صوم الميلاد 2022

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
بسم الاب والابن والروح القدس الاله الواحد امين

اترك لي جسدك ثلاثة واربعون يوما وعندما ارحل اترك لك يسوع طفلا مولودا في قلبك ?

:love::love:الصيام ابتدا كل سنة وانتوا طيبيبن ودايما بخير
فكرت فكرة اني اشارك معاكم الصيام ده التداريب .. طبعا لكذا سبب واهمهم اننا نشجع بعض كلنا ونستغل فترة الصيام واخر شهر ف السنة عشان نقرب فيها من ربنا ونحاول نفرح قلب ربنا باي حاجة في عيد ميلاده ???
..
هشارك معاكم الاول تداريب الصيام .. وطبعا مش لازم نعمل كل اللي مكتوب كل واحد يعمل اللي ف مقدرته تدريب واحد او اكتر.. واللي يقدر عليه حسب وقته ومشغولياته .. ?
وبرضه لو حابين تشاركوا بالجزء اللي عملتوه من باب التشجيع ونستفيد كلنا من بعض ??

بعد كده هنبتدي بتحديد هنعمل ايه مع بداية كل اسبوع كتخطيط للاسبوع باذن ربنا ?

وبعدين كل يوم هشارك معاكوا بالقرايات ومعظم الحاجات اللي موجودة ?


اول حاجة دي التداريب :-

1- كل يوم هنخصص 15 دقيقة هنسمع فيهم وعظات معظمها هيبقي عن الصيام وعن فضيلة نقاوة القلب
2- هنقرا كل يوم اصحاحين من العهد القديم بدون تفسير ونطلع منهم تدريب واية
3- هنسمع كل يوم 15 دقيقة تفسير لسفر من اسفار العقد القديم
4- هنحضر ع الاقل مرة ف الاسبوع القداس ولو مرتين هنحضر مرة بدري ومرة متاخر وكده نكون صمنا يوم ف الاسبوع انقطاعي لربنا
5- هنعمل اي عمل خير مع اي حد
?ممكن المساعدة تكون مبلغ نحوشه طول فترة الصيام غير مبلغ العشور ونديه لحد بعيدا عن العشور
?ممكن المساعدة من بيتي اني اساعد اي احد من افراد اسرتي محتاج مني حاجة اعملهاله
?او ممكن اساعد اي حد جديد عليا سواءفي الخدمة او الكلية او الشغل او جار ليا جديد اي حد ممكن يحس بغربة اساعده واقلل الاحساس دهمن عنده ودي هتكون اجمل مساعدة لايحد ف غربة وجديد ومش عارف يتاقلم ع الوضع الجديد لاني عانيت من الموضوع ده وعارفة الاحساس ده بيبقي وحش ازاي:(
6- هنعمل 3 ميطانيات يوميا لربنا ف صلاتنا بعيد عن ميطانيات قانونا الروحي
7- كل واحد فينا هيكتب نقطة الضعف اللي عنده وايه اللي بيخلينا نعملها ونحط خطوات ازاي نقللها ونطلب من ربنا يسندنا ونقدمها ليه كل يوم ف صلاتنا
8- هنردد صلاة يسوع يوميا وهنزودها تدريجيا (اول عشر ايام هنرددها 10 مرات ف اليوم )
9-نحضر العشية مرة ف الاسبوع او مرة كل اسبوعين
10- نقلل وقت السوشيال ميديا تدريجيا ( اول 10 ايام هنقضي ساعتين بس ع السوشيال ميديا وهنقفلها بقية اليوم ) وده بالنسبة للناس اللي بتقعد كتير ع السوشيال ميديا
11- نهاية كل يوم هنخصص 15 min نحاسب نفسنا بالورقة والقلم وهنسال نفسنا 3 اسئلة
?ايه اللي فرحني انهارده
?ايه اللي زعلني انهارده وقصرت فيه قدام ربنا
?ايه اللي زعلني انهارده وقصرت فيه قدام ربنا
12- كل قداس هنحضره هنكتب ورقة فيها اسماء الناس المتعبة ف حياتنا واللي احنا مختلفين معاهم ونحطها ع المذبح

13- كل يوم هنحفظ اية من المزامير بحيث ع اخر الصيام نكون حفظنا عدد كويس من المزامير نرددها طول اليوم
 
التعديل الأخير:

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
اول اسبوع من الاحد 27/11/2022 ليوم الجمعة 2/12/2022

قدسوا صوما نادوا باعتكاف ??

1️⃣ العظات :
(كل يوم 15 دقيقة )
1- عظة صوم الميلاد المجيد .. انبا زوسيما
2- عظة اه يا قلبي ابونا اغسطينوس
..
العظات موجودة ع اليوتيوب بس مش عارفة هينفع احط اللينك بتاعها هنا ولا مش هينفع .. لو كتبتوا ف سيرش اليوتيوب هتلاقوها علطول

2️⃣ الكتاب المقدس :
(كل يوم 20 دقيقة )

? من غير تفسير
سفر التكوين من الاصحاح 35 للاصحاح 46
( كل يوم اصحاحين )

?بتفسير
سفر هوشع تفسير ابونا دوماديوس مجدي ( موجود ع اليوتيوب )
اول فيديو من الاصحاح 1 ل 3
+
اول نص ساعة من تاني فيديو

3️⃣ القداسات :
هنسمع فيديو بسيط خالص ليلة القداس كاستعداد للقداس ?
فيديو : شرح القداس بطريقة جميلة
مدته :10 دقايق
موجود ع اليوتيوب
ومننساش نحط ورقة ع المذبح فيها كل الناس اللي احنا مختلفين معاهم ومش قادرين نسامحهم ?

4️⃣ الصلاة :
هنصلي صلاة النوم كاملة ( وكل واحد حسب القانون الروحي ) ?
هنصلي كل يوم 10 مرات الصلاة السهمية ?

5️⃣المزامير :
هنحفظ كل يوم اية من المزمور 23

..

يارب يكون الموضوع مترتب قصادكوا .. ومتنسوش تصلولي معاكوا
 

كلدانية

مشرف
مشرف
إنضم
1 نوفمبر 2010
المشاركات
64,033
مستوى التفاعل
5,410
النقاط
113
موضوع حلو ميرا
تسلم ايدك وخاصه نحن في زمن الميلاد نتامل فيه استعدادا لزمن المجيء
الرب يوفقك في خدمتك
متابعة معاك حبيبتي
 

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
موضوع حلو ميرا
تسلم ايدك وخاصه نحن في زمن الميلاد نتامل فيه استعدادا لزمن المجيء
الرب يوفقك في خدمتك
متابعة معاك حبيبتي
اشكرك جدا يا حبيبتي ربنا يعوضك ويستخدم خدمتك لمجد اسمه القدوس
 

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
بسم الاب والابن والروح القدس الالة الواحد امين
بالصوم الحقيقي يستطيع الانسان ان يحنن قلب الله

(البابا شنودة الثالث )

:الصلاة 1️⃣
صلاة النوم
10 صلاة سهمية
3 ميطانيات لسلام الكنيسة

:الكتاب المقدس 2️⃣
سفر التكوين اصحاح 37 +38 ⬅️
: الاية ⚪
“فقال يهوذا لثامار كنته اقعدي ارملة في بيت ابيك حتي يكبر شيله ابني لانه قال لعله يموت هو ايضا كاخويه “ (تك 11:38)
:الطلبة ⚪
ياربي يسوع المسيح .. غلطة ونظرة تشاؤم من يهوذا لثامار ضيعت العيلة كلها .. يهوذا بدل ما يبص لولاده وخطاياهم افتكر ان ثامار هي اللي حظها مش حلو وبتموت ولاده انا يارب برضه كده مش ببص للخطايا بتاعتي وبجيب همومي ومشاكلي ع الدنيا والحظ والغلو والناس اللي اتغيرت .. اديني حكمة يارب اني معملش زي يهوذا واعلق شماعة مشاكي ع الحظ وع اشياء كلها غلط اديني حكمة اعالج الغلط وعالجه معايا يارب .. امين
:التدريب⚪
مقولش ابدا ف يومي ده يوم وحش او الانسان ده مش بتفائل بيه واحاول اتحمل مسؤلية كل حاجة بتحصلي ف يومي
تفسير سفر هوشع اصحاح 2 العدد من 6 للعدد 18 ⬅️
ابونا دوماديوس مجدي
:الاية ⚪
وكثرت لها فضة وذهبا جلعوه لبعل (هوشع 8:2)
:الطلبة ⚪
يارب يسوع المسيح .. هو انا زي جومر يارب خاطية واستخدمت كل حاجة انت ادتهاني لحد غيرك لخطيتي ولعدو الخير بدل ما استخدمها ليك .. انا مش مستغربة يارب غير من حنيتك بعد ما كنت بتقول ع جومر انها ليست امراتك وهتعمل فيها وتاخد منها كل حاجة ادتهالها والوزنات اللي ادتهالها وهترسم طريقها بالشوك .. في نفس اللحظة بتقول بس بعد كل ده هرجعها بيتي واوديها البرية واديها حاجات احسن من الاول وهتخليها تنادي باسمك انت بس يارب .. ايه الحنية دي يارب .. اعتقد لو انا وحد اذاني ومثلا اديته هدية ولقيته راميها هزعل وممكن توصل اني اقطع علاقتي بيه حتي لو جه واتاسف انا مش هسامحه .. وانا انسانة امال انت يارب الاله مالك الكون .. اتحنن عليا زي جومر يارب .. اديني اني المس حنانك يارب واتامل فيه وافتح عيني عليه واشوفه واشكرك عليه دايما امين يارب
:التدريب ⚪
نشوف ربنا ادانا وزنات ايه ونكتب ف ورقة ازاي نستخدمها لاسمه ومنكونش زي العبد الكسول اللي اهمل ف وزناته
:الملخص⚪


CamScanner_11-27-2022_21.10_1.jpg


:عظة صوم الميلاد المجيد .. للانبا زوسيما 3️⃣
لحد الدقيقة 15
:التدريب⚪
صوم الميلاد هو صوم الاستعداد لاستقبال ربنا ف قلبنا .. قبل اي ضيف بيجي بنسمع انه هيجي البيت اول حاجة بتيجي ف دماغنا هو اننا ننضف البيت ده الاول بنضف تنضيفتين تنضيفة كبيرة وتنضيفة صغيرة اللي هي تلميع وترويق ع الوش .. احنا عايزين ننضف قلبنا من الحاجات الكبيرة فندي لنفسنا انهارده خمس دقايق بس نكتب فيها ايه الخطايا الكبيرة اللي بنحس انها منعاني عن ربنا ونطلب من ربنا يفتح عنينا ع خطايانا وومنكنش زي يهوذا ونعلقها ع حد تاني
:الملخص



عظظظظظة.jpg

:حفظ المزامير4️⃣
الرب راعي فلا يعوزني شيء
)مز 1:23)

ملخص التداريب :
احاول كل يوم محطش مسؤلية يومي ع حد او اقول ان فلان مش بتفائل بيه واحاول اقلل الكلمة دي ➰
نجيب ورقة وقلم ونكتب ايه الوزنات اللي ربنا ادهاني ف حياتي واسال نفسي ازاي استخدمها لربنا ➰
امثلة للوزنات ( صحة .. فلوس .. علاقات .. مواهب ..عيلة .....)
نجيب ورقة وقلم ونكتب ايه الخطايا الكبيرة اللي عندي واللي مضايقة ربنا مني كفاية بس اني اكتبها ف ورقة قدامي ➿
???

اذكروني ف صلاتكم :love:?​
 

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
بسم الاب والابن والروح القدس الاله الواحد امين

“الصوم الحقيقي هو الذي يتدرب فيه الصائم ع ضبط النفس ويستمر معه ضبط النفس كمنهج حياة “ ( البابا شنودة الثالث )
1- الصلاة :-

* صلاة النوم
*10 ميطانيات من اجل سلام العالم
* 10 صلاة سهمية

2-الكتاب المقدس
# سفر التكوين اصحاح 37 و38 بدون تفسير

:الاية +
“لان الرب كان معه ومهما صنع كان الرب ينجحه “(تك 23:39)
:الطلبة +
يارب يسوع .. انت كنت مع يوسف ف كل لحظة كان بيجي عليه لحظات انكسار كتيرة اتترفض من اخواته واتباع منهم واتسجن واتظلم حتي يارب واتنسي بس ف كل وسط الظلم ده يارب انت كنت موجود بتقويه وكنت معاه بتنجحه ف كل حاجة مديه نعمة .. الساقي نسي يوسف لما رجع لفرعون لكن انت يارب منستهوش وفضلت جنبه زي اللص اليمين لما طلب منك انك متنسهوش حتي لو ع الصليب حتي لو كان لص يارب وانت كنت امين ومنستهوش ولا نسيت يوسف وواثقة انك كمان مش هتنساني زيهم امين
:التدريب +
افتكر ايه المواقف اللي عدت عليا وطلبت فيها ايد ربنا وربنا منسانيش فيها


تفسير سفر هوشع الاصحاح 2 من العدد 18 والاصحاح 3 #
ابونا دوماديوس مجدي

:الاية +
“وانا كذلك لك “_ هوشع 3:4
:الطلبة +
يا الله الحلو .. عمرك ما ياست مننا ولا من جومر ولا من شعبك ولا مني انا كمان .. عمرك ما قولت لا اسيبهم وارفضهم زي ما رفضوني .. عمر ما كان تقديرك زي باقي الناس بتقدرنا لحاجات بسيطة جدا بنعملها ف يومنا وبتكافئنا عليها .. بتشوف قلبنا اللي الناس شايفينه اسود مفهوش حاجة تتحب لكن انت بتشوفه ابيض زي التلج زي ما كنت شايف جومر وبعتلها هوشع وخصصته بس ليها .. اشكرك لمحبتك ليا اللي ماستهلهاش امين
:التدريب+
اختار وقت فاضي 5 دقايق اتامل فيها كام مرة وقعت انهارده وربنا قومني وانقذني
الملخص +
2.jpg

3-
عظة صوم الميلاد للانبا زوسيما من الدقيقة 15 ل 30

:التدريب +
الصوم = توبة … هنقرا اول 5 صفح من كتاب حياة التوبة والنقاوة للبابا شنودة الثالث (الكتاب موجود Pdf )

الملخص+
22.jpg

4-
المزامير :


في مراع خضر يربضني الي مياه الراحة يوردني

5-
القداس :

فيديو شرح القداس بطريقة جميلة للدكتور سامح طلعت
التدريب:
اصلي ذكصولوكية العدرا ف رفع بخور العشية (3 دقايق ) ليلة القداس
:الملخص
222.jpg
ملخص التداريب :
1-
افتكر ايه المواقف اللي عدت عليا وطلبت فيها ايد ربنا وربنا منسانيش فيه
2-
اختار وقت فاضي 5 دقايق اتامل فيها كام مرة وقعت انهارده وربنا قومني وانقذني
3-
الصوم = توبة … هنقرا اول 5 صفح من كتاب حياة التوبة والنقاوة للبابا شنودة الثالث (الكتاب موجود Pdf )
4-
اصلي ذكصولوكية العدرا ف رفع بخور العشية (3 دقايق ) ليلة القداس



اذكروني ف صلاتكم
 

كلدانية

مشرف
مشرف
إنضم
1 نوفمبر 2010
المشاركات
64,033
مستوى التفاعل
5,410
النقاط
113
امين يارب امين ??
ربنا يبارك حياتك وخدمتك ويفرح قلبك ياقمر
 

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
بسم الاب والابن والروح القدس الاله الواحد امين

ان كان الصوم والصلاة اعمال مقدسة
فتخفيف اوجاع الناس عمل مقدس
قبول المختلف عمل مقدس
سندة الضعيف عمل مقدس
البشارة بالرجاء عمل مقدس
تجديد الامل لليائسين عمل مقدس
مشاركة المتالمين عمل مقدس
كل عمل حب لله ينعكس ف فعل خليقته هو عمل مقدس


1- الصلاة :-

* صلاة النوم
*10 ميطانيات من اجل سلام العالم
* 10 صلاة سهمية

* انهارده التذكار الشهري للعدرا مريم .. فهنعملها تمجيد
2-الكتاب المقدس
# سفر التكوين اصحاح 41 و 42بدون تفسير

:الاية +
“ لان الله انساني كل تعبي وكل بيت ابي “(تك 51:41)

:التدريب +
افتكر ربنا عمل ليا ايه بعد كل فترة تعب ف حياتي ونساني الفترة دي واشكره ع احساناته ليا

تفسير سفر هوشع الاصحاح 3 #
ابونا دوماديوس مجدي
:الاية +
“ قد هلك شعبي من عدم المعرفة لانك انت رفضت المعرفة ارفضك انا “ ( هوشع 6:4)

:الطلبة +
ياربي يسوع المسيح .. شعبك كان رافض انه يعرفك زمان كنت بتكلمهم وهما بيرفضوك من غير سبب بيرفضوا حتي يسمعوا الكلام اللي هتقوله ليهم .. خايفة اكون كده انا كمان واكون رافضة كلامك وانا مش واخدة بالي رافضة اني اعرفك واتعرف عليك .. ازرع جوايا يارب شغف معرفتي بيك خليني اعرفك ومرفضش ابدا كلامك .. عرفني طريقك وعرفني الصح من الغلط اللي ينفع اعمله وافكر فيه واللي مينغعش .. عرفني صوتك وخليني اعرف اميز صوتك وسط كل الاصوات اللي حواليا انا عايزاك يارب مش عايزة ارفض كلامك امين

:التدريب+
نسمع فيديو ازاي اسمع صوت ربنا بوضوح لابونا اوغسطينوس موريس 10 دقايق ونكتبهم

الملخص +
3.jpg

3-
عظة اه يا قلبي لابونا اوغسطينوس موريسلحد الدقيقة 15

:التدريب +
الصوم = توبة … هنقرا من الصفحة 10 لحد 15 صفح من كتاب حياة التوبة والنقاوة للبابا شنودة الثالث (الكتاب موجود Pdf )
“فوق كل تحفظ احفظ قلبك “ … افكر ف مشاعري و ازاي استخدمها صح ولمين وازاي مستنسذفهاش واحافظ عليها ف علاقاتي


الملخص+
33.jpg

4-المزامير :

ايضا اذا سرت ف وادي ظل الموت لا اخاف شرا لانك انت معي عصاك وعكازك هما يعزيانني

ملخص التداريب :
1-
افتكر ربنا عمل ليا ايه بعد كل فترة تعب ف حياتي ونساني الفترة دي واشكره ع احساناته ليا
2-
نسمع فيديو ازاي اسمع صوت ربنا بوضوح لابونا اوغسطينوس موريس 10 دقايق ونكتبهم
3-

الصوم = توبة … هنقرا من الصفحة 10 لحد 15 صفح من كتاب حياة التوبة والنقاوة للبابا شنودة الثالث (الكتاب موجود Pdf )
“فوق كل تحفظ احفظ قلبك “ … افكر ف مشاعري و ازاي استخدمها صح ولمين وازاي مستنسذفهاش واحافظ عليها ف علاقاتي

4-
نصلي تمجيد العدرا

اذكروني ف صلاتكم
 

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
بسم الاب والابن والروح القدس الاله الواحد امين

الخميس 1/12/2022

الصوم فترة ترفع فيها الروح وتجذب الجسد معها
( البابا شنودة الثالث )


1- الصلاة :-

* صلاة النوم
*3 ميطانيات من اجل سلام العالم
* 10 صلاة سهمية
2-الكتاب المقدس
# سفر التكوين اصحاح 43 و 44 بدون تفسير

:الاية +
“ لماذا جازيتم شرا عوضا عن خير “(تك 4:44)
:التدريب +
اشوف الاسبوع اوالشهر ده حد فرحني وقدملي خير وفادني واحاول افرحه بالطريقة اللي يحبها او ع الاقل اشكره ع اللي عمله معايا

تفسير سفر هوشع الاصحاح 4 #
من العدد 6 للعدد 15
ابونا دوماديوس مجدي
من الدقيقة 15 ل 30
:الاية +
“لانك نسيت شريعة الهك انسي انا ايضا “ (هوشع 6:4)

:الطلبة +
ياربي يسوع المسيح .. موعدكش اني دايما هبقي موجودة ولا اوعدك ان دايما هيبيقي جوايا الشغف اني اقف واصليلك ولا اوعدك باني هقرا انجيلك كل يوم بنفس شعور الحب اللي ف قلبي ليك .. بيقولوا ان هتعدي عليا ايام فتور انا بحسها اوقات من زمان ساعات كنت ببطل فيها اني اكلمك وساعات كنت بكمل .. وانا عايزة اكمل مش عايزة انساك وابعد مش عايزة الشيطان يغلبني كالعادة يارب امين

:التدريب+
افكر ف يومي انهارده عملت فيه ايه ضايقت ربنا بيه ونسيته وانا بعمله واطلب من ربنا يسامحني

الملخص +
4.jpg
3-
عظة اه يا قلبي لابونا اوغسطينوس موريس
من الدقيقة 15 للنهاية

:التدريب +
الصوم = توبة … هنقرا من الصفحة 15 لحد 20 صفح من كتاب حياة التوبة والنقاوة للبابا شنودة الثالث (الكتاب موجود Pdf )


الملخص+
44.jpg

4-المزامير :
ترتب قدامي مائدة تجاه مضايقي مسحت بالدهن راسي كاسي ريا


اذكروني ف صلاتكم
 

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
بسم الاب والابن والروح القدس الاله الواحد امين

ثاني اسبوع من الصوم المقدس
من يوم السبت 3/12/2022 للجمعة 9/12/2022

"قد ينقطع إنسان عن الطعام إلي التاسعة من النهار أو غلي الغروب أو إلي ظهور النجم، ولا يستفيد روحيًا، إذ كان قد سلك بطريقة غير روحية"
البابا شنودة الثالث

1) الصلوات :
1- صلاة النوم
2- 10 صلاة سهمية
3- 3 ميطانيات من اجل نقاوة القلب

2) الكتاب المقدس :
1- سفر التكوين الاصحاح 49 و50 وسفرالخروج من الاصحاح 1 للاصحاح 12
2- هنكمل تفسير سفر هوشع لابونا دوماديوس مجدي

3)العظات :
1- السبت : روتين الصوم .. ابونا اغسطينوس موريس
2- الاحدوالاتنين والتلات : عظة هو ربنا بيتكلم ابونا اغسطينوس موريس
3- الاربع :عظة الصوم ميعديش كده .. ابونا اغسطينوس
4- الخميس والجمعة عظة اثبت واستمر ابونا اغسطينوس

4) المزامير :
حفظ مزمور 24


اذكروني ف صلاتكم
 

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
بسم الاب والابن والروح القدس الاله الواحد امين
Saturday 3/12/2022

احرص ع ان يكون الصوم قد غير فيك شيء.. تامل كم صوم مر عليك وانت كما انت “(البابا شنودة الثالث )



1- الصلاة :-

* صلاة النوم
*3 ميطانيات من اجل نقاوة القلب
* 10 صلاة سهمية


2-الكتاب المقدس
# سفر التكوين اصحاح 49 و 50 بدون تفسير

:الاية +
من اله ابيك الذي يعينك ومن القادر علي كل شيء الذي يباركك (تك25:49)

الطلبة +:
ياربي يسوع المسيح .. انت عارف ضعفنا وتشتت فكرنا عارف خطايانا وعارف قلة حيلتنا عارف قسوة قلوبنا وفكرنا البعيد عنك .. يارب البركة زمان كانت غالية جدا بنشكرك ع وقتنا ده اللي كل حاجة باقت مسموحة فيه بفداءك لينا ع الصليب .. اديتنا بركات احنا منستحقهاش واديتنا حب يغرقنا واحنا لسه بندور بره وعنينا مش شايقة وقلوبنا مبقتش حاسة .. باركنا يارب وبارك ف وقتنا استخدمنا لاسمك ولصلاح مجدك امين

:التدريب +
نطلب انهارده ف صلاتنا لربنا البركة ف حياتنا وف وقتنا وافكارنا ومشاعرنا


تفسير سفر هوشع الاصحاح 4 #
من العدد 16 للعدد 19
والاصحاح الخامس من العدد 1 للعدد 6
ابونا دوماديوس مجدي
من الدقيقة 30 ل45
:الاية +
انا اعرف افرايم ( هوشع 3:5)

:الطلبة +
اشكرك يارب انك عارفني وعارف كل واحد فينا باسمه وناقشنا ع كف ايديك رغم اننا منستاهلش .. قولت لافرايم انك تعرفه وانت عارف يارب كل واحد فين عارف افكارنا ومشاعرنا ونيتنا ونظراتنا وكل اللي بيجي ف بالنا .. انت فاحص الكلي يارب .. حتي المشاعر اللي جوه ومبنصرحش حد بيها انت كمان تعرفها يارب .. بطلب منك يارب انك تغير كل ده متفقدش الامل فينا ولا تقول ان خلاص مبقاش فينا فايدة متقفلش الباب يارب استني علينا وادينا فرصة تانية مهما حصل يارب احنا ولادك وبنحبك خليني اعرفك انا كمان اعرف عنك عشان احبك اكتر واكتر امين

:التدريب+
هنحط اسمنا مكان افرايم ونفكر لو اتقابلنا مع ربنا ايه اللي هكون عيزاه يعرفه عني وايه اللي هخبيه عنه واوعد ربنا ف السنة الجديدة اني هبعد عن الحاجة دي

الملخص +

312.jpg


3-
عظة روتين الصوم لابونا اوغسطينوس موريس


:التدريب +
اقعد مع نفسي خمس دقايق واكتب خطية واحدة بس عايزة ابطلها طول الصيام واتوب عنها كل يوم .. واكتب فضيلة واحدة عايزة اكتسبها طول الصيام واطلبها من ربنا كل يوم
الملخص+
31212.jpg

4-المزامير :
للرب الارض وملؤها المسكونة وكل الساكنين فيها



5- بكرة عيد الشهيد فيلوبارتير مرقوريوس
نصلي تمجيد للشهيد
ونطلب منه يبارك حياتنا ويشفع فينا قدام رب المجد

اذكروني ف صلاتكم
 

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83

بسم الاب والابن والروح القدس الاله الواحد امين
Sunday 3/12/2022

أخطر ما يتعب البعض في الصوم، أن يكون الجسد لا يتغذي و الروح أيضًا لا تتغذي وهذا الوضع يجعل الصوم فترة حرمان أو تعذيب، وليس هذا هو المعني الروحي للصوم" (البابا شنوده الثالث)


1- الصلاة :-

* صلاة النوم
*3 ميطانيات من اجل نقاوة القلب
* 10 صلاة سهمية


2-الكتاب المقدس
سفر الخروج اصحاح 1 و2

:الاية +
فسمع الله انينهم فتذكر الله ميثاقه مع ابراهيم واسحق ويعقوب (خروج 24:2)

الطلبة +:
ياربي يسوع .. بنشكرك ع سماع انين شعبك وولادك يارب بنشكرك انك دايما كنت ومازلت بتجيلنا ف الاتون .. فيه ناس كتير دلوقت من كتر الضغوط والمسؤليات والتشتتات مبقتش تحس بوجودك ولا بتشعر انك نجيتهم انا منهم يارب ساعات كتير مبحسش بوجودك وبسال ليه .. ليه الالم ووجع القلب والكسرة.. ليه ضياع الاحلام اللي بتتبني لو مكنتش خير من الاول جات ليه .. اسمع انيني يارب وانين ولادك ارجع افتكر عهدك وميثاقك معانا بفداءك لينا ع الصليب ادينا فرصة تانية ندوقك فيها يارب ونلمس وجودك وتحول انينا لفرح دائم بيك يارب


:التدريب +
نكتب ايه المواقف اللي عدينا بيها السنة دي وربنا انقذنا ووقف جمبنا فيها


5تفسير سفر هوشع الاصحاح

من العدد 7 للعدد 15
ابونا داود لمعي
:الاية +
وراي افراي مرضه ويهوذا جرحه فمضي افرايم الي اشور (هوشع 13:5)

:الطلبة +

يارب زي ما عرفت شعبك خطاياهم حتي لو كان بعد زمن عرفنا احنا كمان يارب عرفنا ضعفنا عرفنا ايه اللي بيخلينا نقع فيه خلينا نعرف ايه اللي بيزعلك مننا .. ابعدنا عن الجهالات يارب وسامحنا ع خطايا جهلنا وعرفنا .. اديني نور نشوف بيه الشر اللي ف قلوبنا ونغيره .. خلينا نلجا ليك انت ومنعملش زي افرايم ويهوذا خلينا نجيلك انت يارب وادينا ايمان انك انت الحل لكل مشاكلنا انت اللي هتدينا السلام اللي هنقدر نعدي بيه الايام دي يارب باركنا وعرفنا طرقك امين

:التدريب+

نفكر ايه الخطايا اللي وجعت بيها قلب ربنا السنة دي ونطلب من ربنا سندة ايده عشان يحارب معانا ضدها

الملخص +
41212.jpg4121212.jpg
3-

عظة هو ربنا بيتكلم ابونا اغسطينوس موريسلحد الدقيقة 15


:التدريب +

اقعد مع نفسي واصدق ان الله بيبعتلي رسايل كتيرة ف انجيله وانه بيكلمني وعايزني اقعد معاه واقرر اني ادخل ف عشرة مع الله

الملخص+
413.jpg
4-المزامير :

لانه ع البحر اسسها و علي الانهار ثبتها



اذكروني ف صلاتكم
 

المرفقات

  • 412.jpg
    412.jpg
    108.5 KB · المشاهدات: 0

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83
بسم الاب والابن والروح القدس الاله الواحد امين
Monday
5/12/2022


آباءنا لم يصوموا بسبب الأمر.. لم يصوموا طاعة للوصية، إنما محبة للوصية. الطاعة درجة المبتدئين، ولكن الحب هو درجة الناضجين والكاملين" (البابا شنوده الثالث)

1- الصلاة :-

* صلاة النوم
*3 ميطانيات من اجل نقاوة القلب
* 10 صلاة سهمية


2-الكتاب المقدس
سفر الخروج اصحاح3,4

:الاية +
من صنع للانسان فما او من يصنع اخرس او اصم او بصيرا او اعمي اما هو انا الرب


:التدريب
+ذكر ضعفنا قدام ربنا ونطلب منه الايمان انه يقدر يغيرنا لانه هو الرب

5تفسير سفر هوشع الاصحاح

من العدد 13 للعدد 15
ابونا داود لمعي
:الاية +
في ضيقهم يبكرون الي ( هوشع 15:5)

:الطلبة +

يارب يسوع سامحنا لو كنا ف المشالك بنلجا للناس اول حاجة دايما يمكن مش بنجيلك خالص او يمكن بنجيلك ف الاخر ., وبنفتكر ان المشكلة اتحلت بس للاسف يارب بيبقي حل وقتي ومؤقت وبترجع تاني مشاكل اكتر جوانا .. ادينا يارب نطلبك اول حاجة ف اي مشكلة او تردد ف حياتنا ادنا نجيلك ونقولك ها يارب الحل عندك انت ادينا نسمع صوتك ف المشكلة ونمشي حسب خطتك ادينا انك تكون الالف والياء ف حياتنا ومشاعرنا وعلاقتنا وشغلنا يارب امين

:التدريب+

نكتب المشاكل اللي قابلتنا انهارده او الفترة دي ونحطها قصاد ربنا ونطلب منه المعونة لحلها

الملخص +


4131313.jpg
3-

عظة هو ربنا بيتكلم ابونا اغسطينوس موريس
من الدقيقة 15 ل 30

:التدريب +

اقف واحط ضعفي قدام ربنا وارنم ليه قبل ما ابتدي خلوتي معاه

الملخص+
41313.jpg


4-المزامير :

من يصعد الي جبل الرب ومن يقوم ف موضع قدسه


اذكروني في صلاتكم
 

المرفقات

  • 413.jpg
    413.jpg
    122.1 KB · المشاهدات: 0

mera22

فيك الكفايه
عضو مبارك
إنضم
24 يونيو 2009
المشاركات
4,239
مستوى التفاعل
345
النقاط
83

بسم الاب والابن والروح القدس الاله الواحد امين
Tuesday
6/12/2022


ان كنت ف خطية اصطلح مع الله وان كنت مصطلحا معه عمق محبتك فيه .. وان ابطلت الخطية ف الصوم استمر ف ابطالها بعده (البابا شنودة الثالث )


1- الصلاة :-

* صلاة النوم
*3 ميطانيات من اجل نقاوة القلب
* 10 صلاة سهمية


2-الكتاب المقدس
سفر الخروج اصحاح5,6

:الاية +
انا ايضا قد سمعت انين بني اسرائيل (خروج 5:6)

:التدريب
نقعد مع نفسنا ونفتكر وقت كنا قريبين فيه من ربنا ونبكت نفسنا ع وقت كنا بعاد عنه ونتاكد ان الله هيسمع انينا

6تفسير سفر هوشع الاصحاح

من العدد 1 للعدد4
ابونا داود لمعي
:الاية +
كمطر متاخر يسقي الارض ( هوشع 3:6)

:الطلبة +
يا الله .. انت عارفنا يارب عارف قلوبنا وافكارنا عارف اننا بنحبك مهما غلطنا وبعدنا واتشتتنا بس ف الاخر بنحبك يارب وكل واحد فينا عايز يعمل علاقة معاك ممكن مش عافرين ننبتدي او ابتدينا ومش بنكمل بس يارب صدقني بنحبك عايزين يارب نعمل علاقة معاك مش مبنية ع الطلبات ولا ع البركات عايزين نجيلك عشان بس بنحبك عشان نطلب منك اننا نحبك اكتر نطلب منك بركات الروح القدس اللي وعدتنا بيها .. سامحنا ع تقصيرنا طول السنة وبعدنا عنك ف فترات بس انت دايما ف القلب يارب امين

:التدريب+
نطلب من ربنا بركة من بركات الروح القدس تملانا طول فترة السنة الجديدة

3-

عظة هو ربنا بيتكلم ابونا اغسطينوس موريس
من الدقيقة 30 ل40

:التدريب +
اعمل جدول قبل كل اسبوع بترنيمة ابدا بيها صلاتي لربنا و اطلب من ربنا انهارده اني اسمع صوته +نرنم ترنيمة صوت يسوع جميل

4-المزامير :

لانه علي البحار اسسها وعلي الانهار ثبتها .. من يصعد الي جبل الرب ومن يقوم ف موضع قدسه


اذكروني في صلاتكم
 
أعلى