صوت صارخ
New member
عارف يا فار .... يا خايف نمور
مقضي حياتك ...مجاري وجحور
حلمك فتات.... مزاجك قشور
خوفك السم ....رعبك تشم... لقمة بسمنة تودي القبور
جاهل وهايف ....عايش وخايف.... تفكر تجرب تظهر في نور
وضعك حزين.... شكلك مهين....وشايف نمور... فسعادة وفجور
تفكر تكيف....تنكر تزيف....عاوز تهيف....وخايف تثور
تواجه تفلسف... تبرر تحدف... تبكي تجدف.. دي اللعبة بايظة وعامل شكور
حملك فظيع... وحلمك يضيع.. ويأسك تذيع.. ودمك يفور
راح الإيمان.. ضاع الامان... وباظ الميزان...وساد الغرور
نفسك تموت... حياتك تفوت.. وعالموت هترمي..وخايف تغور
يطلع أشر... يطلع أضر... يطلع أمر... فتعمل صبور
-----------------------------------------------------------
قوم يا أسد.. نظف المخالب وسرح الشعور
نفض غبار.. وشيل المرار وغير الشعور
الليل رغم أنه طول... ليه آخر وأول.. وبكرة يزول
دا الفجر صبح ووضح وفرح... لا أصلك فار ولا هما نمور
دي الخلقة واضحة.. دي الخلقة واحدة.. دي الخلقة حلوة.. والغرض السرور
بزئيرك تزعق.. وممكن تمأمأ.... ولو حابب تنهق.. أقبل الدور
دي ممكن أرانب.. تقلب تعالب.. وممكن كمان.. تصبح طيور
وضعك يحير.. حاول تغير.. لكن حبيبي... متمتش فطابور
أبكي في عمق يأسك.. وقول أيه في نفسك... وفرصة لنفسك... لو عندك ضمور
بكرة تشد.. وتعرف تمد... وتقدر تسد.. وتاخد عالأمور
-----------------------------------------------------------
لو عشت في دور فران... مظلوم وجبان.. ونفسك في الثعبان... تلف وتدور
تنتقم وتجرح.. فاكر الغل يريح.. فاكر الشر يفرح.. روح أسأل أي طور
الشرير كمان تعبان.. شايف الضلمة شيطان.. تفترس الغلبان.. وبكرة علية الدور
نفسه في رب يغير... نفسه في حب يحرر.. وفاره اللى جواه يطيّر.. وينصلح في النور
للشاعر بيشوى ممدوح