مقدمة :
ـــــــــــ
اختى العزيزة نونو
لدى احساس اننا لسنا نتحاور لايجاد حل مشكلة الحبيبين
ولكننا نتجادل كما لو كنا نتصارع فى معركة شخصية بأسلوب قد يكون غير لائق
وقد أكون انا السبب فاحيانا يفهم اسلوبى فى الحوار بطريقة خاطئة رغم اننى دائم التنوية عنه
مثل الدوامة والبئر .......الخ وصدقينى لا اقصد بها شيئا سوى نوع من الطرفة والهزار لكسر رتابة اى حوار(ياباشا هزر براحتك مش غريب)
ليه كدة بس
مين قال اهانة ومين قال دة كله
يمكن بردة العيب فيا أنا كمان انى حسستك بهجوم أو كدة
وعلى العموم دة مش جدال
الجدال كل واحد بيحاول يقنع الطرف الاخر بوجهة نظره بدون مايسمعه
لكن دة نقاش
يعنى مافيش مانع أنك لو أقنعتنى بوجهة نظرك هعترف بأنى كنت على خطأ
لكن أنا لسه بعرض وجهة نظرى وانت كمان
وبأعتبارنا اخوة متحابين فى المسيح حتى وعند قولى نونو فهو اسمك المنتسبة بة فى المنتدى وبالتالى لا اقصد اى اهانة فهذا ليس طبعى ولا اسلوبى وان كان فهم غير هذا فانا بعتذر عن سوء الفهم هذا
اهانة!!!!!
أنا بحب اسم نونو
مابزعلش منه
أنا مش متضايقة أصلا
أنا دلوقتى بس أتضايقت علشان شكلى كدة حسستك بكدة
مش قصدى بجد
آسفة:smi411:
كما انة من الملاحظ فى ردك الاخير والذى ساسترسل فية لاحقا بأنك تجاهلتى التعليق
على اقوال الانبا موسى والتى توافقنى الرأى وتختلف معك جزئيا وكليا....؟!
لالالالالالالالالالالالالالالا
أنا بجد ماخدتش بالى منه
امتحانات بقى وربنا يعين
بس هقولك حاجة
أنا يعنى فى موضوع الأنبا موسى
يمكن فى ناس بيعتبروا دة رأى غلط منى
بس يعنى عندى فى كنيستى فى أب كاهن
لما الناس بيبعتوله أسئلة وبيجاوب بيقول عكس كدة
يعنى الموضوع دة بيختلف من حد للتانى
لأن التانى دة كاهن كنيستنا بردة
ردى عليكى كان بسلامة نية لانك بتقدرى العاطفة اكثر من اى شىء اخر ولم اخطأ عند قولى رومانسية
وبأعتبار انى بتحاور مع اخت لى وليست عدوة
طيب ماهو أنا فعلا أختك
حد قال غير كدة ؟؟؟؟؟!!!
أطخه اللى يتجرأ ويقول أنك مش أخويا
:hlp::hlp:
الفكرة أنى رديت كدة علشان احنا المفروض بنحل مشكلة
وكمان المفروض اننا بنقنع بعض
فماحبيتش اننا نسيب الموضوع الأصلى وكل واحد فينا يصدر أحكام على الآخر
وعلى فكرة أنا مش بقدر العاطفة أكتر من أى شئ آخر
لو لاحظت فى كل ردودى بكتب ان لازم توازن
اختى الفاضلة عندما يسئلك شخص ما عن حل لمشكلتة معنى هذا ان عقلة فشل فى حلها ويحتاج مساعدة
من شخص اخر لة تفكير اخر قد يكون مطابق لتفكيرة وقد يكون لا والا بطل السؤال من الاصل !!!
اما ما تتابعية من افلام فليس لى تعليق طالما تأخذى ما اقولة بحساسية زائدة
أنا مش بقول ماتقولش رأيك لكن
قوله رأيك لكن رأى يناسب ظروفه هووو
صدقينى اعتزلت منذ زمن لضيق الوقت وايضا لكبر السن فلا تقلقى
طيب يعنى كدة بقى مش أخويا
كدة هقول ياجدو
:t30::t30:
حقا محبة الرب يسوع تفوق اى محبة وعندما اعطاة الفرصة او الفرص كما تقولين
تركة يجابة الحياة بخيرها وشرها واعطاة عقلا يفكر بة ليختار طريقة ومنهجة فى الحياة
يعنى ربنا أهو بيدينا مثال عن المحبة
وأن حبه فاق كل شئ
يعنى الحب مش عاطفة وحاجة نخجل منها
ونخليها نمرة 2 أو 3 فى حياتنا
صدقينى لو رجع بيهم الزمن مرة اخرى فى الواقع سيفعلون نفس ما فعلوة واكثر
فالتمسك بالحياة طبع لا ارادى فى البشر وهم لا يعلمون متى تجىء النجدة والكلام ليس مثل الافعال
ليه؟؟؟
فى بشر بيبقوا مستعدين يضحوا بحياتهم
ولا انهم يعيشوا حياة كاملة تحت شعور بالذنب
اذا فقد العقل السيطرة على الانسان تحول لمرض واذا حكم القاضى بعاطفتة البشرية
على اى مجرم لفقد العدل مصداقيتة وانقلبت موازين الحياة
وكما قلت سابقا العقل هو ربان السفينة والدفة هى العاطفة التى تحميها
فهل من الممكن ان تسير السفينة بأمان دون قائد واذا حدث ما لا يتوقع عقباة اثناء الابحار
هل سنأخذ رأى العقل و العاطفة معا ام سيكون العقل هو المتحكم .....؟!
لا
حضرتك القائد فى حياة أى انسان هو الروح
العقل والعاطفة دول ضباط متساويين فى الرتبة
كل منهم له وظيفة مختلفة على السفينة
يا اختى
لقد وضعت مختلفى الديانات كمثل ليس الا لانهم فى قرارة انفسهم يحبون بعضهم ولا يفرق معهم ماذا يخسرون
وبالتالى لو اتبعنا اسلوب العاطفة هنا لا تصلح بالاسلوب الذى تنتهجية فى ردك وبانها لن تنسى حبيبها الاول ..؟!
الحب الحقيقى اللى من ربنا هو اللى مابيتنسيش
واللى فيه الاتنين بيبقوا عارفين بعض كويس عارفين كل حاجة ومقتنعين بالآخر كما هو
لكن فى حالة مختلفين الديانة كل منهم غير مقتنع بتفكير الآخر
بدليل أنه بيبذل كل ماعنده أنه يغير دين الآخر
هذا رأيك وانتى حرة فية
وجربى مع اى انسان يسئلك فى مشكلة تخصة فأن لم يخرج هذا الرأى من عقلك انتى
ستجدية يقول ليتنى ما سئلت فكأنك يا ابو زيد لا رحت ولا جيت
ولو سألك انسان عن رأيك وقلتله رأى غير صالح طبقا لظروفه
مش هينفذ الرأى دة أصلا
لأن انت بتقول رد بحسب احتياجاتك انت وظروفك انت
من طب الاطفال للطب النفسى ويا قلبى لا تحزن ....؟!
وشكرا على النصيحة وصدقينى عندما يطلب منى الرد فى اى مشكلة
سأقول ما يملية على ضميرة وعقلى وعلية ان يقبل بة او لا يقبل
ففى النهاية لن احصل منة على وسام الرأى او كأس المشورة
الطب النفسى من أمتع المجالات على فكرة
أنا بحب المجال دة جدا
وطبعا انت حر فى اللى تعمله
لكن الفكرة مش فكرة كأس أو وسام
الفكرة أنك لازم تتفاعل وتعطى رأيك طبقا لظروف وقدرة الآخر على الاستحمال
للاسف اختى الفاضلة
عندما قلت تفكير غير ناضج ليس اتهام شخصى بل كلام عام لاى تفكير يفضل العاطفة عن العقل
وعلية بنيتى اسلوبك فى الحوار بهذة الطريقة وارجو الا تفهمى هذا خطأ ايضا
وبالتالى عند قولى غرائز تبادر لذهنك مقصد معين ولكنى اقصد بها كل الحواس
لانها غرائز انسانية تتحرك بفعل العاطفة مثل البصر والسمع والكلام وحتى اللمس
طيب ماهو أنا لما قولت مش هقول غير ناضج كانت بس سخرية وكلام عام يعنى بردة هزار عادى
وكدة بقى الأمور تبقى وضحت
بس انت قلت كدة هنترك غرائزنا تبعا لعواطفنا
لكن لو قصدك الحواس يبقى ايه الاشكال اننا نسيب حواسنا لعواطفنا
النتيجة فى النهاية بتكون فنون وكل ماهو جميل
المهم روح الانسان تكون موجودة فى دة كله
علشان مايستخدمش أى حاجة من دة كله غلط
اعتقد انى أعرف قيمة العاطفة جيدا واهميتها فى حياتنا
ولكنى احترم عقلى واعلم جيدا اهميتة فى جميع المواقف ولا اتناسى العاطفة ولكن فى حدود
فأن تغلبت العاطفة مثلا على قائد معركة لخسر جيشة خسارة تنهار بسببها امم
ودمتى بود
