خلاص انا تعبت جدا وحاسس اني عاوز اموت

[منحوس]

انا شاب عندي 29 سنة

وحيد مليش اخ او اخت

بابا مات من 5 سنين بعد مرضه ب شهرين فجاة

وانا من ساعتها وانا عايش مع ماما

وبقالي 7 سنين بدور على شغل ومش لاقي

انا نفسي اخلص من حياتي

لاني حاسس باني منحوس وجاي الدنيا علشان احزن واتعزب

تخيلوا دورت على حاجة واحدة حلوة في حياتي مش لاقي

بحاول افتكر لحظة حلوة فرحت فيها مش لاقي

بابا قبل ما يموت عشت معاه شهرين من المرار في المستشفى والبيت

هو جاله تليف في الكبد واستسقاء وكانت بتجيله حالات غيبوبة بتفقده وعيه

وكان بيتصرف اكنه مش في حالة عقلية سليمة لما الغيبوبة تجيله

اتعزبت كتير جدا برؤيته وهو بيموت كل يوم قدام عيني

وماما كمان بتتعب على فترات

علطول صحتها مش حلوة وعندها ضغط

غير انه في فترة من الفترات من كام سنة جالها مرض الهوس او الاضراب الوجداني

ودخلت المستشفى واتعالجت على اساس ان ضغطها عالي يعني مكتشفوش اي حالة نفسية بس طبعا بعد ما حصلها شبه فضيحة للناس اللي شفوها بالحالة دي من قرايبنا والله اعلم مين شفها كمان

لان مريض الهوس بيكون عنده انفعال زايد وحركة زيادة ومش بيبقى مركز او دريان

الغريب ان ماما دي مؤمنة جدا وممكن تقف تصلي بالسعتين والتلاته متواصل

بتصلي كل صلوات الاجبية والتسبحة وهي واقفه على رجليه بدون تعب

وبعد ما حالتها بقيت كويسة واستقرت والكلام ده من يجي 5 سنين دلوقتي الظاهر ان الحالة هترجعلها تاني

لان تصرفتها مش طبيعية شوية ومش مركزة لدرجة ان واحد قريبي شفها ولاحظ عليها تغير في السلوك

انا عارف اني انا من اسباب تعبها لاني فاشل ومقدرتش اشتغل مع العلم اني معايا مؤهل عاالي

انا تعبان ومش فاهم ليه ربنا بيسمح اني اشوف التعب ده كله

يارب طيب لو انا مش نافع ومليش لزمة في الدنيا ليه بتسمح ان ماما تتعب بسببي وبسبب فشلي

مفيش حاجة تستاهل اني اعيش

بابا مات وسابني وماما حبيبتي صحتها تعبانة ويمكن اكون من الاسباب الرئيسية في تعبها

اعمل ايه انا تعبان وزهقت من الدنيا كلها

اذكروني في صلوتكم لاني نفسي اموت وارتاح

واسف اني بتكلم بدون تركيز لان عنيا كلها دموع وحالتي زفت

 

[منحوس]

مش قادر حاسس اني لوحدي والدنيا زي الوحش المفترس مش عاوزه تسيبني

كل ما اقول الامور هتتحسن بتسوء اكتر واكتر

يارب خدني وريحني انا زهقت يارب خدني بقه انا تعبان

حاسس اني مش هقدر اعيش اكتر من كده لان اكيد بكره اسوء

عمري ما فرحت حد شاف حد عمره ما فرح

تخيلوا بعد تخرجي بابا يموت يعني حتى ملحقتش افرح معاه

فيه نحس اكتر من كده

يارب خدني ارجوك

 

[apostle.paul]

شوف يا حبيبى انا مش هقلك كلام مواعظ بس هقولك كلمة بسيطة اوى كل دا لانك مش لاقى هدف تعيشله وكل متقابلك مشكلة فى حياتك بتحس انها نهاية العالم بالنسبالك
والدك فارق الحياة وكلنا هنفارقها سواء بتعب او بصحتنا وربنا بيعزى الكل والحياة بتعدى وتمشى ومش دى النهاية
والدتك انسانة متدينة بتحب ربنا من كل قلبها وانت حاسس انك سبب تعبها وحزنها
ليه مبتتكلمش معاها ليه مبتقربش منها وتحكلها ليه مبتخلاهاش صديقة ليك وتشوف سبب تعبها وحزنها
لو هى زعلانة انك مش شغال كلمها وقولها ان كتير مش لاقيين شغل بس ربنا اللى احنا متمسكين بيه قادر يدبر كل شئ فى ميعاده
اتكلم معاها
الاهم من دا كله روح عاتب ربنا نفسه بكل اللى فى قلبك
اقف قدامه وقوله اللى فى قلبك وساعتها هترتاح
عاتبه وانا بقولك اتخانق معه وفكره بوعوده ليك وقوله فين الراحة اللى انت قولت هنحس بيها واحنا معاك
وعلشان ترتاح دور على هدف يكون هو محور حياتك الاساسى بدل ميبقى كل حاجة فى حياتك حصلتلك سبب فى حزنك ووجعك
واعظم هدف تعشله هو المسيح
عاتبه وكلمه وكلم والدتك فضفض وقول كل اللى نفسك وربنا سامع وشايف ومبينساش دموعنا
ومتخفش على والدتك ربنا هيديها الصحة علشانك وفى النهاية اتجمعوا كلكوا حوالين المسيح وانتوا هترتاحوا من التعب والحزن وفضفض معاه وهو سامعك وهيريحك

 

[منحوس]

انا مليش اخوات انا وحيد

مش بقولك منحوس ومفيش حد حظه وحش زيي

ماما علطول بتعزيني وتشجعني و هي بتبقى زعلانة جدا ومش بتبينلي يعني من جواها

اكتر حاجة مزعلاني الحالة اللي عندها دي اللي اسمها هوس او الاطراب الوجداني

طيب ماما بتصلي وعلطول بتتناول وتعترف وقريبه من ربنا جدا ليه ربنا يسمح بالتعب ده ليها

طب دي الوحيدة اللي ليا دلوقتي مليش حد غيرها اعمل ايه

اعمل ايه لان حاسس اني مش قادر اتصرف نفسي ربنا يجبلي اي مرض بس يشفيها هي

الله يخليكوم ادعولها هي لو كويسة انا هبقى كويس

يارب انا مش مشكلة انا اتعودت على الحزن والتعب بس اشفيها يارب

المشكلة ان بابا هو اللي كان بيعمل كل حاجة وانا من غيره حاسس اني طفل صغير مش عارف افكر او اتصرف

يارب اتصرف

 

[منحوس]

حاسس ان ربنا عمره ما سمعني

كتير حاولت اصلي بس مفيش حاجه بتتغير

انا فعلا وحش جدا ووقعت في خطايا كتيررررررر جدا وعلشان كده ربنا مش بيسمعني

حاسس ان عمر ما صلاة استجابة ليا من كتر خطايا

 

[+GOSPEL OF TRUTH+]

طب انا حياتي فيها قرف و صعوبات برضه و قرفت خلاص بس اهو عايشه و خلاص ههههههههه

غدا يوم اخر

الرب يفرجها عليك

لو فيه اجتماع صلاه يا ريت تحضره و اطلب يصلوا لاجلك عل الاوضاع تنفرج قليلا

ربنا معاك

سلام​

 

[Twin]

لي عودة يا باشا علشان نتكلم شوية

بس وحياة الدنيا والدين يا عم عايز واحد يسمي نفسه منحوس وميبقاش منحوس :smil8:

يا حبيبي صدق بس أنا ربنا موجود وكله للخير ومسيرها تنتهي​

 

[مكرم زكى شنوده]

هل الموت سيحل لك مشاكلك ؟؟؟؟
الموت مصيبة ليس لها مثيل ، لمن يموت وهو غير مستعد ، لمن لم يعيش حياة التوبة بأمانة
الموت هو فرح وإنتصار للذين عاشوا مع الرب بأمانة ، بل إنه لا يُدعى موتاً بل إنطلاقاً : [لى إشتهاء أن أنطلق وأكون مع المسيح ، ذاك أفضل جداً ]

++ فقبل أن تفكر فى الموت ، فكر فيما بعده ، هل ستكون فى الفرح مع المسيح ، أم فى الحزن الذى لا يماثله حزن
++ كل أحزان العالم لا تساوى شيئاً أمام ألم الجحيم
++ كل أحزان العالم لا تساوى شيئاً أمام الفرح الذى ينتظر الصابرين ، فى فردوس النعيم وفى ملكوت السموات
++ كل أحزان العالم ، مهما طالت ، لا تساوى لحظة واحدة من الأبدية