اعذروني بس انا شفت هالموضوع لما كنت اتصفح بالمنتدى بس ضروري ارد لانه كلام الاخ فؤاد يخلو من المنطقية...
يا اخ فؤاد انت بتلوم الاردن لانه حط السوريين بمخيمات..طيب بالله عليك وين نحطهم ؟؟ هل من المنطقي انه نعطيهم شقق مفروشة ببلاش او نطلع من بيوتنا ونسكنهم محلنا.. طيب كان اولا للحكومة انه تعطي هالبيوت وهالشقق لفقراء الاردن الي مش لاقيين لا بيت ولا مأوى ولا لا...بعدين انت بتقول "سكناهم ببيوتنا وعاشوا معنا" ... هل هذا الكلام منطقي يا ناس او انه تزمير لا اكثر ؟؟ طيب ما انت بتقول انهم مسلحين وارهابيين وما بعرف شو فكيف بدكيانا ندخل اهالي ارهابيين لبيوتنا ويعيشوا معنا ؟؟ الواحد بهالايام مش مأمن لأخوه فكيف لحتى يأمن للغريب ؟؟ واذا بدنا نعمل الي قلت عليه ونسكن حدا ببيوتنا فكان اولى انه نسكن الاردنيين المحتاجين...بعدين السوريين الي بالمفرق فاقوا سكان مدينة المفرق نفسها عندك خبر بهالاشي ؟؟ وحاليا امورهم عم تتحسن والحكومة استبدلت الخيم بكرفانات ووزعت عليهم دفايات ومستلزمات الشتاء وكل اشي وهاد كل الي منقدر عليه..حتى العائلات السورية الي خيمها تأذت من العاصفة اجوا العائلات الاردنية بالمفرق والزعتري خصوصا وآوتهم ببيوتهم... كل اشي بصير بالتدريج مثل مخيمات الفلسطينيين بالاردن مع الزمن سمحت الحكومة انهم يعملوا بيوت اسمنتية ... يعني دخيلك شو كنتوا متوقعين منا ؟ متوقعين انه ييجوا عالاردن فجأة يلاقوا شقق مفروشة مستنيتهم ؟؟ جد جاوبني !! ومن اول ما دخلوا السوريين للاردن دغري عملت الحكومة مدرسة الهم وعيادة طبية مش عارفة شو فينا نعمل اكثر من هيك ؟؟ اي نعم انا معك انه الوضع صعب بس ما بحقلكم ابدا تلوموا الاردن لانه ما قصر مع اللاجئيين في حين انه فقراء الاردن ما حدا مهتم فيهم....
