سؤال عن عدم تقدير واحترام الاهتمام لنا

[Samir poet]

انا كتيركنت بحترم ناس وبقدرهم وبعزهم جدا
وبهتم بيهم جدا لكن مش عارف لية بيحصلى العكس منهم
مش بيحترمونى ولا بيقدرونى ومقضينها مجاملات فيا
النهاردة كمان حصل موقف غريب من احدهم
شارك احد الصور على الفيس بوك عن الاهتمام
والجملة مكتوبة كدا
اهتمام شخص بيك يجعلك تعشقة تعشقة رغمنا عنك
فرديت علية وقولت انا مش دايما لان فى ناس هناك
مش بتقدر الاهتمام لينا ولا بتحترمنا وانة حكاية العشق
متواصلشى للدرجة دى
وانى القى فجاة كدا وبدون مقدمات حذف تعليقى من عندو
طيب انا زنبى اية يا جدعان انا مغلطتش فية خالص
وهناك رد اخر منى فقلت لة شكرا لك على حذف تعليقى
والقى فجاة برضو وبدون مقدمات حذف تعليقى
مع انى مش جرحتة ولا اسئتش الية طيب لية المعاملة دى
شخص مثل هذا احترمو كثيرة واهتم بة كثيرة
لماذا يعاملنى بهذة المعاملة الناشفة مع العلم دى مش اول مرة تحصل منة وياما حصل منة مواقف كتير اوى وكنت بسامح من قلبى ونية صافية وكان شخص بهتم بة جدا وبعزو اووووى
وعشان اكون صادق معاكم فى كلامى اكتر الشخص دا بنت مش ولد قوليلى بقى اعمل اية بجد انا احترت كتير بين البعد عنها والمعاملة الناشفة منها :thnk0001:
​

 

[النهيسى]

عزيزى

أعمل مثلى .. فى كل معاملاتى فى الفيس فى المنتديا فى الحياه
أعامل الناس كلها بمحبه . وبحاول أختلق ليهم أعذار أذا وجدت أنهم
لا يعاملونى نفس المعامله أقول لنفسى ) ( مشغولين .... الخ )
لكن ... أذا وجدت شخص ما يقصد الأهانه أو لا يرغب فى أمتداد العلاقه معى
( بنسحب بهدوؤ من حياته ) مع أحتفاطى بمحبته .. الى أن يتغير
لا تتضايق فمعاملات الناس تختلف وخصوصا فى تلك الأيام
فى حياتى العاديه ... هرب كثيرون من الأصدقاء من حياتى هروب عظيم
لكن
وقت الحاجه لى أجدهم يداومون علىى زيارتى
تلك هى الحياه

 

[Samir poet]

انتا بركة كبيرة يااستاذى الغالى وربنا يفرح قلبك ويسعدك
معلشى بس ليا تعليق على كلام حضرتك مش كل حاجة اسمها ظروف
ومشغولين اكيد حضرتك مش فهمت مشكلتى قولت شخص يقصد
الاهانة بشخصيى ولم افعل لة شى فماذا افعل ذلك فحينى اقدرو وبحترمة
وبهتم بة وعلى العكس اجد منة معاملة ناشفة وانا لما اخطائ فى حقة

 

[حبيب يسوع]

ابنى العزيز/
لا تنتظر رد الجميل عامل الناس بكل محبة واحترام
ولا تنتظر منهم ان يعاملوك هكذا
الفسبوك ملىء بناس كتير اوى لا نعرفه اخلاقهم ولا طباعهم
ولا اصلهم قد يكون انسان مجرم ويلبس ثوب الطاهرة والبراءة
لا تركز فى عمل علاقات قوية معهم

 

[Samir poet]

ابنى العزيز/
لا تنتظر رد الجميل عامل الناس بكل محبة واحترام
ولا تنتظر منهم ان يعاملوك هكذا
الفسبوك ملىء بناس كتير اوى لا نعرفه اخلاقهم ولا طباعهم
ولا اصلهم قد يكون انسان مجرم ويلبس ثوب الطاهرة والبراءة
لا تركز فى عمل علاقات قوية معهم

ابى الحبيب انا اكلمك عن شخصية اعرفها جيدا معرفة شخصية وجة لوجة انا لا انتظر منهم اى شى اوان اتعامل معاهم بمحبة واحترام لكن المعاملة الناشفة التى ذكرتها لماذا لا اعرف وانا لا افعل شى لها

 

[صوت صارخ]

لا تكن رد فعل
بل كن "انت ..."
كما تريد هذا الـ "أنت" ان يكون​

 

[انت شبعي]

زي ما قال استاذي النهيسي تلك هي الحياة
ما تضايقش نفسك يا سمير
و اكيد زي ما فيه ناس مش بتصون الصداقة و الاخوة اكيد فيه ناس كتير مخلصين
و زي ما قالوا اساتذتي ان تعاملاتنا مع الناس لازم تكون زي لما اوصانا رب المجد يسوع
هما بقى لو كانوا وحشين معانا دي حاجة ترجعلهم و لو اتمادوا في الاساءة يبقى نتجنبهم بقدر الامكان
و نتمسك بالشخص اللي بيعاملنا كويس و بيحترمنا و بيصون العشرة
و نبتعد عن الاشخاص اللي بيعرفونا لمصلحتهم
و بكدة هنرتاح كتير
ربنا يفرح قلبك و كل سنة و انت طيب

 

[aymonded]

أخي الحبيب حينما يحدث اي شيء بينك وبين أي شخص تحتار في كلامه أو رد فعله فافعل كما قال الكتاب المقدس، أن كان بينك وبين أخيك شيء اذهب بينك وبينه وعاتبه، فأن سمع منك فقد ربحت أخاك، وأن لم يسمع وهناك شيء ما ممكن تاخد معك صديق وأخ مقرب بينكم وتحاول تشوف ايه المشكلة وأن لم يسمع فقل للكنيسة وأن لم يسمع للكنيسة فليكن عندك كالوثني والعشار بمعنى أنك تحبه في قلبك ولكن لا تتعامل معه لأنه لا يحب المصالحة...
وعموماً مش كل إنسان يستطيع ان يستمر في صداقته لأجل أمور كثيرة مختلفه من شخصية لأخرى ... فلا تحزن وتتضايق بل انظر للأمور بواقع عملي وحاول تفهم الأمور من صديقك ربما لا يقصدها وانت فهمت خطأ.... كن معافي يا محبوب يسوع والقديسين
​

 

[ابن يسوعنا]

انت طيب اوي
كنت تحاول تعرفها انك بتقدرها
هي فعمت غلط انك بتتكلم عليها علشان كدة مسحت التعليق
وكمان اية يعني انها مش بتقدرك
انسى الموضوع وكأنة لم يكن
وفي النهاية دة نت يعني مش هتعرف مين اللي بيتسلي
ومين اللي بيتعامل بجد ومين اللي فخور انة عمل كدة
دة كلام ميزعلكش
ولو زعلت منة الكلام دة تبقي غلطان
ربنا يبار كك\
شوف مصلحتك وانسي الناس

​

 

[+إيرينى+]

ما يحذف يا سمير

إنت متضايق أوى كدة ليه

دا أنا حتى مش باخد بالى إذا إتحذف تعليقى و لا لأة

ههههههههههههههههههههههههههه

إنت ما تكبرش المواضيع

إهتم بحياتك اللى فى الواقع مش حياة الخيال الموجودة عل النت

 

[اليعازر]

واجه اﻷمر واسألها مباشرة عن السبب

او انسى الموضوع من أصله.
نصيحه ابويه..ﻻ تطلب اﻻهتمام والتقدير من احد
المهم تقديرك انت لذاتك..
واعذرني على صراحتي الزائده ..
.

 

[+Sameh+]

انا كتيركنت بحترم ناس وبقدرهم وبعزهم جدا
وبهتم بيهم جدا لكن مش عارف لية بيحصلى العكس منهم

​

لان ربما يكون اهتمامك بيهم بدون شياكة او خالي من الحكمة او للمتعة او للأخذ فقط
اما لو كان اهتمامك بيهم محبة في الله فأحب اقولك مش انت بس اللي مش بتلاقي احترام وتقدير من ناس بتعزهم لا دة كتير مننا بيواجه وبيتصدم من رد الفعل دة , ودة لأن مش كل من قربت منه هيحبك ويقدرك والعكس، يعني ممكن انا اقرب من شخص محصلش بيني وبينه اي تتشات ورغم كدة مش قابلني ودة مش معناه انه بيكرهني،لا لكن مش قابلني ,,وممكن لما اقرب من شخص تاني يقبلني ويحبني,,, اذن هناك عملية قبــول وعدم قبــول
فالشخص اللي ميقبلكش زي ماقال استاذي النهيسي انسحب في هدوء مع احتفاظ بمحبته في قلبك
​

​

 

[Samir poet]

لا تكن رد فعل
بل كن "انت ..."
كما تريد هذا الـ "أنت" ان يكون​

مش فاهمك خالص وضحلى كلامك يا استاذى

 

[Samir poet]

شكرا لعى كلامكم الجميل الرب يباركلم

 

[YOYO JESUS]

متزعلش اوى كدة ياسمير
زى ماقالتك ايرو
اهتم بحياتك الحقيقة مش جو الخيال اللى احنا عايشينه على النت دة
النت ياما هتشوف فيه
لكن يوم ماتزعل بجد ازعل من حد تعرفه
مش واحد كل اللى يربطك بيه شاشة
وربنا معاك ياسمورة
انت انسان طيب وجميل
​

 

[+ماريا+]

متطلبش التقدير والاهتمام من حد
خلى عندك ثقه فى نفسك
وكبر دماغك عن اى حاجه تضايقك
وكل سنه وانت طيب اخريستوس انيستى

 

[oesi no]

متركزش مع ردود فعل الناس علشان متتعبش
اعمل ما يحلو لك
ومتستناش من حد حاجة
لازم تتعلم تكون انانى
علشان تعرف تعيش فى الدنيا دى
ومتركزش علشان متهيسش منى
​

 

[جيلان]

متزعلش ومتقلهاش عملتى كدة ليه .. برستيجك بقى مستقبليا اعمل نفسك ولا اخدت بالك ان فى حاجة اتمسحت اصلا
بس افهم كل واحد والى عايز يقرب منك ماشى الى مش عايز شكرا
متكرهش حد ولا تزعل من حد بس الى مش عايز يتعامل معانا مش هنتحايل عليه يعنى

 

[Samir poet]

ميرسية على كلامكم الجميل الحلو دا الرقيق ربنا يخليكم استفادت كتير من تعلقياتكم الرب يباركم ويبارك فى حياتك ميرسية اوووى ليكم مرة تانى
وكل سنة وانتم طيبين وسنة سعيدة عليكم وربنا يفرح قلبكم ويسعدكم امين

 

[عادل نسيم]

أخى سمير
أتمنى أن هذا الموقف يزيدك صلابة وتروى ولا تسلم أحاسيسك
بهذه السهولة لأحد ... بل كن قوياً ويا إما تؤيدها فى مما فعلت ضدك
لظروف شخصية لها ... يا إما ترمى الموضوع كله وراء ظهرك وأنظر للأمام
الرب يوفقك ولو أن الرد تأخر كثيراً ... الرب يرشدك للصح