ذكرياتى مع العرسان

[+إيرينى+]

العريس عزمنا تانى للعمارة الل بيبنوها فى العجمى

عشان نشوف الشقة

أخوه : الل بيسوق التوناية (عربة سيرفيس) وصلنى أنا و بابا و ماما مع العريس

لاقينا العمارة مبنى فيها أرضى (جاهز للسكن) _ دور أول (عل المحارة_ لأخيه الأكبر) _ دور تانى على الطوب الأحمر للعريس

كانت عائلته كلها فى انتظارنا و معاهم كمان : خطيب أخته الكبيرة

كانت العمارة أودامها جنينة

جلست فيها مع أهلى و مع العريس وأبوه و خطيب أخته

و جهزوا 2 شيشة (واحدة لأبوه و واحدة لخطيب أخته)

و كانت قاعدة رغى _ كلام عام _ مع شم روائح الشيشة

العريس : انا كنت باشرب سجاير و شيشة و بطلت

أنا : ديه توبة و لا فقر ؟

القاعدة إتقلبت ضحك

ثم أخدنا الى الدور الثانى ليرينا تفاصيل الشقة

(وقع فى اتنين مهندسين _ أنا و بابا)

لاقيت البلكونة فيها شرخ كبير فى حذا البلكونة مع الحجرة

فقولت له : انهو مهندس أهبل عمل تنفيذ الحديد هنا ؟؟

بابا بص لى وبعدين قال : لها حل

قولت : حل إيه ؟؟ دا لازم بلاطة البلكونة و الحجرة تتكسر و تتعمل من الأول

العريس : أكسر إيه ؟؟ لا مش ممكن

أنا : ديه فى منتهى الخطورة

بابا بص لى تانى

قولت له : إيه ؟ ما انتاش شايف ؟؟

و بعدين فرجنا على حجرة تانية و قال (العريس) : أنا لفيت العمود دا عشان أنا غيرت فى التصميم المعمارى عن الدورين الل تحت منى

قولت له : بتهزر ؟؟ دا خطأ جسيم _ العمود لازم يتنفذ صح _ دا شغل عمال مش شغل مهندسين

بابا بص لى تانى

قولت له : إيه بأة ؟ السقف ح يقع علينا و البلكونة ح تقع بيا

المهم جينا نروح بيتنا _ ما لاقيناش أى مواصلات نهائى

العجمى زحمة جدا

العريس جاب لنا تاكسى و دفع له 25 جنيه

لما روحنا البيت كانت الدنيا ليل و كنت مجهدة جدا

أخدت دوش و نمت من غير عشا

تعالى اتعشى

لا _ عايزة أنام


و فى الصباح قولت لبابا و ماما : إعملوا إعتباركم بعد الجواز ح أزوركم فى الاعياد :2:

ديه 25 جنيه يابا :new6::new6:

صمت رهيب من بابا و ماما

يتبع​

​

 

[عبود عبده عبود]

[FONT=&quot]عندى إحساس ان أهلك مش عايزين يخلصوا منك بالجواز​

​

[FONT=&quot]تؤتؤتؤتؤتؤ ...​

​

[FONT=&quot]واضح أنهم كانوا عايزين يولعوا فيكى

:t11::t11::t11:
[/FONT]​

[/FONT][/FONT]

 

[عبود عبده عبود]

و جهزوا 2 شيشة (واحدة لأبوه و واحدة لخطيب أخته)

​

:fun_lol::fun_lol::fun_lol:
​

 

[gaser2]

:fun_lol::fun_lol::fun_lol:
​

ههههههههههههههههههههههههههه

 

[+إيرينى+]

فى أحد الأيام : فرح إبنة خالى

ماما عزمته على الفرح (فى الكنيسة يعنى مش ح يكلف حاجة)

كان هو بيشتغل بعد الضهر فى مكتبة (كتابة عل الآلة الكاتبة، و تصوير)

لكن كان ممكن ياخد اجازة

اتفقت معاه انى اقابله فى كنيسة قريبة من المكتبة الل بيعمل فيها و اروح الفرح انا و هو مع بعض

و كان معادنا الساعة 8 بالليل (الفرح كان 9 بالليل)

روحت قبل المعاد ب 10 دقايق (7:50)

الكنيسة كانت فاضية

و الحوش ما فيهوش غيرى أنا و الغفير

فضلت مستنياه لغاية 8:30

طلعت برة الكنيسة أتصل بيه من محل جنب الكنيسة (ما كانش فيه موبايلات وقتها)

اتصلت بيه على تليفون المكتبة (ما فيش حد بيرد)

اتصلت فى بيته : ردت اخته الكبيرة

قولت :هو جاى و لا لاة ؟؟_ يصح يسيبنى استناه كل دا ؟؟ استناه و لا امشى يعنى ؟؟

قالت لى ح اتصل بيه و اكلمه

قولت لها ح اتصل بيكى كمان خمس دقايق

اتصلت بيها فقالت : هو جاى لك دلوقتى

قولت لها : عرفتى تكلميه يعنى _ حاجة غريبة مع إن تليفون المكتبة ما بيردش

طبعا فهمت إنه مأنتخ فى البيت جنبها _ العفاريت ركبتنى

المهم

جه فعلا الساعة 8:50 (يعنى أنا ساعة واقفة فى حوش الكنيسة و الغفير بيتفرج عليا)

مش لابس لبس يناسب انه رايح فرح

كان لابس بنطلون جينز متبهدل و جاى عرقان و حران :smil13:

دا منظر واحد رايح فرح ؟؟ دا الل انا قولته ليه

ليه كدة يعنى ؟ هو انت كنت سالف بدلة الخطوبة و لا ايه ؟؟ كنت تيجى بيها

فقال : لا اصل الدنيا حر

كنت تيجى بالبنطلون و القميص مش لازم الجاكت و تحط اى برفان و كنت تستحمى قبل ما تنزل _ دا منظر ؟؟

انت راجع من صب خرسانة ؟؟ - دا انت كأنك جاى من موقع عمل - ريحة عرقك جايبة حوش الكنيسة كله

و هو كل دا ساكت

انت ما بتردش ليه ؟؟

ساكت برضوا

المهم روحنا الفرح مع بعض و انا فى قمة النرفزة

طبعا بعد الفرح هو روح لبيته و أنا روحت مع أهلى

قولت لبابا و ماما : شكله عِرَّة _ أنا مش فاهمة عمل كدة ليه ؟

و كنت متضايقة جدا

بابا و ماما قالوا فى صوت واحد : هو شكله يفضح فعلا

قولت لهم : إحنا فيها

بابا : استنى له شوية يا بنتى

يتبع​

​

 

[grges monir]

شكلة كان صبى مهندس ههههه
انا فاكر لما كنت خاطب
لما كنا نيجى نخرج كنت استعد قبليها بساعة مع انى سريع جدا فى كل حاجة

 

[عبود عبده عبود]

دا منظر واحد رايح فرح ؟؟ دا الل انا قولته ليه

كنت تيجى بالبنطلون و القميص مش لازم الجاكت و تحط اى برفان و كنت تستحمى قبل ما تنزل _ دا منظر ؟؟

انت راجع من صب خرسانة ؟؟ - دا انت كأنك جاى من موقع عمل - ريحة عرقك جايبة حوش الكنيسة كله




بابا : استنى له شوية يا بنتى

​

:t11::t11::t11:

[FONT=&quot]تصدقى بأية ؟؟؟​

​

[FONT=&quot]هتصدقى إن شاء الله ... [/FONT]​

[FONT=&quot]دة أنا لو واحدة قالت لى البوقين دول[/FONT]​

[FONT=&quot]كنت بأى مفك وجنب حاجبها وعلمتها [/FONT]​

[FONT=&quot]
[/FONT]​

[FONT=&quot]أنا [/FONT][FONT=&quot]دلوقتى [/FONT][FONT=&quot]فهمت لية بابا كان يخلص منك [/FONT]​

[FONT=&quot]عنده حق ... شيل يا عم ..ريحنا منها ومن طولة لسانها
[/FONT]​

[FONT=&quot]من أعمالكم سُلِّطَ عليكم[/FONT]​

[FONT=&quot]
[/FONT]​

[FONT=&quot][/FONT]:t11::t11::t11:​

[/FONT]

 

[عبود عبده عبود]

شكلة كان صبى مهندس ههههه

[FONT=&quot]دى بتقولك كان شغال تايبست فى مكتبة بعد الضهر ​

​

[FONT=&quot]الظاهر انه كان مهندس (كى بورد) أو خريج هندسة (ويندوز)[/FONT]​

[FONT=&quot]رايح معاها الفرح وهو عامل ( سكرين سيفر )[/FONT]​

:t11::t11::t11:​

[FONT=&quot] [/FONT]​

[/FONT]

 

[R.O.R.O]

الملافظ سعد يا عبعال قصدي يا ايرو
احرجتشي الراجل مش كدا
متابعة طوابير العرسان دا
وبرضوا مستنية قصة ابو الولا
​

 

[بايبل333]

بصوا خلونا نتفق أن أهل الاستاذة ايرينى بيحبوها جدا جداً
ومن محبتهم ليها كانوا عايزين يفرحوا فيها ههههههه اسف كان عايزين يفرحوا بيها
ويا اخت ايرينى زمن التسعينات بيختلف عن هذا الزمن هو يمكن متعود

قولت لها : عرفتى تكلميه يعنى _ حاجة غريبة مع إن تليفون المكتبة ما بيردش

طبعا فهمت إنه مأنتخ فى البيت جنبها _ العفاريت ركبتنى

وبصراحة يا استاذه ايرينى أنا لو حد قال الكلام داة لى انا كنت غيرت ديكور وجهة كله وكنت خليت أحسن جراح تجميل فى مصر يحتار فى استرجاعه كما كان فى سابق عهده القديم

[/B]

العريس جاب لنا تاكسى و دفع له 25 جنيه

يا نهار اسود داة احنا فى الزمن الهباب دلوقتى مقدرش اخذ تاكسى بخمسة جنية ويقوم يدفع 25 جنية زمان
لا راجل محترم


لا شخصية هذا العريس محترم جداً بدليل التصرف الواضح فى التاكسى وانه جلبه ودفع 25 جنية
انسان محترم جدا والدليل على كده سكوته الدائم فيما كنت تتكلمين عنه
غير كده انسان وقف ضد ذاته البشرية وبطل سجائر وشيشة
وغير كده مبسوط مادياً

أنتِ تحمدى ربنا ان بنات اليومين دولت على الفيس بوك ومش بيقرواء الكلام داة
كان جاءوا لكى هنا وكنتى الان فى خبر كان وأخواتها وبنت عمها

و تمت الخطوبة بالفعل فى منزلنا السعيد يوم 3/7/1998

من غير مشاكل .؟كيف داة.؟

و كانت أول مرة نشوف بيتهم

روحنا

حارة جوة حارة جوة حارة جوة جوة

الفقر مش عيب

و أنا رايحة آخر شياكة و جذمة بكعب

دى مشكلة حضرتكِ مش مشكلته هو

لكن أنا عارفة بابا و ماما : مش بسهولة عندهم فك الخطوبة :cry2:

هم كمان ما ردوش عليا

هما بصراحة مش موضوع فك الخطوبة
هما كانوا بيفكروا يفكوا المخ
وكانوا بيفكروا يغيروا الديكور بتا الوجه كله
بس هما بيحبوا يسمعوا الست "ام كلثوم"

[/SIZE]

 

[+إيرينى+]

بعديها بكام يوم

خطوبة أخيه الأصغر

كانت فى إحدى الكنائس و بعدين فيه حفلة فى بيت العروسة

طبعا عزمنى و قال : ما فيش داعى لبابا و ماما _ ديه خطوبة يعنى مش فرح

بابا قال : ماشى (بامتعاض)

قولت لبابا و ماما (فى عدم وجوده) : المفروض بأة إنى آجى بالجينز و ما اعملش شعرى فى الكوافير و آجى لمة شعرى زى الل جاية من صب خرسانة و ما استحماش و ريحة عرقى تجيب آخر ذات نفس حوش الكنيسة ؟؟
و أقول له : أصل الدنيا حر و آجى متأخر ساعة ؟؟؟

طبعا دا كلام : أنا كان لايمكن أعمل كدة

جه هو أخدنى قبل ميعاد الخطوبة بساعتين !!!

و أخدنى على الكوافير بتاع العروسة، سلمت عليها، و اتعرفت على بعض من أهلها

و بعدين روحنا على الكنيسة عبال ما العريس و عروسته يتصوروا فى الاستوديو

حوش الكنيسة مملوء بالمعازيم

سلمت على أبوه و أمه و أخواته و باركت لهم

و وقفت معاهم عادى جدا

فقال لى : تعالى أعرفك على بنت عمى

فعرفنى عليها _ هى كانت جاية هى و خطيبها _ كانت عادية ليست على درجة من الجمال

و كان بيبص لها بنظرة عاطفيه (تحس ان فيها لهفة على زعل)

ما كانش باصص لى خالص

و لما جه يسلم عليها : سلم على كفها بيديه الاثنتين

طبعا أنا لاحظت _ بس عملت عبيطة

بعد الخطوبة فى الكنيسة روحت معاه لبيت العروسة

و كان عشان توصل بيت العروسة لازم تركب حاجة اسمها كارتة

سألنى : ركبتى الكارتة قبل كدة ؟؟

قولت له : يعنى إيه كارتة ؟؟

فقال : حاجة شبه الحنطور

روحت أركب الحنطور درجٍ درجٍ

أول مرة أشوف الكارتة

الفرق بين الحنطور و الكارتة فى السواق _ دا حصان و دا حمار (دا كلامى الموجه له) :new6:

تحس لما تركب الكارتة : إنك راكب عربية كارو

الكارتة وصلت لغاية حتة كدة فى أدغال اسكندرية و بعدين ما دخلتش اكتر من كدة

حارة جوة حارة جوة زقاق جوة جوة

نفس شكل بيتهم بس أكثر فقرا

و دخلت بيت العروسة

بيت ضيق جدا (عايشين ازاى الناس ديه؟؟_ بيناموا ازاى؟؟)

قعدت جنب خطيبى على أريكة شبه مكسورة (قديمة جدا)

اتقدم الاكل على اطباق من البلاستيك

كل طبق فيه ورك فرخة

طب يتاكل ازاى من غير ما يتحط الطبق على ترابيزة

ما فيش مكان

يعنى امسك الطبق فى ايد و اكل بالتانية ؟؟و لا ادفس راسى فى الطبق دايركتلى ؟؟

اتفرجت على الناس بتاكل ازاى

لاقيتهم ماسكين الطبق فى ايد

و الايد التانية ماسكين وراك الفراخ من الدبوس و رازعين الورك فى بؤهم

روخر خطيبى عمل كدة

مالك ما بتاكليش ليه ؟؟

لا لا ما فيش حاجة

على فكرة عيب ما تاكليش

مش قادرة الصراحة _ عندى برد فى معدتى _ حاسة ح ارجع هنا و ح اعملك مشكلة _ خلص انت اكلك و روحنى

و فعلا

دا الل حصل

ما قدرتش آكل

و هو مشى معايا لآخر الحوارى و ركب معايا الكارتة تانى لغاية أول الشارع العمومى و ركبنى تاكسى

و رجع هو على فرح أخيه

و أنا روحت البيت

يتبع​

​

 

[AL MALEKA HELANA]

الكلام ده حقيقي يا بت يا ايريني ولا انتي بتحكي فيلم هندي ههههههههههههههه اصل الموضوع كلة عيب في حق الطب والهندسة ��
اومال انتي واسرتك ضايفتوا المعازيم في حفلة خطوبتك ازاي وفيييييييين !؟ واكلتوهم اية !!!؟

 

[gaser2]

بابا قال : ماشى (بامتعاض)

​

ههههههههههههههه

 

[+إيرينى+]

العريس قعد اسبوعين لا ييجى و لا يتصل

و انا ما اتصلتش بيه

بابا و ماما شكوا فيا

أكيد دبيتى فى الكلام معاه

لا صدقونى و لا جيت جنبه حتى :new6:

أومال ما بيتصلش ليه ؟

أنا ايش عرفنى يعنى ؟

ما تتصلى بيه

حاضر

ترن ترن

اخته الكبيرة ردت

ازيك يا فلانة و ازى فلان ؟ ما بيتصلش و لا بييجى -- خير ؟ :dntknw:

لا ما فيش حاجة _ هو كويس

بركة انه بخير _ طب هو موجود

نايم

(كانت الساعة 8 بالليل/ كان يوم أحد _ أجازة المكتبة)

نايم ؟؟ الساعة 8 بالليل ! _ على العموم سلمى عليه

لما يصحى ح اخليه يكلمك

لا لا ما تتعبيهوش _ عشان انا بانام 9 بالليل

طب مش عايزة حاجة

لا شكرا

باى

باى

________________

بعديها بخمس دقايق

ترن ترن

الو

ازيك يا ايرينى

صح النوم _ ايه لا بتيجى و لا بتتصل يعنى ؟

لا ابدا كنت زعلان شوية

ايه الل زعلك

لا لا حاجات انتى ما لكيش فيها

طيب _ مش عايز حاجة ؟؟

لا انا جاى الحد الل جاى

اهلا و سهلا

باى

باى

___________________________

يتبع​

​

 

[عبود عبده عبود]

أكيد دبيتى فى الكلام معاه
​

 

[R.O.R.O]

:new6::new6::new6::new6:
​

 

[حبو اعدائكم]

هاموووت مش قادره أستنى. كملى يا ايرووو

 

[بايبل333]

هههههههههههههههههههههههههههههههههههههههههه
ههههههههههههههههههههههههههههه
مسكت نفسى من الضحك على الصورة دى علشان انا عارف ان البيت هيرزعنى شتائم

 

[+إيرينى+]

جه العريس زيارته

و روحنا اتمشينا على الكورنيش

انت يعنى غيبت اسبوعين لا حس و لا خبر

أبدا كنت غضبان

غضبان ؟ إيه الل غضبك ؟

ما تشغليش بالك

طيب

هو إنت بتنام 8 بالليل ؟؟

لا خالص _ أصل لما بأغضب بأنام

بتهرب من مشكلتك بالنوم _ تصحى تلاقيها مستنياك _ غريبة جدا

أنا على فكرة ما بحبش الست بتاعتى تشتغل
(تغيير مفاجئ للموضوع)
خير ما عملت

يعنى إنتى موافقة ما تشتغليش بعد الجواز ؟

أيوة _ عادى

سكت

_______________


يوم الأحد الل وراه

و برضوا و احنا بنتمشوا على الكورنيش

أنا على فكرة بأدى مصروف 50 جنيه فى الشهر لأختى الصغيرة و 250 جنيه لأمى فى الشهر برضوا

يعنى باقى 80 جنيه ؟

أيوة

طب 80 جنيه ما يأكلوناش عيش حاف أنا و إنت

سكوت دامس

يعنى مش فاهمة يعنى : ح نسجل نفسنا فى اخوة الرب فى الكنيسة و لا ايه ؟؟

سكوت

انا الحقيقة مش فاهماك معلش _ الاسبوع الل فات قولت انك مش عايزنى اشتغل بعد الجواز

و الاسبوع دا جاى تقول 80 جنيه ح نعيش بيهم

انت يعنى بتطفشنى يعنى عشان الدبلة و الانسيال الل انت جبتهم فى الخطوبة ؟؟

لا لا لا ما اقصدش كدة خالص

يا عم خد حاجتك و حل عنى (و بدات اخلع الدبلة والانسيال من ايدى)

يا ستى ما اقصدش

اومال تقصد ايه ؟؟

انا باوصفلك ظروفى

ظروفك ؟؟

ما قولتش ظروفك ديه لبابا لما جيت اول زيارة ليه ؟؟ _ لا مش فاهماك الصراحة

سكوت دامس

انت ما بتردش عليا لما باوجهلك اسئلة ليه ؟؟

سكوت دامس

لا فيه حاجة مش صح

سكوت دامس

لا ما هو مش ح أقعد أكلم نفسى كدة يعنى

سكوت دامس

يا دي الليلة السودة

قومت انا كمان سكت و قعدت احلل كلامه فى دقيقتين و انا مبحلقة فى وشه

تكونش تقصد انك عايزنى اشتغل بعد الجواز و ح تاخد انت مرتبى كله ؟؟

سكوت دامس

ايوة هى ما تتفهمش غير كدة _ إنت تفاجأت بموافقتى على قعدتى فى البيت _ إنت كنت عايزها تيجى منى إنى أصر على العمل _ و طبعا كنت ح تعمل نفسك بتتنازل تنازل كبير جدا عشان توافق على إنى أشتغل _ قعدت تفكر انت و اهلك الاسبوع الل فات دا كله و ألفت قصص مصروف أختك و أمك _ أيوة فعلا لأنك ما قولتليش موضوع مصاريفك الاسبوع الل فات_ أيوة هى كدة _ هى وضحت

سكوووووووووت

لا أنا كدة بأكلم نفسى

سكووووووووووووت

إنت فيه إيه ؟؟ ما ترد عليا ؟؟ أنا صح و لا غلط ؟

سكوووووووووت

لزومه ايه اللف و الدوران ؟؟ :thnk0001:

سكوووووووووت

أنا عايزة أروح

و فعلا روحت البيت

و فى السكة _ ما فيش داعى تطلع البيت _ روح انت _ باى

باى


دخلت البيت

إيه فين خطيبك؟

قولت له يروح بيته

ليه ؟

حصل كيت و كيت

إنتى ازاى تقلعى الدبلة و الانسيال من غير ما ترجعى لنا _ إفرضى قال : ما اخدتش منها حاجة ؟؟

ما يقول _ و هو مالوش حاجة عندنا

ما تدخليناش فى مشاكل _ إياكى تعملى الحركة ديه تانى

حاضر

هو التحليل الل انا عملته : صح ؟

اكييييييد تحليلك صح 100%

ايه رأيكم طا؟؟

سكووووووووت

لا بأة - هو ساكت و انتوا ساكتين _ دا إيه المرار دا ؟؟ :new2:

يتبع
​

​

 

[عبود عبده عبود]

انا الحقيقة مش فاهماك معلش _ الاسبوع الل فات قولت انك مش عايزنى اشتغل بعد الجواز

و الاسبوع دا جاى تقول 80 جنيه ح نعيش بيهم
انت يعنى بتطفشنى يعنى عشان الدبلة و الانسيال الل انت جبتهم فى الخطوبة ؟؟

​

​

​