- إنضم
- 7 يوليو 2011
- المشاركات
- 3,135
- مستوى التفاعل
- 923
- النقاط
- 113
بلم الي باقي مني
واًكون ضحكه مع اني
ساعات بحزن واستلتم
وارجع من تاني اتحسن
واتمكن اني خلاص انسي
واعيشلي يومين في يومين
وارجع من تاني زي زمان
وتعدي سنين وانا ع دا الحال
واحس ان قلبي خلاص بقي ميال
واغرق في بحر مليان احزان
وارسم مواقف في عقلي
يمكن شويه تضحكني
وافكر مع نفسي في نفسي
ولما احزن واحس اني لوحدي
اطبطب عليا براحه واقول معلشي
وافكر في حاجه تلهيني
لاكن في حاجه بتخليني
ابعد عن الناس وابقي لوحدي
وابص لفوق بحنين وبشوق وادعي
لربنا يمكن يرضي شويه عني
لاكن ازاي هيسمعلي وانا مبسمعلوش
ازاي عاوزه يساعدني وانا اساسا مبروحلوش
ومبحتاجلوش الا في وقت الزنقه
دا انت يارب حنين
تقدر تشيل مني الخنقه
وتخفف عني وتهين
حملي الي زاد ع راسي
واحساسي الي مات في الدنيا
وبقيت شخصيه غير التانيه
اتغرقت في بحر من الدموع
ومبقاش قدامي غيرك يايسوع
قررت ارجعلك واسمعلك
واعيش معاك واحبك
هاسبلك حياتي تدبرها
بتفكيرك ومعرفتك
بـقـلمي
