رحله حبى

[+إيرينى+]

يا الله اخيرا عرفت مدلول الصوره اللى غيرت حياتى
الصوره دى انا حطيتها فى موضوع شهادتى اللى فى المنتدى التانى من حوالى 9 شهور
بس كان نفسى اوى اعرف مدلولها ايه
النهارده فضلت وراها لحد ما جيبتها من المصدر و مش قادره اوصف لكم كميه السعاده اللى انا فيها
عارفين الصوره فى موقع سانت تكلا موجوده ضمن اى فئه من الصور؟؟؟
الصوره موجوده ضمن صور ( المجىء الثانى) و ده يفسر لى ازاى انا كنت شايفه خلفيتها السماء مش خلفيه سوداء كما هى الصوره فى الحقيقه
فرحاااااااااااااااااااااااااااااااااااانه اوى بجد هطير عشان التفسير ده راااااااااااااااااااااائع و مفرح و مبشر
شاركونى فرحتى

هى دى الصوره

و ده اللينك على سانت تكلا

http://st-takla.org/Gallery/Jesus-Christ/30-The-Advent/Jesus-Second-Coming-Advent-05.html

أولا مبروك مبروك مبروك

ثانيا : ملحوظة بس صغيرة : اللينك على القديس الأنبا تكلا و ليس القديسة

ثالثا : هل تسمحين لى بسؤال ؟

 

[Marina coptic]

فعلا... الرب قريب لمن دعاه

ربنا يبارك حياتك اخت مارينا ويستخدمك

ربنا يخليك و يباركك اخ احمد و تنول المعموديه لو كانت لسه مشيئه الله لم تتم

 

[Marina coptic]

أولا مبروك مبروك مبروك

ثانيا : ملحوظة بس صغيرة : اللينك على القديس الأنبا تكلا و ليس القديسة

ثالثا : هل تسمحين لى بسؤال ؟

الله يبارك فيكى يا قمر
تصدقى ما اخدتش بالى انها دايما بتتكتب سانت تكلا بس انا عارفه انه المقصود الانبا تكلا هيمانوت
اتفضلى يا قمر تحت امرك فى اى شىء

 

[+إيرينى+]

سلام ملك السلام مع جميع اخوتى

سلام السيد المسيح معكِ


فى عالم الواقع و التعامل المباشر نجد :

انا نشأت فى بيئه ( غير معظم العابرين ) لا تعرف شىء عن التعصب ... ناس متسامحه لاقصى الحدود ... كنت فى مدارس اجنبيه مسيحيه تشرف عليها الراهبات ... عشان كده مكنش عندى اى حساسيه تجاه المسيحيين او المسيحيه و الصليب معلق امامى فى كل ارجاء و فصول المدرسه ... كلنا بنحب بعض و عمر ما كان فيه تمييز دينى بيننا ابدا
اما فى البيت فكنت ارى اصدقاء والدى و صديقات والدتى المسيحيين مقربين جدا لهم و اول تليفون تهنئه باى عيد كان دايما من طنط نجوى صديقه مامتى و كذلك فى الاعياد المسيحيه كنا اول المهنئين ... عمر ما حد قال لى متاكليش اكلهم و الحاجات اللى بنسمعها اليومين دول .. مامتى متربيه هو و اخواتها مع جيرانهم المسيحيين لم يكونوا يفترقون الا وقت النوم ... حتى القساوسه فكنت ارى منهم اصدقاء للعائله

فى عالم المنتديات و عالم الانترنت نجد :

بعد كام شهر لقيت اغلى اخت فى حياتى بتتعرف عليا و تشكرنى على الموضوع و بدات علاقتى بيها و بقيت تعرفنى على الناس و بقى عندى اسره رائعه بعشقهم و بعشق اختى دى اكتر واحده


و من هنا بدات القصه:
============

بدات اشوف تعليقات الناس فى الاقسام المسيحيه و اقرا مواضيع روحيه و سير قديسين و كده
بقيت اقول لنفسى هى الناس دى عامله كده ليه ؟؟ هو ايه السلام اللى جواهم ده؟؟؟ اه احنا كلنا بنحب المسيح بس ايه الغرام اللى هم فيه ده؟؟و الثقه دى جايه منين؟؟؟

و هنا لفت نظرى الأمر
أنتِ لم يلفت نظرك تعامل المسيحيين معكِ فى أرض الواقع

بينما لفت نظرك فى عالم الانترنت

هل أنتِ لم تقابلى مسيحية واحدة من أصدقائك أو أصدقاء والدتك تلفت نظرك و تسألين نفسك : هى الناس ديه عاملة كدة ليه ؟؟؟

 

[Marina coptic]

سلام السيد المسيح معكِ


فى عالم الواقع و التعامل المباشر نجد :




فى عالم المنتديات و عالم الانترنت نجد :


و هنا لفت نظرى الأمر
أنتِ لم يلفت نظرك تعامل المسيحيين معكِ فى أرض الواقع

بينما لفت نظرك فى عالم الانترنت

هل أنتِ لم تقابلى مسيحية واحدة من أصدقائك أو أصدقاء والدتك تلفت نظرك و تسألين نفسك : هى الناس ديه عاملة كدة ليه ؟؟؟

بصى يا قمر
انتى اكيد بتتعاملى مع مسلمين فى حياتك كجيران او اصدقاء او ما شابه ,,, هل و انتى بتتعاملى معاهم بييجى ذكر السيد المسيح و التركيز عليه فى الكلام ؟
هل بتذكرى ايات من الانجيل المقدس بكثافه و تستشهدى بيها فى كلامك معهم ؟
بالطبع لا بتتعاملى عادى فى اطار الجيره او الصداقه بدون اقحام للدين ... ده غير ان المسيحيين فى مصر و انتى ادرى منى بيكونوا فى منتهى الحرص فى نقطه الدين بالذات منعا للمشاكل و ده شىء استحاله انكاره
غير انك معلش مش اخدتى بالك من باقى كلامى او يمكن انا مقدرتش اوصل صح ,, ان احتكاكى بالـ ( مسيحيه نفسها ) و ليس ( المسيحيين بالذات ) زاد جدا و بقى مباشر لانى بشوف الايات نفسها فى التعليقات و الحديث المباشر و الارتباط و الحب و الوصف لشخص السيد المسيح برضه فى التعليقات و البعض القليل من الموضوعات الدينيه
بس كووووووووووووووول اللى قلتهولك ده ليس هو الاساس
الاساس هو عمل الروح القدس ....... عمل الله
المسيح قال ان له خراف اخر مش من نفس الحظيره و قال كمان انها بتسمع صوته و قال انه بيقف ع الباب و يقرع
بمعنى انه هو اللى بيدور و هو اللى بيجيب خرافه ... و عملى انا كانسان و القراءه و الدراسه و غيرها ده بتوجيه منه مش منى ,,, الفضل له هو مش للانسان

 

[Marina coptic]

عاوزة اقولك كمان حاجه ,,, هى مرتبطه بشخصيتى
لو لاحظتى فى الكلام انى ذكرت احتكاكى الشخصى بالمسيحيين فى المدرسه المسيحيه فقط و دى كانت لغايه نهايه المرحله الاعداديه
اما بعد ذلك فكل من ذكرتهم هم فى محيطى و ليسوا اصدقائى شخصيا كمثال صديقات والدتى
ليه بقولك كده ؟؟ لانى بعد المرحله الاعداديه اصبح احتكاكى قليل جدا فى المرحله الثانويه و الجامعه ثم بعد ذلك ( و ده الجزء المرتبط بشخصيتى ) مبقتش بصاحب و لا بكلم حد نهائيا تقريبا لا مسلم و لا مسيحى الى ان قابلت حبيبه قلبى فى المنتدى الاخر
طب اقول لك على حاجه محيرانى لحد النهارده و نفسى اعرف السبب ... فى المدرسه لو كتاب الدين المسيحى كان مفتوح و عين واحده مسلمه وقعت عليه كانت صاحبة الكتاب بسرعه تقفله
هههههههه لدرجه انى مره لمحت جمله ( انجيل لوقا اصحاح ) و صدقينى كبرت و انا فاهمه ان ( اصحاح ) هو اسم شخص يبقى ابو ( لوقا ) تخيلى بقى عمرى ما هنسى الموقف ده و كل لما افتكره اضحك قوى

 

[+إيرينى+]

شكرا على الرد يا مارينا
ربنا يكون معاكى​

 

[Marina coptic]

شكرا على الرد يا مارينا
ربنا يكون معاكى​

تحت امرك يا قمر
اذكرينى فى صلواتك

 

[صوت صارخ]

الاساس هو عمل الروح القدس ....... عمل الله

إن الصلاة الصوم والسهر وكافة الممارسات المسيحية, على الرغم من أنها فعلا نافعة في حد ذاتها, ولكنها لا تشكل هدف حياتا المسيحية, بل هي ليست سوى وسائل تساعدنا على بلوغ الهدف. أما غاية ما تصبو إليه الحياة المسيحية فهو اقتاه الروح القدس. أما الصلاة والصوم والسهر والعطاء وكل ما عداها من أعمال صالحة والتي نعملها من أجل المسيح, فهي ليست سوى وسائل لاقتناء الروح القدس.
القديس صارفيم ساروفسكي

 

[+سيمفونية الرب+]

سلام ونعمة رب المجد في قلبك أختي مـاريـنــا

مبروك عليكِ الخلاص والتعرف برب المجد وملك الملوك يسوع المسيح :new5:

أي شخص عابر يواجه صعوبات صدقيني، فأنا عابرة مثلكِ وأعلم حجم التحديات التي أواجهها وإن اختلفت عن تحدّياتك.

هذا هو طريق الصليب فيه تمرين كبير للروح على الثبات والمضيّ والازدهار. وفيه يتذوّق المؤمن روعة رحلة الإيمان مع الله.
ربّنا لم يعدنا بحياة مريحة جسدياً ولكنه وعدنا أننا بإيماننا به سنستطيع حمل الآلام والصعوبات بفرح وابتهاج ولن يصيبنا اليأس أبداً.

"فقالَ لَه رَجُل: «يا ربّ، هلِ الَّذينَ يَخلُصونَ قَليلون؟»
فقالَ لهم: «اِجتَهِدوا أَن تدخُلوا مِنَ البابِ الضَّيِّق. أَقولُ لَكم إِنَّ كَثيرًا مِنَ النَّاسِ سَيُحاوِلونَ الدُّخولَ فلا يَستَطيعون."
لوقا 13: 23-24

فلا تنسي أختي أن الباب الضيّق هو اختبار لإيمانك بل هو إثبات على أن قرارك اتخذتيه بملء محبتك وإرادتك،
فاثبتي وواظبي على الصلاة والمسبحة الوردية فهي ستعزّيكِ كثيراً واطلبي من الله المعونة والثبات،،

الرب يباركك ويساعدك في مسيرتك ويقرّبك منه أكثر وأكثر،،
آمين


​

 

[Marina coptic]

سلام ونعمة رب المجد في قلبك أختي مـاريـنــا

مبروك عليكِ الخلاص والتعرف برب المجد وملك الملوك يسوع المسيح :new5:

أي شخص عابر يواجه صعوبات صدقيني، فأنا عابرة مثلكِ وأعلم حجم التحديات التي أواجهها وإن اختلفت عن تحدّياتك.

هذا هو طريق الصليب فيه تمرين كبير للروح على الثبات والمضيّ والازدهار. وفيه يتذوّق المؤمن روعة رحلة الإيمان مع الله.
ربّنا لم يعدنا بحياة مريحة جسدياً ولكنه وعدنا أننا بإيماننا به سنستطيع حمل الآلام والصعوبات بفرح وابتهاج ولن يصيبنا اليأس أبداً.

"فقالَ لَه رَجُل: «يا ربّ، هلِ الَّذينَ يَخلُصونَ قَليلون؟»
فقالَ لهم: «اِجتَهِدوا أَن تدخُلوا مِنَ البابِ الضَّيِّق. أَقولُ لَكم إِنَّ كَثيرًا مِنَ النَّاسِ سَيُحاوِلونَ الدُّخولَ فلا يَستَطيعون."
لوقا 13: 23-24

فلا تنسي أختي أن الباب الضيّق هو اختبار لإيمانك بل هو إثبات على أن قرارك اتخذتيه بملء محبتك وإرادتك،
فاثبتي وواظبي على الصلاة والمسبحة الوردية فهي ستعزّيكِ كثيراً واطلبي من الله المعونة والثبات،،

الرب يباركك ويساعدك في مسيرتك ويقرّبك منه أكثر وأكثر،،
آمين


​

اشكرك من كل قلبى اختى الغاليه
ربنا يبارك حياتك

 

[Maran+atha]

مائة الف مليون مبروك
اختى الغالية مارينا حصولك على الحرية بنعمة المسيح
ربنا يباركك ويعوض تعب محبتك ويكون معكى دائما
فيحافظ عليكى ويفرح قلبك ويحقق كل امنياتك للابد امين.

 

[Marina coptic]

مائة الف مليون مبروك
اختى الغالية مارينا حصولك على الحرية بنعمة المسيح
ربنا يباركك ويعوض تعب محبتك ويكون معكى دائما
فيحافظ عليكى ويفرح قلبك ويحقق كل امنياتك للابد امين.

اشكرك جدا اخى الغالى
ربنا يباركك

 

[Fierce fighter]

مبروك عليكي النعمه مارينا
ربنا يديكي سلام في قلبك ويحميكي من عدو الخير