حوار مفتوح

[tina_tina]

مممممممممممم اذا كان على الحب بس فا فى الغالب انا مابقولش استوب الا لما اكون اتأذيت خااااالص يعنى زى مابيقول كده جبت جاااااااز يعنى اوصل لمرحله انى ادرك الحقيقه والواقع ومينفعش انى اكون لهذا الشخص وبعدين اناع اوزة اقلك نقطه ان كونك تختارى الوقت اللى تقولي فيه استوب اولا ده بيعتمد على طريقه تفكيرك انتى ازاى
يعنى فى بنات فى اول مرحله الحب ولما تبقى الدنيا ورديه قدمها تقول لالالالالا دةمينفعش انا ايه اللى يضمنلى ان القصه تستمر لاياعم خلينى بعيد
وفى ناس تفضل تدخل وتجرب وتيجى على النص وتقول لاء ان اهاتعب قوى لو استمريت يكفينى عناء الحب لحد دلوقتى
وفى ناس تدخل وتعيش الحلم منغير ماتطلب مقابل من اللى بتحبه اصلا بس تلاقيه بيغير معاملته معاها او من تصرفته تقول استوب مينفعش اضيع عمرى ومشاعرى هباء

كلامك رائع يا ديانا
ومفيش تعليق عليه خالص
ويارب حبك ما يروحش هباء خالص بس تلاقى اللى يقدرك ويقدر حبك ده
وهرجع تانى واسال
ايه المشكلة اللى قدامها تقولى لاء مش هكمل رغم وجود الحب بينكم
معلش انا غلسة اوى
وشكرا لمرورك يا جميل
​

 

[ميريت]

تحفه يا تينا الموضوع
امتي تقولي ستوب
انا عن نفسي لو في قصه حب بجد من قلبي مش هقول ستوب عمري
مهما الشخص دا غلط فيا وحتي لو مكنش مقرني دا لو بحبه من قلبي بجد
اكيد هلتمسله اي عزر عشان ابرر موقفه
لكن اوصل واقول ستوب لو حسيت للحظه انه بيتسلي بيا ومش بيحبني
دي الحاجه الوحيده الي تخليني اقول ستوب


بس خدتينا في دوكه كدا ومقلتيش انتي امتي بقا تقولي ستوب

 

[free_adam]

ميرسي ليكي كتير علي الموضوع الجامد دة يا تينا

أنا عن نفسي ممكن أقول ستوب لو حسيت أن أن فيه حد مشدود ليا او متعلق بيا و انا مكونتش ببادله نفس المشاعر ....ممكن انسحب في هدوء علشان ماعلقش حد بيا من غير ما أكون ببادله نفس الأحساس ...... علشان متنجرحش مشاعره بعد كدة

علشان كدة ممكن أقول ستوب من بدري قوي قبل ما المواضيع تكبر.

بردة بقول ستوب لنفسي لو حسيت أني هنساق ورا علاقة عاطفية لمجرد أني عايز ارتبط عاطفيا بحد ...... و دة علشان مكونش بضحك علي نفسي و اعلق حد بيا ممكن مشاعره تنجرح بسببي

 

[tina_tina]

ميرسي ليكي كتير علي الموضوع الجامد دة يا تينا

ميرسى خالص يا فرى ده من زوقك​

أنا اعن نفسي ممكن أقول ستوب لو حسيت أن أن فيه حد مشدود ليا او متعلق بيا و انا مكونتش ببداله نفس المشاعر ....ممكن انسحب في هدوء علشان ماعلقش حد بيا من غير ما أكون ببادله نفس الأحساس ...... علشان متنجرحش مشاعره بعد كدة

علشان كدة ممكن أقول ستوب من بدري قوي قبل ما المواضيع تكبر.

شئ عظيم وهايل واحييك عليه​

بردة بقول ستوب لنفسي لو حسيت أني هنساق ورا علاقة عاطفية لمجرد أني عايز ارتبط عاطفيا بحد ...... و دة علشان مكونش بضحك علي مفسي و اعلق حد بيا ممكن مشاعره تنجرح بسببي

معنى ده انك ممكن تقول استوب علشان انك بتحب الحب
وعايز تعيش حالته مش اكتر
بس يوم ما تلاقى بجد اللى تقدر تسلملها قلبك وكيانك وعقلك
يبقى عمرك ما هتقول استوب خالص
بس الاول تكون فكرت بقلبك وعقلك
ميرسى خالص على مرورك
:smil12: ​

 

[tina_tina]

تحفه يا تينا الموضوع

الله يخليكى​

امتي تقولي ستوب
انا عن نفسي لو في قصه حب بجد من قلبي مش هقول ستوب عمري
مهما الشخص دا غلط فيا وحتي لو مكنش مقرني دا لو بحبه من قلبي بجد
اكيد هلتمسله اي عزر عشان ابرر موقفه

وهل ده صح اعطى مبررات علشان بحبه
اكيد بعد كده مش هقدر ادى اى مبرر
ولا ايه؟​

لكن اوصل واقول ستوب لو حسيت للحظه انه بيتسلي بيا ومش بيحبني
دي الحاجه الوحيده الي تخليني اقول ستوب

اكيد دى مفهاش كلام​

بس خدتينا في دوكه كدا ومقلتيش انتي امتي بقا تقولي ستوب

هقول يا ستى امتى اقول استوب
وشكرا جدا على مرورك
​

 

[romyo]

استاذتى تينا
فيه مواقف فى الحب لازم فيها اقول استوب بأعلى صوت
لما يكون حبى من النوع المستحيل "زى اللى تحب واحد متجوز" او العكس
لما يكون الطرف التانى يستهين بحبى ليه ومش مقدره
لما يستهين بعقلى وافكارى وشخصيتى
لما الحب يكون من محكوم عليه بالاعدام من الاسرتين لعدم التكافؤ
يبقى اكيد لازم اقول استوب
وعلى فكرة انتى تنفعى تقدمى برنامج ينافس العملاق اسامة منير ... وتسميه تينا والنجوم والسلام ختام

 

[free_adam]

معنى ده انك ممكن تقول استوب علشان انك بتحب الحب
وعايز تعيش حالته مش اكتر
بس يوم ما تلاقى بجد اللى تقدر تسلملها قلبك وكيانك وعقلك
يبقى عمرك ما هتقول استوب خالص
بس الاول تكون فكرت بقلبك وعقلك
ميرسى خالص على مرورك
:smil12: ​

الحقيقة أنا فعلا نفسي أحب بجد ..... مش مجرد أني أعمل علاقة عاطفية و خلاص و أبقي مبسوط بيها و أقعد أتباهي قدام صحابي

بس زي مأنتي قولتي ... أنا يوم ما هلاقيها مش هاقول ستوب لأني وقتها هاكون عرفت أن هي دي اللي ربنا بعتهالي

لسة بردة معرفناش أنتي ممكن تقولي ستوب أمتي :smil12:

 

[tina_tina]

استاذتى تينا

ده على اساس انى كنت الميس بتاعتك زمان
عموما شكرا على المجملة دى​

فيه مواقف فى الحب لازم فيها اقول استوب بأعلى صوت
لما يكون حبى من النوع المستحيل "زى اللى تحب واحد متجوز" او العكس

بذمتك فى واحد عاقل ممكن يقول على ده حب ​

لما يكون الطرف التانى يستهين بحبى ليه ومش مقدره
لما يستهين بعقلى وافكارى وشخصيتى
لما الحب يكون من محكوم عليه بالاعدام من الاسرتين لعدم التكافؤ
يبقى اكيد لازم اقول استوب

شئ جميل شكرا للرد
بس انت من الاول ممكن تعرف ده
مش تستنى وتقول بعد كده استوب​

وعلى فكرة انتى تنفعى تقدمى برنامج ينافس العملاق اسامة منير ... وتسميه تينا والنجوم والسلام ختام

لا يا خويا
انا مش محتاجة دة
​

 

[tina_tina]

الحقيقة أنا فعلا نفسي أحب بجد ..... مش مجرد أني أعمل علاقة عاطفية و خلاص و أبقي مبسوط بيها و أقعد أتباهي قدام صحابي

ربنا قادر على كل شئ بس الصبر​

بس زي مأنتي قولتي ... أنا يوم ما هلاقيها مش هاقول ستوب لأني وقتها هاكون عرفت أن هي دي اللي ربنا بعتهالي

ربنا يبعت​

لسة بردة معرفناش أنتي ممكن تقولي ستوب أمتي :smil12:

هقول
بس شوية كده
انا ورايا ايه
​

 

[tina_tina]

هاى ليكم كلكم
الاول احب ان اهدى كل شكرى لك واحد وواحدة رد على سؤالى
وانا كمان دلوقتى امتى اقول استوب
بس قبل ما اقول احب اسالكم سؤال
ليه اقول استوب ؟
وايه الداعى ان اعمل كده
اذا
قبل ما اخطو خطوة الارتباط كنت حطة ربنا الاول واخيرا قدامى
ومقتنعة تماما بالشخصية اللى قدامى اللى استنتها طول حياتى علشان اكمل معاها
ممكن فى ناس هتعترض على كلامى ده
بس هى انا
انا من الناس اللى بقدر اتحكم فى مشاعرى كويس اوى واعرفامتى اقول على الانسان ده اه او لاء
وغير ان اعرف اتحكم بنفسى انى مش عاوزة استعجل فى حاجة خالص
ليه استعجل فى حاجة لسه مجاش وقتها ما اسبها لغاية ما تيجى لوحدها
عارفة انه الحب بيجى فجأة وبدون اى مقدمات
بس انا بأيدى احكم اذا ده هو اللى فعلا مستنياه ولا ده عبارة عن شوية مشاعر وبس
الحب يا جماعة مسئوليه كبيرة اوى
فبلاش استعجال علشان منقولش كلمة ياريت
او نقول انا خلاص كرهت الحب
او ايه بس اللى خلانى اعمل كده كان فين عقلى
ياجماعة ربنا محرمناش من حاجة \ادانا عقل واداناقلب
واحنا بقى علينا الباقى
لنسعد قلبنا للابد او نحكم عليه بالاعدام
وعلشان كده انا مش مستعجلة خالص على الحب
علشان ما يجيش اليوم اللى اقول فيه استوب​

 

[free_adam]

ههههههههههههههه أيه يا تينا ....بقي بعد ما خليتي المنتدي كله يقول stop.....stop........stop
تيجي أنتي تقولي انا مش هاقول stop

بصي .... فيه مواقف ممكن تحصل تخلي الواحد يقول ستوب و دة بيكون افضل من أنه يستمر في حاجة هوة مش عايزها

و مش معني كدة أن اللي يقول ستوب يبقي مش عرف يختار من الأول أو عدم شعور منه بأهمية الحب..... ولا أيه رأيك ؟ ؟ ؟

 

[tina_tina]

ههههههههههههههه أيه يا تينا ....بقي بعد ما خليتي المنتدي كله يقول stop.....stop........stop
تيجي أنتي تقولي انا مش هاقول stop

طيب قول يارب مقولش استوب بعد العمر ده كلة وانا قاعدة مستنية
​

بصي .... فيه مواقف ممكن تحصل تخلي الواحد يقول ستوب و دة بيكون افضل من أنه يستمر في حاجة هوة مش عايزها

لو مش عاوزها مكنش رضى بده من الاول
بس فى الاول بيقول ايه الحب بيعمل المستحيل
ويجى بعد كده يلاقى الحقيقة غير كده
طيب ليه انا بقى استنى يحصلى كده
شغل عقلك هترتاح ​

و مش معني كدة أن اللي يقول ستوب يبقي مش عرف يختار من الأول أو عدم شعور منه بأهمية الحب..... ولا أيه رأيك ؟ ؟ ؟

انا مقولتش كده
بس بصراحة الواحد او اى انسان ما بيصدق اى لحظة يحس بيها انه بيحب ويتحب
فمش بيفكر ايه اللى بعد كده
وبعد شوية بيحسبها
طيب ما احسبها من الاول علشان متعبش بعد كده
ولا ايه رايك؟
وشكرا جدا لاهتمامك والرد على الموضوع
​

 

[girl_in_jesus]

سورى يا تينا هى متأخره اوى

بس انا عن نفسي مش هرتبط بواحد مكونش واثقه من حبنا لبعض

لكن ساعات الحب بيقل من طرف وبيبتدى الموضوع يبقي عادى بالنسبه ليا ساعتها اقول استوب ونص

لأنه مش حب بجد يمكن من ناحيتى بجد لكن من ناحيته لا يبقي اكمل ليه

وزى مانتى قولتى لو حسبوها صح من الاول محدش هيقول استوب ولا هيفكر فيها اساسا

مرسيي ليكى يا تينا موضوع حلو​

 

[ميرنا]

تينا انا مع ميريت صعب اللى يحب يقول استوب نهائى اكيد هلتمسله اعزار مش عزر ومفيش سبب يخلينى اقول استوب لانى مش لعبه ولا حكايه ابتديتها وبقول يصابت يخابت ده حب يعنى مشاعر عاليه جداا انى اى حد يقول عليها استوب او عهد يعنى حاجه مش بسيطه ولو جه يوم وقلت استوب يبقى عيب منى ​

 

[tina_tina]

سورى يا تينا هى متأخره اوى ​

بس انا عن نفسي مش هرتبط بواحد مكونش واثقه من حبنا لبعض​

لكن ساعات الحب بيقل من طرف وبيبتدى الموضوع يبقي عادى بالنسبه ليا ساعتها اقول استوب ونص​

لأنه مش حب بجد يمكن من ناحيتى بجد لكن من ناحيته لا يبقي اكمل ليه​

وزى مانتى قولتى لو حسبوها صح من الاول محدش هيقول استوب ولا هيفكر فيها اساسا​

مرسيي ليكى يا تينا موضوع حلو​

ميرسى خالص يا بسمة
رايك تمام ولا تعليق عليه
لانى موافقة علية وهو ليه اقول استوب مدام كنت حسباها من الاول
وانا عن نفسى مش مغرور ولكن ثقة كبيرة فى ربنا انه عمرة ما هيخزلنى ابدا وهيدينى اللى انا عاوزاه مدام مراععية ربنا وضميرى وبستخدم عقلى اللى خلقهولى
يارب
محدش يقول استوب
ولكن نقول
مفيش احلى من الحب

 

[tina_tina]

تينا انا مع ميريت صعب اللى يحب يقول استوب نهائى اكيد هلتمسله اعزار مش عزر ومفيش سبب يخلينى اقول استوب لانى مش لعبه ولا حكايه ابتديتها وبقول يصابت يخابت ده حب يعنى مشاعر عاليه جداا انى اى حد يقول عليها استوب او عهد يعنى حاجه مش بسيطه ولو جه يوم وقلت استوب يبقى عيب منى ​

بصى يا ميرنا
احنا بنحب علشان نعمل بيت واسرة مستقرة
وقولت هعزر على طول ده ميفتحش بيت مستقر
ممكن تقولى ميت مرة معلش
بس مش هتقدرى تكملى وتدى اعزار
وربنا ما يجيش اليوم اللى تقولى استوب فيه ابدا

 

[ميرنا]

بصى يا ميرنا
احنا بنحب علشان نعمل بيت واسرة مستقرة
وقولت هعزر على طول ده ميفتحش بيت مستقر
ممكن تقولى ميت مرة معلش
بس مش هتقدرى تكملى وتدى اعزار
وربنا ما يجيش اليوم اللى تقولى استوب فيه ابدا

اوك كلامك سليم بس بردو لو قلت استوب هيبقى عيب منى سوء اختيار منى​

 

[ميريت]

امتي تقولي ستوب
انا عن نفسي لو في قصه حب بجد من قلبي مش هقول ستوب عمري
مهما الشخص دا غلط فيا وحتي لو مكنش مقدرني دا لو بحبه من قلبي بجد
اكيد هلتمسله اي عزر عشان ابرر موقفه

وهل ده صح اعطى مبررات علشان بحبه
اكيد بعد كده مش هقدر ادى اى مبرر
ولا ايه؟​

لا يا تينا مش صح
بس الي بيحب بيبقا اضعف مخلوق في الدنيا دي كلها مهما كان جبار
بيبقا اضعف انسان قدام حبيبه مهما جرح فيه مش بيحس بجرح
كل دا عشان حبيبه
ومفيش علاقه حب متكامله لازم طرف اضعف من التاني
مينفعش يكون الاتنين ضعفا او الاتنين اقويا
لازم يكون واحد قوي وواحد ضعيف عشان العلاقه تستمر

 

[ميريت]

بصى يا ميرنا
احنا بنحب علشان نعمل بيت واسرة مستقرة
وقولت هعزر على طول ده ميفتحش بيت مستقر
ممكن تقولى ميت مرة معلش
بس مش هتقدرى تكملى وتدى اعزار
وربنا ما يجيش اليوم اللى تقولى استوب فيه ابدا

بصي يا تينا
طول مانتي بتشغلي عقلك يبقا مش بتحبي
لكن لو وصلتي لمرحله انك تلغي عقلك هنا هقولك بتحبي
لكن طول ما العقل شغال يبقا قلبك مدقش ومشاعرك متحركتش
وحتي لو كانت اتحركت يبقا مرحله اعجاب مش حب
لكن لو حب يبقا العقل هيقف عن التفكير

 

[tina_tina]

اوك كلامك سليم بس بردو لو قلت استوب هيبقى عيب منى سوء اختيار منى​

ممكن نقول تسرع مننا
استعجال للحب ​