في حاجات في حياتنا مش بنعرف نفسّرها

[لمسة يسوع]

في حاجات في حياتنا مش بنعرف نفسّرها…
ليه وقعنا؟ وليه اتكسرنا؟ وليه الطريق بقى صعب؟
بس وسط كل ده…
في حاجة ماحدش أخد باله منها:
إحنا عمرنا ما لمسنا القاع…

احب اقولك..
إن ضعفك مش هيبوظ خطته،
وسقوطك مش نهاية دعوتك،

أوقات كتير بنفتكر إن ربنا بيسيبنا نواجه لوحدنا…
بس دا مش حقيقي، إحنا بنواجه واحنا محمين جواه.
وبنكمّل لأن في حد شايلنا..
في حد مطمّن وساند ضعفنا...

الصورة دي بتقول..
إنك أصغر من إنك تشيل نفسك، وأغلى من إنك تقع برا إيده.

فلو حسيت النهارده إنك تايه…
ارفع راسك وقول :
أنا مش متساب…
أنا في كفّ إله قادر مابيخليش حد يقع من إيده.