- إنضم
- 30 يونيو 2007
- المشاركات
- 124
- مستوى التفاعل
- 2
- النقاط
- 0
عزيزتى حواء تستطيعين تغيير زوجك الى الافضل
اول شيىء قدرى ظروفه ماتحسسهوش انه واقف
قدام وكيل نيابه وكل شوية تقطمى فى مجاديفه
كل خطوة تغيير للافضل بيعملها امدحيها واتكلمى
فيها وحسسيه انه عمل عمل بطولى وبكده انتى
بتشجعيه على التغيير لما يغلط غلطة معينة اوعى
تجرحى مشاعره قدام الناس او تقللى من شانه
حتى لو بينك وبينه بس استنى شوية ماتعجليش
الامور ولما الجو يهدا ابداى فى العتاب اللين مش
القاسى ولو حسيتى لون وشه اتغير يبقى هو
حاسس باحراج يبقى تاجلى الموضوع لوقت تانى
والا هاتستفزيه وده معناه انه مش هايسمعلك اى
نصيحة بعد كده فخدى بالك
اذا كان زوجك من النوع النمام يعنى الى بيحب
النميمة ويجيب فى سيرة الناس وكنتوا فى حفلة
خطوبة معارف او زواج معارف اوعى تبينى قدام اى
حد فى الحفلة كفاية ابتسامة صفرة ليه وهو اكيد
هايفهم وبعد ماترجعوا البيت اوعى تفتحيله محضر
انما ابداى الاول تشكرى فى اخلاقه وابتسامته
للناس وظرفه وابداى بالتدريج قوليله انه ينقصه
حاجة واحدة انه مايخليش حد يمسك عليه ذلة
وان سيرة الناس دى ممكن تجيبله الاحراج فى
اى وقت وبالسياسة تبداى تغيير اول خطوة واذا
كان عنيد اوعى تعاندى معاه انما بالصبر والتشجيع
والمعاملة الرقيقة يبدا فى التغيير
ماتنسيش لما يتغير خطوة للافضل خليه يحس انه
عمل عمل بطولى ولا حرب اكتوبر وانه حقق النصر
وبالطريقة دى تشبعى غروره وتروضيه من غير
مايحس وتغيريه فى الخباثة وتبقى بتعملى بالاية
اللى بتقول كونوا حكماء كالحيات بسطاء كالحمام
وبلاش جوزك على ماتعوديه وابنك على ماتربيه
دى امثال متخلفة انما الحكمة الحقيقية انك تتبعى
تعاليم السيد المسيح فى كده وانتى تقدرى على
تغيير زوجك للافضل والافضل
وخلى بالك اوعى تشجعيه على الغلط
انما شجعيه على الصح وكل مره يعمل حاجة صح
ابتسميله ابتسامة تحسسه انه راجل ماجابتهوش
ولادة خليكى هادية الطبع جدا وابتسامتك دايما
ماتفارقش وشك علشان راجل البيت مايحسش
بغربة جوه بيته لانه لو حس بكده هايطلع برة
علشان يعوض العطف والحنان والعطاء المعنوى
اللى ناقصه فى بيته علشان كده
عزيزتى حواء ركزى على ملامح زوجك علشان
تعرفى نقاط ضعفه وقوته وامتى يقبل منك اى
كلمة او نصيحة وامتى يكون مش حامل حتى
هدومه اللى عليه علشان كده اهم شيىء ممكن
يفيدك فى تغيير طباع زوجك انك تفهميه كويس
وتعرفى تعابير وشه فى الفرح والغضب والحزن
وانتى تعرفى ازاى تكسبيه زى مابتقول الستات
الكبيرة تطويه تحت جناحك وانتى هاتنجحى فى
تغييره للافضل ولازم تشجعيه على الكنيسه لان
كلمة ربنا بتهدى النفوس فيبدا طبعه فى الهدوء
النفسى وده يسهل عليكى التغيير
اول شيىء قدرى ظروفه ماتحسسهوش انه واقف
قدام وكيل نيابه وكل شوية تقطمى فى مجاديفه
كل خطوة تغيير للافضل بيعملها امدحيها واتكلمى
فيها وحسسيه انه عمل عمل بطولى وبكده انتى
بتشجعيه على التغيير لما يغلط غلطة معينة اوعى
تجرحى مشاعره قدام الناس او تقللى من شانه
حتى لو بينك وبينه بس استنى شوية ماتعجليش
الامور ولما الجو يهدا ابداى فى العتاب اللين مش
القاسى ولو حسيتى لون وشه اتغير يبقى هو
حاسس باحراج يبقى تاجلى الموضوع لوقت تانى
والا هاتستفزيه وده معناه انه مش هايسمعلك اى
نصيحة بعد كده فخدى بالك
اذا كان زوجك من النوع النمام يعنى الى بيحب
النميمة ويجيب فى سيرة الناس وكنتوا فى حفلة
خطوبة معارف او زواج معارف اوعى تبينى قدام اى
حد فى الحفلة كفاية ابتسامة صفرة ليه وهو اكيد
هايفهم وبعد ماترجعوا البيت اوعى تفتحيله محضر
انما ابداى الاول تشكرى فى اخلاقه وابتسامته
للناس وظرفه وابداى بالتدريج قوليله انه ينقصه
حاجة واحدة انه مايخليش حد يمسك عليه ذلة
وان سيرة الناس دى ممكن تجيبله الاحراج فى
اى وقت وبالسياسة تبداى تغيير اول خطوة واذا
كان عنيد اوعى تعاندى معاه انما بالصبر والتشجيع
والمعاملة الرقيقة يبدا فى التغيير
ماتنسيش لما يتغير خطوة للافضل خليه يحس انه
عمل عمل بطولى ولا حرب اكتوبر وانه حقق النصر
وبالطريقة دى تشبعى غروره وتروضيه من غير
مايحس وتغيريه فى الخباثة وتبقى بتعملى بالاية
اللى بتقول كونوا حكماء كالحيات بسطاء كالحمام
وبلاش جوزك على ماتعوديه وابنك على ماتربيه
دى امثال متخلفة انما الحكمة الحقيقية انك تتبعى
تعاليم السيد المسيح فى كده وانتى تقدرى على
تغيير زوجك للافضل والافضل
وخلى بالك اوعى تشجعيه على الغلط
انما شجعيه على الصح وكل مره يعمل حاجة صح
ابتسميله ابتسامة تحسسه انه راجل ماجابتهوش
ولادة خليكى هادية الطبع جدا وابتسامتك دايما
ماتفارقش وشك علشان راجل البيت مايحسش
بغربة جوه بيته لانه لو حس بكده هايطلع برة
علشان يعوض العطف والحنان والعطاء المعنوى
اللى ناقصه فى بيته علشان كده
عزيزتى حواء ركزى على ملامح زوجك علشان
تعرفى نقاط ضعفه وقوته وامتى يقبل منك اى
كلمة او نصيحة وامتى يكون مش حامل حتى
هدومه اللى عليه علشان كده اهم شيىء ممكن
يفيدك فى تغيير طباع زوجك انك تفهميه كويس
وتعرفى تعابير وشه فى الفرح والغضب والحزن
وانتى تعرفى ازاى تكسبيه زى مابتقول الستات
الكبيرة تطويه تحت جناحك وانتى هاتنجحى فى
تغييره للافضل ولازم تشجعيه على الكنيسه لان
كلمة ربنا بتهدى النفوس فيبدا طبعه فى الهدوء
النفسى وده يسهل عليكى التغيير