سفر الملوك الأول8️⃣ الاصحاح الثامن🔢 عدد الايات ( 66 )

[لمسة يسوع]

سفر الملوك الأول
الاصحاح الثامن
عدد الايات ( 66 )

#تدشين_الهيكل
اهم احداث الاصحاح
نقل التابوت ( 1 : 27 )
طلبات سليمان ( 28 - 61 )
تقديم الذبائح ( 62 - 66 )

🫵 تعالوا نخش جو الاصحاح
أعظم يوم في حياة الملك سليمان: يوم تحقيق ربنا لوعده لداود إن ابنه يبني له بيت ...
و يسكن الله وسط شعبه
سليمان (عن طريق الكهنة و اللاويين) في احتفال عظيم حضره كل الشعب جاب تابوت العهد (اللي كان فيه لوحي الشريعة) و وضعه في مكانه في الهيكل وسط ذبائح لا تُعَدّ و لا تُحصى ...
و ربنا قصاد هذا القلب العظيم المتواضع، ملأ بحضوره المكان
و سليمان وقف و رفع يديه و صلّى قدام الشعب صلاة رائعة فيها التالي:
شكر لربنا إنه كمّل عهده مع داود (إن سليمان يبني الهيكل)
صلاة لاستكمال باقي العهد (إن نسل داود يفضلوا ملوك قدام ربنا للأبد إن حفظوا وصاياه و سلكوا حسب كلامه)
بمنتهى التواضع سليمان كان فاهم إن رغم فخامة الهيكل إلا إن السماء كرسي الله و الأرض موطئ قدمه ... و بالتالي ربنا من تواضعه إنه يحضر في الهيكل
طلب رحمة الله إذا أخطأ شعبه و ربنا عاقبهم ... بعد كده تابوا و صلّوا ناحية الهيكل وطلبوا حضور الله تاني (و ده اللي حصل في السبي)
طلب رحمة الله إذا أخطأ شعبه و ربنا عاقبهم بغياب المطر و الخير أو بالوباء و المرض... بعد كده تابوا و صلّوا في الهيكل وطلبوا حضور الله تاني (و ده اللي حصل بعد العودة من السبي)
كمان سليمان طلب من ربنا استجابة إذا صلّى أجنبي عن شعب إسرائيل بإيمان بالله
و استمر العيد ده 14 يوم كاملين فيه فرح سليمان و كل الشعب و حسّوا بحضور و بركة ربنا
سليمان قلبه عجب جداً ربنا لأنه كان مستقيم و مركّز بس في رسالته و خدمته كراعي لشعب ربنا ... عشان كده ربنا باركه بركة عظيمة جداً
#الخلاصة
سليمان طلب صح فنال كل الخير ... طلب قلب حكيم و ناله مع غنى و سلام و بركة و أصبح اسمه مرتبط ببناء بيت ربنا
يارب خليني أطلب صح:
قلب نقي طاهر ... و أثق إني لو بقى عندي القلب ده هيبقى عندي بركة عظيمة من عندك

#الايه_الذهبية
لِيَكُنِ الرَّبُّ إِلهُنَا مَعَنَا كَمَا كَانَ مَعَ آبَائِنَا فَلاَ يَتْرُكَنَا وَلاَ يَرْفُضَنَا.
( 1 مل 8 : 57 )


صلواتكم تسند علشان نكمل