ضرب الآباء للأبناء

[+إيرينى+]

هل حدث و أن أباك أو أمك ضربك و إنت صغير ؟؟

لماذا حدث ذلك ؟؟

ما تأثيره عليك حاليا ؟

هل فقدت محبتك للأب أو الأم؟؟

هل تخافه و لا تحترمه ؟؟

كل واحد يحكى موقف أو موقفين أو إن شالله 10

المهم عايزين نعرف مواقف و نتعلم

 

[Samir poet]

حصل كتير معايا مواقف زى كدا
وختصار مبقت قادر استحمل العيشة
فى البيت
وجوايا كتيررررررررررررررر كلام
وفية كلام مش هقدر اقولة وكلام اقدر اقولة
بختصار انا انسان بتمنى الموت وبتمنى
من ربنا مكنشى خلقنى بجد

 

[ياسر الجندى]

إن نسيت فلن أنسى ذات يوم وانا صغير حين كنت أدعبس فى دولاب غرفة النوم لوالداى فرأيت شلن فضة فأخذته ولم أبالى ثم أثناء وجودى على السلم ألهو سمعت صوتا :

أمى : ياسر

أنا : نعم ياأمى

أمى تقترب : أين الشلن الذى كان فى الدولاب

أنا : أخذته

أمى : طرااااااااااااااخ ( قلم لم أنساه مادمت حيا )

من يومها لم تمتد يدى أبدا إلى شئ إلا بإذن أمى !

الدرس : قد يقسو الأب أو الأم أحيانا إلا أن ذلك من باب التربية والتأديب الذى لابد منه لإصلاح الإبن أو الإبنة ​

 

[+إيرينى+]

إن نسيت فلن أنسى ذات يوم وانا صغير حين كنت أدعبس فى دولاب غرفة النوم لوالداى فرأيت شلن فضة فأخذته ولم أبالى ثم أثناء وجودى على السلم ألهو سمعت صوتا :

أمى : ياسر

أنا : نعم ياأمى

أمى تقترب : أين الشلن الذى كان فى الدولاب

أنا : أخذته

أمى : طرااااااااااااااخ ( قلم لم أنساه مادمت حيا )

من يومها لم تمتد يدى أبدا إلى شئ إلا بإذن أمى !

الدرس : قد يقسو الأب أو الأم أحيانا إلا أن ذلك من باب التربية والتأديب الذى لابد منه لإصلاح الإبن أو الإبنة ​

مشاركتك جميلة جدا

و جميل إنك فهمت التأديب

بس هل يا ترى : هذا الموقف أثر على علاقتك بوالدتك ؟؟ و لا ما فى أثر خالص؟؟

 

[ياسر الجندى]

بس هل يا ترى : هذا الموقف أثر على علاقتك بوالدتك ؟؟ و لا ما فى أثر خالص؟؟ [/B]

أبدا ...
نعم غضبت وقتها وبكيت لكن حنان الوالدين يطفو بعد ذلك

 

[عبد يسوع المسيح]

مرة عملت حوار وغبت من المدرسة أسبوع وانا فى ابتدائى ولما بابا عرف مدنى على رجلى . وبعديها صالحنى وباس على راسى.
ومرة كنت معاه فى المحل وبعت حاجات بأقل من سعرها وراح رازعنى بالقلم وقاللى بطل تفتى .وبعدها صالحنى وباس على راسى برضه .
هما المرتين دول بس .
بس مافيش تأثير فى علاقتنا خالص ان انا بحبه جدا وبحترمه واكتر من الاصحاب .
وبعدين التأديب والتقويم كويس مش وحش.

 

[+إيرينى+]

أبدا ...
نعم غضبت وقتها وبكيت لكن حنان الوالدين يطفو بعد ذلك

هايل جدا

 

[+إيرينى+]

مرة عملت حوار وغبت من المدرسة أسبوع وانا فى ابتدائى ولما بابا عرف مدنى على رجلى . وبعديها صالحنى وباس على راسى.
ومرة كنت معاه فى المحل وبعت حاجات بأقل من سعرها وراح رازعنى بالقلم وقاللى بطل تفتى .وبعدها صالحنى وباس على راسى برضه .
هما المرتين دول بس .
بس مافيش تأثير فى علاقتنا خالص ان انا بحبه جدا وبحترمه واكتر من الاصحاب .
وبعدين التأديب والتقويم كويس مش وحش.

بس إنت مش ناسى الموقفين

يبدو إنهم حزوا فى نفسك أهو

بس هل يا ترى لما تبقى أب و حصل من إبنك نفس الموقف اللى إنت عملته و إنت صغير هتعمل زي والدك و لا لأ ؟؟

 

[عبد يسوع المسيح]

بس إنت مش ناسى الموقفين

يبدو إنهم حزوا فى نفسك أهو

بس هل يا ترى لما تبقى أب و حصل من إبنك نفس الموقف اللى إنت عملته و إنت صغير هتعمل زي والدك و لا لأ ؟؟

أنا فعلا أب لولدين
وممكن فعلا اتصرف زى بابا ما عمل معى .
وبعدين مش كل الضرب اللى بيعقد ويبقى له تأثير نفسى على الامد البعيد.

 

[عبد يسوع المسيح]

هو الضرب فعلا مش الاسلوب الامثل للتربية بس فى امور لازم يكون عقابها مختلف وقاسى الى حد ما.
ده رائى وانا عارف انه مش صحيح من كل الجوانب.

 

[عبود عبده عبود]

هل حدث و أن أباك أو أمك ضربك و إنت صغير ؟؟

الأب آآآآآه ... الأم مش ضرب بالمعنى المفهوم لكن ( تقريص من اللابلاييب )
:closedeye:closedeye:closedeye:closedeye
​

لماذا حدث ذلك ؟؟

كنت عيل سَوْ بعيد عنك

ما تأثيره عليك حاليا ؟

ولا الهواااااااا ...

هل فقدت محبتك للأب أو الأم؟؟

طبعا لأ ..

هل تخافه و لا تحترمه ؟؟

أهابه وليس أخافه ... يعنى أعمل له حساب ... واحترمه كثيراً جداً وفوق كل ذلك هو ( مثلى الأعلى )
​

كل واحد يحكى موقف أو موقفين أو إن شالله 10

المهم عايزين نعرف مواقف و نتعلم​

:closedeye ينفع 100 ؟؟؟ :closedeye
هرغى لو قلتى لى أية اللى جاب سيرة الموضوع دة فى دماغك
لإنى تقريباً هارش الليلة
:closedeye
​

 

[عبد يسوع المسيح]

هل حدث و أن أباك أو أمك ضربك و إنت صغير ؟؟

لماذا حدث ذلك ؟؟

ما تأثيره عليك حاليا ؟

هل فقدت محبتك للأب أو الأم؟؟

هل تخافه و لا تحترمه ؟؟

كل واحد يحكى موقف أو موقفين أو إن شالله 10

المهم عايزين نعرف مواقف و نتعلم

هو حضرتك ضربتى أبنك وضميرك مش مستريح ؟
ولا عمل حاجة وبتفكرى تضربيه ؟

 

[عبود عبده عبود]

هو حضرتك ضربتى أبنك وضميرك مش مستريح ؟
ولا عمل حاجة وبتفكرى تضربيه ؟

لأ مش كدة .... هى تقريباً قرت حاجة فى المنتدى شعشعت فى دماغها الفكرة
ولو عايزة تضرب ( الولة ) مش هتستنانا
:closedeye:closedeye:closedeye
​

 

[عبد يسوع المسيح]

لأ مش كدة .... هى تقريباً قرت حاجة فى المنتدى شعشعت فى دماغها الفكرة
ولو عايزة تضرب ( الولة ) مش هتستنانا
:closedeye:closedeye:closedeye
​

لما نشوف
بس خير انشاء الله

 

[عبود عبده عبود]

لما نشوف
بس خير انشاء الله

لا كل خير ألف شين ألف
دى إيرينى وأنا عارفها ... أصطبر بس عليها تقوم الفجر وتصلى لها ركعتين وتخش ترد
:99:
​

 

[عبد يسوع المسيح]

لا كل خير ألف شين ألف
دى إيرينى وأنا عارفها ... أصطبر بس عليها تقوم الفجر وتصلى لها ركعتين وتخش ترد
:99:
​

أ ش أ ؟؟؟

 

[soso a]

عن نفسى كنت طفله هاديه من يومى فمحصلش موقف علشان ماما او بابا يضربونى

وعنفسى مبقتنعيش باسلوب الضرب الا فى القليل من المواقف زى موضوع الاستاذ ياسر مثلا او ما شابه ذلك


​

 

[روزا فكري]

بصي ياايرو هو اكيد حصل سواء من ماما او من بابا الله يرحمه
بس انا بقي قلبي ابيض مابفتكرش الحاجات الوحشه دي ههههههههه
​

 

[+ماريا+]

شوفى يا ايرو هو محصلش لكن ممكن يكون شخط صوتهم على شويه او شويتين
ممكن وقتها اكون زعلت لكن حاليا ممتنه ليهم ولتربيتهم وفخوره بكده
الضرب لتأديب مش غلط لكن لما بيزيد عن حده بيبقى مش تأديب
بيبقى بنفش غلنا فى الولاد وبنخلق عداوه بينا وبينهم
وده خطر جدا
مره واحده كانت هتسيب المسيحيه علشان واحد فراح لها ابونا وسألها
احمد ولا اهلك فقالت له احمد الف مره لانه بيحبنى وبيحترمنى واكتر من مامتى واخويا
واتضح انه اخوها بيضربها ومامتها بتشجعه ( باباها متوفى )
دى حصلت من قريب جدا

 

[Jesus is the truth]

مع امي كتير
مع ابويا مرتين او تلاتة

مع امـي :- مرة كنت انا واخويا طالعين رحلة تبع المدرسة ودفعنا الفلوس قبل الرحلة .. فروحنا اليوم اللي المفروض نطلع فيه الرحلة لقيناها إتلغت فأخدنا الفلوس وروحن الملآهي وصرفناها هناك .. فكان معايا أخ أهبل بعيد عنك راح قالها اننا كنا بنلعب في الملاهي بفلوس الرحلة .. بس بقى هي ما صدقت بقى وكسرتنا :new6:


مع أبويا :-
مرة ضيعت الموبايل فرجعت قولتله كدا فحصلت مشادة وضربني .. وبسبب كدا خلآني كدبت وإشتريت موبايل شبه الموبايل اللي ضاع وقولتلة انه مضاعش ولقيتة في محل ملابس .. بس إعترفتلة بالمووضوع بعد سنين من حدوث هذا الأمر

والمرة التانية ضربني علشان مكنتش بذاكر

بس في كل مرة مكانش بيكون في رد فعل مباشر إلا بالسكوت أو البكاء في صمت .. لأن ضرب ابويا على قد ما هو مش كتير ليّ زي ما قولتلك كانت مرتين تلاتة بالكتير لكن كان بيوجع نفسيتي جداً بخلاف امي لأنها ضربتني كتير فكان الأمر في الغالب بالنسبالي ساهل



انا بقى عاوز أعرف الليلة اللي هارشها عبود دي