شاي النصاري

[!! Coptic Lion !!]

يعنى هو الزيت ده شبه الزيت العادى فى شكله

لا طبعا
احنا عندنا 7 انواع زيت 3 منهم بيتحطوا
علي الاكل حسب نوع الطبخه
نوع في الصيام ونوع في الفطار والاخير
للتيك اوي في الشارع
واتنين للمشروبات ودول عدمين اللون والطعم والريحه
واحد للمشروبات الساخنه
والتاني للبارده

واخر نوعين للملابس
واحد رجالي والتاني حريمي

واي مسلم بياخد الزيت ده بيتحول مسيحي وش
لان مقري عليهم تعوزيات سحريه من بتاعتنا قويه جدا


بزمتك في حد عاقل يصدق كلمه من كلامي

 

[!! Coptic Lion !!]

يا خبر
هو الموبيل بياخد وقت كده
علي ما كتبت رد
لقيت مصر كلها سبقتني

 

[Dona Nabil]

انا بستفهم يا دونا
ولو فى حاجة غلط صححوها لى يا جماعة

يعنى الاعتقاد ده فعلا موجود عند المسلمين اللى بيرفضوا مشاريب النصارى
تصدق صدمتنى :wub:

 

[red333]

يعنى اعتبر الاعتقاد ده خطا

 

[red333]

يعنى الاعتقاد ده فعلا موجود عند المسلمين اللى بيرفضوا مشاريب النصارى
تصدق صدمتنى :wub:

فعلا واقع
بس مش كل المسلمين

 

[bob]

يعنى اعتبر الاعتقاد ده خطا

حبيبي مع الاحترام لشخص حضرتك
المسيحيين حيشربوكوا حاجه فيها اي حاجه مش تمام ليه !!!! هل لو حضرتك او الف مسلم بقي مسيحي هل هذا هيفرق معايا او مع الكنيسة !! اكيد حفرح ان عينك فتحت للطريق الصحيح بس في الاول و في الاخر دي حياتك و انت اللي بتدور علي خلاص نفسك

 

[Dona Nabil]

يعنى اعتبر الاعتقاد ده خطا

ما هو يا أما خطأ جدااا يا أما انا كنت فاهمه انى مسيحيه وبيتنا مسيحى طول الوقت ده بالغلط
لا طبعاااااا الكلام ده مالهوش اى اساس من الصحه يا ريد وبصراحه اشك انه يكون ده السبب الحقيقى لرفض مشاريب النصارى

 

[عبود عبده عبود]

فتوى "الشيخ الشريب " فى كتابه "الجوهرة" فى العلوم المسكرة


باب / حكم شرب الشاى عند النصارى - فصل / خمسينة الشاى​

عن أبى "العروسة" أنه قال كنا حاضرين فى دار "ليبتون" فحضر بعض غلمانه ب"البراد الأزرق" فسأل بعضهم ابا "السعادة" عن حكم شرب الشاى عند النصارى من أهل الكييفة فقال: سمعت صاحب السوبر ماركت يقول :
لا يزال جبار يوصنى بالجار حتى ظننت أنه سيشرب الشاى عنده – فلما قلت له : انه نُصرانى قال :
عليك بسكر التموين فأنه أقرب للتحلية
– رواه البقال فى بطاقة التموين –
حكم الحديث : مصروف على البطاقة

وعليه نقول : أن شرب الشاى عند النصارى له ثلاثة وجوه وثلاثة ضروب :
الوجه الأول : أن يكون بفتلة
الوجه الثانى : ألا يقل حجم العبوة عن 50 باكت
الوجه الثالث : ألا يقدم الا فى براد لونه أزرق جذع بالأبيض وفى هذا حكمة لا يعلمها الا شاربها

أما الضروب الثلاثة فهى :
الأول : أن يُقدم ساخناً
الثانى : ألا يكون قد سبق غليه
الثالث : أن تقدم الى جواره سكرية وملعقة نظيفة

وعلى هذا نكون قد أجبنا على السؤال الأول للسائل بعون الله وتوفيقه
أما عن السؤال الثانى الذى يقول بحكم شربه "كشرى" فنقول أن "صاحب السوبر ماركت" سكت عن هذا وعليه يجوز شربه كشرى
هذا والله أعلم

 

[Molka Molkan]

هاهاها عبود

 

[bob]

فتوى "الشيخ الشريب " فى كتابه "الجوهرة" فى العلوم المسكرة


باب / حكم شرب الشاى عند النصارى - فصل / خمسينة الشاى​

عن أبى "العروسة" أنه قال كنا حاضرين فى دار "ليبتون" فحضر بعض غلمانه ب"البراد الأزرق" فسأل بعضهم ابا "السعادة" عن حكم شرب الشاى عند النصارى من أهل الكييفة فقال: سمعت صاحب السوبر ماركت يقول :
لا يزال جبار يوصنى بالجار حتى ظننت أنه سيشرب الشاى عنده – فلما قلت له : انه نُصرانى قال :
عليك بسكر التموين فأنه أقرب للتحلية
– رواه البقال فى بطاقة التموين –
حكم الحديث : مصروف على البطاقة

وعليه نقول : أن شرب الشاى عند النصارى له ثلاثة وجوه وثلاثة ضروب :
الوجه الأول : أن يكون بفتلة
الوجه الثانى : ألا يقل حجم العبوة عن 50 باكت
الوجه الثالث : ألا يقدم الا فى براد لونه أزرق جذع بالأبيض وفى هذا حكمة لا يعلمها الا شاربها

أما الضروب الثلاثة فهى :
الأول : أن يُقدم ساخناً
الثانى : ألا يكون قد سبق غليه
الثالث : أن تقدم الى جواره سكرية وملعقة نظيفة

وعلى هذا نكون قد أجبنا على السؤال الأول للسائل بعون الله وتوفيقه
أما عن السؤال الثانى الذى يقول بحكم شربه "كشرى" فنقول أن "صاحب السوبر ماركت" سكت عن هذا وعليه يجوز شربه كشرى
هذا والله أعلم

الله عليك يا شيخنا تقبل الله منك و غفر ذنبك و جعل مثواك الجنة مع بيحص و اخواته الاولياء الصالحين

 

[عبود عبده عبود]

الله عليك يا شيخنا تقبل الله منك و غفر ذنبك و جعل مثواك الجنة مع بيحص و اخواته الاولياء الصالحين

ولكن يا اخى الفاضل جنات المسليمن ليس بها شاى
ويُقال ان الكافية أولية وكذا "الأمريكان كوفى" متوفرة بجهنم على أعتبار أنها مثوى الأمريكان ان شاء الله ..
هذا والله أعلم ..

 

[Rosetta]

ان المسيحيين بيخدو زيت من الكنيسة اسمه زيت البركة او زيت الميرون فعلا مش عارف
الزيت ده مقدس فى عقيدتهم وبيتباركوا بيه وبيحطوه فى اكلهم والشاى والملابس وهكذا

هو طلع في إستخدامات تانية لزيت الميرون وأنا ما بعرف :w00t:
طيب كنتوا تخبرووووا يا جماعة

 

[!! Coptic Lion !!]

هو طلع في إستخدامات تانية لزيت الميرون وأنا ما بعرف :w00t:
طيب كنتوا تخبرووووا يا جماعة

بالنسبه لصاحبتك كنت عايز اقول
ان الغباء متعه
قوليلها اللي يخاف ميعملش
واللي يعمل ميخافش

 

[تيمو]

على فكرة عم كوبتك ... هذا مؤشر خطير على تحوّل إجتماعي في مصر ، لو ما حاربتوا هاي الظاهرة بجد ، ستكون كارثة حقيقية في حق القبطي قبل المصري...

اليوم شاي ، بكرة بالشغل : ما تشتروا من دكانة فلان لأنها لقبطي ، ما تشتروا المنتجات من الشركة الفلانية لأنها لأقباط ، الصيدلية ، المدرسة الفلانية تابعة للكنيسة أو أصحابها مسيحيين .... إلخ ودعوات مقاطعة شركات ساويرس التي تمس بالإقتصاد المصري قبل ثروته الشخصية ...

لذلك أرى أن كاسة شاي قد تكون مجرد بداية لأمور أخطر ستحدث مستقبلاً ، وكما في السودان كذلك في مصر ..

في الأردن ، ما عنّا هذه الظاهرة ، وأتمنى أن لا تصبح هذه الظاهرة عدوى تستشري في كل المجتمعات العربية ، لأنو هذه الظواهر السلبية سرعان ما تنتشر بسرعة ...

قبل فترة ، انتشرت فتوة عدم المعايدة على المسيحيين ، وتصدّى لها المسلمون قبل المسيحيون ... ومش غلط الأقباط يوضحوا سوء الفهم يالي أشار إليه الزميل ريد ، فلو كانت هذه الفكرة منتشرة ، ولا عجب أن تكون منتشرة فمن أوجد علاقة بين كلمة باي والبابا ، قادر على إيجاد علاقة بين الشاي وزيت الميرون ...

سعيدة ، ياااه على أيام سعيدة يا بابي

 

[Servant Of Christ]

فكرتنى بموضوع عملته عن المواقف المحرجة بين المسلمين والمسيحيين #1
لازم نتعامل مع المواقف دى ببساطة ومنخدهاش بحساسية
لاننا مختلفين فاختلاف العقيدة هو واقع يجب ان نتعامل معه ببساطة
اما موضوع الشاى فانا هكلمك بصراحة ولو فى حاجة غلط فى كلامى ياريت توضحها لى
فى مسلمين عندهم اعتقاد معرفش صح ولا غلط
ان المسيحيين بيخدو زيت من الكنيسة اسمه زيت البركة او زيت الميرون فعلا مش عارف
الزيت ده مقدس فى عقيدتهم وبيتباركوا بيه وبيحطوه فى اكلهم والشاى والملابس وهكذا
وده شىء عادى فى اى عقيده ان يتبارك الانسان باشياء مقدسة فى امور حياته
وبالتالى يكون المسلم ليست لديه رغبة فى تناول شىء يخالف عقيدته

و كيف يمتزج الشاي مع الزيت ؟؟!

 

[soul & life]

انا بصراحه محصليش الموقف بذاته لكن مره فى نقاش بينى وبين جاره ليا مسلمه قالت كده بس مش بشكل مباشر بس بصراحه مقدرتش امسك نفسى وفضلت اكلمها واقولها دا جهل وتخلف والتشدد والتخلف والحقد والكراهيه اللى نشروها الشيوخ بتوع القنوات الفضائيه اياها هما السبب واشمعنا احنا بنشترى وناكل ونشرب من محلات مسلمين دى ناس مخها تعبانه وزعلت او يعنى اخر الحوار واضح انها اخدت جانب وبصراحه دا كان احسن لانى مبحبش الرياء وهما كلم كده يتعاملوا معاك ظاهريا كويس جدا انما اللى فى القلب فى القلب

 

[!! Coptic Lion !!]

اتقفشنا يا جدعان هو ده بقي السر انه زيت خفي و بيبقي فيه سحر اول ما بيشرب حاجه بيبقي مسيحي
العقول في راحة و اتذكر قول هاني رمزي في محامي خلع " هل يختلط الزيت بالماء !!! "

علمياً يا هندزه
يختلط الماء بالزيت
اذا اضيف ليه قطعه من الصابون
ويفضل صابون ديتول
او صابون بالموليف
اشمعني النوعين دول
سؤال وجيه هجاوبك عليه
لان الاتنين دول بالذات احدي منتجات شركتي leasantr
واعتبورني بعمل اعلان


بس بجد لو ضيفت حتته صابون هيختلط الماء والزيت ويبقوا نسيج واحد مع تغير في اللون
​

 

[!! Coptic Lion !!]

ههههههههه
يا اخ عياد .... الموضوع ده عابر يا ولدي
بس الملفت للنظر انه تجرأ وقالها .... بس احنا عرفنها من زمان
بس ع الاقل دول مصرين في بعض
تعالي اتفرج علي البكستانيين ... والا البنجلدش ... وياللهوي ع الهنود ... والا العربي ال عامل فيها مسلم
هلاال ده .... ده هلاال .... والا هرام
ولو سألوتوا يعني ايه حلال وحرام ميعرف ... بس هو كدة وخلاص
تعرف ... الشاي , السكر , اللبن , الجبنة , الزتون , الشيبسي , ده حتي النسكافيه اي نوع اكل او شرب ....
وكان الخنزير ده عامل زي البقرة الحلوب ... داخل في اي حاجة
والمصيبة كمان ... ويارتك تصدق
علي علبة ال سالكة الأسنان مطبوع عليها كلمة حلال هي وعلب المناديل
تصدق ده يا راجل

وعلي فكرة الكوشة اليهودي ... رشقة جنب ايكون حلال علي كل المنتجات

وهنا نري ان الكوشة والحلال إيد واحدة ​

لا يا راجل
طيب بالنسبه للعلبه المالبورو الاحمر
موقعها ايه من اعراب
هلاال وهرام ؟
​

 

[!! Coptic Lion !!]

هههههههههه لا بجد
يعنى هو ده سر شويبس هههههه
زيت ايه بس يا اخ ريد اللى بتتكلم عليه
اتمنى تكون بتهذر معانا

لالالالالالالالا
المصيبه انه بيتكلم جد
​

 

[bob]

علمياً يا هندزه
يختلط الماء بالزيت
اذا اضيف ليه قطعه من الصابون
ويفضل صابون ديتول
او صابون بالموليف
اشمعني النوعين دول
سؤال وجيه هجاوبك عليه
لان الاتنين دول بالذات احدي منتجات شركتي leasantr
واعتبورني بعمل اعلان


بس بجد لو ضيفت حتته صابون هيختلط الماء والزيت ويبقوا نسيج واحد مع تغير في اللون
​

هههههههههه انا عارف انه ممكن يختلطوا في ظروف معينة و بمواد معينة اوك انا موافق بس كل ده علشان تعمل كوباية شاي لمسلم حتحط فيه صابون و جاز و مياه نار و هو حيشرب كل ده عادي !!!!! :cry2::cry2: