عجبي عليك يا زمن فيك ياما هيشوف اللي يعيش
فيك ناس بتاخد ولا تديش وناس بتدي ولا تاخدش
فيك الطيب الحنون واللي يخاف لكن ما يختشيش
فيك الحالم الخجول واللي عمرة ما ينكسفش
وعجبي
شفت كلب وفي جدا لصديقة
وشفت صديق غدر وخان صديقة
وشفت اعمي مهتدي وعارف طريقة
وشفت بصير لكنة مش شايف طريقة
وعجبي
العالم فيكي يا مصر محتاج لابحاث
دماغة مليانة بابتكار ودة هو الاثاث
يطلب من الدولة ميزانية لعمل ابحاث
مايلاقي غير دفن لابتكارة وينداس
يطلع بلاد برة ينجح ينشال فوق الراس
هنروح بعيد لية والامثلة تتكتب في كراس
قدامنا المثل مجدي يعقوب وزويل يا ناس
وعجبي
بني ادم لو يتعظ ما كان يتعالي او يتكبر
دا احنا نفس داخل وخارج مش اكتر
ما فينا الا لسان يتلعب ويتشطر
حبة تعب يخلوك في الفراش متخدر
وعجبي[/
center]
center]
تحب اللي مش بيحبك ولا انت علي بالة
ويحبك اللي مش بتحبة وفرحك يهنالة
وكل ما يتمناة تحس بية وتشعر ودا كل امالة
قلوب تحب وتنخدع وترفع عيونها للرب شكياله
وقلوب كل نبضةمنها بتقول بحبك والمقصود مش سمعالة
وعجبي
انا شفت اللي بيشكر ربنا علي اقل القليل
وشفت اللي في ايدة الكتير وشايفة قليل
وعرفت ان السعادة عمرها ما كانت بالمال الكتير
عيشة متوسطة مع حب اجمل من غني مع قلب حقير
الا لو اجتمع الحب مع المال ودة في زمانا طلب عسير
وعجبي
الظلم لية يا بشر حرام يا بني ادمين
داحنا دم ولحم ومشاعر ولا اية فاكرين
ماكفاية ظلم الزمان ولا انتو مش حاسين
لية نجرح بعض دول ايام عايشين مش مستاهلين
وكلنا هنفني ونروح للتراب اللي منة جاين
يبقي افضل نخاف علي مشاعر بعض يا حلوين
وعجبي
يلا يا شباب
عاوزة اسمع تريقة جميلة في الموضوع دة
عاوزة حد يقول هيا راجعة ليسوع عمللنا فيها صلاح جاهين والحجات دي بقة
هههههههههههههههههه
لا بجد اي حد يقول راية بصراحة مش لازم كلمة حلو وكدة
رجعا ليسوع
يلا يا شباب
عاوزة اسمع تريقة جميلة في الموضوع دة
عاوزة حد يقول هيا راجعة ليسوع عمللنا فيها صلاح جاهين والحجات دي بقة
هههههههههههههههههه
لا بجد اي حد يقول راية بصراحة مش لازم كلمة حلو وكدة
رجعا ليسوع
التعديل الأخير: