ذكرياتك ..... هنا! ــــــــــــــــــ تعال وشارك

[+Roka_Jesus+]

وانتى ليه تعصبيها وتكتبى الموقف مرة واحدة مش عارفة ممكن تعمل فيكى ايه ؟ .. لا انتى عصبتيها اوى لو عملت فيكى اى حاجة هعزرها

هههههههههههه
بوتجاااااااااااااااااااااااااااااز يونيفرسال:t26:
​

 

[+Sameh+]

كنت عضو جديد بالمنتدى وكنت داخل بعضويه مينا*
وكتبت نكته وكانت نكته واحده ...
لكن صبرت يوم..اتنين محدش رد عليا
قمت عملت عضويتى الجديده Hero_M.G ودخلت موضوعى ورديت على نفسى:smile02
بس كان ليا ابن عمى هنا بالمنتدى وعرف انى انا اللى رديت ففضحنى
بعدها لاقيت امه لا اله الا الله دخلت موضوعى وفضلوا يضحكوا ويترريقوا:hlp:
بس لما قابلته قمت بالواجب معاه :t32:
​

 

[+bent el malek+]

انا بصراحة ليا موقف حصل معايا هنا فى المنتدى ويمنكن هو بس اللى صدفتة قدامى ويمكن خلانى فى فترة اخدت انطباع وحش عن المنتدى وكنت هنسحب انا كنت لسة يعتبر جديدة فى المنتدى ونزلت مواضيع بسيطة وجيت بعدها نزلت موضوع بيتكلم عن الابراج وعلم الفلك تقريبا وفجأة لقيت روك راح قفل الموضوع بطريقة صعبة جدا بالاضافة انة كتب تحت الموضوع يغلق ويترك لكى يعتبر عبرة عشان محدش ينزل موضوع زية طبعا انا بصراحة اضايقت جدا وقولت اتعامل بالعقل وعملت سيرش فى المنتدى لقيت زية اكتر من 14 موضوع وجبت اللينكات بتاعت المواضيع وبعتها لروك فى بروفايلة طبعا مردش عليا خالص بصراحة انا مكنتش اتوقع نهائى التعامل يكون بالشكل دا رحت كلمت مينا coptic man ابن خالى وحكيت اللى حصل راح حزفهولى بس كفاية الاحراح بصراحة
وميرسى يا توين على موضوعك
​

 

[ميرنا]

مش فاكرة صراحة ايه رائيك افادنى الله مش كدا

 

[+Roka_Jesus+]

مش فاكرة صراحة ايه رائيك افادنى الله مش كدا

جزاكي الله خيرا:smile02
​

 

[ميرنا]

جزاكي الله خيرا:smile02
​

اى خدمة يا اخت روكا

 

[+Roka_Jesus+]

اى خدمة يا اخت روكا

بارك الله فيكي يا اختاه:smile02
​

 

[Twin]

عودة ......

أفتكر مرة حصل موقف خلاني في نص هدومي
موقف كان مع العضو علاء كامل وإسماشيل
كانت إسماشيل عاملة موضوع للعضو علاء كامل وبأسمه وكان أسم الموضوع دعوة الي علاء كامل
وأنا مش كنت واخد بالي أن الأسم بالشكل ده alaakamel30
وراسلته وقلتله كدة مش ينفع أنك تكتب أسمك ع العام وثنائي
الرجاء تطلب تغير أسم الموضوع
ههههههههههههههه

وطبعاً بعد التدقيق أتفاجأت أن أسم علاء كامل هو هو alaakamel30
بس كان العتب ع النظر :close_tem​

 

[whiteeagle2]

انا بقي ليا زكريات جامدة جدا
ld:ld:ld:
انا دخلت اساسا المنتدي عشان كلمة واحدة
مخدع الصلاة
دخلت اطلب صلوة .......وابتديت اكتب ردود
واستني حد يعبرني ويقول اي حاجة.......ابدا
شكلي كدا هعمل زي مينا واغير اسمي وادخل ارد علي نفسي
:t7::t7::t7:
​

 

[REDEMPTION]

+


يااااااه .. الموضوع ده هيكون من أحب المواضيع لقلبي .. انا عارف نفسي

كنت مشترك في منتديات اخرى .. كان كثيراً لا يعجبني التشتت و التهريج الزائد بها ... لذا لم أكن مداوم على التواجد بها .. و وجدت منتديات الكنيسة .. و اشتركت .. و ظللت لمدة طويلة غير فعال .. (عامل عضو - على رأي قداسة البابا ) و كدت ان انسحب ذات يوم تماماً لعدة اسباب .. تبين خطأي فيما بعد .. أو حكمي المتسرع .. و تعلمت ان لا احكم بسرعة على الاشياء .. و ان اعطيها الوقت الكافي قبل ان اصدر حكم .

اتذكر امير (توين) .. السمردلي (قلم حر) .. فادي .. ابن الشرق .. ماي روك .. مينا كوبتك (كوبتك مان) .. ميرنا .. ارتاميس .. رامي غبريال .. ميريت .. جومانا .. مايكل .. انسر مي .. صوت صارخ .. و الكثير ممن كنت اعتبرهم جنود اقوياء .. ولازلت

ترتيب الاسماء ليس بحسب درجة القرب لقلبي .. و لكنه ترتيب عشوائي بحت

اتذكر حواراتنا سوياً في قسم المشرفين و في باقي الاقسام .. بل و على الهاتف احياناً مع البعض منهم .

اتذكر اول لقاء تم بيني و بين توين .. كان من اروع اللقاءات .. اتذكر لقائي مع كوبتك مان و رامي غبريال و توين ايضاً .. كان من اروع اللقاءات ايضاً

اتذكر ذلك الاحساس العجيب الذي كان يعتريني و انا نشيط في المنتدى .. ايماني الشديد بان الانترنت يمكن ان يحضر خراف لحظيرة السيد الرب .. المناخ العائلي المحبب إلي قلبي .. اتذكر .. يا الله ! .. ليتكم تدركون شعوري الآن .. ربما تغيرنا .. او الحياة تغيرت .. و لكني اعتقد ان التغيير حدث بداخلنا نحن .. ربما نضجنا أكثر .. او إبتعدنا أكثر .. لا اعلم الحقيقة .. و لكني اعلم أمراً مهماً .. وهو ان تلك الحقبة من حياتنا لا يمكن ان تُمحى .. لانها ذكريات جميلة .. كنا نمتلك فيها قلوب بريئة .. و افكار نقية .. و ربما لا يزال البعض يمتلكها .. على الاقل تاهت مني انا في خضم حياة صاخبة .

اما عن أستاذي الذي احبه من اعماق قلبي صوت صارخ .. فالحقيقة انه هو من كان يشجعني ربما دون ان يعلم .. كلامه الطيب .. محبته الرائعة ..

الحقيقة ان لكل ركن في هذا المنتدى العملاق ذكريات رائعة تجول و تتصارع الآن في ذهني .. سأقصها عليكم تباعاً عندما يحين الوقت لذلك

تحياتي

 

[twety]

امممممم فكرة حلوة يا توين بجد
ميرسى لتعبك

بس انا طبعا مش فاكرة دلوقت بس هاجى طبعا
لما اشغل المخيخ وافطر ههههههه

بس ممكن احكى عن ناس المنتدى لما شوفتهم
ولا مواقف وطرائف هنا اونلى

 

[My Rock]

أتذكر... عندما كنت المشرف الوحيد في المنتدى.. لم يكن هناك قوانين ولا نظام معين.. المنتدى كان يمشي بإدارة كل حوار وكل موضوع على حدة.. فكان النسخ واللصق مسموح والنقل مسموح والتعدي من قبل المسلمين مسموح لدرجة ما..
الحوارات في العقيدة كانت بصورة معكوسة، اكثر من مسلم في موضوع وانا وحدي ارد واشرف وادير المواضيع.. لم يكن لدي شعور بالوحدة لاني كنت اشعر بأن هذه كانت مرحلة مؤقتة.. كان لدي شعور ان الفعلة في الطريق للمعونة..

 

[ABOTARBO]

+ افتكر مرة كنت بعمل فهرس منتدى المسيحى الكتابى وبعد حوالى 13 صفحة تقريباً من اضافة اللينكات وجاى اضغط اوك للموضوع
النور قطع ههههههههههه يااااااااااااااااه كان هايجيلى شلل بصراحة :heat:

​

 

[+Nevena+]

+ افتكر مرة كنت بعمل فهرس منتدى المسيحى الكتابى وبعد حوالى 13 صفحة تقريباً من اضافة اللينكات وجاى اضغط اوك للموضوع
النور قطع ههههههههههه يااااااااااااااااه كان هايجيلى شلل بصراحة :heat:

​

سلامتك
هو فعلا موقف بيضايق قوي

بس اقولك فكره بقي
اي موضوع عايز تعمل
خدوه كوبي في صفحه ورد واحفظه
لو النور قطع الجهاز فصل
يبقي عندك نسخه منه

هي فكره قديمه طبعا معروفه للاغلبيه
بس اهي تذكير برده
:99:

 

[ABOTARBO]

سلامتك
هو فعلا موقف بيضايق قوي

بس اقولك فكره بقي
اي موضوع عايز تعمل
خدوه كوبي في صفحه ورد واحفظه
لو النور قطع الجهاز فصل
يبقي عندك نسخه منه

هي فكره قديمه طبعا معروفه للاغلبيه
بس اهي تذكير برده
:99:

هههههههههههه كانت فين الفكرة دى ساعتها
بس فعلا تلقائى اتعلمتها وبعد كدة بقيت اطبقها حتى على الموضوعات الصغيرة..

 

[+Nevena+]

انا جيت تاني
شكل الزهايمر بيتمحي قدام الموضوع هنا
ههههههههههههههه

افتكر في بدايه دخولي
كنت بدور علي ترنيمه وكتبت اسمها في جوجل
فجه الاسم تبع منتدي الكنيسه
فدخلته وانا بلف في المنتدي
دخلت قسم الكتابات
ولاقيت اشعار طارق REDEMPTION
بصراحه اسمه شدني وما كنتش اعرف معني
الشعر او الخواطر او النثر وغيرها من مسمي
بس كانت كتاباته عميقه وبتشدني جدااااااا
وانا كنت بحب اقرأ قوي الاشعار كل جمعه في جريده الاهرام
وكنت بحاول اشتري كتب اشعار بس دنينه

قرايت في اليوم دا اغلب الكتابات اللي في القسم
وقررت اسجل في المنتدي
وكان اغلب تواجدي في القسم دا بالذات

وبعد كدا اتعرفت عليه وبقي اخ قبل صديق ليا
ومكنش بيبخل عليا في وقته رغم انه كان مشغول جدا

بجد اي كلمه شكر مش تؤفي حقه
يسوع يبارك خدمته وحياته
ويفرحه دايما

 

[سمعان الاخميمى]

أتذكر بداية مشاركتى فى المنتدى عملت موضوع وادرجت فيه صور من مواقع اسلامية وكان فى ذهنى ان الموضوع هيبقى قنبلة وان اخواتى فى المنتدى هيفرحوا بيه وهيبقى موضوع جامد جدى على رأى سى جونى ههههههههه:big33:
وبعد ما انتهيت من انشاء الموضوع كان ورايا مصالح شخصية عملت shut down للجهاز وبعد ما انتهيت من المصالح رجعت بسرعة فتحت الجهاز وطيران على منتدى الكنيسة اشوف المشاركات الجامدة من أعضاء المنتدى لكن هول المفاجأة جعلت شعر رأسى يقف لقد وجدت رسالة ادارية تتصدر الصفحة دون وجود اى قسم سذكر للمنتدى تطلعت لمحتوى الرسالة وجدتها تقول :sha:
لقد تم حظرك من قبل الإدارة مدة 24 ساعة بسبب مشاركاتك السافلة مستخدما القص واللصق من مواقع سافلة.

 

[Desert Rose]

أتذكر بداية مشاركتى فى المنتدى عملت موضوع وادرجت فيه صور من مواقع اسلامية وكان فى ذهنى ان الموضوع هيبقى قنبلة وان اخواتى فى المنتدى هيفرحوا بيه وهيبقى موضوع جامد جدى على رأى سى جونى ههههههههه:big33:
وبعد ما انتهيت من انشاء الموضوع كان ورايا مصالح شخصية عملت shut down للجهاز وبعد ما انتهيت من المصالح رجعت بسرعة فتحت الجهاز وطيران على منتدى الكنيسة اشوف المشاركات الجامدة من أعضاء المنتدى لكن هول المفاجأة جعلت شعر رأسى يقف لقد وجدت رسالة ادارية تتصدر الصفحة دون وجود اى قسم سذكر للمنتدى تطلعت لمحتوى الرسالة وجدتها تقول :sha:
لقد تم حظرك من قبل الإدارة مدة 24 ساعة بسبب مشاركاتك السافلة مستخدما القص واللصق من مواقع سافلة.

هههههههههههه thats so funny ياسامح ضحكتنى وانا يومى كان كئيب انهاردة
ههههههههههههههههه بجد موقف تحفة خالص

 

[+Nevena+]

هههههههههههههه
يا ساتر يارب
افتكروك من جيش العدو ولا ايه ؟

 

[سمعان الاخميمى]

هههههههههههه thats so funny ياسامح ضحكتنى وانا يومى كان كئيب انهاردة
ههههههههههههههههه بجد موقف تحفة خالص

هو تحفه وبس كان يومها اخويا قاعد جنبى بالصدفة وفتحت قدامة الرسالة الإدارية ومن يومها ماسكة زله عليا كل شويه يقولى اسكت ياصاحب المشاركات السااااااافله اه لو اعرف بس مين المشرف اللى عملها فى ؟؟؟؟؟؟؟