خطيبى ..... مش بيحمينى ...؟؟؟

[tota_patota]

سلام
انا اول مرة اشارك فى المنتدى الجميل دة
بس انا فعلا بتابعه من زمان
ولما واجهت مشكلة حبيت اخد رأيكم فيها
انا مخطوبة وبحب خطيبى جدا وهو كمان بيحبنى بطريقة ماتتصورهاش اى بنت فى الدنيا
لدرجة انه ممكن يعملى مفاجآت كل يوم
المشكلة بقى بدأت من كام يوم كدة مابيننا
كنت ماشية معاه فى الشارع
وكان فى راجل معدى مد ايده عليا
خطيبى لاحظ دة
لكن وقف فى مكانه وشتم عليه بصوت واطى جدا
وماعملش اى حاجة
ماتحركش حتى
ودة كان بمثابة الصدمة بالنسبة ليا لدرجة انى بكيت بهستريا فى الشارع
عمرى ماكنت اتصور ان دة ممكن يحصل منه
دة غير لما بندخل المحلات مثلا نشترى لبس العيد بيتكلم بصوت واطى وبيبقى مرتبك جدا
انما دة ماكانش مضايقنى
لكن فكرة انه يشوفنى وانا بتعاكس ومايتكلمش حتى دى خلتنى ممكن اضحى حتى بالحب اللى بيننا
يمكن صحيح اللى قالوا ان الحب وحده لا يكفى
محتاجة رأيكم جداااا
لأن الموقف دة ماحكيتهوش لأى حد من أهلى او اى حد اعرفه علشان ماكسفش خطيبى طبعا
بليييييييييييييز قولولى اعمل ايه

 

[روزي86]

بصي انا معاكي ان الموقف صعب اوي وممكن انتي في وضع محتاجه تحسي برجولته وخوفه عليكي

لكن تعالي نحسبها كده اديكي شايفه اللي بيحصل في البلد اليومين دول

شئ طبيعي انه حتي لو بتاع خناق في الوقت ده بالذات مش هيقدر يتكلم عشان خايف عليكي من اي رد فعل ممكن يحصلك لان غير محبب ان الشاب يتخانق ومعاه بنت انتي اول حد هيتبهدل وسط الزحمه دي كلها فهو يمكن سكوته ده ناتج من خوف عليكي ولو لوحده يمكن كان عرف يتصرف

لكن عشان بيحبك اوي فضل يسكت عشان مش تتأذي اكتر

من وجهة نظري انك مش تضحي بالحب لانه نادر انك تقابليه في حياتك وحاولي تفهميه اللي بيضايقك منه وهو هيحاول يتغير عشان بيحبك

لكن في الموضوع ده بلاش تتسرعي لانه خوف عليكي مش اكتر ولو انتي شايفه غير كده خلاص سبيه لو هتبقي مرتاحه

وربنا يفرح قلبك​

 

[روزي86]

نسيت اقولك نورتي المنتدي كله

وفي انتظار مواضيعك ومشاركاتك معانا​

 

[MIKEL MIK]

جمله واحده بس ياريت تفهميها كويس

الراجل اللي مش يقدر يحمي خطيبته مش يقدر يحمي زوجته​

 

[besm alslib]

اولا اهلا بيكي بالمنتدى معانا نووووورتي



برايي انك لازم تفرحي ان خطيبك مش بيعلي صوته لو شتم

وان صوته واطي لما بيخرج معك لانه مش حابب يلفت النظر ليكم

قصتك فكرتني بقصة وحده صاحبتي

هي قصتها العكس تماما الشخص المرتبطه بيه عصبي جدا ولو حد عدا وحس بس انه بيبصلها هيتخانق

وبالفعل اتخانق كتير بسبب الموضوع ده


لكن هل هي كانت سعيده ؟

طبعا لا لان اللي عندو استعداد يتخانق مع الناس ويلفت النظر ليه وللانسانه اللي معاه

صدقيني هيكون عنده نفس القدره انه يتخانق معاها ويزعقلها ويفرج عليها الناس لو حب

مش هتفرق معاه اي شي

ونقطه مهمه خليها في بالك لازم تفرحي انه مبيشتمش ولا بيعلي صوته لان ده معناه لو حصل بينكم سوء فهم مش هتسمعي موشح شتايم بالطول وبالعرض

وان صوته هيفضل واطي مش هيسمعه لحد

اعتقد ان رد فعل خطيبك هو لانه شخص محترم جدا ولانه زي مقالت روزي بيحبك وبيخاف عليكي تتبهدلي

وصدقيني ان كل ده لصالحك مش العكس


اتمنالك السعاده وانك متتسرعيش بقراراتك وتفكري بعقل قبل ما تاخدي اي قرار لانها مسالة عمر بحاله

يا تقضيه بسلام مع حبيبك

يا تسيبيه وتقضيه مع شخص تاني يمكن يعيشك في زعيق وخناق وشتايم بشكل دائم

​

 

[tota_patota]

بصي انا معاكي ان الموقف صعب اوي وممكن انتي في وضع محتاجه تحسي برجولته وخوفه عليكي​

لكن تعالي نحسبها كده اديكي شايفه اللي بيحصل في البلد اليومين دول​

شئ طبيعي انه حتي لو بتاع خناق في الوقت ده بالذات مش هيقدر يتكلم عشان خايف عليكي من اي رد فعل ممكن يحصلك لان غير محبب ان الشاب يتخانق ومعاه بنت انتي اول حد هيتبهدل وسط الزحمه دي كلها فهو يمكن سكوته ده ناتج من خوف عليكي ولو لوحده يمكن كان عرف يتصرف​

لكن عشان بيحبك اوي فضل يسكت عشان مش تتأذي اكتر​

من وجهة نظري انك مش تضحي بالحب لانه نادر انك تقابليه في حياتك وحاولي تفهميه اللي بيضايقك منه وهو هيحاول يتغير عشان بيحبك ​

لكن في الموضوع ده بلاش تتسرعي لانه خوف عليكي مش اكتر ولو انتي شايفه غير كده خلاص سبيه لو هتبقي مرتاحه​

وربنا يفرح قلبك​

بس انا مش فاهمة ازاى حد يحب واحدة ويعمل كدة
ازاى يشوفها بتتعاكس ويسكت
دة انا نفسى لما ببقى ماشية لوحدى فى الشارع من غيره لو حد عاكسنى ببهدله
انا فهمته وقلتله ان اللى حصل دة ضايقنى وافتكر هو كمان فهم دة منى انا وببكى
ووعدنى انه هيتغير
بس انا فعلا لسه مصدومة
وخايفة مايتغيرش واتعلق بيه اكتر فى فترة الخطوبة دى
وفى الاخر يبقى الحال كما هو عليه
شكرا على ردك واهتمامك

 

[tota_patota]

نسيت اقولك نورتي المنتدي كله​

وفي انتظار مواضيعك ومشاركاتك معانا​

شكرا ليكى ياقمر
وشكرا على الاهتمام دة كله

 

[tota_patota]

جمله واحده بس ياريت تفهميها كويس​

الراجل اللي مش يقدر يحمي خطيبته مش يقدر يحمي زوجته​

ماهى مشكلتى انى فاهماها
انا عارفة انه كدة عمره ماهينفع يبقالى زوج
لان احساسى بالامان راح تماما وانا معاه
لدرجة لما بمشى معاه ببقى عاملة حسابى انى هاخد حقى بنفسى
احساس صعب اوى للبنت انها مع الراجل اللى اختارته تضطر انها تبقى هى الراجل

 

[روزي86]

بس انا مش فاهمة ازاى حد يحب واحدة ويعمل كدة
ازاى يشوفها بتتعاكس ويسكت
دة انا نفسى لما ببقى ماشية لوحدى فى الشارع من غيره لو حد عاكسنى ببهدله
انا فهمته وقلتله ان اللى حصل دة ضايقنى وافتكر هو كمان فهم دة منى انا وببكى
ووعدنى انه هيتغير
بس انا فعلا لسه مصدومة
وخايفة مايتغيرش واتعلق بيه اكتر فى فترة الخطوبة دى
وفى الاخر يبقى الحال كما هو عليه
شكرا على ردك واهتمامك

خلاص لو انتي شايفه كده وان الطبع ده مش مريحك خلاص سبيه

بس خلي بالك لو ارتبطي بشخص عكس ده بردو هتتضايقي من تصرفاته وخناقه المستمر وانه هيزعجك كتير بس لو انتي بتحبي النوعية دي يبقي خلاص ده اختيارك اكيد

وانتي قولتي انه وعدك انه هيتغير ده دليل علي انه عايز يرضيكي اظن صعب اوي تلاقي حد كده في الزمن ده

نصيحة مني فكري تاني واديله فرصه ولو فرصه اخيره لانك صعب تحصلي علي فرصه زي دي تاني

وعشان مش تتعبي وتتعبيه خلاص قالك هيتغير استني وشوفي بنفسك بلاش تحكمي عليه من اول مره عشان مش تظلميه وتظلمي نفسك كمان

وربنا يرشدك ويكتبلك الخير دايما​

 

[!! Coptic Lion !!]

توتا نورتي المنتدي
نصيحتي ليكي
كل واحد او واحده في المنتدي
هيقولك رائيه بناء علي تجاربه الشخصيه او اي انطباع جواه
انا رائي اسالي اب اعترافك
هو الوحيد اللي هيقدر يدلك علي الصح
وربنا يدبرلك اللي فيه الخير

وفي حاجه انا عايز اقولها
انا صعيدي
وامي كنت بسمعها تقول دايما
مرات راجل ميخدهاش راجل
بمعني ان الزوجه بتكون مكتوبه للواحد من اول ما يتولد
ولو ليهم نصيب في بعض هيبقيوا لبعض
مهما حصل
​

 

[روزي86]

شكرا ليكى ياقمر
وشكرا على الاهتمام دة كله

العفو يا جميل

ربنا يرشدك للخير يارب

 

[جيلان]

بصى لو الى بيعاكسك ده باين عليه شوارعى ولا شايل مطوة وخطيبك اتعارك واتصاب ولا حاجة هل ده هيفرحك؟
يمكن هو بص لقى الشاب الى بيعاكسك من النوع ده
وممكن هو يكون فعلا من النوع الهادى مش بيحب يتعارك يعنى ده مش دليل على عدم حبه لا
اتناقشو مع بعض فى الموضوع يمكن عنده اسبابه وانا مع روزى وبسم الصليب فى كلامهم جدا انتى الى هتتبهدلى لو حصلت عاركة ولو حصله حاجة ممكن انتى كمان يحصلك حاجة فى الايام السودة الى احنا فيها دى
فمتظلميهوش واتكلمو الاول

 

[tota_patota]

اولا اهلا بيكي بالمنتدى معانا نووووورتي ​

برايي انك لازم تفرحي ان خطيبك مش بيعلي صوته لو شتم ​

وان صوته واطي لما بيخرج معك لانه مش حابب يلفت النظر ليكم​

قصتك فكرتني بقصة وحده صاحبتي ​

هي قصتها العكس تماما الشخص المرتبطه بيه عصبي جدا ولو حد عدا وحس بس انه بيبصلها هيتخانق​

وبالفعل اتخانق كتير بسبب الموضوع ده ​

لكن هل هي كانت سعيده ؟​

طبعا لا لان اللي عندو استعداد يتخانق مع الناس ويلفت النظر ليه وللانسانه اللي معاه​

صدقيني هيكون عنده نفس القدره انه يتخانق معاها ويزعقلها ويفرج عليها الناس لو حب ​

مش هتفرق معاه اي شي ​

ونقطه مهمه خليها في بالك لازم تفرحي انه مبيشتمش ولا بيعلي صوته لان ده معناه لو حصل بينكم سوء فهم مش هتسمعي موشح شتايم بالطول وبالعرض​

وان صوته هيفضل واطي مش هيسمعه لحد ​

اعتقد ان رد فعل خطيبك هو لانه شخص محترم جدا ولانه زي مقالت روزي بيحبك وبيخاف عليكي تتبهدلي​

وصدقيني ان كل ده لصالحك مش العكس ​

اتمنالك السعاده وانك متتسرعيش بقراراتك وتفكري بعقل قبل ما تاخدي اي قرار لانها مسالة عمر بحاله​

يا تقضيه بسلام مع حبيبك ​

يا تسيبيه وتقضيه مع شخص تاني يمكن يعيشك في زعيق وخناق وشتايم بشكل دائم​

وهو الانسان لازم يبقى سلبى تماما علشان يكون محترم او هادى
فى الحالتين سواء اللى بيشتم وبيزعق كتير او اللى خطيبته بتتعاكس قدام عينه البنت عمرها مابتحس بأمان

 

[روزي86]

توتا نورتي المنتدي​

نصيحتي ليكي
كل واحد او واحده في المنتدي
هيقولك رائيه بناء علي تجاربه الشخصيه او اي انطباع جواه
انا رائي اسالي اب اعترافك
هو الوحيد اللي هيقدر يدلك علي الصح
وربنا يدبرلك اللي فيه الخير ​

وفي حاجه انا عايز اقولها
انا صعيدي
وامي كنت بسمعها تقول داما
مرات راجل ميخدهات راجل
بمعني ان الزوجه بتكون مكتوبه للواحد من اول ما يتولد
ولو ليهم نصيب في بعض هيبقيوا لبعض
مهما حصل ​

صح جدا يا عياد اب الاعتراف هيقدر يفيدها اكتر ممنا

بس بردو تسمع وجهات النظر وفي النهاية تفكر مع نفسها عشان تاخد القرار السليم وتبقي ماتسرعتش في الحكم عليه

لانه قرار صعب جدا ومحتاج تفكير طويل جدا

 

[KOKOMAN]

توتا نورتي المنتدي​

نصيحتي ليكي
كل واحد او واحده في المنتدي
هيقولك رائيه بناء علي تجاربه الشخصيه او اي انطباع جواه
انا رائي اسالي اب اعترافك
هو الوحيد اللي هيقدر يدلك علي الصح
وربنا يدبرلك اللي فيه الخير ​

وفي حاجه انا عايز اقولها
انا صعيدي
وامي كنت بسمعها تقول داما
مرات راجل ميخدهات راجل
بمعني ان الزوجه بتكون مكتوبه للواحد من اول ما يتولد
ولو ليهم نصيب في بعض هيبقيوا لبعض
مهما حصل ​

احتراما لاءراء الجميع
رد عياد هو افضل رد
اب الاعتراف هو اللى هيقولك الصح
ماتسمعيش كلام حد وتبوظى حياتك
اسمعى رأى اب اعترافك فقط
​

 

[روزي86]

بصى لو الى بيعاكسك ده باين عليه شوارعى ولا شايل مطوة وخطيبك اتعارك واتصاب ولا حاجة هل ده هيفرحك؟
يمكن هو بص لقى الشاب الى بيعاكسك من النوع ده
وممكن هو يكون فعلا من النوع الهادى مش بيحب يتعارك يعنى ده مش دليل على عدم حبه لا
اتناقشو مع بعض فى الموضوع يمكن عنده اسبابه وانا مع روزى وبسم الصليب فى كلامهم جدا انتى الى هتتبهدلى لو حصلت عاركة ولو حصله حاجة ممكن انتى كمان يحصلك حاجة فى الايام السودة الى احنا فيها دى
فمتظلميهوش واتكلمو الاول

صح يا جيلان

لازم حتي يكون في خوف عليه لانه ممكن يحصله حاجه لو الشخص ده من البلطجية
يعني بردو لازم تخاف عليه وعلي سلامته

 

[tota_patota]

خلاص لو انتي شايفه كده وان الطبع ده مش مريحك خلاص سبيه​

بس خلي بالك لو ارتبطي بشخص عكس ده بردو هتتضايقي من تصرفاته وخناقه المستمر وانه هيزعجك كتير بس لو انتي بتحبي النوعية دي يبقي خلاص ده اختيارك اكيد​

وانتي قولتي انه وعدك انه هيتغير ده دليل علي انه عايز يرضيكي اظن صعب اوي تلاقي حد كده في الزمن ده​

نصيحة مني فكري تاني واديله فرصه ولو فرصه اخيره لانك صعب تحصلي علي فرصه زي دي تاني​

وعشان مش تتعبي وتتعبيه خلاص قالك هيتغير استني وشوفي بنفسك بلاش تحكمي عليه من اول مره عشان مش تظلميه وتظلمي نفسك كمان​

وربنا يرشدك ويكتبلك الخير دايما​

عندك حق
انا فعلا بشوف صاحباتى
وعارفة انه بيحبنى حب كبير خالص
هديله فرصة لكن بردة من جوايا مؤمنة ان الطبع يغلب التطبع

 

[روزي86]

عندك حق
انا فعلا بشوف صاحباتى
وعارفة انه بيحبنى حب كبير خالص
هديله فرصة لكن بردة من جوايا مؤمنة ان الطبع يغلب التطبع

اهم حاجه تديله فرصه وحلو جدا انه وعدك بأنه هيتغير

ومن كلامك انا واثقة انه هيتغير عشانك ولانه محتاجك جانبه زي ما انتي محتاجه وجوده في حياتك

وربنا يسعدك يا قمر

وابقي طمنينا عليكي​

 

[tota_patota]

توتا نورتي المنتدي​

نصيحتي ليكي
كل واحد او واحده في المنتدي
هيقولك رائيه بناء علي تجاربه الشخصيه او اي انطباع جواه
انا رائي اسالي اب اعترافك
هو الوحيد اللي هيقدر يدلك علي الصح
وربنا يدبرلك اللي فيه الخير ​

وفي حاجه انا عايز اقولها
انا صعيدي
وامي كنت بسمعها تقول دايما
مرات راجل ميخدهاش راجل
بمعني ان الزوجه بتكون مكتوبه للواحد من اول ما يتولد
ولو ليهم نصيب في بعض هيبقيوا لبعض
مهما حصل ​

على فكرة انا بردة من الصعيد
وعجبنى ردك جدا
انما بردة الانسان لازم يفكر فى القرار المصيرى
مش يفضل سلبى وبعدين يقول اصله كان نصيب

 

[Dona Nabil]

بصى يا توته هو فعلا احساس صعب ان البنت فجأه تحس بعدم الامان مع الانسان اللى المفروض يحميها ويدافع عنها
وممكن جداااا فى موقف تتهز صورته فى عنيها أو تفقد ثقتها فيه
بس واضح ان خطيبك انسان طيب مش بتاع مشاكل وبيحبك وبيحاول يعبر عن ده على اد ما يقدر
كونه بقى هادى وخجول ده مش يعيبه ابدااا
متخليش الموقف ده يأثر عليكى زياده عن اللزوم واختارى الوقت المناسب وعاتبيه بدون تجريح فى رجولته
يمكن مكانش عاوز يظهر قدامك بمظهر انه عنيف أو يمكن احترم وجودك معاه وخاف تتبهدلى لوالموضوع كبر
الصراحه مفيش احسن منها بينك وبين خطيبك خليكى واضحه فى مشاعرك معاه بس اختارى الوقت والاسلوب اللى تتكلمى فيه معاه
عارفه من سنين كتيره كنت مع اصحابى فى رحله وكان منهم اتنين مخطوبين
واحنا فى البحر فجأه قلب والموج على وكان فى سحب جامد ولولا معظمنا كان بيعرف يعوم كويس كنا غرقنا و انتهينا
نزلوا الحرس بتوع الشاطىء بمراكبهم وكانوا بياخدوا اللى يقدروا عليه مننا وكانت البنت المخطوبه دى ابعدنا وكنا يادوبك شايفنها وفى مركب اخدت خطيبها وطلعته لبره
بعد ما البنت طلعت لبره وانقذوها اعتبرت ان خطيبها اتخلى عنها رغم اننا فهمناها انه محدش وقتها كان له يد فى حاجه ورغم قصة الحب الكبيره اللى كانت بينهم الا ان كل شىء انتهى فى لحظه لسبب مكانش حد يتخيله
بعد سنين من فراقهم حصل ندم لكن كان الاوان فات
نصيحتى ليكى انك تخليكى حريصه على قصتك ومتتسرعيش وتاخدى اى قرار ممكن فى يوم تندمى عليه
صارحيه واسمعيه وافهميه كويس وربنا يوفقك وتوصلى لقرار يريحك نفسياً وميخليكيش فى يوم تندمى