ضرب الزوجه ( موضوع للمناقشه )

[amgd beshara]

اكيد مفيش حد بيضرب لاجل الضرب الا اذا كان مريض نفسي
و ساعتها مفيش حل غير الانفصال
لكن لو انسان عادي ( بالرغم ان ضرب الستات دة مش حاجة طبيعية ) فممكن تدور اية اللى بينرفزة و تبطل تعملة
وتحاول تقرب منة اكتر و تشوف لو عندة مشكلة مضايقاة هي سبب العنف دة
و ممكن كمان تدخل ناس كبار او اب كاهن

لكن لو هو مستمر يبقي دة مرض نفسي و مفيش حل غير الانفصال ...

 

[white.angel]

كريتك كلامك كله صح ... وعجبنى الجزء الخاص بالدراسه فى فترة الخطوبه ... وهى ممكن تتعمد انه تثيره او تعصبه فى مواقف عشان تدرس رد فعله ... دة مش عيب ... كله يجوز فى فتره الخطوبه طالما دخلنا تحت مسمى الدراسه :fun_lol:... وعجبنى الجزء الاخير ... انما فى جزء مش متفقه معاك فيه .... اللى هو دة
​

ثانيا : بالنسبة للزوجة بقا , لو تعرضت للضرب , هيبقى رد فعلها حماية نفسها منه, تنفصل عنه وتروح بيت اهلها او بيت اى صديقة , لحد ما يندم عن فعلته ويقدر يعيد جو الثقة ما بينهم وتكون متأكدة من تعهداته انه مش هيضربها تانى

عادةً الفكره دى مش بتبقى صائبه ... مبدأ انها تسيب البيت وتمشى اهو الا توسيع حجم المشكله ... بالأضافه الى انه ممكن يبقى رزل وعند على عند زى ما سابت البيت ترجعله ... وميرحش يرجعها ... اياً كان الشخص اللى هى عنده كبيرها اسبوع ولازم تمشى ... فمش فكره سديده ... وخصوصاً ان دة بيتها مش بيته ... دراسات كتير بتتكلم عن المشاكل الزوجيه حذرت من الحلين اللى انت ذكرتهم كان اول تحذير مبدأ ترك البيت او حتى ترك غرفة النوم والمبيت فى غرفة الاطفال ....
​

لو معندهاش مكان او الظروف مش سامحة انها تروح حتة وما بيدها حيلة : تمتعن عن العلاقة الحميمة معاه , والعلاقة العاطفية (يعنى متدهوش وش) كنتيجة طبيعية لأفعاله , لحد ما يحس على دمه , لو مش هيحس على دمه (وده الغالب فى حالات المرض دى), وهيكون لا مجال انه تلجأ لمصدر خارجى , لازم تتصرف وتنفصل مكانيا عنه !

بردو مش فكره سديده ... لان فيها جرح ... الخبراء النفسيين دايماً بيقولوا ان خطأ جداً ان الزوجه تمتنع او تمنع زوجها او ترفض العلاقه دة المفروض ان هى اللى تسعى لانها تديهاله بدافع الحب ... والامر هيكون مزمن لو تحولت لأداه ضعف عند الرجل تستخدمها المرآه لعقابه ... والادهى انه ممكن بردو يبقى رزل زى اللى فوق ... ويبحث عن دة بره ... ونبقى فاقمنا المشكله ... ودة التحذير التانى اللى قالوه خبراء فى ابحاث كيفية حلول المشاكل الزوجيه ...

انما عجبتنى فكرة الوش الخشب ... وتعمل مقموصه ... وكدة دة حلو وفى السليم

وفى النهايه دايماً الوقايه خير من العلاج... فى خطوبتى بخطط لاننى اظبطله كل فتره كدة موقف اخلي الضغط يطلع من نفوخه :bomb:عشان ادرس رد فعل واعرف ايه اخر مدى عصبيته .... عشان لا افاجئ بعد الجواز هههههههههههه
​

 

[عبود عبده عبود]

كريتك كلامك كله صح ... وعجبنى الجزء الخاص بالدراسه فى فترة الخطوبه ... وهى ممكن تتعمد انه تثيره او تعصبه فى مواقف عشان تدرس رد فعله ... دة مش عيب ... كله يجوز فى فتره الخطوبه طالما دخلنا تحت مسمى الدراسه :fun_lol:... ​

​

يعنى تديله بالمفك فى عينه مثلاً عشان تدرسه ؟؟
يعنى أية تتعمد تثيره وألا تعصبه دى ؟؟
دة معناها انها لما تتجوزه هتطلع عينه ...بالقصد !!!
مش محتاجة انها تتعمد تعمل كدة ..فيه مواقف كتيرة قوى وطبيعية ممكن تحصل ويبان المستخبى ..
من غير ما تتعمد أنها تطلع عينه يعنى عشان تجربه
هو موتور عربية بيتلين ؟؟؟

الخبراء النفسيين دايماً بيقولوا ان خطأ جداً ان الزوجه تمتنع او تمنع زوجها او ترفض العلاقه دة المفروض ان هى اللى تسعى لانها تديهاله بدافع الحب ...

فيه ناس برضه بتقول كدة
بس مش خبراء نفسيين ...دول عملوها فى ( تشريع ) ​

 

[Critic]

انجيل وايرينى
انا مش متجوز , ومقدرش افتى فيها , كما انى مش بنت ولا قادر احط نفسى مكانها
بس انا مقتنع جدا بفكرة الانفصال المكانى , لأنى عاينت بنفسى حالات ان الزوج شبه الحيوانات فى ضرب زوجته , ليل نهار بيلطش فيها وتحت اى ظرف , ففكرة البقاء معاه كأنها بتمضى عقد مع المهانة والذل
الكلام سهل , لكن لما واحدة فيكو تكون هى اللى بتتلطش ليل نهار ساعتها مش هتتكلمى بالشكل ده ولا حد فيكو هيجيب سيرة حب ولا جرح ولا يحزنون

 

[Critic]

الخبراء النفسيين دايماً بيقولوا ان خطأ جداً ان الزوجه تمتنع او تمنع زوجها او ترفض العلاقه

مين الخبراء دول ؟؟
من فضلك ادينى اسمائهم و "ديانتهم"

اذا كان الكتاب المقدس بيقول "لا يسلب احدهما الآخر" , يعنى لو هى مخنوقه منه وملهاش نفس مينفعش اصلا يكون عن "اضطرار" !! ده اسمه استعباد للذات !!

 

[+Nevena+]

كتير بشكركم علي ارائكم وحلولكم
لكن مع اتكرار الضرب
وتخلف الزوج علي تنفيذ وعوده
نحو زوجته بعدم ضربها

اعتقد ان الاحل الامثل هو الانفصال
حتي لو بدون طلاق

 

[white.angel]

مين الخبراء دول ؟؟
من فضلك ادينى اسمائهم و "ديانتهم"

اذا كان الكتاب المقدس بيقول "لا يسلب احدهما الآخر" , يعنى لو هى مخنوقه منه وملهاش نفس مينفعش اصلا يكون عن "اضطرار" !! ده اسمه استعباد للذات !!

لا طبعاً مش من باب الاضطرار ...
انا مقدرتش اوضح وجهة نظرى ......
انا اقصد ميصحش ترفض من باب العقاب .....
فيها جرح .... ممكن تقوله انا متضايقه وسيبنى اليومين دول لحد مابقى كويسه .... انما مش لانه غلط فأنا اعاقبه ....
لان هو بضرب زوجته كسر احترامها ... ولو هى رفضت "كعقاب" هتكسر كبرياؤه .... واحنا مش متجوزين عشان نكسر فى بعض ..... انما الرفض لانها غير مستعده حاجة تانيه طبعاً
​

 

[عبود عبده عبود]

لكن لما واحدة فيكو تكون هى اللى بتتلطش ليل نهار

قول يااارب ...
:new6::new6::new6::new6::new6:​

 

[Critic]

انا اقصد ميصحش ترفض من باب العقاب .....

لا انتى برضو فهمتى مداخلتى غلط
هى مش هترفض من باب العقاب ابدا
هى هترفض من باب حماية الذات
لو هى اتعرضت لموقف جرح هتكون مش متقبلة العلاقة الحميمية ابدا , فلو اجبرت نفسها عليها يبقى هى هتأذى نفسها (اكيد العلاقة الحميمة فى وقت غير مرغوب فيه بتكون مؤذية للذات)
علشان كدة قلت : نتيجة طبيعية لأفعاله , هتمتنع عن العلاقة الحميمة
اما لو قبلت عن اضطرار يبقى هى بتهيأ نفسها انها تنفجر نفسيا بعد فترة

 

[عبود عبده عبود]

مين الخبراء دول ؟؟
من فضلك ادينى اسمائهم و "ديانتهم"

هربت وما ردتش عليك
أنا باهدى النفوس طبعا ...
الكلام دة مذكور فى القرآن والأحاديث الأسلامية
وهو تشريع أسلامى بحت

 

[white.angel]

لا انتى برضو فهمتى مداخلتى غلط
هى مش هترفض من باب العقاب ابدا
هى هترفض من باب حماية الذات
لو هى اتعرضت لموقف جرح هتكون مش متقبلة العلاقة الحميمية ابدا , فلو اجبرت نفسها عليها يبقى هى هتأذى نفسها (اكيد العلاقة الحميمة فى وقت غير مرغوب فيه بتكون مؤذية للذات)
علشان كدة قلت : نتيجة طبيعية لأفعاله , هتمتنع عن العلاقة الحميمة
اما لو قبلت عن اضطرار يبقى هى بتهيأ نفسها انها تنفجر نفسيا بعد فترة

لا كدة متفقين .... انا فهمت مشاركتك على انه زى ما ضربها كعقاب ليه مفيش علاقه ... ودة بصرف النظر عن التشريع والكلام دة ... انسانياً .... فيها كسر لكبريائه ... انما اكيد طبعاً هى اذا كان مجروحه فمؤقتاً لحد ما تستعيد نفسيتها هتقوله سورى .... وهو اكيد المفروض عنده دم يعنى ... وهيتفهم انها مش بتقصد عقابه انما هى متضايقه
​

 

[white.angel]

هربت وما ردتش عليك
أنا باهدى النفوس طبعا ...
الكلام دة مذكور فى القرآن والأحاديث الأسلامية
وهو تشريع أسلامى بحت

هربت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
​

 

[Critic]

لا كدة متفقين .... انا فهمت مشاركتك على انه زى ما ضربها كعقاب ليه مفيش علاقه ... ودة بصرف النظر عن التشريع والكلام دة ... انسانياً .... فيها كسر لكبريائه ... انما اكيد طبعاً هى اذا كان مجروحه فمؤقتاً لحد ما تستعيد نفسيتها هتقوله سورى .... وهو اكيد المفروض عنده دم يعنى ... وهيتفهم انها مش بتقصد عقابه انما هى متضايقه

المهم ان النتيجة واحدة : انها هتمتنع , وعلى فكرة فى الوقت ده , ظز هو يفهم ايه ولا ميفهمش ايه وظز فى كبريائه !! وهو كان فين كبريائها لما اضربت هى ؟!!! ما يولع نفسه بجاز اساسا ! بأمانة انتو بتألهوا الراجل وانتوا بالشكل ده اللى بتضيعوا حقوقكوا ! قال واحدة مضروبة وهتراعي هو هيفكر بتقصد عقابه ولا حماية نفسها !!!

 

[white.angel]

المهم ان النتيجة واحدة : انها هتمتنع , وعلى فكرة فى الوقت ده , ظز هو يفهم ايه ولا ميفهمش ايه وظز فى كبريائه !! وهو كان فين كبريائها لما اضربت هى ؟!!! ما يولع نفسه بجاز اساسا ! بأمانة انتو بتألهوا الراجل وانتوا بالشكل ده اللى بتضيعوا حقوقكوا ! قال واحدة مضروبة وهتراعي هو هيفكر بتقصد عقابه ولا حماية نفسها !!!

مش فكرة تأليه يا كريتيك
الفكره ... ان هو ضربها .... فترد هى عليه رد مماثل
فاهو يتحرق دمه بزياده ويرد رد انيل ...
اللى بيتطحن فى الموضوع دة مش هو ولا هى ..
انما بيتهم .... لانهم واحد ....
ماينفعش بعد الجواز نتعامل بنديه لاننا هنخرب المشروع الحلو دة ونندب فى الاخر ونقول الجواز مشروع فاشل .... انما لازم يبقى فى حكمه فى التصرف ...

الموضوع دة بالنسبه لبنات كتير مستفز وانا منهم ... ومن اهم النقاط اللى لازم اكتشفها قبل الجواز ... مدى همجيته لو خرج عن شعوره .... ولكن للى اتدبست ..... ماينفعش تزود الطينه بله ... ومتقوليش مفهوم اسلامى ... ولكن كمفهوم انسانى ماينفعش هو يغلط وانا اعالج الغلط بغلط ..... الحكمه مطلوبه ... ولازم يبقى فى وقفه وعلاج .... التغاضى غلط .... ولكن نعالج صح .... دة قصدى
​

 

[Critic]

انما لازم يبقى فى حكمه فى التصرف ...

وهو الحكمة ان ميبقاش فيه نتيجة لتصرفه ؟
لو عيل صغير غلط , ومحصدش نتيجة غلطه , بيتمادى , هو ده اللى الزوج هيعمله , لو بعد ما ضربها مشت الأمور عادى !
اتمنى تتفرجى على الحلقات اللى حطتها فى الرابط , وتشوفى المشاكل الواقعية للسيدات اللى بتتصل , لان كلامنا هنا معظمه نظرى , ساعتها يمكن تكونى قناعة جديدة

 

[white.angel]

وهو الحكمة ان ميبقاش فيه نتيجة لتصرفه ؟
لو عيل صغير غلط , ومحصدش نتيجة غلطه , بيتمادى , هو ده اللى الزوج هيعمله , لو بعد ما ضربها مشت الأمور عادى !
اتمنى تتفرجى على الحلقات اللى حطتها فى الرابط , وتشوفى المشاكل الواقعية للسيدات اللى بتتصل , لان كلامنا هنا معظمه نظرى , ساعتها يمكن تكونى قناعة جديدة

هو انا بقول ان ميبقاش فى نتيجه وميبقاش فى رد فعل ؟؟
لا لازم يبقى فى نتيجه ولازم يبقى رد فعل وحاسم كمان
بس ايه هو رد الفعل
مثلاً هل رد الفعل ان هو اتنرفز فضربنى بالقلم
اقوم واخداه قلمين ......... دة رد فعل
او اسيبله البيت وافضح واحكى للعيله كلها وادخلهم فى مشاكلنا ... دة رد فعل
دى ردود افعال بس مش حكيمه ... الاول ممكن تخليه يقتلها .... او يكسر فيها حاجة .... والتاني هنبقى دخلنا فى خطأ اننا نحكى مشاكلنا للناس بره

انما فى حلول .... انى اتخذ رد فعل ... واوضح الخطأ ... اتناقش مع اب اعترافه ... اعاتبه .... بهدوء ... لحد ما يعترف بخطأه ويعالجه ... دة لو رجل سوى هيحترم كدة ومش هيكررها ... انما بقى لو مريض .... يبقى تسمه وتريح نفسها
​

 

[ElectericCurrent]

اللى غايظنى ان الناس بتتكلم وبتتحاور -وبتتجاهل تماما وجود أشخاص إسمهم (( أ.ب.أء.ا ل إ ع.ت.ر.ا.ف. &و ا ل م. ر.ش. د ا ل ر.و.ح.ى.))
+أوافق تماما على رأى Critic بضرورة عمل وقفة حاسمة صارمة وكلماتم تأجيلها كلما سيتم التمادى.والانحدار.
+الخلاف هو فى كيفية جعل هذه الوقفة وقفة قانونية روحية صحيحة صائبة مثمرة
لا (غلطة) إذن الخلاف هو فى ال ((كيف ))::: مرة أخرى نظراً لإنكماش دور اباء الاعتراف والمرشدين الروحيين والخدام الكنيسيين واللجان الخدمية (لا أقصد طائفة دون الاخرى) -فى هذا الحوار - أصبح الحوار حامى الوطيس بين الاعضاء وبنلف وندور حوالين نقطة واحدة.

 

[girgis2]

انما فى حلول .... انى اتخذ رد فعل ... واوضح الخطأ ... اتناقش مع اب اعترافه ... اعاتبه .... بهدوء ... لحد ما يعترف بخطأه ويعالجه ... دة لو رجل سوى هيحترم كدة ومش هيكررها ... انما بقى لو مريض .... يبقى تسمه وتريح نفسها
​

وتسمه ليه ؟

لو هي عملت كلللل ده وتحت اشراف أب الاعتراف والزوج لم ينصلح حاله يبقى الكنيسة نفسها هتكون موافقة بالانفصال المكاني
​

 

[girgis2]

وفى النهايه دايماً الوقايه خير من العلاج... فى خطوبتى بخطط لاننى اظبطله كل فتره كدة موقف اخلي الضغط يطلع من نفوخه :bomb:عشان ادرس رد فعل واعرف ايه اخر مدى عصبيته .... عشان لا افاجئ بعد الجواز هههههههههههه
​

بس أنا عندي فضول أعرف آيه التخطيط الجامد ده اللي هيرفع الضغط في نافوخه ؟ ههههههههه
​

 

[white.angel]

بس أنا عندي فضول أعرف آيه التخطيط الجامد ده اللي هيرفع الضغط في نافوخه ؟ ههههههههه
​

لا مانا بخطط لسه معرفش
ناوياله على نيه مهببه انشالله
بس ربنا يعينه ...... :fun_lol:

ناويه ادرسه بكل حالاته .. وهو عصبى وهو رايق وهو شايط وهو بياكل وهو نااااايم بينام ازاى ... هيخضع معايا فى الكام سنه بتوع الخطوبه لكشف كااااااااااااااااااااااااامل ... عشان مش ناويه اتفاجئ بعد الجواز ... اول ما ارسى عالخطه هقولك :new6:
​