رد: حواء في استضافه ادم والعكس ( bob & white.angel )

[+Nevena+]

تنويه هااااااااااااااااااااااااااااااام

بكره اخر يوم للاخذ بالتار
انا بفكرك بس يعني لا تكوني ناسيه





منور يا بوب والنبي

 

[sha2awet 2alam]

تنويه هااااااااااااااااااااااااااااااام

بكره اخر يوم للاخذ بالتار
انا بفكرك بس يعني لا تكوني ناسيه

منور يا بوب والنبي

هههههههههههههه انا مش ناسية هو اللى بيهزر اهو و مدخلش يجاوب اللى فاتو اعمله ايه ؟؟؟؟ اول ما يرد هنزل باللى وراهم على طول :smil12:

 

[the shepherd]

يا شقاوة لو مزنوقة في اسالة او اي حاجة قولي متتكسفيش
البوب دة حببنا كلنا و بجد نفسنا نوجب معاه

 

[the shepherd]

شقاوة انا سحبت عرض مساعدتي انا مكنتش شفت الاسالة الي في الصفحة الي فاتت
انت كدة مفيش خوف عليك ربنا يكون في عون البوب وانا هشوف لو هو محتاج مساعدة يا مفترية

 

[sha2awet 2alam]

يا شقاوة لو مزنوقة في اسالة او اي حاجة قولي متتكسفيش
البوب دة حببنا كلنا و بجد نفسنا نوجب معاه

هو كان البنات بيوصونى عليه بزيادة بصراحة لكن كمان الشباب واضح ان البوب فعلا حبيب الكل و ربنا يقدرنا و نرد جمايله على الشعب كله :smil12:

شقاوة انا سحبت عرض مساعدتي انا مكنتش شفت الاسالة الي في الصفحة الي فاتت
انت كدة مفيش خوف عليك ربنا يكون في عون البوب وانا هشوف لو هو محتاج مساعدة يا مفترية

ههههههههههههههههههههههههههههههههههههه حرام عليك يا شيبرد هو انا قولتله حاجة ... و بعدين دى كلها اسئلة عابرة لسة فيه تانى بس هو يدخل يرد تؤ تؤ انا مش مفترية انا ببقى فى حالى لو محدش جر شكلى بس هو اللى جره بقا يستحمل :a63:

 

[sparrow]

هههههههههههههه انا مش ناسية هو اللى بيهزر اهو و مدخلش يجاوب اللى فاتو اعمله ايه ؟؟؟؟ اول ما يرد هنزل باللى وراهم على طول :smil12:

يا شقاوة مش تستني يرد انزلي عادي بالاسئله التانيه والتالته والرابعه كمان
وهو يرد علي مهله هههههههههه

 

[bob]

عدناااااااااا.... بوبتى الجميلة ايه اللى انت عامله فى البنات دة يا اخى ... دة مفيش بنت توحد ربنا مش موصيانى عليك .... يلا من اعمالكم سلط عليكم :yahoo:

طيب عملا بنصيحة البنات هننزل كام سؤال على السريع كدة ....

بالنسبة للرياضة : :spor2:
1/ بتحب تلعب ايه غير الكورة ؟
بحب تنس الطاولة و الشطرنج و السباحة و الجيم
2/ بتشجع فريق ايه ؟ مصرى و اجنبى ؟
مصري ( الزمالك) اجنبي ( ريال مدريد)
3/ و اشمعنا الفريق دة بالذات ؟
علشان بابا زملكاوي قديم
4/ احسن ماتش شوفته ؟
كان نهائي بطولة اوروبا ( ليفربول - اي سي ميلان)
5/ لاعبك المفضل( و اوعى تقولى اى لاعب امور :a63: ) ؟
زين الدين زيدان

نيجى بقا للجزء المفضل عند كل بنات حوا :wub:

1/ ايه اكتر حاجة بتشدك فى البنت ؟
لو اعرفها شخصيتها و طريقة كلامها
لو معرفهاش احم احم الجمال و لبسها
2/ مواصفات اللى الست الوالدة داعية لها او داعية عليها :a63: ؟
طيبة-حنينة-دلوعة-رقيقة-اهتمام بشكلها-بنت ربنا-نشيطة-ذكية-شخصية مناسبة ليا-رشيقة- جميلة
3/ حبيت كام مرة ؟ و اتحبيت كام مرة ؟
حبيت مرتين - معرفش اتحبيت كام مرة لو تعرفي قوليلي
4/ عايش قصة حب دلوقتى ولا لا ؟
لا
5/ عمرك جرحت بنت او بنت جرحتك ؟ و ازاى ؟
انا عندي عيب اني مقدرش ارفض لبنت طلب ( جنتله مني) او كسوف احراج كده يعني علشان كده مقدرش اجرح بنت
بنت جرحتني اها علشان كنت بفكر اخطبها و هي مكانتش بتبادلني المشاعر
6/ اكتر حاجة البنات بتحبها فيك ايه ( و اياك تقولى ردى انتى على السؤال ولا اسالى البنات انا عايزةاعرف من وجهة نظرك انت :t13: )
ممممم اظن شخصيتي علشان ضحوك و اعتقد الضحكة بتجذب اي حد
7/ لو حصل و حبيت ... هل كنت غيور عليها ؟
اها اكيد
8/ راى مامتك ايه فى اللى كنت بتحبها :smil12: ؟
قالتلي بنت ناس كويسين زي الافلام هههههههه
9/ ايه اكتر كلمة بتحب تسمعها من بنت ؟
معجبة بيك:wub:
10/ هل حصل قبل كدة و بنت عاكستك ؟ و كان ايه رد فعلك ؟
اها 3 بنات مع بعض كنت بجري علي البحر
ضحكت و كملت جري
11/ عمرك عاكست بنت تعرفها يعنى ؟
اها اطراء بس و علشان وشها يحمر:a63:
12/ قولى اسم عضوة من المنتدى انت معجب بيها leasantr .... و على فكرة انا برا المنتدى :a63: ؟
كل الاعضاء البنات ممتازين و اخوات عزاز يعني ( متوقعينيش في الغلط)
13/ احلى اسم بنت بتحبه ؟

جوليزيان
​

14/ هل عملت مشكلة مع ولد قبل كدة بسبب بنت ؟
اها صديق
15/ شايف ايه عيوب البنات ؟ و ايه مميزاتهم ؟
عيب البنات ( مش كله) بس التسرع , المواعيد , الذوق
المميزات الحنية و الدلع و الخجل
16/ لما بتعجب ببنت بتعمل ايه عشان يبنلها اعجابك ؟
بتصل بيها اكتر
بسال عليها في كل حاجه كبيرة او صغيرة
غير الكلام الحلو
17/ ايه اجمل هدية جاتلك من بنت ؟ و اجمل هدية انت عطيتها لبنت ؟
برفان
صورة مرسومة ليها
18/ هدية نفسك بنت تجيبهالك و لسة محصلش نصيب ( يمكن حد هنا يحن عليك و يجيبهالك و تدعيلى :wub ؟
اي هدية حلوة. علشان اللي بيجبها
19/ كلمة نفسك تقولها لبنت بس مكسوف ؟ و مين البنت دى ؟
هههههههه مش بتكسف و حاليا مفيش
20/ ايه رايك فى البنات اللى بتعجب بشاب و يجرو وراه لحد مايوقعوه ؟
بنت جريئة جدا و اشجع فيها حاجه زي كده انها تحاول تظهر حبها
ليه مجتمعنا بيدي الحق للولد بس اللي يحب و يوقع
21/ هل ممكن لو بنت عملت معاك كدة توقع فى حبها و نخلص منك اقصد نفرح بيك leasantr ؟
لو حسيت ناحيتها بحاجه او هي قدرت توقعني اكيد ممكن اقع

بص دول كدة تصبيرة على ما اجيلك بليل بقا :yahoo:[

خلصت التصبيرة فيه حاجه تاني ؟!:yahoo:

 

[bob]

يا شقاوة لو مزنوقة في اسالة او اي حاجة قولي متتكسفيش
البوب دة حببنا كلنا و بجد نفسنا نوجب معاه

ايوووووووه يا شيبرد مكنتش متوقع منك كده :t32:

شقاوة انا سحبت عرض مساعدتي انا مكنتش شفت الاسالة الي في الصفحة الي فاتت
انت كدة مفيش خوف عليك ربنا يكون في عون البوب وانا هشوف لو هو محتاج مساعدة يا مفترية

انسي يا شيبرد قدها و قدود و حسابك معايا بعدين:t32:

 

[sha2awet 2alam]

يا شقاوة مش تستني يرد انزلي عادي بالاسئله التانيه والتالته والرابعه كمان
وهو يرد علي مهله هههههههههه

حرام يا سباور الولد هيموت منى :a82: انا قلبى ضعيف و حنينة برضه صعب عليا بصراحة

 

[bob]

يا شقاوة مش تستني يرد انزلي عادي بالاسئله التانيه والتالته والرابعه كمان
وهو يرد علي مهله هههههههههه

سبارو دي خطية اسمها الغيبة لازم تعترفي عنها و تضربي 200 ميطانية:a63:

 

[sha2awet 2alam]

خلصت التصبيرة فيه حاجه تاني ؟!:yahoo:

اكيد فيه حاجات .... بس الاجابات حلوة فعلا ... و انتظر بقية الاسئلة :a63:

 

[+Nevena+]

يا قلبي انتي نزلي وهو هايبقي مجبر يرد

وهو يقدر مش يرد اصلا

حاسه ان دي هتكون نهايه التعارف بيني وبينك يا بوب
تصدق كرهت اني بقيت شريره كدا وبفرح في تدبيس الناس
ههههههههههههههههه

 

[sha2awet 2alam]

و نرجع نقول الو :smil12:

1/ انا عارفة انك مش بتحب الوحدة بس لو حصل و جه قرار اعلى بانك تقضى سنة على جزيرة لوحدك مفيش بشر خالص بس من حقك تاخد اى حاجة معاك الا وسائل الاتصال بالناس ... هتاخد ايه ؟
2/ ايه رايك فى الصداقة بين البنت والولد ؟ و ايه حدودها ؟
3/ نفسك فى ايه دلوقتى حالا ؟
4/ شايف نفسك بعد 10 سنين ازاى ؟
5/ قول نصيحة للبنات بوجه عام ....... و ليا بوجه خاص :a63:
6/ نصيحه توجهها للشباب بوجه عام و لنفسك بوجه خاص ؟
7/ ايه علاقتك بالمسلمين ؟ و مؤمن بالمساواة بينا و بينهم فى مصر ؟
8/ ايه رايك فى الثورة و حال مصر بعدها ؟
9/ انت شخص متفائل بطبيعتك .... امتى حسيت انك متشائم جدا ؟
10/ بتلجأ لمين اما بتتضايق ؟
11 / اكتر اكله بتحبها ؟ و اكتر اكله بتعرف تعملها (دة لو ليك فى المطبخ يعنى ) ؟
12/ بتآمن بالابراج و كدة ؟ ولا مالكش فيها ؟ و انت برج ايه ؟
13/ رأيك ايه فى الاغانى و مين اكتر ناس بتحب تسمعلهم لو بتسمع اصلا يعنى leasantr ?
14/ لو قدامك ذهب و فلوس و احدث الاجهزة الالكترونية ... تختار ايه فيهم ؟
15/ عمرك قعدت تتخيل فرحك و ولادك و كدة ولا مش بتفكر فى الكلام دة ؟


بص اهو غلبانة معاك على الاخر وو رحماك منى يعنى جاوب بقا لحد ما اصحى بكرة و اجهز غيرهم :yahoo:

 

[sha2awet 2alam]

يا قلبي انتي نزلي وهو هايبقي مجبر يرد

وهو يقدر مش يرد اصلا

حاسه ان دي هتكون نهايه التعارف بيني وبينك يا بوب
تصدق كرهت اني بقيت شريره كدا وبفرح في تدبيس الناس
ههههههههههههههههه

تصدقى انى خايفة منه بعد اللى بعمله فيه دة :kap: ربك يستر على عبيده بقا

 

[bob]

و نرجع نقول الو :smil12:
الو الو الصوت مش واضح :a63:
1/ انا عارفة انك مش بتحب الوحدة بس لو حصل و جه قرار اعلى بانك تقضى سنة على جزيرة لوحدك مفيش بشر خالص بس من حقك تاخد اى حاجة معاك الا وسائل الاتصال بالناس ... هتاخد ايه ؟
هاخد كتابي المقدس
2/ ايه رايك فى الصداقة بين البنت والولد ؟ و ايه حدودها ؟
ممتازة طول ما هي في اطار سليم
الحدود بتختلف من مجتمع للتاني و من شخص للتاني
3/ نفسك فى ايه دلوقتى حالا ؟
نفسي اشتغل
4/ شايف نفسك بعد 10 سنين ازاى ؟
ياااااااه حبقي عجزت و مكحكح :a63:
شايف نفسي مهندس ناجح في شغلي و عندي عيلة صغيرة مالية حياتي
5/ قول نصيحة للبنات بوجه عام ....... و ليا بوجه خاص :a63:
اتمني يلتزموا و لو مرة واحدة بمواعيدهم
شقاوة كبري الخط اللي بتكتبي بيه :a63:
6/ نصيحه توجهها للشباب بوجه عام و لنفسك بوجه خاص ؟
الشباب يا ريت يبقوا قد المسئولية و يراعوا ظروف اهاليهم
لنفسي الصبر
7/ ايه علاقتك بالمسلمين ؟ و مؤمن بالمساواة بينا و بينهم فى مصر ؟
بتعامل معاهم عادي جدا حسب المكان و الموقف و طريقة اللي قدامي
لا طبعا مفيش اي مساواة
8/ ايه رايك فى الثورة و حال مصر بعدها ؟
الثورة ليها ايجابياتها بس سلبياتها اكتر ( المفروض الثورة الصح في عقول الناس و طباعهم و افعالهم)
حالها بيبقي من سيء ل اسوء و اسالي السلفيين و افكارهم اللي حيرجعونا نركب الجمال و نلبس الجلاليب الشفتشي :yahoo:

9/ انت شخص متفائل بطبيعتك .... امتى حسيت انك متشائم جدا ؟
اها انا متفاؤل فعلا بطبعي
حسيت اني متشاؤم بعد الثورة بفترة لما حسيت ان البلد ملهاش قومه تاني
10/ بتلجأ لمين اما بتتضايق ؟
لابويا السماوي
و صديقي الصدوق
و اخويا الكبير
11 / اكتر اكله بتحبها ؟ و اكتر اكله بتعرف تعملها (دة لو ليك فى المطبخ يعنى ) ؟
انا بعشق جدا الارز باللبن
اها طبعا بعرف اطبخ كويس ( سجق بالبطاطس)
12/ بتآمن بالابراج و كدة ؟ ولا مالكش فيها ؟ و انت برج ايه ؟
لا مش بؤمن بيها خالص
انا برج السرطان
13/ رأيك ايه فى الاغانى و مين اكتر ناس بتحب تسمعلهم لو بتسمع اصلا يعنى leasantr ؟
مممم انا مش بحب الاغاني بس ساعات بسمع اغنية لو عجبتني مش بيفرق معايا مين بيغنيها
بس انا بحب ام كلثوم
14/ لو قدامك ذهب و فلوس و احدث الاجهزة الالكترونية ... تختار ايه فيهم ؟
اكيد حختار الفلوس لانها بتشتري الاتنين التانيينleasantr
15/ عمرك قعدت تتخيل فرحك و ولادك و كدة ولا مش بتفكر فى الكلام دة ؟
لا انا بطبعي مش بحب افكر لبعيد اوي بحب افكر علي قد المرحلة اللي انا فيها علشان اركز تفكيري كويس و اعرف انجح في مرحلة مرحلة

بص اهو غلبانة معاك على الاخر وو رحماك منى يعنى جاوب بقا لحد ما اصحى بكرة و اجهز غيرهم :yahoo:

غلبانة اه بتشحتي :a63:

 

[bob]

تصدقى انى خايفة منه بعد اللى بعمله فيه دة :kap: ربك يستر على عبيده بقا

لا متخافيش يمكن تكون نهايتك علي ايدي بس:t32:

 

[sha2awet 2alam]

لا متخافيش يمكن تكون نهايتك علي ايدي بس:t32:

ليه يا بوب بس انا عملت حاجة دى الاسئلة كل شوية بتبقى اسهل اهو يا ظالمنى :scenic:

 

[bob]

ليه يا بوب بس انا عملت حاجة دى الاسئلة كل شوية بتبقى اسهل اهو يا ظالمنى :scenic:

اصل كله اجب مفيش صح و غلط ولا اختيارات:new6:

 

[sha2awet 2alam]

اصل كله اجب مفيش صح و غلط ولا اختيارات:new6:

طيب بليل بقا انتظر منى كل ماهو جديد ...... هتكون اخر دفعة اسئلةانزلهالك بليل ا ش ا :smil15:

 

[bob]

طيب بليل بقا انتظر منى كل ماهو جديد ...... هتكون اخر دفعة اسئلةانزلهالك بليل ا ش ا :smil15:

:fun_oops: هو لسه في دفعة تاني !!! كملها يا رب علي خير