ذكرياتك ..... هنا! ــــــــــــــــــ تعال وشارك

[Twin]

أفتكر يوم لما غيرت أسمي من Amir الي Twin
كان من أجمل أيامي في المنتدي وخاصة أن الأسم بقي شكله حلو وهو قصير ​

 

[lo siento_mucho]

اجمل ذكرى ليا هنا
هي يوم ما كتبت شاهدتي في المنتدى
حسيت بانتصار وسلام داخلي كبير
كاني كنت ف حرب وخرجت منها منتصره
موضوع جميل
شكرا ليك

 

[عاشقة البحر]

فعلا لكل واحد منا عندو ذكريات فرحة وذكريات حزينة :66:

 

[REDEMPTION]

+

أتذكر عندما كنت اقوم بإعداد مواضيع لاهوتية أو ردود على شبهة او سؤال ما .. كنت اضع (مرتبه) في الصالة .. و اختار بعناية الكتب و المراجع التي تتحدث عن الموضوع الذي انا بصدد إعداده و اصففها حولى - وبالمناسبة انا اقتني مكتبه دسمة للغاية - وكنت اختار الصفحات التي سأقتبس منها و اترك الكتب مفتوحة على هذه الصفحات .. و كان اي شخص يدخل علىّ و يجدني بهذا الشكل ينفجر ضاحكاً ... اذ ان شكلي وقتئذ بالتركيز الشديد الذي كان يبدو عليه .. و قلم رصاص خلف أذني لتعليم الفقرات التي سأقتبسها .. و (جردل) شاي بجواري يثير الضحك ..

اتذكر أحلامي مع روك لتسجيل المنتدى بصفة رسمية و تسجيل اسم ولوجو المنتدى ليصبح علامة مسجله و انشاء مبني او مكتب حقيقي للمنتدى ذات ترخيص رسمي .

يتبع

 

[REDEMPTION]

+

اتذكر عندما قمت بتصميم هذه الصورة في عيد الحب و كان ذلك في عام 2006 تقريباً - وشوفتها كتير على الفيس بوك, ناس كتير حطاها في البروفايل - و ارسل لي روك جائزة وهي فيلم قصة الميلاد the Nativity Story و كانت نسخة بلو راي Blu-Ray رائعة, و معها فيلم ألآم المسيح لميل غيبسون و عندما جائني الطرد من الدولة التي يقطن فيها روك .. وجدت مكتوب عليه بالعربي ((يحول أمن دولة)) هههههههههههه .. فقولت لنفسي خلاص يا عم طارق اسمك راح أمن الدولة .. طبعاً مش هعرف اوصف فرحتي كانت إزاي .. انا لغاية دلوقتي محتفظ بالظرف .. و الافلام طبعاً .. كانت ايام جميلة جداً

الصورة بقى اللي فزت بيها -

 

[جيلان]

يا بختك يا استاذ ريدمبيشن نفسى اكسب مرة انا ههههه

 

[$CinDrellA $]

طب واللى عنده زهايمر ومش بيفتكر اصلا يكتب ذكريات ازاى ​

 

[REDEMPTION]

يا بختك يا استاذ ريدمبيشن نفسى اكسب مرة انا ههههه

+

أغششك يا جيلان

 

[جيلان]

+

أغششك يا جيلان

ياريت تمشوها كوسة نفسى يجيلى هدية فى طرد :smile02

 

[Coptic MarMar]

مممممم ...
انا أفتكر برضه يوم ما كسبت
واتبعتت لى الهدية والمفروض كان واحد بيجيبها لحد البيت
وتقريبا كان مكتوب هى كانت مبعوته منين
وكان ايامها ايام رسومات الرسول بتاعت الدنمارك
واللى جابلى الهدية بقى قالى انتى تعرفى حد هناك
وكان واقف مستنى انى افتح الهدية :smile02:smile02
وده كان الساعة 9 الصبح تخيلوا بقى تصحوا من النوم على الناس اللى بتحشر نفسها فى كل حاجة دى :smile02​

 

[+Nevena+]

افتكر اول ما غيرت اسمي للمره الثالثه
ههههههههههههههههههه
كان اسمي ......وبعد كدا محتاجه اليك يسوع
ومن محتاجه اليك يسوع الي اسمي ........
ومن اسمي ........ الي gospel life

اغلب الناس بقيت تتلخبط بيني وبين الجميله تروث
ويبعتوا تقييم او رساله علي اساس اني تروث

وانا ابعت رساله اقولهم اني انا فلانه مش تروث
حسيت ان الناس اعتقد مني وانا كمان اعتقدت من نفسي
بس وانا بختار الاسم بجد مجاش في بالي ان فيه حد اسمه قريب مني خالص بس هي جت كدا بقي


بفكر اغيره تاني
واعتقد انها هتكون الاخيره
لاني هاطرد فيها من روك
الراجل زهق وليه حق
ههههههههههههههههه

 

[grges monir]

الراجل زهق وليه حق
ههههههههههههههههه

هو بس اللى زهق جوسبل ههههههههه

 

[Desert Rose]

مش عندى ذكريات ,مش فاكرة حاجة

 

[zama]

في مرة كنت بدخل الشات زمااااااااااااان أووووي ، وقت ما كنت فرحان بالكمبيوتر ،

المهم ، كنت فرحان و عايز أهرج أخر حاجة ، دخلت حجرات الشات ، المهم شبكت مع واحد ،

كان من الشام _ بحسب كلامه _ المهم أعدت يومين أو 3 أكلم فيه بلا هدف كدا ،

كنت بعمل أي هبل ، المهم الزبون بيكلمني و بدأ يناديني بالضمير " أنتي " بدال أسمي المعلن ،

المهم أنا ما علقت و أعتقدت أنه خطأ مطبعي منه ، و الزبون مازال مستمر ،

فقلت له " أنت بتعاملني ليه علي أني بنت " ؟؟ !!

قالي " أسمك بناتي في بلدنا " ، راح خنقني فعلاً ، فأخدت موقف من الشات عموماً و تم التعامل مع الزبون ..

 

[Twin]

أفتكر يوم لما روك كلمني أبقي مشرف ........ أنا بصراحة أتخضيت موت ومعرفتش أرد عليه
بس لما تمالكت نفسي ,,,,,, رحت سألته علي المرتب :smile02
ونسبة الذيادة السنوية عليه :gy0000:​

 

[staregypt]

ياخساره والف خسارة
مافيش عندى اى ذكريات
لكن لما قريت ذكرياتكم
حبيتها
وعشتها
وضحكت
وفرحت
لفرحكم بذكرياتكم الجميلة
كنت اتمنى لو عرفتكم من زمان
بس موضوع جميل جداااا
:smi411:
:smi411:

​

 

[+Nevena+]

أفتكر يوم لما روك كلمني أبقي مشرف ........ أنا بصراحة أتخضيت موت ومعرفتش أرد عليه
بس لما تمالكت نفسي ,,,,,, رحت سألته علي المرتب :smile02
ونسبة الذيادة السنوية عليه :gy0000:​

ههههههههههههههه
طب بيتاخد كام بقي ؟؟؟؟؟




















متخفش محدش هنا بيحسد غيري leasantr
قول وانت مطمن وفي بطنك شادر بطيخ صيفي
:t31:

 

[جيلان]

ههههههههههههههه
طب بيتاخد كام بقي ؟؟؟؟؟




















متخفش محدش هنا بيحسد غيري leasantr
قول وانت مطمن وفي بطنك شادر بطيخ صيفي
:t31:

باليورو هههههههههه

 

[Twin]

كل مرة أفتكر فيها كام مرة أعتذرت عن الأشراف ويترفض ..... أفكر أعتذر تاني

وده طبعاً علشان أصفي مستحقاتي لدي الأدارة​

 

[إسرافيل]

فى كل مرة أبحث عن الذكريات أكتشف أن الماض مندمج مع الحاضر مندمج مع المستقبل فكأنى بلا زمن أو ذكريات.