چاكس
مفصول لمخالفة قوانين المنتدى
- إنضم
- 6 فبراير 2012
- المشاركات
- 2,895
- مستوى التفاعل
- 466
- النقاط
- 0
كل التيارات الإسلامية فى نفس واحد اتهمت الموساد الاسرائيلى بأنه المسئول عن عمليه رفح اللى راح فيها جنود مصريين ، و مختلفش على ده حركة إسلامية واحدة سواء كانت معتدلة (اللى هى ملهاش وجود اصلا) او متطرفة زى جماعة الاخوان المسلمين و حزب الله و حركة حماس وحركة الجهاد الإسلامى وعبد المنعم ابو الفتوح و حزب الوسط و الاحزاب السلفية
نلاقى أن أحسن رد اتقال تعقيبا على كلام هؤلاء السفهاء الاسلاميين هو رد إيجال بالمور المتحدث بأسم الخارجية الإسرائيلية اللى قال " حتى اللى بيقول كده لما يبص على نفسه فى المرايه ميصدقش الهراء اللى بيقوله "
فى ناس خجلوا يتهموا اسرائيا بالعملية .. و قالوا ان معاهدة كامب ديفيد هى سبب الماسأة رغم أن الاتفاق بين إسرائيل ومصر فى 18 أغسطس 2011 سمح لمصر انها تزود عدد قواتها فى المنطقة ج عشان تواجه الإرهاب اللى استوطن فى سيناء.
حركة حماس و من سنين طويلة عملت من غزة بيئة مثالية تمام حاضنة للارهاب و حاضنة لفصائله الكتيرة الموجودة فى فلسطين .
نظام مبارك سمسار السلام على مدى سنوات أستخدم الأنفاق فى غزة عشان يبتز امريكا واسرائيل و وصلت أعداد الأنفاق إلى اكتر من 1200 نفق عشان تسويها بالأرض يبقى لازم تسوى رفح نفسها بالأرض ، و بقت الانفاق بيزنس واسع لضخ اموال كتيرة لحماس، وبقت الانفاق معبر للسرقات والجرائم والفساد وتهريب كل الممنوعات من الأبرة ل الصاروخ ، و جه فردة الأستبن مرسى عشان يفتح المعبر ويفتح ابواب سيناء لكل من هب ودب من الارهابيين الجهاديين لغاية ما بقت سيناء مسرح للارهاب واتحولت جبال سيناء لمأوى للاشباح الليلية.
جه على لسان مراد موافى اللى قال أن المخابرات بلغت الرئاسة بمعلومات دقيقة عن العملية وطالبت بغلق معبر رفح ولكن الرئاسة رفضت، كمان شبكة الأخبار الفلسطينية قالت أن مراد موافى طالب بالقبض على 3 من ارهابيين عز الدين القسام الحمساوية و اللى المخابرات شايفة أنهم متورطين فى تسهيلات لعملية رفح .
سيناء ضاعت و بقت فى ايدين الارهابيين
عشان حزب الله و ايران و حماس و سوريا و الجماعات الجهادية عملوا من سيناء مسرح لمواجهتهم المباشرة مع اسرائيل ، اللى زاد الامر سوء هو ترحيل اهل غزة على سيناء و افراج فردة الأستبن مرسى عن اكتر من 700 ارهابى ، و خلى مصر زى المغناطيس بيشد الارهابيين و الجهاديين ناحيته و كمان فتح مطارات مصر عشان الفلسطينيين يفضلوا رايحين جايين على مصر بدون حتى تأشيره !! و بقى يقطع الكهربا و الطاقة عن مصر لصالح غزة و الشعب المصرى الغلبان بيضحك عليه ، أيه الانجاز فى ضرب خط الغاز 15 مرة و التهليل ده كله !!
يتهيألى محدش ينتظر تحقيق سليم و نزيه عن جريمة رفح ، و محدش ينتظر نتايج شجاعة من الحكومة السيئة المصرية الجديدة ... هيتم التعتيم على الحقيقة زى التعتيم على فتح السجون أيام الثورة .
اللى هيحصل هو أن الجيش هيقوم بمطارده شويه ارهابيين فى سيناء و يقتل شويه منهم و يقبض على شويه تانيين ، أما غزة و الارهابيين فيها اللى بيحميها فردة الأستبن مرسى فمحدش هيقدر يقرب منها .
تحياتى
