عيـــوبنــــا !

[Kerlos-love-Jesus]

بيكبوردي مش ملطوش :smil16:

فجر الخير لأن الساعة 5 الفجر بتوقيت القاهرة والجو حر جدا ونسيت النسكافية وباظ ورميتة
رغاي اوي ياعم اخلص
احمممممم
عنيا

حبيت اتكلم عن موضوع مهم
بالنسبالي
بيحرق دمي
بتخنننننننننننننننق منه اوى
:smil8:

رغاي برضو ؟؟

أخش في الموضوع

موضوعي عبارة عن سؤال وإجابة
المشكلة مش في السؤال
بس المشكلة في الاجابة

السؤال : ممكن تقولي بعض عيوبك ؟
الإجابة : 1 - صحتي بتتعب من كتر الشغل بحب شغلي بطريقة جنونية .. 2 - بثق في اي حد بسرعة وبدي الامان لكل الناس وبيخدعوني .. 3 -عمري ماقسيت على حد ودة بيخلي الناس تقسى عليا من غير مايحسوا بيا

!!!!!!!!

ياعم
ياسيدي
يا اختي
يا ابويا
يا حج
يا مؤمنة

انا سألتك عن عيوبك !!
مش مميزاتك !!

ـــ

كتير مننا سألوا السؤال دة وبنسبة 99.9 % سمعنا الإجابات دي او إجابات مشابهة ليها

كل ماتسأل حد اية هي عيوبك يقولك بثق في الناس وبحب شغلي جدا وبفكر كتير قبل ماخد القرار ومتوتر وقلوق

شوف مثلا اي فنان في برنامج يتسأل سؤال : اية هي عيوب .... ( إسم الفنان )
تلاقية يقولك بثق في الناس
بحب جمهوري لدرجة انهم بيرخموا عليا
قلوق
طموح بدرجة كبيرة
و
و
و
و
و


الله !! ؟؟
على كدة بأة الكدابين خلصوا من البلد ؟
والناس اللي بترتشي سافرت أمريكا عشان مثلا الجنية المصري مبقاش حلو في الرشوة ؟
ولا مثلا الناس النمامين اتخرسوا كلهم وبيتعالجوا دلوقتي في مراكز علاج الصم والبكم ؟
ولا حتى فين الناس المهملين ؟
وفين الكسولين واللي عندهم لا مبالاة واللي بلا احساس والناس الشتامين اللي لسانهم بينقط شتيمة وفين الشباب اللي بيعاكس ؟ وفين البنات الوقحة اللي بتنزل الشارع عايزة تتعاكس ومقضياها وائل وعلاء وبليل على القهوة بتشيش ؟

الناس دي فين يا جدعان ؟؟
انا حاسس انهم انقرضوا !

لية كل ماحد يتسأل السؤال دة مش بياخد باله من أخر كلمة في السؤال وهي : عيوبك ؟
لية معظمنا بيسمعها مميزاتك ؟

ويقول كلام يحسسك انه عيب
بس لما تفكر فية تقول لا دة قصدو انه يقول انها ميزة وحاجة حلوة فيه

يعني مثلا : بتعب من كتر الشغل
فسرها تلاقية بيقولك وحياة ربنا انا واد راجل بتاع شغل ومية مية
عندكشي عروسة يا نجم ؟
!
ولا مثلا : بثق في كل الناس بسرعه اوي اوي اوي خالص موت وعشان كدة بيخدعوني
فسرها تلاقية بيقولك والله انا طيب اوي وابن حلال وغلبان جدا وصاحب صحبي و و و و و ....

يا جدعان ! كل دي مميزات مش عيوب !!

فين عيوبنا ؟؟

ـــ

اتكلمت في الموضوع دة قبل كدة بس مش في منتدى في إجتماع
رد عليا كل اللي قاعدين وقالوا مستحيل حد يقولك انا عيبي كذا وكذا

بس انا شايف يعني انه مفيش اي احراج لما اقول عيوبي !

يعني انا مثلا ( كيرلس )
وتقريبا نفس الإسم بالإنجليزي
Careless
مهمل
بطريقة اوفر شوية
الكمبيوتر مثلا جمبية المية والموبايل وساعات الأكل و و و و
لبسي مش مترتب
وأوضتي 6 ايام في الاسبوع شكلها يقطع الخميرة من البيت ..

انا مش شايف اي عيب اني اقول عيب من عيوبي
بالعكس يمكن لو قولت اتكسف فيما بعد واحاول اصلح

ــــ

لية !

لية لما بنتسأل عن عيوبنا بنقول مميزاتنا ؟

بتلاحظوا كدة يا جماعة ولا انا عايش في كوكب تاني ؟

​

 

[+Coptic+]

انت اكيد من كوكب تاني محدش عنده العيوب القديمة دي خلاص انتهت من زمان
طبعا بهزر معاك فعلا الموضوع ده موجود بس مش منتشر قوي انا عن نفسي مش بلاحظة كتير غير في التلفزيون
علي فكرة اسم كيرلس معناة سيدي وهو اصلة يوناني Kyrillos
موضوع جميل يارت الواحد فعلا يعرف ايه هي عيوبة و يكون صادق مع نفسة عشان يقدر يعرف يصلح منها
ربنا معاك

 

[nerooo_jesus]

اللة موضوعك جميل اووووووووووى
وعلى فكرة عندك حق انا يامة اتسائلى السؤال دة وكان ردى انى طيبة زيادة عن اللزوم ودة بيخلى الناس تجرحنى وبثق فى اللى حواليا بسهولة هههههههه
مش عارفة لية بس ,الواحد بيكتفى انة يصارح نفسة بيها علشان اللى حوالية مياخدوش انطباع سيىء عنة على الرغم ان اغلب الناس ليها نفس مضمون العيوب سواء انانية او كدب او نكران للجميل او كدب او غدر حاجات كتير فينا بنعملها كل يوم بس مفيش مرايا نبص فيها ونواجة نفسنا صح

 

[Kerlos-love-Jesus]

انت اكيد من كوكب تاني محدش عنده العيوب القديمة دي خلاص انتهت من زمان
طبعا بهزر معاك فعلا الموضوع ده موجود بس مش منتشر قوي انا عن نفسي مش بلاحظة كتير غير في التلفزيون
علي فكرة اسم كيرلس معناة سيدي وهو اصلة يوناني kyrillos
موضوع جميل يارت الواحد فعلا يعرف ايه هي عيوبة و يكون صادق مع نفسة عشان يقدر يعرف يصلح منها
ربنا معاك

نورت الموضوع استاذ ماجد
حسيت فعلا ان اللي عايز اقولة وصلك
ياريت كلنا نكون مرايا لنفسينا ونكون بنقول عيوبنا حتى ولو على الملأ عشان نقدر على الأقل نتكسف منها ونصلحها
​

 

[besm alslib]

الموضوع فعلا من احلى المواضيع اللي قراتها على النت

اقصد المواضيع اللي تستحق النقاش

اسلوب الطرح بجد كتيررر مميز

المهم نرجع للموضوع

برايي سبب عرض الميزات عند علبعض بتفق معاك للتباهي بان حتى سيئاته فهي ميزات

لكن عند البعض التاني الميزات دي زي الطيبه الثقه بالناس حسن التعامل

حب المساعده .... الخ في ناس بتعاني منها بجد يعني في ناس بتمر بمواقف معينه

على سبيل المثال تعمل خير مع ويروح هو نفسه ياذيك ومش بس ياذيك لا ويتكلم عنك بالوحش

فيسوء بسمعتك ويكره الناس فيك مع ان كل ذنبك انك ساعدته

فالشخص ده بيبقى حاسس ان طيبته وحبه للمساعده هو ضعف في شخصيته بامارة ان هو اتخدع واتظلم

انما العيوب الشخصيه لو اي واحد بيشوف العيب على انه عيب هيحاول يغيرو

يعني مثلا واكي لاحظت ده بمواضيع النقاش كل واحد بيتمسك برايه بشكل كبير ومن ضمنهم انا

وحتى لو اقتنع بوجهة نظر الطرف التاني مش هيقول اه ده فعلا صح لا بيكمل في نقاش هو نفسه معادش مقتنع فيه

فهل يا ترى لو سالته عن عيبه هيقولك انا مش بعترف بغلطي او ان رايي غلط لو اكتشفت انه صح

هو مش شايف الصفه دي بنفسه عشان يعترف بيها ولو شافها انها عيب هيغيرها بنفسه

طبعا مش الكل بنفس المبدء لكنه مجرد مثال طرحته لتوضيح قصدي في عيوب بنكون عارفينها وممكن نعترف فيها لانها اشياء عاديه

لكن في اشياء وهي المهمه في شخصيتنا دي احنا صعب نشوفها عيوب لاننا مقتنعين بيها انها ضح

وبنفس الوقت في ميرات بنبقى مقتنعين انها غلط بسبب مواقف معينه مرينا فيها


انا عني لو هقول عيوبي فللامانه هذكر من ضمنها الطيبه والصبر واني بصدق الكلام اللي بيتقال

هي ممكن للبعض مميزات لكن بالنسبه لانسان مر بمواقف الصفات دي كانت سبب اذيه ليه هيشوفها

على انها عيب في شخصيته وعلى فكره مجرد ملاحظه يعني انا قلت هذكر من عيوبي مقولتش

ان هي دي عيوبي هههههههههههه


عموما لما يكون في موضوع عن اننا نذكر عيوبنا هبقى اكتب كل عيوبي عند بالموضوع ههههههههههههه

ظهر عيب تاني صح هههههههه


اه نسيت من عيوبي كمان اني برغي كتيرررر هو صح بس عالنت لكن هو عيب هههههههههه



موضوع فعلا كتير حلو ومميز

شكرا اخي عليه

وبانتظار مواضيعك الجايه وان شاء الله تكون بنفس المستوى لان للامانه هالموضوع عجبني كتيرررر​

 

[asmicheal]

موضوع صريح وحقيقى اغلب الناس بتذكر ميزاتها فقط

لكن ممكن لان العيوب تخص ربنا ليصلحها وليس البشر
لذا فعرضها
اولا بمحاسبة النفس امام الللة بالصلاة
ثم امام اب الاعتراف للحل واخذ الارشاد

اما عن عيوبى
1- عصبية
2- بواجة كتير احيانا بصراحة اكتر من اللباقة وممكن ناس تتجرح من صراحتى
3- رغاية
4- متسرعة شوية
5- لما بحب شيىء بخلص لة جدا على حساب اشياء تانية



والباقى لاب اعترافى


ههههههههههههههههههههههههههههههه


شكرا كيرو موضوع جميل

 

[Kerlos-love-Jesus]

اللة موضوعك جميل اووووووووووى
وعلى فكرة عندك حق انا يامة اتسائلى السؤال دة وكان ردى انى طيبة زيادة عن اللزوم ودة بيخلى الناس تجرحنى وبثق فى اللى حواليا بسهولة هههههههه
مش عارفة لية بس ,الواحد بيكتفى انة يصارح نفسة بيها علشان اللى حوالية مياخدوش انطباع سيىء عنة على الرغم ان اغلب الناس ليها نفس مضمون العيوب سواء انانية او كدب او نكران للجميل او كدب او غدر حاجات كتير فينا بنعملها كل يوم بس مفيش مرايا نبص فيها ونواجة نفسنا صح

ياريت فعلا يكون عندنا مرايا لعيوبنا
وتكون المراية دي رأينا في نفسنا
ونقول عيوبنا بجد او حد سألنا
عشان نعرف نتخلص منها

او في حل تاني
نقتل كل الناس اللي بتسألنا السؤال دة
هههههههههههههه

شكرا نيرو على مرورك وردك
​

 

[tasoni queena]

عشان عايشين فى بلد متلخبط حالها

والحاجات اللى مفروض تبقى عيوب

الناس بتحبها وبتحب تكون فيها عشان توصل لحاجة

معينة او مكانة معينة

عشان كده العيوب مميزات

شكرا كيرلس للموضوع الحلو ده

​

 

[Kerlos-love-Jesus]

الموضوع فعلا من احلى المواضيع اللي قراتها على النت

اقصد المواضيع اللي تستحق النقاش

اسلوب الطرح بجد كتيررر مميز

المهم نرجع للموضوع

برايي سبب عرض الميزات عند علبعض بتفق معاك للتباهي بان حتى سيئاته فهي ميزات

لكن عند البعض التاني الميزات دي زي الطيبه الثقه بالناس حسن التعامل

حب المساعده .... الخ في ناس بتعاني منها بجد يعني في ناس بتمر بمواقف معينه

على سبيل المثال تعمل خير مع ويروح هو نفسه ياذيك ومش بس ياذيك لا ويتكلم عنك بالوحش

فيسوء بسمعتك ويكره الناس فيك مع ان كل ذنبك انك ساعدته

فالشخص ده بيبقى حاسس ان طيبته وحبه للمساعده هو ضعف في شخصيته بامارة ان هو اتخدع واتظلم

انما العيوب الشخصيه لو اي واحد بيشوف العيب على انه عيب هيحاول يغيرو

يعني مثلا واكي لاحظت ده بمواضيع النقاش كل واحد بيتمسك برايه بشكل كبير ومن ضمنهم انا

وحتى لو اقتنع بوجهة نظر الطرف التاني مش هيقول اه ده فعلا صح لا بيكمل في نقاش هو نفسه معادش مقتنع فيه

فهل يا ترى لو سالته عن عيبه هيقولك انا مش بعترف بغلطي او ان رايي غلط لو اكتشفت انه صح

هو مش شايف الصفه دي بنفسه عشان يعترف بيها ولو شافها انها عيب هيغيرها بنفسه

طبعا مش الكل بنفس المبدء لكنه مجرد مثال طرحته لتوضيح قصدي في عيوب بنكون عارفينها وممكن نعترف فيها لانها اشياء عاديه

لكن في اشياء وهي المهمه في شخصيتنا دي احنا صعب نشوفها عيوب لاننا مقتنعين بيها انها ضح

وبنفس الوقت في ميرات بنبقى مقتنعين انها غلط بسبب مواقف معينه مرينا فيها


انا عني لو هقول عيوبي فللامانه هذكر من ضمنها الطيبه والصبر واني بصدق الكلام اللي بيتقال

هي ممكن للبعض مميزات لكن بالنسبه لانسان مر بمواقف الصفات دي كانت سبب اذيه ليه هيشوفها

على انها عيب في شخصيته وعلى فكره مجرد ملاحظه يعني انا قلت هذكر من عيوبي مقولتش

ان هي دي عيوبي هههههههههههه


عموما لما يكون في موضوع عن اننا نذكر عيوبنا هبقى اكتب كل عيوبي عند بالموضوع ههههههههههههه

ظهر عيب تاني صح هههههههه


اه نسيت من عيوبي كمان اني برغي كتيرررر هو صح بس عالنت لكن هو عيب هههههههههه



موضوع فعلا كتير حلو ومميز

شكرا اخي عليه

وبانتظار مواضيعك الجايه وان شاء الله تكون بنفس المستوى لان للامانه هالموضوع عجبني كتيرررر​

اولا سعيد ان الموضوع عجبك

ثانيا
المفروض ان حب الناس والمساعدة والطيبة هي مميزات
مهما كان مقابلها من اللي قدامي
يعني مش معنى اني بحب واللي قدامي بيكره يبأة دة عيب فيا
والمفروض اني اغيرة
وان لو حد سألني عن عيوبي اقولو انا بحب اعدائي


الكتاب يقول : أحبوا أعدائكم , باركوا لاعنيكم
هل لو انا نفذت وصية الكتاب ولكن اللي قدامي بيكرهني
يبأة وصية الكتب غلط ! والمميزات اللي ميزني بيها الصليب اللي على ايدي اصبحت عيوب !

في أمور في مطلقها مميزات
ممكن تكون غلط او بزيادة
انما مستحيل تكون عيب فيا او في شخصيتي
لان معنى ان ده عيب إذا هو محتاج لتغيير مني في نفسي
وأغير الحب اللي عندي لكره
او حب المساعدة و الطيبة لكره الخير للناس والغدر بيهم وخيانتهم

مهما كان مقابل حبي للشخص من قساوة منه او بغض او كره
فلسة الحب اللي جوايا ميزة ومش عيب ابدا


ثالثا
لازم نفرق كويس بين كلمة عيوب وكلمة المميزات الزايدة عن الحد
يعني الطيبة ميزة
ممكن تكون زيادة عن الحد
انما مستحيل تكون عيب
لانها لو عيب
يبأة لازم اغيرها
وأحولها لكره او بغض !
انما لو حسيت انها ميزة ودة شيئ كويس بس زيادة عن الحد هنا ممكن اقلل منها او اخد بالي


رابعا
اقتناع الشخص او عدمه هي دي المشكلة الحقيقية زي ماقولتي
لو الشخص مقتنع او اقتنع ان عيوبة عيوب هيبدأ يغير
انما لو حس ان عيوبه مميزات فهنا غلط لانه عمره ماهيغيرها لانها ف نظره مميزات مش بس اشياء عادية
عشان كدة سؤال اية هي عيوبك لازم تبأة اجابته هي الحاجات اللي فيا ولازم اغيرها لعكسها
مش الحاجات اللي بزيادة او المميزات لان تغير المميزات هيكون لعيوب
زي ماقولت
لو شايف ان الطيبة ( عيب )
يبأة لازم نحولها ( كره ) اللي هو الميزة !


شكرا بسم الصليب على ردك الجميل
​

 

[besm alslib]

اولا سعيد ان الموضوع عجبك​

ثانيا
المفروض ان حب الناس والمساعدة والطيبة هي مميزات
مهما كان مقابلها من اللي قدامي
يعني مش معنى اني بحب واللي قدامي بيكره يبأة دة عيب فيا
والمفروض اني اغيرة
وان لو حد سألني عن عيوبي اقولو انا بحب اعدائي ​

الكتاب يقول : أحبوا أعدائكم , باركوا لاعنيكم
هل لو انا نفذت وصية الكتاب ولكن اللي قدامي بيكرهني
يبأة وصية الكتب غلط ! والمميزات اللي ميزني بيها الصليب اللي على ايدي اصبحت عيوب !​

في أمور في مطلقها مميزات
ممكن تكون غلط او بزيادة
انما مستحيل تكون عيب فيا او في شخصيتي
لان معنى ان ده عيب إذا هو محتاج لتغيير مني في نفسي
وأغير الحب اللي عندي لكره
او حب المساعدة و الطيبة لكره الخير للناس والغدر بيهم وخيانتهم​

مهما كان مقابل حبي للشخص من قساوة منه او بغض او كره
فلسة الحب اللي جوايا ميزة ومش عيب ابدا​

ثالثا
لازم نفرق كويس بين كلمة عيوب وكلمة المميزات الزايدة عن الحد
يعني الطيبة ميزة
ممكن تكون زيادة عن الحد
انما مستحيل تكون عيب
لانها لو عيب
يبأة لازم اغيرها
وأحولها لكره او بغض !
انما لو حسيت انها ميزة ودة شيئ كويس بس زيادة عن الحد هنا ممكن اقلل منها او اخد بالي​

رابعا
اقتناع الشخص او عدمه هي دي المشكلة الحقيقية زي ماقولتي
لو الشخص مقتنع او اقتنع ان عيوبة عيوب هيبدأ يغير
انما لو حس ان عيوبه مميزات فهنا غلط لانه عمره ماهيغيرها لانها ف نظره مميزات مش بس اشياء عادية
عشان كدة سؤال اية هي عيوبك لازم تبأة اجابته هي الحاجات اللي فيا ولازم اغيرها لعكسها
مش الحاجات اللي بزيادة او المميزات لان تغير المميزات هيكون لعيوب
زي ماقولت
لو شايف ان الطيبة ( عيب )
يبأة لازم نحولها ( كره ) اللي هو الميزة !​

شكرا بسم الصليب على ردك الجميل​

هرخم واسال تحب حضرتك اني اتناقش بردك بس بكرا طبعا مش دلوقت ههههههههههههه

ولا نعديها وخلاص

مع ملاحظة اني مش بزعل من اي راي مخالف لرايي بالعكس

بس زي مقولت من عيوبي اني برغي كتير عالنت هههههههههه​

 

[Kerlos-love-Jesus]

هرخم واسال تحب حضرتك اني اتناقش بردك بس بكرا طبعا مش دلوقت ههههههههههههه

ولا نعديها وخلاص

مع ملاحظة اني مش بزعل من اي راي مخالف لرايي بالعكس

بس زي مقولت من عيوبي اني برغي كتير عالنت هههههههههه​

حضرتك تشرفي ف اي وقت بسم الصليب
في ردك الأولاني لفتي نظري لنقطة مهمة
وف كل رد بتعلم من حضرتك حاجة

ازاي بس بتسألي اذا كنتي تكملي ولا لا ؟

ازعل كدة :smil8:
ههههههههههه
​

 

[Kerlos-love-Jesus]

موضوع صريح وحقيقى اغلب الناس بتذكر ميزاتها فقط

لكن ممكن لان العيوب تخص ربنا ليصلحها وليس البشر
لذا فعرضها
اولا بمحاسبة النفس امام الللة بالصلاة
ثم امام اب الاعتراف للحل واخذ الارشاد

اما عن عيوبى
1- عصبية
2- بواجة كتير احيانا بصراحة اكتر من اللباقة وممكن ناس تتجرح من صراحتى
3- رغاية
4- متسرعة شوية
5- لما بحب شيىء بخلص لة جدا على حساب اشياء تانية



والباقى لاب اعترافى


ههههههههههههههههههههههههههههههه


شكرا كيرو موضوع جميل

انا عمال اقول الموضوع نور لية
نور لية
ونزلت روحت القسم وعملت محضر عشان اعرف
وقالولي تعالى بكرة وهنحقق
واتصلوا بيا اخدوا اقوالي
وبرضو معرفناش سبب ان الموضوع نور

اتاري ا/ اسمايشل هي اللي مضلماة
هههههههههههههههه

اسف اني مردتش بس لسة واخد بالي من الرد حالا
سعيد ان الموضوع عجبك
بعض العيوب اللي ذكرتيها هي برضو مميزات
بس هعديها

شكرا ا/اسمايشل على الرد
​

 

[$CinDrellA $]

هههههههههههههههههههه
بجد بجد اسلوبك تحفة
ضحكتنى فى عز هم المذاكرة

اما من ناحية موضوعك
فدة الطبيعى ان قلة قليلة هى اللى بتعترف بعيوبها
ومش الاهم دلوقتى اننا نكتشتف عيوبنا
الاهم اننا ندور ونفتش على عيوب غيرنا
صدقنى دة اللى بيحصل فعلا
تلاقى واحد ماسك عيب غيره ونازل فيه حكاية و رواية
ويكون فى نفس الوقت انه عنده هو هو العيب دة
بس تقريبا بيروح منه فى الوقت دة ههههههههه
دة انت رغاى قوى يابنى مع ان رغيت اكتر منك
هههههههههههههه

سورى للاطالة
موضوع لذيذ
ربنا يبارك حياتك
​

 

[besm alslib]

اولا سعيد ان الموضوع عجبك


لا هنا في غلط هو عجبني كتير جدا هههههه


ثانيا
المفروض ان حب الناس والمساعدة والطيبة هي مميزات
مهما كان مقابلها من اللي قدامي
يعني مش معنى اني بحب واللي قدامي بيكره يبأة دة عيب فيا
والمفروض اني اغيرة
وان لو حد سألني عن عيوبي اقولو انا بحب اعدائي


الكتاب يقول : أحبوا أعدائكم , باركوا لاعنيكم
هل لو انا نفذت وصية الكتاب ولكن اللي قدامي بيكرهني
يبأة وصية الكتب غلط ! والمميزات اللي ميزني بيها الصليب اللي على ايدي اصبحت عيوب !

في أمور في مطلقها مميزات
ممكن تكون غلط او بزيادة
انما مستحيل تكون عيب فيا او في شخصيتي
لان معنى ان ده عيب إذا هو محتاج لتغيير مني في نفسي
وأغير الحب اللي عندي لكره
او حب المساعدة و الطيبة لكره الخير للناس والغدر بيهم وخيانتهم

مهما كان مقابل حبي للشخص من قساوة منه او بغض او كره
فلسة الحب اللي جوايا ميزة ومش عيب ابدا


اللي قصدتو انا بكلامي هو ان مثلا التسامح لما واحد يضربك وتقول معلش ربنا يسامحه ولتاني مره يتكرر الفعل وتقول ربنا يسامحه ويفضل هو يكرر الفعل نفسه هل يا ترى التسامح ده مبقاش عيبه في حق الشخص اللي بيسامح لا صدقني بتكون عيبه فيه وده مجرد مثال بسيط بس عشان اوضح فكرتي


ثالثا
لازم نفرق كويس بين كلمة عيوب وكلمة المميزات الزايدة عن الحد
يعني الطيبة ميزة
ممكن تكون زيادة عن الحد
انما مستحيل تكون عيب
لانها لو عيب
يبأة لازم اغيرها
وأحولها لكره او بغض !
انما لو حسيت انها ميزة ودة شيئ كويس بس زيادة عن الحد هنا ممكن اقلل منها او اخد بالي


مهو ممكن شي انت تشوفو ميزه انما لصاحبه هو عيب
يعني الانسان اللي بيحب يساعد ويكتشف ان اللي بيساعدهم بيستغلوه وبيتكلمو عنه كمان على انه غبي ومع كده يفضل يساعدهم لانه مش قادر يقولهم لا هل طيبته دي تبقى ميزه معتقدش


رابعا
اقتناع الشخص او عدمه هي دي المشكلة الحقيقية زي ماقولتي
لو الشخص مقتنع او اقتنع ان عيوبة عيوب هيبدأ يغير
انما لو حس ان عيوبه مميزات فهنا غلط لانه عمره ماهيغيرها لانها ف نظره مميزات مش بس اشياء عادية
عشان كدة سؤال اية هي عيوبك لازم تبأة اجابته هي الحاجات اللي فيا ولازم اغيرها لعكسها
مش الحاجات اللي بزيادة او المميزات لان تغير المميزات هيكون لعيوب
زي ماقولت
لو شايف ان الطيبة ( عيب )
يبأة لازم نحولها ( كره ) اللي هو الميزة !

لا مش نحولها لكره لكن نحد منها ونعرف نتعامل ازاي ومع مين فيها يعني انسان بعامله بالطيبه واكتشف انه بيقول عني بسبب طيبتي اني هبله هل لازم استمر بمعاملتي معاه بطيبه ؟


​

على فكره برغم اختلافي معاك شويه صغيره بكلامك الا ان ردودك بجد منطقيه

لكنها متبقلش التطبيق في كل الحالات والمواضيع

هرجع اعيد واكرر وازيد ان موضوعك فعلا كتيرر حلو وكتير عجبني

وشكرا عليه ومتابعه طبعا ههههههههه
​

 

[Kerlos-love-Jesus]

اللي قصدتو انا بكلامي هو ان مثلا التسامح لما واحد يضربك وتقول معلش ربنا يسامحه ولتاني مره يتكرر الفعل وتقول ربنا يسامحه ويفضل هو يكرر الفعل نفسه هل يا ترى التسامح ده مبقاش عيبه في حق الشخص اللي بيسامح لا صدقني بتكون عيبه فيه وده مجرد مثال بسيط بس عشان اوضح فكرتي
​

متفق معاكي في كل الكلام بنسبة 100%
إلا
تسمية التسامح لأكثر من مرة بــ ( عيبه )
زي ماقولت نقدر نقول ميزة ولكن زيادة عن حدها
وتخالف واقعنا

انما نسميها عيب فينا فدة مش صحيح من رأيي المتواضع

مهو ممكن شي انت تشوفو ميزه انما لصاحبه هو عيب
يعني الانسان اللي بيحب يساعد ويكتشف ان اللي بيساعدهم بيستغلوه وبيتكلمو عنه كمان على انه غبي ومع كده يفضل يساعدهم لانه مش قادر يقولهم لا هل طيبته دي تبقى ميزه معتقدش

شوفي بالنسبة لمثل المساعدة هنا
في عيب في الشخص اللي بيساعد ناس لتاني مرة بيجرحوة وهو انه غبي
العيب هو بيدارية بميزة بيقولها .. يعني هو غبي انه يساعد لتالت مرة بعد الجرح
مش لانه طيب
الطيبة مطلقا ميزة
انما لما يصحبها غباء من الشخص وعدم وعي هنا يبأة الغباء هو العيب مش الطيبة نفسها

القنابل في حد ذاتها مش غلط
ولكن استخدامها بعدم سلام في الحروب او القتل والدبح هنا تكون غلط

يبأة برضو عيب الشخص الأساسي بيدارية
اللي هو انه غبي
وبيدارية فانه يقول انا طيب سامحت ناس او ساعدت ناس مرتين وبرضو جرحوني !
فلا
الشخص هنا غبي
مش طيب
​

لا مش نحولها لكره لكن نحد منها ونعرف نتعامل ازاي ومع مين فيها يعني انسان بعامله بالطيبه واكتشف انه بيقول عني بسبب طيبتي اني هبله هل لازم استمر بمعاملتي معاه بطيبه ؟

لا مش تستمري ومش تحولية لكره
انا اتفقت معاكي وقولت ان الميزة هنا زايدة عن حدها ولازم نقلل منها شوية
​

في أمور في مطلقها مميزات
ممكن تكون غلط او بزيادة

قصدت ان المميزات عمرها ماتكون عيوب الا لو صاحبها عيوب
زي عدم الوعي او الجهل او الغباء في معاملة الناس
بأن شخص يجرحني مرتين وبرضو افضل معاه طيب وبسامح

الطيبة ميزة للشخص
كترها غلط على الشخص
معاها غباء عيب في الشخص

دة كل رأيي
واعتقد متفق معاكي تماما
مع الاختلاف في المسميات
​

​

على فكره برغم اختلافي معاك شويه صغيره بكلامك الا ان ردودك بجد منطقيه

لكنها متبقلش التطبيق في كل الحالات والمواضيع

هرجع اعيد واكرر وازيد ان موضوعك فعلا كتيرر حلو وكتير عجبني

وشكرا عليه ومتابعه طبعا ههههههههه

على فكرة حضرتك منورة الموضوع
ومستمتع جدا بالنقاش معاكي

سلام المسيح .
​

 

[Kerlos-love-Jesus]

هههههههههههههههههههه
بجد بجد اسلوبك تحفة
ضحكتنى فى عز هم المذاكرة

اما من ناحية موضوعك
فدة الطبيعى ان قلة قليلة هى اللى بتعترف بعيوبها
ومش الاهم دلوقتى اننا نكتشتف عيوبنا
الاهم اننا ندور ونفتش على عيوب غيرنا
صدقنى دة اللى بيحصل فعلا
تلاقى واحد ماسك عيب غيره ونازل فيه حكاية و رواية
ويكون فى نفس الوقت انه عنده هو هو العيب دة
بس تقريبا بيروح منه فى الوقت دة ههههههههه
دة انت رغاى قوى يابنى مع ان رغيت اكتر منك
هههههههههههههه

سورى للاطالة
موضوع لذيذ
ربنا يبارك حياتك
​

شكرا سندريلا على مرورك