفراخ--
اجمل شىء انه افتكرنى رغم مرور شهو ر كتير -- ساعتها حط دماغه على كتفى كائنه بيدينى حضن افتقاد :(
و اخت صور معاه -- و قديت حبه وقت و بعدين مشيت---
مر شهرين و نص -- قولت لا كدا كتير لازم اروح اشوفه -- بس استنى اخر الشهر يكون المرتب نزل -- قولت هروح له يوم 28 اكون قديت العيد مع ماما فى المعادى و بالمره اكون قربت من سقاره
بس للاسف -- ماما مرضت كورونا و طبعا اتعزلت فى الاوضه و بابا منع حد يروح و انشغلنا فى الموضوع دا و فى رائس السنه و العيد--
لقيت صابر بيكلمنى و بيقول لى كوكو تعبان --
قولت له طيب اديله دوا و شوف محتاج ايه وحياتك --
بعث لى صوره لى -- حسيته فعلا شكله تعبان !
بس قولت لما ياخد دواء هيبقى احسن
------
يوم السبت كان عندى معاد مع الدكتور
نزلت من بدرى و فضلت مستنيا دورى ---
لقيت الساعه 9 و نص
ابنى بيكلمنى و بيقول لى انه لقى يمامه و هو بيمشى الكلاب قاعده على الارض - عايشا بس مش بتطير
قولت له لتكون تعبانه -- طلبت منه ياخدها حتى لو بتموت تموت بسلام بدل ما تتعزب من حشره بتعضها او قطه بتاكلها
و فعلا اخذها و كلمنى تانى قال لى انه دفتها بس شكلها ماتت او خلاص بتموت--
كانت ساعتها الساعه 10 و نص او 11 كدا
رجعت من عند الدكتور -- طبعا جرى على الحمام الى كان حتطها فيه -- كان نفسى تبقى فيها الروح--- كان نفسى تبقى عندى فرصه احاول انقظها
لكن للاسف لقيتها ميته خلاص---
 
التعديل الأخير:

حبو اعدائكم

حبو...
عضو مبارك
إنضم
9 أكتوبر 2011
المشاركات
14,167
مستوى التفاعل
4,733
النقاط
113
الإقامة
مصر
حزنت جدا عليها---
بس استعجبت انها كانت سليمه -- و صغيره -- بصيت بصه على كل جسمها و عيونها ملحظتش اى مرض او جرح او حاجه تبقى سبب لموتها بالنسبه ليا ---
المهم حضرتها و لفيتها علشان ادفنها
و عدت ساعات اليوم ...... و جت الساعه 9 بليل لقيت رساله من صابر :
"" استاذه --- انا اسف جدا انى اقول لك -- كوكو مات النهرده الصبح الساعه 10:30
بس معرفتش اقول لك غير دلوقتى
"
و لقيته باعث لى صور كوكو و هو ميت و صوره و هو ملفوف فى قماشه و صوره و هو محطوط فى حفره !!!!!
فى لحظتها مخى فكرنى بشكل اليمامه الى ماتت و شكل لفتها لما ماتت و كائنى عشت لحظه موت كوكو--
و بعدين ركزت انه قال كوكو مات الساعه 10 و نص الصبح
كان تقريبا زى توقيت اليمامه ---
روحت قايله معقوله يعنى !-- معقوله
معقوله يكون كوكو بعت مرسال زى الحمامه قبل كدا!
بعث لى يمامه تموت عندى فى نفس معاد موته و ادفنها و كائنى عشت اللحظه معاه ---
كنت مصدقه دا فى قلبى ---- و انفجرت من العياط
لكن لقيت ابنى بيقول لى " لا " ---" دى انا لقيتها و ماتت معايا انا--- لو كدا كان لازم انتى الى تلاقيها -- و تموت معاكى انتى!"
الحقيقه كلمته برجلت تفكيرى -- و شككت فى احساسى و صوت قلبى
قولت فعلا عنده حق-- كان لازم انا الى القيها و تموت معايا!
و دخلت نمت ---
و تانى يوم الصبح جه---
و نزلت كالعاده امشى الكلاب الساعه 9 و نص الصبح .......

!!!!!!!!!!!!!
و الى حصل كان صضمه ليا ...............
او شىء لحد دلوقتى عقلى مش مستوعبه ............
يكمل .....
 
التعديل الأخير:

+Nevena+

عضوة ح الغلاسه
مشرف سابق
إنضم
12 ديسمبر 2007
المشاركات
19,945
مستوى التفاعل
1,790
النقاط
113
تصدقي زعلت علي كوكو
حبوا انتي جميله جدا جدا
ربنا يباركك حياتك واولادك ويسندك
ومنتظره تكملي حصل ايه
 

حبو اعدائكم

حبو...
عضو مبارك
إنضم
9 أكتوبر 2011
المشاركات
14,167
مستوى التفاعل
4,733
النقاط
113
الإقامة
مصر
تصدقي زعلت علي كوكو
حبوا انتي جميله جدا جدا
ربنا يباركك حياتك واولادك ويسندك
ومنتظره تكملي حصل ايه

الحقيقه كوكو فعلا يتزعل عليه---
كان غير عادى--- لولا البيت عندى و عدم تقبلهم ليه و المشاكل مع الجيران و غيره و غيره مكنتش فرت فيه ---
انتى الى جميله و قلبك جميل و عيونك جميله علشان كدا شوفتينى جميله--
ربنا يباركك انتى و اولادك و يبارك الكل
اشكرك
 

paul iraqe

عضو مبارك
عضو مبارك
إنضم
3 يناير 2014
المشاركات
15,193
مستوى التفاعل
1,238
النقاط
113
الإقامة
IRAQ-BAGHDAD
قصة حزينة بس حلوة
لأن جمال القصة - ان الاحداث فيها غير متوقعة


عاشت الايادي يا حبو -
وسأبقى متابع معاكم
 

حبو اعدائكم

حبو...
عضو مبارك
إنضم
9 أكتوبر 2011
المشاركات
14,167
مستوى التفاعل
4,733
النقاط
113
الإقامة
مصر
اكمل لكم القصه :
و تانى يوم الصبح جه---
و نزلت كالعاده امشى الكلاب الساعه 9 و نص الصبح .......
ماشيا فى نفس المسار او نفس اللفه الى بلفها بالكلاب كل يوم
عمتا بنزل الف حولين العماره باخد دايره كبيره فى الجناين الى حواليا و كنت قربت على العماره من الناحيه التانيه و فجئه و انا ماشيه شوفت قطه بيضه واقفه بعيد--- شبه القطه بتاعتى -- قعدت اتفرج عليها و محبتش اقرب بكلابى علشان ميخوفوهاش -- هى بالتالى شافتهم فجريت -- وحده وحده بدئت اخد طريقى العادى
و فجئه و انا ماشيه ابص جنبى الاقى ايه؟
الاقى يمامه صغيره قاعده على الارض !!!
قولت يلهوى دى القطه كانت واقفه هنا -- ازاى مكلتهاش !
انا حسيت مخى وقف ساعتها! و شكيت انى فعلا شايفه اليمامه بجد!
و حست انى بسمع صوت ابنى تانى بيرن فى ودانى
" لا " ---" دى انا لقيتها و ماتت معايا انا--- لو كدا كان لازم انتى الى تلاقيها -- و تموت معاكى انتى!"
معقول ! يعنى علشان اصدق احساسى الى شكيت فيه -- يحصل نفس الشىء تانى يوم و الاقى انا اليمامه و تموت فى حضنى !!!!
ايه الجنون داه!!
المهم كانت عايشه-- بس مبطرخه فى نفسها كدا و قاعده -- لما قربت لها محولتش تطير او تجرى---
كانت بتبصلى بس بعيونها--
طبعا مسكتها بسرعه و اخذتها فى حضنى
قعدت اقول لها مالك بس مالك فيه ايه ؟
خلاص انا فهمت و مش هشك تانى فى احساسى -- فعلا يمامه امبارح كانت مرسال من كوكو يقول لى انه مات خلاص--
مش هشك فى صوت قلبى تانى-- بس بلاش تموتى انتى بئا --
اخذتها فى حضنى و قعدت ادفيها و انفخ فيها بنفسى علشان تدفى و جريت على البيت قولت الحق اشربها او ااكلها او اشوف مالها--
على ما طلعت جرى كانت حطه راسها عليا و بدئت تتهز--- كانت هزه موت و فعلا ماتت بين اديا و فى حضنى!
ببص فى الساعه لقيتها 10:30 !!!!!!!!!!!!!
قعدت ابكى جامد و اقول خلاص فهم فهمت -- حتوحشنى يا كوكو !
بس قعدت اقلب فيها و افرد جناحاتها و اشوف بردوا اى تعويره او اى مرض ظاهر يفسر ليا سبب موتها بس ملقتش--- و كانت صغيره فى السن-- لان كان لسى فيه كام شعرايه او ريشايه صفره لسى موجوده من الى بيبقى موجود و هما نونو و لما يكبروا بيختفى-- كان فاضل كام واحده بس--
يعنى سنها صغير مش عجوزه --
انا بقيت فى زهول بجد -- مش مستوعبه ان تانى يوم يحصل نفس الشىء---
و كائنى كان فيه رساله معينه لازم توصل لى -- و انا لما شكيت فيها رغم ان الصوت و الاحساس فى قلبى كان كبير و قوى اوى -- بس من كلمه ابنى شكيت - و قولت فعلا كان لازم انا القيها و تموت معايا انا--
و تانى يوم اتعاد تانى نفس الشىء بس بالشرط الى كنت قولته !
لفيتها بردوا بنفس طريقه اليمامه الى قبلها و حطيتهم جنب بعض---
و دى كانت نهايه قصه كوكو العجيب
كوكو الكتكوت السكر الصغير الى اتنقظ باعجوبه و كبر و بقى ديك جميل و سكر
عمرى ما هنساك يا كوكو
و الى هيسئل دى حقيقه و لا من وحى الخيال
هقول اسمع لقلبك لو قال حقيقه فهى فعلا حقيقه و حصلت
و لو قال لك دا من وحى الخيال فهى فعلا خيال
 
التعديل الأخير:

+Nevena+

عضوة ح الغلاسه
مشرف سابق
إنضم
12 ديسمبر 2007
المشاركات
19,945
مستوى التفاعل
1,790
النقاط
113
اخر صوره لكوكو مع عيلته القديمه قبل ما يروح لبنى جنسه

4722574790.jpg

انا ما اخدتش بالي من الصوره دي
معقوله قدرتي تجمعي بين القط والكلاب والطير
ومفيش حد يأذي التاني
انتي جميله جدا
وحيواناتك جميله ❤️
حبيتهم رغم اني محبش وجودهم في البيت

ربنا يباركك حبيبتي
 

كليماندوس

محتاج صلواتكم
عضو مبارك
إنضم
28 سبتمبر 2011
المشاركات
2,705
مستوى التفاعل
552
النقاط
0
ها و الان - هل انتم قاطنون بجوار منطقة جبليه او على مشارف صحراويه ؟
لتجدى حمامة جالسه على الارض و تمسكيها و لا تطرش منكى ؟
و ما حكاية الساعة 10 و نصف دى ؟
قدرما حزنت على موت كوكو قدرما تذكرت قصة يونان النبى و اليقطينة !!!
 

حبو اعدائكم

حبو...
عضو مبارك
إنضم
9 أكتوبر 2011
المشاركات
14,167
مستوى التفاعل
4,733
النقاط
113
الإقامة
مصر
لا الحمامه الجالسه على الارض الى وضعت صورتها معرفتش امسكها
و دا كان فى قرى من قرى العين السخنه. حاولت امسكها بس كانت تمد و تمشى لو قربت تطير و تقف على الصور و ارجع تانى لما ارجع .
الى مسكتهم اليمامتين الى كانوا تقريبا بيموتوا
اما عشره و نص او فى حدود التوقيت فمتسئلنيش ... معرفش
 

خادم البتول

عضو نشيط
عضو نشيط
إنضم
13 أبريل 2012
المشاركات
972
مستوى التفاعل
874
النقاط
0
الإقامة
عابـــر سبيــــل

معلش يا صديقتي الجميلة يمكن تفصير منى فعلا عدم التعليق. لكن السبب طبعا هو إني كنت أعرف المرحوم!
icon10.gif
أنا متابع معاكي من أيام طفولته، وبعد كده مراهقته وشبابه، وحتى أفتكر قلتلك في يوم من الأيام ـ بعد صياحه العالي وإزعاجه للجيران ـ إنك لازم تشوفي له فرخة! أصل احنا رجاله زي بعض ونفهم بعض. الراجل، قصدي الديك، وصل لمرحلة إنه بيكاكي فعلا! فإنتي بتعذبيه ليه بالشكل ده؟ يا إما تجوّزوه بمعرفتكم، يا إما تسيبوه طليق يشوف هو مصلحته بنفسه! إنما الوضع ده حرام بصراحة ما يرضيش ربنا!
icon10.gif


القصد إني مش غريب عن القصة أبدا، بالتالي شعرت من أول لحظة انك بتحكي للآخرين، ضعفي شخصيا لست ضمن الجمهور المستهدف بالتأكيد. غير كده طبعا توقيت القصة: أعتقد ظروفي وقتها لم تسمح بالمشاركة أو ربما حتى القراءة!


على أي حال القصة ـ من حيث الأسلوب والسرد ـ رائعة طبعا يا حبو، أسلوبك فعلا متميز جدا في "الحكي"، وده فن بحد ذاته. أما من حيث الأحداث، فكنت مصدوم طبعا من خبر وفاته المفاجئ. وكنت حزين لأني عارف مدى ارتباطك بيه وبحديقة الحيوان اللي عندك عموما. :)

لكن المؤكد إنه عاش حياة استثائية خاصة جدا، مع إنسانة استثنائية خاصة جدا.انتي أصلك مش متخيلة أهمية كوكو ده وحكايته معاكي، بالذات عند الجماعة اللي بيؤمنوا مثلا بتناسخ الأرواح، زي ما فلنا بردو قبل كده. يااااه، ده فيلم كبير جدا بالنسبة لهم!
icon10.gif


بيقولك طالما ديك عاش كده متهني في كل هذا النعيم والاهتمام والرعاية غير باقي الديوك، يبقا "روحه" دي وراها سـر! وبعضهم بقا المهاويس بالذات يروحوا فعلا يبحثوا ويسألوا ولا يهمدوش أبدا لحد ما يعرفوا حكايته: تطلع مثلا في الآخر ـ مثلا ـ روح راجل طيب لكنه لسبب ما كان يكره الديوك بالذات (واحتمال كمان فيه ديك معين كان دايما يحرمه من الفرخة وليفته ويفصلهم عن بعض). فبحكم الكره اللي في قلبه للديوك: روحه بعد الموت انحطت إلى جسد ديك. ولكن بحكم إنه كان راجل طيب: عاش حياة مرفهة تماما بالنسبة لأي ديك تاني!

(وأما بالنسبة لك: فاحتمال في الحالة دي تكوني انتي "الفرخة" اياها اللي كان الراجل ده بيفصلها عن الديك وليفها. بكده تبقا قوانين التناسخ حققت أيضا رغبة قلبك القديمة في الحياة مع ديك في بيت واحد ـ عِشة واحدة ـ ولو لبعض الوقت)!
icon10.gif



على أي حال في الختام قصة جميلة فعلا يا جميل وخبرة حلوة ثرية مع مخلوقات ربنا البديعة. سامحيني للتأخير في تعليقي، وأشكرك على المشاركة سواء بالقصة الأدبية، أو بالصور المعبرة، أو بالتجارب والخبرات الحية الرائعة. :16_4_10:


 

حبو اعدائكم

حبو...
عضو مبارك
إنضم
9 أكتوبر 2011
المشاركات
14,167
مستوى التفاعل
4,733
النقاط
113
الإقامة
مصر
هههههههههههههههههههههههههههههههههههههههههههههههههههههه
انت فضحتنى انا انفجرت ضحك على الجمله دى:
وأما بالنسبة لك: فاحتمال في الحالة دي تكوني انتي "الفرخة" اياها اللي كان الراجل ده بيفصلها عن الديك وليفها. بكده تبقا قوانين التناسخ حققت أيضا رغبة قلبك القديمة في الحياة مع ديك في بيت واحد ـ عِشة واحدة ـ ولو لبعض الوقت)!
بقيت انا الفرخه فى الاخر و لو روحت لقصه القط-- احتمال اكون بردوا القطه ههه و لو لفينا على الكلاب هبقى الكلبه او الانفده او الضفضعه او الهامسترايه او دوده القزايه او الحلزونايه او او ههههههههههههههههه
انت خلتنى فى لحظه اتخيل نفسى فى انثى كل انواع اليوانات الى ربتهم ههههههه
و فكرتنى كمان بعبود-- لما كان يقول لى فضحتينى الجناينى و الشارع بيسمعوا صوت دحكى على كلامك و كتابتك الله يمسيه بالخير --
اشكرك على مدخلتك -- و فعلا انت مش غريب عن القصه ...دا انت عارف تفاصلها من البدايه -- و ياخوفى لا يوم ابقى من المهاويس هههههههه
اشكرك تانى على مدخلتك و تشجيعك
 
التعديل الأخير:

خادم البتول

عضو نشيط
عضو نشيط
إنضم
13 أبريل 2012
المشاركات
972
مستوى التفاعل
874
النقاط
0
الإقامة
عابـــر سبيــــل

لا، هم بيحكموا على أساس قصة كوكو دي بس اللي يعرفوها! إنما هم لو عرفوا باقي قصصك يا حبو غالبا ح يتنازلوا عن عقيدة التناسخ دي كلها أساسا!
icon10.gif


أشكرك يا جميل مرة تانية للمشاركة، والله يمسيه بالخير طبعا سعادة المشتشار. :)

 
أعلى