- إنضم
- 30 يوليو 2013
- المشاركات
- 1,239
- مستوى التفاعل
- 161
- النقاط
- 0
الست اللى حملتك فى بطنها تسع شهور و لما عرفت انك بنت فرحت و قالت ياااااااااه احمدك يارب انك رزقتنى ببنت تشيل عنى الحمل لما اكبر . لكن المشكلة ان البنت لما بتكبر مش دايما بتشيل الحمل عن مامتها لكن ساعات بتزوده . يا سلام لو امها طلبت منها تروق الشقة ولا تدخل المطبخ تتعلم اكلة و لا تغسل شوية مواعين يا لهوى الدنيا تقوم ماتقعدش :انتو ايه معندكومش رحمة هو مفيش غيرى ف البيت اييييه كل شوية طلبات طلبات طلبات انا زهقت , ماما على فكرة بيتك انتى المسئولة عنه يبقى انتى اللى تعملى فيه كل حاجة انا مش ملزمة اعمل اى حاجة . بس خدى بالك يا بنتى اللى متعمتش تقول حاضر ف بيت باباها عمرها ما هتقول حاضر لجوزها لو طلب منها اى حاجة و هتعتبر ان كلمة حاضر دى زل و قمع اصل الراجل ده مفترى عايزها تقول حاضر ماهى متعلمتهاش ف بيت ابوها . طب انتى دلوقتى مش راضية تساعدى مامتك ف شغل البيت هتعرفى تعملى شغل البيت ازاى لما تتجوزى ماهو انتى لازم تساعدى و تتعلمى عشان لما تتجوزى متتعبيش فى حياتك بالنسبة للامور دى . و كمان انتى لما تساعدى مامتك هتاخدى بركة كبيرة ملهاش اول من اخر ربنا بيقول اكرم اباك و امك لكى تطول ايامك على الارض , و السيد المسيح كان دايما بيكرم امه الست العدرا و المسيح هو قدوتنا و مثالنا فى كل شىء ف حياتنا و كمان هتحسى بالفخر لما تلاقى مامتك فرحانة بيكى انك بتساعديها و شايلة عنها الحمل و شاطرة ف شغل البيت و بتتعلميه كويس . بالمناسبة الست اللى بتشتغل اذا مكانتش تعرف ازاى توفق بين الشغل و البيت يبقى البيت اولى بالمجهود اللى بيضيع ده لان ربنا مش هيسالك اخدتى مناصب اد ايه بس هيسالك راعيتى اولادك ازاى هل ربيتيهم ف محبة ربنا هل فضلتى نفسك و طموحك و مستقبلك على راحة و مستقبل اولادك ولا قدمتى نفسك ذبيحة حب حية بتبذل نفسها من اجل راحة الجميع عشان يكون زوجك واولادك ف ابهى صورة شوفى امك الست الغلبانة اللى شقيانة معاكو دى لو هى فضلت طموحها و مستقبلها هل هتبقى راضية عنها و لو هى فضلتكو على نفسها هل تستاهل منك انك ترفضى انك تخدمييها . ولازم تبقى عارفة ان كل اللى هتعمليه سواء مع امك او مع اولادك هيعود عليكى حسب قلبك .
على فكرة دى رسالة تبكيت منى ليا عشان النهاردة مكنتش عايزة اساعد ماما ف ترويق البيت مع انى بساعدها على طول بس النهاردة مكنش ليا نفس عشان كدة بوبخ نفسى .
ارجو ان الرسالة تكون وصلت لبنات المنتدى.
على فكرة دى رسالة تبكيت منى ليا عشان النهاردة مكنتش عايزة اساعد ماما ف ترويق البيت مع انى بساعدها على طول بس النهاردة مكنش ليا نفس عشان كدة بوبخ نفسى .
ارجو ان الرسالة تكون وصلت لبنات المنتدى.