فان كنا ونحن سكارى نسخر من الدنيا
فليست الدنيا إلا أحلام اليقظة وكوابيسها
وتاني نقول تاني طب ليه عايشين
إيه المريح وإحنا فايقين واعيين
إيه الجميل في وشوشنا العكرة
ليه دايماً نحلم بنور بكرة
صاح الديك قولنا يوم جديد
وزى أمبارح ليس في كل فجر عيد
بل مشاكل وشجن وأهات ودموع
وناس بتموت كل يوم م الجوع
طب ليه بنعيشها وإحنا عارفين
شايفين الظلم قدامنا وساكتين
النور بيبكي بدموع من عتمة
والشمس خلاص بقت ضلمة
والقمر قرب يجري ويهرب
من ظلم البشر قرر يهاجر يتغرب
جاب عقد عمل في كوكب تاني
والكفيل قاله المرتب بالأمريكاني
