يمكن الاسم ده اغلبنا مسمعش عنه ..
شيرين الزينى هى لاعبة جمباز كانت المفروض بتمثل مصر فى اولمبياد لندن 2012
ولكن للاسف شاء القدر ان تُصاب بطلتنا فى التدريب السابق للمشاركه الرسميه بيومين ودخلت المستشفى
ومع ذلك اصرت على تمثيل مصر ولعبت اول جهاز ولكن مع تانى جهاز مقدرتش تتحمل الالم واضطرت للانسحاب
وحدث نفس الشئ للاعب الصين فى المئة متر حواجز ، حيث لم يستطع تخطى أول حاجز ، ووقع على الأرض ولكنه مشى يعرج حتى خط النهاية حتى لا يكون قد خرج من السباق ولو رمزيا وقد وقف الإستاد له إجلالا وتصفيقا ، ولاشك أن هذه البطلة المصرية فعلت نفس الشئ ، وهذا يحسب لها لا عليها
الى هنا الكلام حلو خالص
المؤسف بجد بقى ان لما الخبر ينزل تكون التعليقات ما بين تعليقات بتسخر منها ولا تحترم المها واحباطها
وما بين تعليقات مهينه سابت كل شىء واتفرغت للتعليق على ملابسها المسيئه للاسلام وللدوله الاسلاميه وان الصوره عاريه وبتفطر فى رمضان والتساؤل عن لو حد يرضى لبنته تلبس كده ولما حد يرد ويقول البنت بطله وتمثيلها لمصر كان مشرف رغم اصابتها يتقاله مشرف ازاى وهى لابسه مايوه وواحد اجنبى عنها شايلها واللى وصل لحد تشبيهها بفيفى عبده !!
طيب سؤال هو مستنقع التخلف ده ممكن يزيد عمقه اكتر من كده لحد ما يبلعنا كلنا ولا فى امل فى يوم نصحى نلاقى نفسنا متحضرين ونعمل زى ما الناس عملت مع لاعب الصين ...مجرد لفته من قلم حزين ..
