وانا اتذكر اخويا وهو بيتحايل عليا اسجل فى المنتدى وانا كنت بزهىء اوى وحساه غلس كدة ومش عايزة اسجل واقوله يابنى انت كل شوية منتدى الكنيسة منتدى الكنيسة وتفتح على منتدى الكنيسة وبعد كام شهر قولت اسجل بقى وعرفنى على الناس هنا كانت فيتا وتويتى اول الناس الى اتعرفت عليهم وكان اخويا هو الى عرفنى عليهم ولزقت فى المنتدى اوىىىى لزقة فظيعةة و بقيت زى اخويا ادخل نت افتحه ومقفلهوش غير لما اقوم واخويا هو الى اتشغل وبطل يدخل هههههههههههههه
يااه بس زمان كانو المشرفين بيفتحو الماسنجر كتير وكان كوك ( كوبتك مان ) لسة بيدرس بقى وكنا فاضيين وكل يوم جمعة بنعمل كونف بيبقى فيه كله مشرفيين واداريين وانا كنت العضوة المباركة الوحيدة فى الكونفرانس هههههه وبعدين كل واحد اتشغل بحياته بقى والعالم بقت يجو ماسنجر فرادى ومبقاش فى كونفات
يااه كانت ايام حلوة اوى وكنت لسة معرفش روك خالص وكنت بخاف اوى منه واقول طب هو بيتكلم عادى ولا بيطرد بس ولا ايه نظامه وبعدين لما اتعرفت عليه لقيته عسول بقى واتعرفت على كل الناس هنا ومنهم ناس شفتها
فكرتونى بالذى مضى
