عمرك حسيت انك ضعيف ؟

[sha2awet 2alam]

لازم تعرفوا
إن الشيطان هو اللى بيحسس الإنسان بإنه ضعيف

والمسيحى لم ولن يكون ضعيف مادام المسيح صديقة
[/CENTER]

انا معاكى فى كل الكلام اللى فوق .. اننا بالمسيح اكيد أقوى .. بس مش كل ضعف يبقى اساسه الشيطان .. كلنا بنضعف تحت اى ظروف قاسية .. احنا مش حديد .. فكرة اصلا ان الشيطان هو اللى محسسنى بالضعف يبقى لو انا ضعيف ابقى بعيد عن ربنا دى بتزود الالم على الانسان و بتشيله هموم اكتر .. اة نصلى و نطلب ربنا .. و اكيد فيه معونة من ربنا بس فين دور البشر ؟؟ المسيح فى صلبه و عز المه اكيد الاب كان موجود بدليل انه طلب منه المغفرة .. بس برضه كان محتاج المريمات تحت صليبه . كان محتاج يشوف تلاميذه موجودين .. الضعف صفة بشرية .. و الموضوع نفسى اكتر ماهو روحى .. ممكن نصلى و عارفين وجود ربنا بس حاسيين بألم حاسيين اننا تعبانين .. و انا تعبانة و بابا قاعد جنبى ببقى مطمنة ان بابا جنبى بس بيفضل ألم المرض فيا .. فاحنا واثقين و عندنا رجاء ان اكيد ربنا بيساعد و بيد قوية هيرفعنا بس دة ميمنعش احساسنا بالضعف الوقتى و الالم

 

[AL MALEKA HELANA]

ما هو ده اعتراضى
بصى السيد المسيح نفسه قرب الصلب :

اذا كان المسيح نفسه فى الجسد كان تحت الضعف النفسى , يبقى احنا لا يجب علينا ان نشعر بهما ازاى ؟!

يا عزيزى السيد المسيح كان يُمثل الإنسان على الأرض
و بطبيعتة الناسوتية .. طبيعى جداً إنه يشعر بالضعف والحزن . لما سيمر به من آلام الصليب

ولكن
ما نهاية آلام الصليب ....... أفراح القيامة
أم أن الشعور بالضعف النفسى ظل معه بعد القيامة!!!!!!

ولذلك أنا بقول ..............
هناك آلام نفسية نشعر بها جميعاً ....
ولكن
كلما تحملنا صليبنا ... كلما أخذنا بركة الإحتمال ...
وبالتالى
لن نشعر بهذة الضغوط النفسية التى حولنا

​

جميع القديسين بما فيهم الرسل كانوا قريبين من المسيح ,
ولم يكن ولا واحد فيهم فوق الضعف والحزن والألم
, لا يمكن ان يتوقف الانسان عن الشعور بتلك المشاعر ,
لكن الله يعيننا لنتحملها ونتعلم منها ويعزينا لنعزى الذين تحت الآلام مثلنا ,

أنا لم أنكر إحساسنا بالضعف والحزن والألم

لكن الله يعيننا لنتحملها ونتعلم منها ويعزينا لنعزى الذين تحت الآلام مثلنا

كلام راائع جداً
ولكن السؤال المهم هنا ............ لكى تتفهم كلامى
متى يعيننا الله لنتحملها ؟؟؟؟؟؟؟؟؟؟؟؟
الإجابة
عندما نلجأ إلية ونتقرب منه فى صلاتنا

أم أن الله سيعيننا ويعزينا
وإحنا قاعدين نبكى ونتحصر على ضعفنا

 

[عبود عبده عبود]

أنا لم أنكر إحساسنا بالضعف والحزن والألم

لأ ...أنكرتيه فى بداية مشاركتك هنا

المفروض انك
عمرك ما تحس بالوحدة ولا الضعف ولا الظلم
لان ربنا معاك دايما حتى لو اعز انسان عليك فارقك لاى سبب
أو ظلمك لأمر ما أو قسى عليك او لو ملكش اصحاب

عشان كدة أنا مش فاهم وسألتك هو المسيحى سوبرمان ؟
ونفضتى لى ...

 

[AL MALEKA HELANA]

لأ ...أنكرتيه فى بداية مشاركتك هنا

ويا ترى ما شفتش باقى مشاركتى دى

المفروض انك
عمرك ما تحس بالوحدة ولا الضعف ولا الظلم
لان ربنا معاك دايما حتى لو اعز انسان عليك فارقك لاى سبب
أو ظلمك لأمر ما أو قسى عليك او لو ملكش اصحاب

الكلام ده عام للكل مش للأخ عبود فقط
​

المفروض إن الأخ اللى يقرأ مشاركة
يفهم محتوى المشاركة ككل
مش يقتبس سطر يرد علية ويترك باقى السطور
مع إن باقى السطور بتكون......... تفسير لما إقتبسة
​

عشان كدة أنا مش فاهم وسألتك هو المسيحى سوبرمان ؟
ونفضتى لى ...

رديت عليك هنا ..
http://www.arabchurch.com/forums/showpost.php?p=3236854&postcount=20

المسيحى ممكن يكون سوبرمان عندما يحس ويرى قوة المسيح التى تساندك فى حياتة
ودى تعرفها وتحس بيها أثناء مرورك بتجربة

 

[AL MALEKA HELANA]

لأ ...أنكرتيه فى بداية مشاركتك هنا

ويا ترى ما شفتش باقى مشاركتى دى :a82:

المفروض انك
عمرك ما تحس بالوحدة ولا الضعف ولا الظلم
لان ربنا معاك دايما حتى لو اعز انسان عليك فارقك لاى سبب
أو ظلمك لأمر ما أو قسى عليك او لو ملكش اصحاب

الكلام ده عام للكل مش للأخ عبود فقط
​

المفروض إن الأخ اللى يقرأ مشاركة
يفهم محتوى المشاركة ككل
مش يقتبس سطر يرد علية ويترك باقى السطور
مع إن باقى السطور بتكون......... تفسير لما إقتبسة
​

عشان كدة أنا مش فاهم وسألتك هو المسيحى سوبرمان ؟
ونفضتى لى ...

رديت عليك هنا ..
http://www.arabchurch.com/forums/showpost.php?p=3236854&postcount=20

المسيحى ممكن يكون سوبرمان عندما يحس ويرى قوة المسيح التى تسانده فى حياتة
ودى تعرفها وتحس بيها أثناء مرورك بتجربة
والأخت مادونا
تفضلت و أعطت مثال حى لهذا الأمر (( عنما مرت بتجارب فى حياتها ))

 

[إيمليــآ]

ويا ترى ما شفتش باقى مشاركتى دى :a82:

الكلام ده عام للكل مش للأخ عبود فقط
​

المفروض إن الأخ اللى يقرأ مشاركة
يفهم محتوى المشاركة ككل
مش يقتبس سطر يرد علية ويترك باقى السطور
مع إن باقى السطور بتكون......... تفسير لما إقتبسة
​

رديت عليك هنا ..
http://www.arabchurch.com/forums/showpost.php?p=3236854&postcount=20

المسيحى ممكن يكون سوبرمان عندما يحس ويرى قوة المسيح التى تسانده فى حياتة
ودى تعرفها وتحس بيها أثناء مرورك بتجربة
والأخت مادونا
تفضلت و أعطت مثال حى لهذا الأمر (( عنما مرت بتجارب فى حياتها ))

فيهـ فرق يآ هيلآنة بين كونآ بشر معرضين للمشآعر بأنوعهآ ومنهآ آلضعف
وبين آلإستسلآم للمشآعر دى ونسيآن إننآ أولآد آلملكـ وهو رجآءنآ فى أى ضعف أو ضيق

آلإتنين مآينفوش بعض
بل بآلعكس طبيعى جداً نمر بآلمشآعر دى علشآن ربنآ يختبر حيآتنآ
دهـ صليبنآ آللى ربنآ وعدنآ بيهـ



.،
​

 

[عبود عبده عبود]

ويا ترى ما شفتش باقى مشاركتى دى :a82:

عليا النعمة شفتها وقريتها ...ومن غير ماتضربى راسك فى الحيطة

يفهم محتوى المشاركة ككل

مش يقتبس سطر يرد علية ويترك باقى السطور

مع إن باقى السطور بتكون......... تفسير لما إقتبسة
​

أنتى قلتى بالنص ..لان ربنا معاك دايما
مفهومة ...ربنا دايما معايا
بس هل ينفى ان الأحساس بالضيق والوحدة والضعف ؟
والا البنى آدم أصله ضعيف ؟؟​

تفضلت و أعطت مثال حى لهذا الأمر (( عنما مرت بتجارب فى حياتها ))

وأنا مستعد أعطيكى تجربتى بجوار تجربة الأخت ( مع احترامى الشديد وتقديرى لها ) تصبح لا شئ
بس ساعتها ماكنتش لسة أعرف المسيح ...
كنت واثق أن فيه ( ربنا ) ...لكن لم تمنع هذه الثقة فى كونى شعرت بالحزن والضعف وقلة الحيلة وقلة القيمة والألم

لما تقولى لحد ربنا معاك ..أنتى مش جوه تجربته ولا تعانيها
تصبح الكلمات مجرد كلمات
مجرد تشجيع ..مجرد تعزية
فين بقى الأرادة الأنسانية اللى جوانا
موقفها اية يعنى ؟


​

​

​

​

​

​

​

 

[AL MALEKA HELANA]

وأنا مستعد أعطيكى تجربتى بجوار تجربة الأخت
( مع احترامى الشديد وتقديرى لها )........... تصبح لا شئ

بس ساعتها ماكنتش لسة أعرف المسيح ...

يا أستاذ لا تعطى مثال وتجربة عشتها ...... قبل أن تعرف المسيح

قولت مليون مرة

أى حزن أى ألم أى إضطهاد أى ضيق يختفى .... بجانب المسيح

لإن المسيح هو الذى يساندنا ويقوينا

​

كنت واثق أن فيه ( ربنا ) ...لكن لم تمنع هذه الثقة فى كونى شعرت بالحزن والضعف وقلة الحيلة وقلة القيمة والألم

لإنك كنت وقتها لا تعرف من هو الإله الحقيقى (( المسيح ))
بُناءاً على كلامك أنت

بس ساعتها ماكنتش لسة أعرف المسيح ...

وما حالك بعد معرفتك بالمسيح المُخلص

هل مازلت تشعر بنفس المشاعر
وانت بعيد عن المسيح

أم تغيرت للأفضل ؟؟؟؟؟؟؟؟؟؟

 

[عبود عبده عبود]

يا أستاذ لا تعطى مثال وتجربة عشتها ...... قبل أن تعرف المسيح

لية بقى ؟؟؟
ماكنتش بنى آدم وقتها يعنى ؟؟؟
خارج حسابات البشرية ؟؟
طيب سؤال لحضرتك ...مين اللى وقف جنب منى ساعتها ؟؟
مين اللى كان بيقوينى ؟!!!
مين اللى عبر بيا التجربة ؟؟
أعذرينى فى جهلى بالمسيحية وأشرحى لى

 

[AL MALEKA HELANA]

لية بقى ؟؟؟
ماكنتش بنى آدم وقتها يعنى ؟؟؟
خارج حسابات البشرية ؟؟

تمام كدة

وبعد معرفتك بالمسيح ........ أصبحت لا تشعر بالضعف

لأن المسيح أصبح هو قوتك

وأصبحت أنت تقول .......

قوتي وتسبحتي هو الرب وصار لي خلاصًا مقدسا.

 

[عبود عبده عبود]

لية بقى ؟؟؟
ماكنتش بنى آدم وقتها يعنى ؟؟؟
خارج حسابات البشرية ؟؟لية بقى ؟؟؟
ماكنتش بنى آدم وقتها يعنى ؟؟؟
خارج حسابات البشرية ؟؟

لية بقى ؟؟؟
ماكنتش بنى آدم وقتها يعنى ؟؟؟
خارج حسابات البشرية ؟؟

تمام كدة ​

هو اية اللى تمام كدة ؟؟؟؟؟؟؟؟؟؟
ماكنتش بنى آدم ؟ !!!!!!!...
وكنت خارج حسابات البشرية ؟؟؟
فين أجابة سؤالى ؟
...مين اللى وقف جنب منى ساعتها ؟؟

 

[AL MALEKA HELANA]

الخُلاصة

الإنسان اللى يحس بالضعف والحزن

هو إنسان بعيد عن الله

لأن الله هو مصدر قوتنا وعزائُنا

​

 

[عبود عبده عبود]

طيب....
أدخل يامينا كمل موضوعك

 

[white.angel]

معلش اسمحولى فى تعليق بسيط
مش كل الناس على نفس مستوى العمق الروحى
يعنى مقدرش احكم على شخص حزين او ضعيف بأنه بعيد عن ربنا
لا ....
كل واحد حسب معرفته وعشرته بربنا يعنى هيلانه كلامها سليم بس فى اطار علاقتها الشخصيه مع ربنا ...
ماينفعش يبقى كلامها عام عالكل
وعبود كلامه صح .... على مستوى معرفته وعلاقته بربنا
وهكزا دواليك ...

يعنى مثلاً لو جبنا مثل من الكتاب المقدس ...
لما الموج هاج على المركب والسيد المسيح كان نايم .....
لو طبقنا المثل دة على حياتنا .....
مش كل الناس هتقدر تجيب مخده وتنام جنب السيد المسيح
وتسيب الموج يعمل ما بداله....
فى ناس هتصرخ ....
وفى ناس هتسكت بس مش هتقدر تنااااااااااااام بعمق

اللى نجح فى انه ينام والموج بيكسر مركبه دة ليه عمق
واللى صمت واحتمل بصمت له عمقه
واللى صرخ له عمقه

لان ربنا بحر ..... مقدرش اقول انك يأما جوا البحر يأما برا .....
لو ضعيف يبقى بعيد عن ربنا ولو قوى تبقى قريب من ربنا
ربنا سلس عن كدة ......
​

 

[Alexander.t]

منورين يجماعه
بصى يا هلانه انتى كلامك صح بس لولا التجارب دى لولا ما هنحس بقوة المسيح
حينما اكون قوى لانى مع المسيح ديما تاكدى انا هيجى وقت واحتاج اعرف مصدر القوه
" لو مفيش ضعف بالتاكيد مش هيبقى فى قوه "

احب اقولك انى بسبب اللى انا فيه بقول لربنا ليه كده

كنت بفكر نفسى قوى ؛ من زمان والدنيا بتخبط فيا
محستش بضعفى الا لما المشكله جات فى اعز ما املك ع وجه الارض اخويا الاكبر منى
ربنا يبعد عنكم الاحساس بالظلم والضعف ويبعد عنكم رغبة الانتقام
لما بنكون مظلومين رغبة الانتقام بتبقى بشعه !

 

[+إيرينى+]

كنت بفكر نفسى قوى ؛ من زمان والدنيا بتخبط فيا
محستش بضعفى الا لما المشكله جات فى اعز ما املك ع وجه الارض اخويا الاكبر منى
ربنا يبعد عنكم الاحساس بالظلم والضعف ويبعد عنكم رغبة الانتقام
لما بنكون مظلومين رغبة الانتقام بتبقى بشعه !

ربنا معاك يا بطل

بس هو فيه نقطة مهمة جدا

لو إنتقمت لنفسك أو لأخيك ح تبقى خسرت موقفك كضحية

و ح تبقى إنت الجانى

و تبقى فى الحالة ديه لا طلت بلح الشام و لا نبق اليمن

مش عارفة إن قلتلك صلى لربنا عشان يتصرف بطريقته ....ح تقتنع و لا لأة

بس دا حصل معايا

طبعا أنا كمان مريت زيك بمواقف صعبة

مواقف كتير حسستنى إنى ضعيفة

و نفسى يكون عندى قوة زى هرقل أو شمشون عشان أهد الدنيا كلها فوق من جرحونى هذا الجرح البالغ

و كان نفسى أرجع الزمن للوراء قبل حدوث أحداث بعينها ....طبعا عشان أخليها ما تحصلش

لكن الواقع كان غير كدة نهائى

لا أنا شمشون

و لا ح أقدر أرجع الزمن

و المصيبة وقتها إنى ما كنتش حاسة بقيمة الصلاة

و الصراحة وقفت قدام ربنا و قولت له :

أنا عارفة نفسى و عارفة أعمالى و إنى ما إستحقش تدخلك فى حياتى

ممكن لو سمحت تتصرف

أنا عاجزة جدا جدا


و صدقنى ربنا إتصرف فى الوقت المناسب جدا جدا

 

[MIKEL MIK]

عمرك حسيت انك مظلوم ضعيف ؟

من غير اي تفاصيل
حسيت بكده جدااا
الاسبوع اللي فات​

 

[مارتينا فوفو]

ضعف عن ضعف يفرق
يعني فثي وقت تحس فيه انك مش مسيطر علي حياتك وغيرك بيحركها
والاحساس ده قاتل وخصوصا بقي لو انت من ادبك بتتكسف ترفض طلب حد
والحد ده سايق فيها
وفي ضعف تاني انك تكون حاسس انك خاطي لدرجه ان لو ربنا ممدش ايده مش هتقدر تتوب او تتحرك من المربع اللي انت فيه
انا شخصيا عشت النوعين دول من الضعف

 

[حبيب يسوع]

اوقات كتير جدا شعرت انى ضعيف وكذلك انى مظلوم