رد: حواء في استضافه ادم والعكس ( bob & white.angel )

ي

ياسر رشدى

Guest
ياااااااااااااه ده انتا شايل كتير في قلبك عليها ، أنا مش بصدد الدفاع عن الست دونا لأنك زي ما وضحت شخصيتها قوية وتقدر تدافع عن حالها ، ومش ناقصة عقل ودين عشان تحتاج لواحد تاني يدافع عنها :) بس بقدر أقول لك إنو دونا من الشخصيات يالي لمست فيهم وعي لما يحدث في بلادها بعيداً عن أي قولبات طائفية ، أو أحكام دينية مسبقة ، وحكمك على دونا هو ذاته الذي قلته لك في موضوع مينا ، أنتَ لن تفهم أبداً الدافع في رفض الثورة إلّا من منظور ديني وطائفي بحت ..
هى عشان بتدافع عن دينها يبقى اكرهها مثلا !! وموضوع الثورة السوريه .. انا فاهمه كويس قوى من جميع المناظير اللى خلقها لربنا .. مش عشان شوية قنوات بتجيب لقطات من هنا و قنوات تانيه بتجيب العكس .. واسأل انطاكى .. انا قلتله ايه .. ان الثورة دى مش هاتنجح .. لان الدم اللى هايجرى لو كسب الثوار .. اكتر بكتيييير من الدم اللى بيراق حاليا .. ولو فرض انه حصل .. انا محضر شقه مفروشه للانطاكى هنا فى مصر .. وهاقدمله فى الجامعه عشان يكمل :)
 

تيمو

عضو نشيط
عضو نشيط
إنضم
2 فبراير 2011
المشاركات
2,599
مستوى التفاعل
772
النقاط
0
الإقامة
على آخر الطلعة ، أول بيت على إيدك اليمين

هى عشان بتدافع عن دينها يبقى اكرهها مثلا !!

أصلاً إنتا لو قررت انو تكرهها ، مش هتقدر ولا يهون عليك :)

يا انكل ياسر ، انتا مقولب كل تعاملك معها بمنظور ديني بحت ، وهاي النظرة الصراحة هي من سترجعنا للوراء دُر ، وكلامك يالي كاتبو إلها أنا شايفو انو ملغوم ، والهدف والقصد تسميع كلام بس بإطار جميل وما يزعلش ...

على كل ، أنا مش راح أعمل حالي محامي ، بس حبيت أوصلّك فكرة ، انو اطلع من قولبت الإنتماءات الوطنية من منظور ديني وطائفي ، فالوطن أوسع من حدّه بطائفية ضيّقة ...

نعتذر للتطفل :)
 
ي

ياسر رشدى

Guest

نمسك بقى سخصيتان انا بحطهم فى شخصية واحده لانهم تفريبا متشابهين
وهما :

النهيسى .. 69544 مشاركة تقريبا
عبارة عن الاتى :
35270 مشاركة تقول الاتى
"خبر مفرح جدا .. شكرا للخبر"
او 30270 مشاركة تقول
"شكرا على مرورك الجميل"
والباقى متنوعات بين البنين هههههههه

===

والتانى حبيب يسوع
نفس القصه بس بشرح زياده شويه و بتعجبنى اراؤه لانها من القلب وشفافه
------
الاتنين دول انا بحبهم جدا بالرغم من انى متعاملتش معاهم فى اى مشاركة مباشرة .. لانى ارى فيهم طيبة القلب و عفة اللسان :)
 
ي

ياسر رشدى

Guest
اللى بعده هما عبود و جرجس ومينا
وبرضوا هاعتبرهم واحد
ودول اللى برضوا بحب اتكلم معاهم واخد و ادى و انا حاسس انى مش لازم اتجمل او اتصنع ونبتدى من الاخر بمينا :
اول مادخلت المنتدى كان حاطط صورة لواحد عباره عن ضهر و معرضلنا قفاه .. فقلت بس دا اكيد جدع رفيع و تقريبا متوزنش من ايام ابتدائى .. وجاى يمارس هوايته هنا عشان عنده زرار زياده فى القائمة
بس بعد كدا اكتشفت ان جواه قلب سخن قوى و انه ثورجى طراز ار بى جى وبيحب البلد دى .. وكمان مؤدب .. وانا كل ماافتكر مشاركاته مع عصام .. وهو عمال يقله يااستاذ عصام انا مقلتش عليك كدا .. اقعد اضحك .. صبور جدا الصراحه يامينا .. ومينا هو اكتر واحد تخلص من عقدة دا اسلامى ودا مسيحى .. هو لايرى الا مصلحة البلد .. مصر

التانى حسب المعرفه هو عبووووووود
اعتقد ان عبود من منطقه شعبيه فى الاسكندريه طبعا .. اعتقد ان عبود مر بمواقف متعدده اثرت فى حياته تاثيرا عميقا .. هو كويس وزى الفل بس ساعات بيحب يقلد الناس الوحشة و لسانه يبتدى يغلط فى الاسلام بالفاظ مش هيه او على سبيل السخريه .. فلازم ساعتها اديله كوع قانونى عشان يفوق ..
وهو موهوب ادبيا ولكن لابد ان ينمى اسلوبه افضل من كدا بكتير .. فاسلوبه الحالى لايرقى للمستوى التجارى .. لابد ان يقرأ كثيرا جدا جدا ..
واعتقد انه فى يوم من الايام خرج عبود الى الشارع صباحا يتصفح وجوه الناس و هو يبتسم بسخرية .. كأنه يراهم لاول مرة .. كأنه يقول لهم تظنوننى منكم و انا غريب عنكم .. عذرا انا اعيش فى عالم اخر .. ويعقب هذا احساس عجيب بالسعادة مع كل نفس عميق .. انا حر اخيرا ..
ربما اكون خاطئا ولكن هذا الاحساس احسست به انا شخصيا من 17 سنه هههههه

واخيرا جرجس جو
طبعا بعد ما اخد عضو مبارك .. مش عارف هنعرف نكلمه ولا لأ .. بس شخصية متميزة و لذيذه .. و يموت بس يغلس عليه .. ونفسى الا يتلفظ على الاسلام باى الفاظ مهينه .. حتى يظل صديقى اللدود

كفايه كدا
 
التعديل الأخير:

grges monir

عضو مبارك
عضو مبارك
إنضم
9 نوفمبر 2008
المشاركات
15,667
مستوى التفاعل
2,176
النقاط
113
الإقامة
فى قلب يسوع
واخيرا جرجس جو
طبعا بعد ما اخد عضو مبارك .. مش عارف هنعرف نكلمه ولا لأ .. بس شخصية متميزة و لذيذه .. و يموت بس يغلس عليه .. ونفسى الا يتلفظ على الاسلام باى الفاظ مهينه .. حتى يظل صديقى اللدود

كفايه كدا
يا مرحب ياسر

معرفش جاتلك عقدة العضوية المباركة دى منين هههههههه
انا واخداها ليا اكتر من سنتين لسة شايفاها دلوقت ههههههه
موضوع اهانة دين لا انتمى لية ليس من طباعى ابدا
لكن ياسر ان اهاجم افكار لاتمت للعقل بصلة ولا المنطق ويدعى من يتقول بها انها من الاسلام فهذا ليس خطأى انا ياسر
عندما هاجمت هاجمت الفكرة لا علاقة لى بشخصية اى انسان او دين ينتمى لة فهو حرتماما فى اعتقاد ما يريد ولة كل احترام
لكن مثلا ان يؤيد فكرة دفع الجزية مثلا للمسيحين ويقول انها شرع اللة اسمح لى عندما ارد واقول هذ ة بلاهة فكرية اسلامية فمحدش يزعل منى ياسر
دمت بخير صديقى ياسر
 
ي

ياسر رشدى

Guest
لكن مثلا ان يؤيد فكرة دفع الجزية مثلا للمسيحين ويقول انها شرع اللة اسمح لى عندما ارد واقول هذ ة بلاهة فكرية اسلامية فمحدش يزعل منى ياسر
دمت بخير صديقى ياسر
فى طريقه احسن توصل بيها فكرتك بدون ان تجرح اللى قدامك فيما قال الهه .. لانك كدا بتسب اللى قالوا الهه .. فى المثال السابق ممكن تقول انا مش موافق على كذا عشان دى ضد كذا .. لكن لما تقول بلاهه اسلامية .. يبقى انت كدا بتفتقر الى ادنى درجات اللياقه فى الحوار .. وهتلاقينى برد عليك بتلميحات فيها سخريه مستترة لا تؤخذ عليا فى كلمة واحده .. يبقى انه احسن نتحاور باللياقة ولا بالاساليب الملتويه .. ياصديقى اللدود
 

+Nevena+

عضوة ح الغلاسه
مشرف سابق
إنضم
12 ديسمبر 2007
المشاركات
20,057
مستوى التفاعل
1,906
النقاط
113
لووووووووووووووووووولي اخير خلصت يا ياسر

مبروك الافراج يا ولدي
ههههههههههههه


انا بشكرك جدا وبشكر الجميله دونا
علي تواجدكم واسئلتك الجميله

بجد شرفتونا جدا


ثواني وهاعلن عن الاهضاء الجدد معانا
والمعركه الجديده
هههههههه
 

Dona Nabil

خادمة الرب
مشرف سابق
إنضم
31 مايو 2007
المشاركات
57,233
مستوى التفاعل
4,256
النقاط
0
الإقامة
فى قلب يسوع
ميرررسى ليكى انتى يا نيفووو يا جميلة الجميلات وكفايه انك استحملتينى ضيفه مرتين :)
وميرررسى يا ياسر ع اللقاء الجميل بس مكانش العشم تتهمنى بالذكاء يعنى ههههههههه
وميرررسى لمى تو ع كلامه الجميل عنى بجد كلك ذوق
وميرررسى لكل اللى تابعونا ومنتظره ضيوفك الجدد يا قمررر
 

+Nevena+

عضوة ح الغلاسه
مشرف سابق
إنضم
12 ديسمبر 2007
المشاركات
20,057
مستوى التفاعل
1,906
النقاط
113
وانهارده معانا عضوين جدد

وبصراحه بقي
ادم مستحلف لحواء
تقربيا بينهم تار


خلي بالك يا حواء بقي


نقول بقي مين ادم اللي معانا

هو مشرف سابق
متواجد اغلب الوقت
ولكنه يشارك كل فين وفين
الظاهر زهق منا هههههههههههههه



وحواء هي
مشرفه ايضا ولكن مش اي مشرفه
دي
نائب المدير

هاديه جدا ومشاركتها تحفه
بحب اقرأ ردودها جدااااااااااا
تواجدها قل جدا الفتره السابقه
وبنتمي انهم يرجعوا يشاركوا زي الاول معانا واكتر





وتعالوا نعرف مين ادم وحواء








ادم هو --------------> oesi no


حواء -----------------> ميرنا


منورين ومنتظرين المعركه
 
ي

ياسر رشدى

Guest
لووووووووووووووووووولي اخير خلصت يا ياسر

مبروك الافراج يا ولدي
ههههههههههههه


انا بشكرك جدا وبشكر الجميله دونا
علي تواجدكم واسئلتك الجميله

بجد شرفتونا جدا


ثواني وهاعلن عن الاهضاء الجدد معانا
والمعركه الجديده
هههههههه
يافندم .. انا تحت الطلب :t3:.. شاورى انتى بس :)
 

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,599
النقاط
0
التانى حسب المعرفه هو عبووووووود
اعتقد ان عبود من منطقه شعبيه فى الاسكندريه طبعا ..
جبت منين "المنتيقة" الشعبية "تييى" ؟؟
جذورى من أسكندرية لكن أنا فى الأصل من مصر الجديدة ...هاى شلة ..
اعتقد ان عبود مر بمواقف متعدده اثرت فى حياته تاثيرا عميقا ..

هذا صحيح أصبت يارجل ..

هو كويس وزى الفل

شاكرين مهللين ..لكن قول لى انت طبيب ؟؟
أصل اللى بيقول ( زى الفل ) ده بيكون طبيب ..!!
بس ساعات بيحب يقلد الناس الوحشة

عمرى ماقلدت حد الا وانا صغير على سبيل الشقاوة فقط ...ولما باقلد مش باقلد ( وحشيين ) ...

و لسانه يبتدى يغلط فى الاسلام بالفاظ مش هيه او على سبيل السخريه ..

فيه فرق انك تستنكر مقالات وأحاديث وتفاسير وبين انك تغلط غلط مباشر ..والفرق كبييييررررر ...أنا أنتقد و (بعنف) تحليلات أسلامية ..
لكن أنتقد بأسلوب ساخر وأحياناً شاخر ...مش الأسلام ولكن الناطقين به
يعنى اللى بيكفر الناس ويفتى بأهدار دمائهم نقول عليه (حلو ولذيذ ) ؟!!

فلازم ساعتها اديله كوع قانونى عشان يفوق ..
وعلى فكرة الكوع لسة عندى ف الخاص ولم يأت توقيت مناقشته ..
ههههههه ..أوعى ...
وهو موهوب ادبيا ولكن لابد ان ينمى اسلوبه افضل من كدا بكتير .. فاسلوبه الحالى لايرقى للمستوى التجارى ..
مين قال انى عايز أبقى تجارى ؟؟ ..كان ممكن مع (مدبولى الناشر- الله يرحمه ) لو كنت عايز كدة ..لكن مش فكرت أبداً أنى أبيع أفكارى تجارياً ...
وعلى فكرة أنا كتبت للدراما حوالى خمس حلقات لرمضان لكن ماكملتهمش علشان التجارى اللى بتقول عليه ده ...
وعلى فكرة أيضاً و( صدق أو لا تصدق ) أنا كتبت لمحمد سعد وقعد معايا وأكتر من مرة وأتناقشنا لكن لقيته عدل على اللى انا كاتبه بطريقة فجة فرفضت ...
لو كنت تجارى كان زمانى مكان ( سامح سر الختم ) اللى اخد الفكرة وطبق لسعد اللى هو عايزه ..
ومش هقول أسم العمل الفنى ولا انا باقول انه سرق منى حاجة علشان نكون واضحين ...( وصدق أو لا تصدق ) مرة أخرى ...
اللى سرق منى مخرج فى الدراما أسمه ( ...... العسال ) برنامج فى رمضان حوالى ( أربع حلقات ) كاملين وهو برنامج كوميدى ...
لو كنت راجل تجارى كان زمانى ماسك فى رقبة أمه ...هههههههههه

لابد ان يقرأ كثيرا جدا جدا ..
أنا بلعت حوالى ثلاث أربع مكتبات منهم مكتبة الريان للتراث ...(!!)
واعتقد انه فى يوم من الايام خرج عبود الى الشارع صباحا يتصفح وجوه الناس و هو يبتسم بسخرية .. كأنه يراهم لاول مرة ..

أنا على طول كدة مش ذات يوم يعنى ..
ومش باسخر من الناس لكن باسخر من الحياة بشكل عاااام ....
كأنه يقول لهم تظنوننى منكم و انا غريب عنكم .. عذرا انا اعيش فى عالم اخر .. ويعقب هذا احساس عجيب بالسعادة مع كل نفس عميق .. انا حر اخيرا ..
أسقاط لذيذ ...هههههههه
تعتقد أننى بهذا الغباء كى لا أفهم ما تريد أن ترمى اليه ...؟؟؟
هيهااااات ...ثم هيهااااااااات ....ههههههههه

ربما اكون خاطئا ولكن هذا الاحساس احسست به انا شخصيا من 17 سنه هههههه

الأحساس شخصى ليك والا شخصى ليا انا ؟
بس بيبقى أحساس حلو ...مش كدة ؟؟؟
شكراً يا أستاذ ياسر ( ألا تزال تعتقد انى راجل متملق ) ؟؟؟
هههههههههههههه فاكرها طبعاً ..(!!)



 

Twin

عودة
مشرف سابق
إنضم
15 أغسطس 2006
المشاركات
11,131
مستوى التفاعل
984
النقاط
113
الإقامة
هنــــــــــــــــــــــــــاك .. حيث لا يراني أحد
كان حوار جامد

ياسر كان متألق .... رغم أنه كان في عش الدبابير وحده :)
ودنا كالعادة كانت دونا .... ولا يأس مع الحياة :)

كنتم انتوا الأتنين منورين بجد ..... وطبعاً الأحبة ال كانوا حواليكم أدوا الموضوع شكل اعمق واحلي بكتير لو فضل بينكم سيك :)

عامة كنتم محظوظين ... ومش عارف ليه :)
 

Twin

عودة
مشرف سابق
إنضم
15 أغسطس 2006
المشاركات
11,131
مستوى التفاعل
984
النقاط
113
الإقامة
هنــــــــــــــــــــــــــاك .. حيث لا يراني أحد
صحيح يا نيفيا .... هو الموضوع ده موضوع مقاولات والا أيه
كله علي كله .... لا يا ماما لا .... لازم يبقي في تصويت علي الأشخاص ال هتقعد بعد كدة ع الكرسي :)

صحيح منور يا جو .... منوره يا ميرنا
مش عارف من غيركم هنتسلي بأيه :)
 

grges monir

عضو مبارك
عضو مبارك
إنضم
9 نوفمبر 2008
المشاركات
15,667
مستوى التفاعل
2,176
النقاط
113
الإقامة
فى قلب يسوع

فى طريقه احسن توصل بيها فكرتك بدون ان تجرح اللى قدامك فيما قال الهه .. لانك كدا بتسب اللى قالوا الهه .. فى المثال السابق ممكن تقول انا مش موافق على كذا عشان دى ضد كذا .. لكن لما تقول بلاهه اسلامية .. يبقى انت كدا بتفتقر الى ادنى درجات اللياقه فى الحوار .. وهتلاقينى برد عليك بتلميحات فيها سخريه مستترة لا تؤخذ عليا فى كلمة واحده .. يبقى انه احسن نتحاور باللياقة ولا بالاساليب الملتويه .. ياصديقى اللدود
اوك ياعم ياسر
بس على فكرة انا بتبدى كدة وهو يقاوح ويقولك لا الجزية دى مثلا لاتفرض غير على كذ وكذا ويعفى منها كذا
فان ردى بيكون تلقائى انة رد غير عقلانى بالمرة
بيحاول يبرر موضوع لا يمت للمنطق بصلة
فبتوصل للاخر بهذا الوصف بع صراع مرير مع عقل لا يريد ان يقول ان هذا غير مبرر اطلاقا ان يدفع انسان ما جزية مقابل انة لا يؤمن بما يؤمن بة هو
انتهى صديقى
 

+Nevena+

عضوة ح الغلاسه
مشرف سابق
إنضم
12 ديسمبر 2007
المشاركات
20,057
مستوى التفاعل
1,906
النقاط
113
ميرررسى ليكى انتى يا نيفووو يا جميلة الجميلات وكفايه انك استحملتينى ضيفه مرتين :)
وميرررسى يا ياسر ع اللقاء الجميل بس مكانش العشم تتهمنى بالذكاء يعنى ههههههههه
وميرررسى لمى تو ع كلامه الجميل عنى بجد كلك ذوق
وميرررسى لكل اللى تابعونا ومنتظره ضيوفك الجدد يا قمررر

ميرسي ليكي انتي يا حبي
تعبتك معايا رغم مسئولياتك خصصتي وقت للموضوع
بشكرك حبيبتي :love45:
ملحوظه القبله دي
ترجع بسرعه تاني ههههههههههههه



يا قمر انت بقيتي مطلب شعبي
وممكن تتطلبي تالت ورابع وعاشر كمان
ودايما هتنورني في كل مره
 
ي

ياسر رشدى

Guest
وميرررسى يا ياسر ع اللقاء الجميل بس مكانش العشم تتهمنى بالذكاء يعنى ههههههههه
دا اقل واجب .. و ياريت تكونى مضايقتيش منى او زعلتى فى تعليق كدا ولا كدا .. ولو اضايقتى قولى يادونا متكسفيش :fun_lol:
 

+Nevena+

عضوة ح الغلاسه
مشرف سابق
إنضم
12 ديسمبر 2007
المشاركات
20,057
مستوى التفاعل
1,906
النقاط
113
صحيح يا نيفيا .... هو الموضوع ده موضوع مقاولات والا أيه
كله علي كله .... لا يا ماما لا .... لازم يبقي في تصويت علي الأشخاص ال هتقعد بعد كدة ع الكرسي :)

صحيح منور يا جو .... منوره يا ميرنا
مش عارف من غيركم هنتسلي بأيه :)


هههههههههههههههه
تصويت علي الكرسي

معنديش الكلام دا والديمقراطيه دي انا :shutup22:


لوع يا عمنا الاختياراجباري عندي بقي :smil15:

وفيه غرامات اللي مش يوافق
ههههههههههه
 
أعلى